ARYNews.tv | Urdu – Har Lamha Bakhabar

Tag: Mahira

  • نوجوان جبران کا سفاکانہ قتل ، ماہرہ خان نے بڑا مطالبہ کردیا

    نوجوان جبران کا سفاکانہ قتل ، ماہرہ خان نے بڑا مطالبہ کردیا

    کراچی : معروف اداکارہ ماہرہ خان نے مقتول نوجوان جبران کے حق میں آواز اٹھا دی اور حکومت سے مطالبہ کیا کہ جبران کو انصاف دلوا کر مثال قائم کی جائے۔

    تفصیلات کے مطابق کوئٹہ میں ہجوم کے ہاتھوں نوجوان کے قتل کے واقعے پر اداکارہ ماہرہ خان مقتول نوجوان جبران کے حق میں میدان میں آگئی، سماجی رابطے کی ویب سائٹ ٹوئٹر پر اپنے پیغام میں لکھا کہ جبران کو انصاف دلوا کر مثال قائم کی جائے، جو لوگ سمجھتے ہیں وہ کچھ بھی کرکےفرار ہوسکتے ہیں،ان کونہ جانے دیں، کتنی آنکھیں سوئیں گی، کتنے چہرے مر جائیں گے؟ ہر سوال کا جواب احتساب ،بس احتساب۔

    اداکارہ نے اپنی پوسٹ میں ’جسٹس فار جبران‘ ہیش ٹیگ لکھتے ہوئے وزیر اعظم عمران خان اور شیریں مزاری کو ٹیگ کیا ہے۔

    یاد رہے کہ چند روز قبل کوئٹہ میں دوست نے معمولی تنازع پر اپنے دوست محمد جبران خان کو خنجر کے وار کر کے اس کی جان لے لی اوراس کے بعد فرار ہوگیا۔

  • ماہرہ خان فیس بک اور گوگل کے دفاتر کا دورہ کرنے والی پہلی پاکستانی اداکارہ

    ماہرہ خان فیس بک اور گوگل کے دفاتر کا دورہ کرنے والی پہلی پاکستانی اداکارہ

    کیلی فورنیا: اداکارہ ماہرہ خان پاکستانی شوبز انڈسٹری کی وہ شخصیت بن گئیں جنہوں نے انٹرنیٹ کی سب سے بڑی کمپنی گوگل اور فیس بک کے مرکزی دفاتر کا دورہ کرنے کا اعزاز حاصل کیا۔

    تفصیلات کے مطابق پاکستانی اداکارہ ماہرہ کا شمار اُن شخصیات میں ہوتا ہے جو بین الاقوامی سطح پر پاکستان کی نمائندگی کرتے ہوئے ملک کا مثبت چہرہ سامنے لارہی ہیں۔

    دو روز قبل شوکت خانم کی جانب سے سفیر مقرر کی جانے والی ماہرہ اسپتال کی فنڈ ریزنگ کے لیے لاس اینجلس پہنچی۔ انہوں نے سماجی رابطے کی ویب سائٹ انسٹاگرام پر عمران خان کے دستخط شدہ بلے کی تصویر بھی شیئر کی جسے پروگرام میں بولی کے لیے پیش کیا گیا۔

    ماہرہ کا کہنا تھا کہ وہ بیڈ فروخت کرکے اس سے حاصل ہونے والی رقم شوکت خانم میں عطیہ کریں گی۔

    امریکا میں موجود پاکستانی اداکارہ نے گزشتہ روز گوگل اور فیس بک کے مرکزی دفاتر کا دورہ کیا۔

    مزید پڑھیں: شوکت خانم فنڈ ریزنگ، ماہرہ عمران خان کا دستخط شدہ بلا اٹھائے میدان میں‌ آگئیں

    ماہرہ نے شوکت خانم اسپتال کے سفیر کی حیثیت سے سماجی رابطے کی سب سے بڑی ویب سائٹ فیس بک کے ہیڈ آفس کا دورہ کیا۔ انہوں نے اپنی تصویر انسٹاگرام پر شیئر کی اور لکھا کہ ’شوکت خانم اسپتال نے فیس بک اور گوگل کا شکریہ ادا کیا کیونکہ یہ دونوں ادارے کافی عرصے سے لوگوں میں شعور و آگاہی بیدار کررہے ہیں‘۔

