کراچی : چڑیا گھرکی بیماری ہتھنی نورجہاں کی موت کے بعد وہاں موجود صحت مند ہتھنی مدھو بالا کی صحت کے حوالے سے تشویش کا اظہار کیا گیا تھا جسے ڈائریکٹر زو نے مسترد کردیا۔
اس حوالے سے ڈائریکٹر چڑیا گھر کنور ایوب نے بتایا ہے کہ ہتھنی مدھو بالا مکمل طور پر صحت مند ہے، چڑیا گھر میں دوسری ہتھنی کے احتیاطی طور پر بلڈ سیمپل لیے جاچکے ہیں۔
ان کا کہنا ہے کہ ہتھنی مدھو بالا کی میڈیکل رپورٹس آنے پر ہی مزید حقائق سامنے آسکیں گے، گزشتہ دنوں مرنے والی ہتھنی نورجہاں کی پوسٹ مارٹم رپورٹ میں مدھوبالا کے میڈیکل ٹیسٹ کی تجویز کی گئی تھی۔
کنور ایوب کے مطابق پوسٹ مارٹم رپورٹ میں ہتھنی نورجہاں کی موت بلڈ پیراسائٹ نامی بیماری سے ہوئی، ہتھنی نورجہاں موت سے پہلے ہیموٹوما اور دیگر امراض کا بھی شکار تھی۔
پوسٹ مارٹم رپورٹ میں بتایا گیا ہے کہ بلڈ پیراسائٹ خاص قسم کی مکھی کے کاٹنے سے ہوتا ہے، نورجہاں کا پوسٹ مارٹم فورپاز کی ٹیم کے سربراہ ڈاکٹرعامرخلیل کی نگرانی میں کیا گیا تھا۔
ممبئی: ہندوستانی فلموں کی لازوال اداکارہ اور حسن کی ملکہ مدھو بالا کی بڑی بہن کو نیوزی لینڈ سے ممبئی تک کسمپرسی کی حالت میں تنہا سفر کرنا پڑا، جس پر ان کی بیٹی نے شدید احتجاج کیا، اور وزیر اعظم جیسنڈا آرڈرن کو خط لکھ دیا ہے۔
غیر ملکی میڈیا رپورٹس کے مطابق ماضی کی سپر اسٹار مدھو بالا کی بڑی بہن 96 سالہ کنیز بلسارا کو نیوزی لینڈ میں ان کی بہو نے گھر سے نکالا، اور وہ 29 جنوری کو بغیر کسی مدد اور پیسوں کے آکلینڈ سے ممبئی پہنچیں، ان کی بیٹی پرویز سومجی کا کہنا ہے کہ ان کی والدہ سترہ اٹھارہ سال قبل نیوزی لینڈ اپنے بیٹے اور بہو کے پاس رہنے گئی تھیں، لیکن ان کی بہو کا رویہ ان کے ساتھ ٹھیک نہیں تھا۔
کنیز بلسارا جب ممبئی ایئرپورٹ پہنچیں تو ان کی حالت زار دیکھ کر ان کی بیٹی پرویز نے جیسنڈا آرڈرن کو خط لکھنے کا فیصلہ کیا، انھوں نے خط لکھنے کی تصدیق کرتے ہوئے کہا کہ یہ سچ ہے میں نے اس سلسلے میں نیوزی لینڈ کی وزیر اعظم کو ایک خط لکھا ہے لیکن میں اس کی وضاحت نہیں کرنا چاہتی۔
پرویز نے جیسنڈا آرڈرن کو لکھے گئے خط میں نیوزی لینڈ میں والدہ کے ساتھ غیر انسانی رویے کی تفصیلات بتائی ہیں۔
پرویز کے مطابق انھوں نے اپنی بھابھی ثمینہ سے فون پر والدہ کے فنڈز سے متعلق استفسار بھی کیا لیکن انھوں نے لاعلمی کا اظہار کیا، پرویز کے مطابق بھابھی نے ان کی والدہ کے پیسے اور زیورات قبضہ کر لیے ہیں۔
