واشنگٹن: ڈونلڈ ٹرمپ کوصدر بننےکےاگلےروزہی خواتین کےغصےکاسامنا پڑ رہا ہے ‘معروف اداکاراؤں سمیت امریکی خواتین اپنے ہی صدر کے خلاف سڑکوں پر آگئیں۔
تفصیلات کے مطابق ڈونلڈ ٹرمپ کے خلاف منعقدہ احتجاج میں اداکارہ اسکارلیٹ جانسن اور گلوکارہ میڈوناشریک ہوئیں۔ بی بی سی کاکہناہے کہ واشنگٹن میں ٹرمپ مخالف مارچ کےلیےدولاکھ خواتین جمع ہورہی ہیں۔
ڈونلڈ ٹرمپ کے حلف اٹھانے کے دوسرے ہی روز واشنگٹن میں ہزاروں خواتین ٹرمپ کے خلاف سڑکوں پرآگئیں۔ خواتین نےصنف نازک کے حوالے سے بیانات اور پالیسیوں کو شدید تنقید کا نشانہ بنایا۔
احتجاج میں شریک خواتین کا کہنا تھا کہ مارچ کامقصد خواتین کے حقوق کو اجاگر کرنا ہے ۔ خواتین نے ٹرمپ کے خلاف مظاہر ےکو ’دی گیدرنگ فار جسٹس‘ کا نام دیا ۔ ریلی میں شریک خواتین نے ناچ اور گا کر بھی اپنے جذبات کا اظہار کیا ۔
مظاہرین کی اکثریت نے گلابی کیپس پہن رکھی تھیں اور بینرز اٹھا رکھے تھے جن پر ٹرمپ کے خلاف نعرے درج تھے۔۔ بی بی سی کے مطابق امریکہ کے صدر ڈونلڈ ٹرمپ کے خلاف عنقریب واشنگٹن میں خواتین مارچ کے لیے دو لاکھ مظاہرین جمع ہو رہے ہیں۔