    پاکستانی اداکارہ نے امید ظاہر کی یہ دونوں کمپنیوں کی طرف سے یہ سلسلہ آئندہ بھی جاری رہے گا۔ بعد ازاں ماہرہ خان نے گوگل کے مرکزی دفتر کا دورہ کیا جہاں اُن کا کمپنی کی جانب سے انٹرویو بھی کیا گیا۔

    گوگل اور فیس بک ہیڈ کوارٹرز کے دورے کے دوران بنائی گئی تصاویر ماہرہ نے سماجی رابطے کی ویب سائٹ پر شیئر کیں جنہیں مداحوں نے بہت پسند کیا۔

    ماہرہ خان نے تصاویر شیئر کرتے ہوئے اعتراف بھی کیا کہ ’مجھے ٹیکنالوجی کے شعبے سے متعلق زیادہ معلومات نہیں اور نہ اس حوالے سے زیادہ جاننے کی دلچسپی ہے، مگر گوگل اور فیس بک کے مرکزی دفاتر کا دورہ کرکے اچھا محسوس ہوا‘۔

    یاد رہے کہ پاکستان کی شوبز انڈسٹری سے کسی بھی شخصیت نے گوگل اور فیس بک کے مرکزی دفاتر کا دورہ نہیں کیا، ماہرہ خان وہ واحد اداکارہ ہیں جنہیں یہ اعزاز حاصل ہوا۔

    ماہرہ خان نے فیس بک دفتر میں بات چیت کرتے ہوئے شوکت خانم اسپتال کی طرف سے مریضوں کو دی جانے والی سہولیات اور اس کے قیام کے اغراض و مقاصد بھی بتائے۔

     یاد رہے کہ شوکت خانم اسپتال دنیا بھر میں مقیم بالخصوص پاکستانیوں کے تعاون سے چلتا ہے، وزارتِ عظمیٰ کا منصب سنبھالنے سے قبل عمران خان دنیا بھر میں فنڈریزنگ کرتے تھے۔

    ماہرہ خان کی انسٹا گرام پوسٹ

    گوگل ہیڈ آفس کا دورہ

    فیس بک کے مرکزی دفتر کا دورہ

  • ماہرہ خان کی ’مونچھوں‘ والی تصویر وائرل

    ماہرہ خان کی ’مونچھوں‘ والی تصویر وائرل

    کراچی: شوبز انڈسٹری سے تعلق رکھنے والی شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس کافی متحرک نظر آتی ہیں۔

    سوشل میڈیا پر موجود شوبز شخصیات اپنی تصاویر شیئر کرتی ہیں جن کا مقصد مداحوں کے ساتھ وقتاً فوقتاً رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔

    سوشل میڈیا صارفین اور خصو صاً مداح تصاویر اور ویڈیوز  کو نہ صرف پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔

    آج ہم بات کررہے ہیں پاکستانی فلم اور ڈرامہ انڈسٹری کے ساتھ بالی ووڈ میں اپنی صلاحیتوں کا لوہا منوانے والی اداکارہ ماہرہ خان کی جنہوں نے گزشتہ دنوں سماجی رابطے کی ویب سائٹ انسٹا گرام پر ایک تصویر شیئر کی جس میں انہوں نے مونچھیں لگائی ہوئی تھیں۔

    دیکھیں: یہ کون سی معروف پاکستانی اداکارہ ہیں؟ تصویر وائرل

    ماہرہ نے یہ تصویر اپنی دوست امارہ کی سالگرہ کے موقع پر ان ہی کے ساتھ بنوائی اور انہیں انوکھے انداز میں مبارک باد پیش کی۔

    انسٹاگرام پر تصویر کے ساتھ ماہرہ نے لکھا کہ ’آج میرے جگر گوشے کی سالگرہ ہے، میں ویڈیو شیئر کرنے جارہی تھی مگر وہ بہت شرمندہ کردینے والی تھی اس لیے بس تصویر شیئر کی‘۔

    واضح رہے کہ ماہرہ خان نے شوبز کیریئر کا آغاز 2011 سے بطور معاون اداکار کیا جس کے بعد انہیں فواد خان کے ساتھ ڈرامے میں کام کرنا کا موقع ملا یہی ان کی خوش قسمتی کا باعث بھی بننا۔

    ڈرامے میں کام کرنے والے پاکستانی اداکاروں نے اپنی اداکاری کی صلاحیتوں کو نہ صرف ملک میں منوایا بلکہ بالی ووڈ ہدایت کار بھی انہیں اپنی فلموں میں کام دینے پر راضی ہوئے جس کے بعد فواد اور ماہرہ نے بالی ووڈ انڈسٹری میں بھی قدم رکھا۔

