آج پہلی افطاری میں اپنے گھر والوں اور احباب کی تواضع دوسرے لذیذ اور ذائقہ دار پکوانوں کے ساتھ گرما گرم اور لذیذ میکرونی چاٹ سے کریں۔

پکوڑوں کی طرح چنا چاٹ کو بھی افطار کا اہم ترین حصہ کہا جائے تو غلط نہ ہوگا۔ افطاری میں چٹ پٹے چھولوں اور فروٹ چاٹ کھانا تو عام معمول ہے۔

آج ہم آپ کو مزیدار اسپائسی میکرونی چاٹ بنانے کی ترکیب بتا رہے ہیں جسے کھانے کے بعد اسے بار بار کھانے کا دل کرے گا۔

اجزاء

میکرونی: 1 کپ

آلو: 2 عدد

ٹماٹر: 2 عدد

پیاز: 1 عدد

نمک: حسب ذائقہ

چلی سوس: 2 چائے کے چمچے

چاٹ مصالحہ: 1 چائے کا چمچ

ہرا دھنیہ: تھوڑا سا

ترکیب

میکرونی کو اچھی طرح ابال کر چھان لیں۔ آلو ابال کر چوکور کاٹ لیں۔ پیاز اور ٹماٹر چوپ کر لیں۔ ایک پیالے میں میکرونی، پیاز، آلو، ٹماٹر اور نمک ڈال کر مکس کر دیں۔

اب چلی سوس اور چاٹ مصالحہ ڈال کر اچھی طرح مکس کریں۔ ہرا دھنیہ باریک کاٹ کر ڈال دیں۔ مزیدار اسپائسی میکرونی چاٹ تیار ہے۔

اب مزیدار چکن میکرونی چاٹ کو ہری چٹنی اور املی کی چٹنی شامل کرکے افطار کے دسترخوان پر سجا دیں۔