ممبئی : بھارتی کرکٹ ٹیم کے سابق کھلاڑی گوتم گمبھیر سابق کپتان مہندر سنگھ دھونی کی تعریف پر برہم ہوگئے، کرکٹ ویب سائٹ پر تاریخی چھکے کے ذکر پر جوابی ٹوئٹ کیا کہ ورلڈ کپ2011پوری ٹیم کے تعاون سے جیتا گیا تھا۔
تفصیلات کے مطابقکرکٹ ویب سائٹ ای ایس پی این نے گزشتہ روز ایک ٹویٹر پیغام میں کہا تھا کہ آج ہی کے دن ایک زور دار شاٹ نے بھارت کے لوگوں کو جشن منانے کا موقع فراہم کیا تھا۔
اس ٹئوٹ کے جواب میں گوتم گمبھیر نے تلخ انداز میں ٹوئٹ کرکے کہا کہ آپ کو یاد دلا دوں کہ 2011 ورلڈ کپ کا خطاب ہندوستان، ہندوستانی ٹیم اور مددگار عملہ نے مل کر جیتا تھا۔ وقت آ گیا ہے کہ آپ ایک چھکے سے اپنا لگاؤ کم کرلیں۔
Just a reminder @ESPNcricinfo: #worldcup2011 was won by entire India, entire Indian team & all support staff. High time you hit your obsession for a SIX. pic.twitter.com/WPRPQdfJrV
— Gautam Gambhir (@GautamGambhir) April 2, 2020
یاد رہے کہ بھارت نے نو سال قبل آج ہی کے دن ممبئی میں ہونے والے ورلڈ کپ کے فائنل میچ میں سری لنکا کو شکست دے کر28 سال ورلڈ کپ کا ٹائٹل جیتا تھا۔
اس میچ میں مہندر سنگھ دھونی نے نوان کلاشیکھرا کی گیند پرہیلی کاپٹر چھکا لگا کر ہندوستان کو فتح دلائی تھی اور اس تاریخی فاتح چھکے کو آج بھی یاد کیا جاتا ہے۔