    یہ بھی دیکھیں: ماہرہ خان کا شادی میں ہلا گلا، ڈانس کی ویڈیو وائرل

    ماہرہ خان کی گزشتہ برس بھارتی اداکار کے ہمراہ نازیبا تصاویر بھی سامنے آئیں جس کے بعد انہیں ہر طرف سے شدید تنقید کا نشانہ بنایا گیا، اداکارہ نے خصوصا پاکستانیوں اور دنیا بھر میں بسنے والے مداحوں سے معذرت بھی کی۔

    خیال رہے کہ گزشتہ برس پاکستانی اداکارہ ایشیا کی پرکشش خواتین کی فہرست میں جگہ بنانے میں کامیاب ہوئیں تھیں، انہوں نے 4 درجے ترقی کے بعد پانچویں پوزیشن حاصل کی۔

    یہ بھی یاد رہے کہ ماہرہ خان نے گزشتہ برس فلم ’رئیس‘ سے اپنے بالی ووڈ کے سفر کا آغاز کیا، اس فلم میں انہوں کنگ خان کے ساتھ مرکزی کردار ادا کیا، پاک بھارت کشیدگی کے باعث ماہرہ اپنی شوٹنگ مکمل کر کے جلد وطن لوٹیں اور پرموشن کے وقت بھی ٹیم کا حصہ بھی نہ بن سکیں تھیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ریحام کتاب: جمائما نے سب کے لیے خوبصورت مثال قائم کی، ماہرہ خان

    ریحام کتاب: جمائما نے سب کے لیے خوبصورت مثال قائم کی، ماہرہ خان

    کراچی: پاکستانی اداکارہ ماہرہ خان نے عمران خان کی پہلی اہلیہ کے کردار کی تعریف کرتے ہوئے کہا ہے کہ جمائما نے وقت کے ساتھ مردوں اور عورتوں کے لیے خوبصورت مثال قائم کی۔

    تفصیلات کے مطابق جمائماخان نے گزشتہ روز ریحام کی کتاب کے خلاف میدان میں آتے ہوئے قانونی چارہ جوئی کا اعلان کیا تھا، انہوں نے ٹویٹر پر واضح کیا تھا کہ چند باتوں کی خلاف ورزی ہوئی تو معاملہ عدالت تک جائے گا۔

    سماجی رابطے کی ویب سائٹ پر اپنے ٹویٹ میں اُن کا کہنا تھاکہ ریحام خان کی کتاب برطانیہ میں شائع نہیں ہوسکتی اگر یہ تصنیف شائع ہوئی تو اپنے 16 سالہ بیٹے کو فریق بنا کر نجی زندگی میں دخل اندازی پر ریحام کے خلاف مقدمہ درج کروں گی۔

    مزید پڑھیں: ریحام کی کتاب کے خلاف جمائما بھی میدان میں آگئیں، ہتک عزت کے دعویٰ کا اعلان

    جمائما کے ردعمل کو نہ صرف مردوں بلکہ پاکستانی خواتین نے بہت سراہا اور اُن کے جذبے کی قدر بھی کی، اس ضمن میں حمزہ علی عباسی کا کہنا تھا کہ ’ریحام اور گلالئی جیسی خواتین کو جمائما کی مثال اپنانی چاہیے‘۔

    دوسری جانب سماجی رابطے کی ویب سائٹ پر ماہرہ خان کا کہنا تھا کہ ’جمائما نے خوبصورت مثال قائم کی ہم کس طرح اس طریقے کو اپنا سکتے ہیں؟‘۔

    واضح رہے کہ عمران خان سے علیحدگی کے بعد ریحام خان نے اعلان کیا تھاکہ وہ اپنی نجی زندگی سے متعلق کتاب لکھیں گی جو اب مکمل ہوچکی اور آئندہ چند دنوں میں اس کی رونمائی متوقع ہے۔

    تحریک انصاف نے دعویٰ کیا ہے کہ اس کتاب کی اشاعت کے پیچھے مسلم لیگ ن ملوث ہے اس لیے اسے الیکشن سے دو ماہ قبل سامنے لایا جارہا ہے تاکہ تحریک انصاف کی ساکھ کو متاثر کیا جاسکے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • فلم رئیس کے اداکار دل کا دورہ پڑنے سے چل بسے