پرویز نے والدہ کو گھر سے نکالنے والی بہو اور ایئر پورٹ انتظامیہ پر تنقید کرتے ہوئے کہا کہ آخر کس طرح ایئر پورٹ انتظامیہ کووِڈ کے دنوں میں کسی بزرگ خاتون کو بغیر کسی کو ساتھ لائے فلائٹ میں بٹھانے پر رضامند ہوگئی۔
یاد رہے کہ ماضی کی سپر اسٹار مدھو بالا کا اصل نام ممتاز جہاں بیگم دہلوی تھا، اور وہ 11 بہن بھائیوں میں پانچویں نمبر پر تھیں، انھیں 36 سال کی عمر میں 1969 میں دل کا جان لیوا دورہ پڑا تھا۔
ممبئی : ماضی کی انتہائی خوبصورت اور مشہور فلمی اداکارہ مدھو بالا کا آج چوراسی واں جنم دن ہے،خوب صورت مسکان والی ہیروئن مدھو بالا کا شمار ہندی فلموں کی سب سے بااثر شخصیات میں کیا جاتا ہے۔ وہ محض چھتیس سال کی عمر میں اس دار فانی سے کوچ کرگئیں تھیں۔
انہوں نے چالیس اور پچاس کی دہائی میں اپنے فن اداکاری سے مداحوں کے دل میں گھر کرلیا تھا، چودہ فروری (ویلنٹائن ڈے) جو دنیا بھر میں محبت کرنے والوں کے لئے بہت خاص دن ہوتا ہے، دل چسپ اتفاق ہی ہے کہ بولی وڈ کی فلموں میں لازوال رومانوی کردار ادا کر کے امر ہوجانے والی مدھو بالا کا یوم پیدائش بھی 14 فروری 1933 ہے۔
مدھو بالا کا اصل نام ممتاز جہاں بیگم تھا، انہوں نے سال 1942 میں صرف نو سال کی فلم بسنت سے اپنے فلمی کیریئر کا آغازکیا تھا، اس وقت کی مشہور فلم ساز دیویکا رانی نے انہیں مدھو بالا کا فلمی نام دیا، سال 1947 میں مدھو بالا نے فلم نیل کمل میں راج کپور کے مقابلے میں مرکزی کردار ادا کیا تھا۔
فلم محل سے شہرت اور ناموری کا جو سفر مدھو بالا نے شروع کیا، اس کا عروج تھا، شہرہ آفاق فلم مغل اعظم جس کے بعد مدھو بالا صرف اداکارہ نہیں رہیں بلکہ سینما کی تاریخ میں لیجنڈ کی حیثیت اختیار کر گئیں، اپنی مختصر زندگی میں مدھو بالا نے چوبیس فلموں میں کام کیا جن میں سے زیادہ تر سپر ہٹ رہیں لیکن دلیپ کمار کے ساتھ مدھو بالاکی جوڑی کو دیکھنے والوں نے بہت پسند کیا۔
ان پر فلمایا گیا فلم ’’مغل اعظم‘‘ کا ایک بہت خوبصورت گیت قارئین کی نذر
ان کی مشہور فلموں میں پرائی آگ، لال دوپٹہ، امرپریم، سنگار،نیکی اوربدی، دو استاد، چلتی کا نام گاڑی اور مسٹر اینڈ مسز 55 قابلِ ذکر ہیں۔ حسن و عشق کی دیوی مدھو بالا کا دلیپ کمار سے زبردست رومانس چلا وہ شادی بھی دلیپ کمار سے ہی کرنا چاہتی تھیں ﻣﮕﺮﺍﯾﺴﺎ ﻣﻤﮑﻦ ﻧﮧ ﮨﻮﺳﮑﺎ تاہم ان کی شادی اس وقت کے نامور گلوکار کشور کمار سے ہوئی۔
یہ ورسٹائل اداکارہ صرف 36 سال کی عمر میں 23 فروری 1969 کو عارضہ قلب میں مبتلا ہوکر اس دنیا سے رخصت ہوگئی لیکن اپنے کام سے ہمیشہ کے لئے امر ہو گئی۔
