کراچی : جناح ایئرپورٹ کراچی سے فرار ہونے کی کوشش کے دوران گرفتار ہونے والے سیاسی جماعت کے فرنٹ مین محمد علی شیخ نے دوران تفتیش اہم انکشافات کئے ہیں۔
ذرائع کے مطابق محمد علی شیخ نے دوران تفتیش بتایا ہے کہ ہزاروں ایکڑ سرکاری زمین کوڑیوں کے دام خریدیں گئیں،جبکہ زمینوں پر قبضے کیلئے بھی سیاسی شخصیات اپنی طاقت استعمال کرتی ہیں۔
ذرائع کے مطابق محمد علی شیخ نے پورے گروپ سے متعلق تفصیلات بتادی ہیں جو سرکاری اختیارات کا ناجائز استعمال کرتے ہیں، اورسرکاری محکموں سے کروڑوں روپے ماہانہ فنڈز کون کون لیتا تھا۔
تفتیش میں نام بتادیے ہیں، گریڈ 21 سے لے کر 16 تک کے افسران کرپشن میں ملوث ہیں، اور مختلف محکموں میں بھاری رشوت لے کر تعیناتی بھی کروائی جاتی تھیں۔
ذرائع کے مطابق محمد علی شیخ نے تفتیش کے دوران بتایا کہ سیاسی جماعت کی اہم شخصیت کے ساتھ مل کر انہوں نے محکمہ پولیس میں ڈی آئی جی سے لیکر ایس ایچ او رینک کے افسران کی تعیناتیاں کرائیں اور یہ افسران زمینوں پر قبضوں میں مدد کرتے تھے۔
جبکہ ایرانی تیل کی اسمگلنگ سمیت آرگنائیز کرائم بھی کروایا کرتے تھے جس سے بھاری رقم وصول ہوتی تھی اور پولیس افسران کو باقاعدہ حصہ دیتے تھے ۔ محمد علی شیخ سے تفتیش کا سلسلہ جاری ہے۔