    فلم رئیس کے اداکار دل کا دورہ پڑنے سے چل بسے

    ممبئی: بالی ووڈ  اداکار نریندرا جھا دل کا دورہ پڑنے سے انتقال کرگئے انہوں نے گزشتہ برس ریلیز ہونے والی فلم رئیس میں کنگ خان اور ماہرہ کے ہمراہ اداکاری کے جوہر دکھائے تھے۔

    بھارتی میڈیا کے مطابق نریندرا جھا صحت مند زندگی گزار رہے تھے اور وہ کل رات تک بالکل ٹھیک تھے تاہم گزشتہ روز یعنی منگل کی رات چار بجے اُن کے سینے میں اچانک شدید درد اٹھا جس کے بعد انہیں قریبی اسپتال لے جایا گیا۔

    بالی ووڈ اداکار کو اسپتال پہنچانے کے بعد انتہائی نگہداشت وارڈ میں رکھا گیا تاہم وہ جانبر نہ ہوسکے اور دنیا فانی سے کوچ کرگئے، پوسٹ مارٹم رپورٹ کے مطابق نریندرا کو دل کا دورہ پڑا جس کے باعث اُن کی موت واقع ہوئی۔

    یہ بھی پڑھیں: ماہرہ خان کی فلم ’’رئیس‘‘ بھارت گوگل سرچ کی ٹاپ ٹین لسٹ میں شامل

    اہل خانہ کا کہنا ہے کہ بالی ووڈ اداکار نے منگل کے روز سب کے ساتھ کھانا کھایا اور معمول کے مطابق سب سے بات چیت اور ہنسی مذاق بھی کیا، بعد ازاں سب اپنے اپنے کمروں میں سونے کے لیے چلے گئے تھے۔

    میڈیا کے مطابق 55 سالہ نریندرا نے فلم رئیس میں منا بھائی کا کردار ادا کیا تھا علاوہ ازیں انہوں نے حیدر، کابل، موہن جوداڑو میں بھی اداکاری کے جوہر دکھائے تھے، اداکار اپنی نئی فلم سنگا رام سنگ کی شوٹنگ میں بھی مصروف تھے اس کے علاوہ انہوں نے ریس تھری میں سلمان خان کے ہمراہ کام کرنے کی حامی بھر لی تھی۔

    اداکار کے انتقال کی خبر مداحوں اور ساتھیوں پر پہاڑ ثابت ہوئی، تمام لوگوں نے نریندا کو اچھے الفاظ میں یاد کیا اور انہیں بالی ووڈ خدمات پر خراج تحسین بھی پیش کیا۔

    واضح رہے کہ گچھ روز قبل بالی ووڈ کی لیجنڈری اداکارہ سری دیوی بھی ہارٹ اٹیک کے باعث انتقال کرگئیں تھیں، وہ دبئی میں شادی کی شرکت کے لیے موجود تھی کہ اچانک انہیں دل کا دورہ پڑا تھا، اداکارہ کی موت کے بعد بہت سی قیاس آرائیوں نے بھی جنم لیا تاہم پوسٹ مارٹم رپورٹ نے تمام افواہوں کو غلط ثابت کردیا تھا۔

    یہ بھی پڑھیں: سری دیوی کی بیٹی کا آنجہانی ماں کو جذباتی خط

    خیال رہے کہ ماہرہ خان نے گزشتہ برس فلم ’رئیس‘ سے اپنے بالی ووڈ کے سفر کا آغاز کیا، اس فلم میں انہوں کنگ خان کے ساتھ مرکزی کردار ادا کیا، پاک بھارت کشیدگی کے باعث ماہرہ اپنی شوٹنگ مکمل کر کے جلد وطن لوٹیں اور پرموشن کے وقت بھی ٹیم کا حصہ بھی نہ بن سکیں تھیں۔ فلم ’رئیس‘ میں شاہ رخ خان نے گجراتی گینگسٹر، ماہرہ خان نے ان کی اہلیہ جبکہ نوازالدین صدیقی نے پولیس اہلکار کا اہم کردار ادا کیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے  کے لیے سوشل میڈیا پر شیئر کریں۔

