میڈرڈ : عالمی نمبر ایک اسپین کے رافیل نڈال نے ٹینس میں مسلسل پچاس سیٹس میں ناقابل شکست رہنے کا نیا ریکارڈ بنادیا، رافیل نڈال میڈرڈ اوپن کےکوارٹر فائنل میں پہنچ گئے۔
تفصیلات کے مطابق میڈرڈ میں جاری ٹینس ٹورنامنٹ میں عالمی نمبر ایک اسپین کے رافیل نڈال نے مسلسل پچاس سیٹس جیتنے کا نیا ریکارڈ بنادیا ہے، اسپینش کھلاڑی نے امریکہ کے لیجنڈ کھلاڑی جان میکونری کو ریکارڈ سے محروم کردیا۔
اسپین میں جاری میڈرڈ اوپن ٹینس ٹورنامنٹ میں رافیل نڈال نے ارجنٹینا کے کھلاڑی کو اسٹریٹ سیٹس میں شکست دیتے ہوئے تاریخ رقم کی، میزبان ملک کے عالمی نمبر ایک رافیل نڈال نے ارجنٹائن کے حریف کو ہرا کر کوارٹر فائنل میں جگہ بنا لی۔