  • ماہرہ خان اور مومنہ ایشیائی پرکشش خواتین کی فہرست میں شامل

    ماہرہ خان اور مومنہ ایشیائی پرکشش خواتین کی فہرست میں شامل

    لندن: پاکستانی اداکارہ ماہرہ خان ایک بار پھر ایشیاء کی پرکشش خاتون کی فہرست میں جگہ بنانے میں کامیاب ہوگئیں جبکہ فہرست میں گلوکارہ مومنہ مستحسن کا نام بھی شامل ہے۔

    برطانوی جریدے ایسٹرن آئی کی جانب سے  سال 2017 کی خوبصورت خواتین کی فہرست جاری کی گئی جس کے مطابق بالی ووڈ اداکارہ پریانکا چوپڑا ایشیاء کی پرکشش خواتین کی فہرست میں اول نمبر پر رہیں جبکہ ماہرہ خان پاکستان کی پہلی اور ایشیاء کی پانچویں پرکشش خاتون قرار پائیں۔

    فہرست کے مطابق بھارتی اداکارہ نہیا شرما دوسرے جبکہ دپیکا پڈوکون تیسرے اور چوتھے نمبر پر عالیہ بھٹ جگہ بنانے میں کامیاب رہیں۔

    ایسٹر ن آئی کے مطابق گزشتہ برس پرکشش خواتین کی فہرست میں اول آنے والی اداکارہ دپیکا پڈوکون کی درجہ بندی میں تنزلی ہوئی جس کے بعد وہ تیسرے نمبر پر آگئیں۔

    علاوہ ازیں پاکستانی گلوکارہ مومنہ مستحسن بھی پرکشش خواتین کی فہرست میں 37 ویں نمبر پر رہیں۔

    بھارتی میڈیا کے مطابق لندن کے جریدے نے 2017 میں پرکشش نظر آنے والی ایشیائی خواتین کے حوالے سے سروے کروایا جس میں سب سے زیادہ ووٹ پریانکا چوپڑا نے حاصل کیے۔

    اس موقع پر بالی ووڈ اداکارہ نے اعزاز ملنے پر اپنے والدین اور مداحوں کا شکریہ ادا کیا اور بتایا کہ پانچویں بار یہ اعزاز ملنے کا سہارا ان ہی لوگوں کی وجہ سے ممکن ہوا۔

    واضح رہے کہ گزشتہ برس برطانوی جریدے کی جانب سے جاری کردہ فہرست میں ماہرہ خان 9 ویں نمبر پر آئیں تھیں تاہم اس بار انہوں نے 4 درجے ترقی کی اور بالی ووڈ اداکارؤں کو پیچھے چھوڑ دیا جبکہ دو سال قبل جاری ہونے والی فہرست میں پاکستانی اداکارہ کا 10 واں نمبر تھا۔

    خیال رہے پاکستانی اداکارہ ماہرہ خان نے مختلف پاکستانی ڈراموں میں شاندار کارکردگی حاصل کر کے خوب داد وصول کی جس کے بعد بالی ووڈ فلم کے ہدایت کاروں نے ان سے رابطہ کر کے فلم میں کام کرنے کی  پیش کش کی۔

    ماہرہ خان نے بھارتی فلموں میں کام کرنے کی حامی بھری تو قسمت اُن پر مہربان ہوئی جس کے بعد وہ کنگ خان کے ساتھ فلم ’’رئیس‘‘ میں جگہ بنانے میں کامیاب ہوئیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شاہ رخ خان اور ماہرہ خان کی فلم رئیس کے گانے نے ریکارڈ بنا ڈالا

    شاہ رخ خان اور ماہرہ خان کی فلم رئیس کے گانے نے ریکارڈ بنا ڈالا

    ممبئی:  شاہ رخ خان اور ماہرہ خان کی فلم رئیس جہاں کامیابی کے ریکارڈ قائم کئے وہیں اب فلم کے گانے ”ظالما“ نے بھی ریکارڈ بنا ڈالا۔

    تفصیلات کے مطابق فلم ‘رئیس’کا گانا ‘ظالما’ جو ریلیز ہوتے ہی چھا گیا تھا، اب گانے نے یوٹیوب پر اب تک 1 ارب سے زائد مرتبہ دیکھنے کا ریکارڈ قائم کرلیا ہے، پاکستانی اداکار ماہرہ خان نےخوشی کا اظہار کرتے ہوئے سماجی رابطے کی ویب سائٹ انسٹاگرام پر اس گانے کا کلپ اپ لوڈ کیا اور اپنے پیغام میں کہا کہ یہ گانا 100 ملین سے بھی زائد مرتبہ دیکھا جا چکا ہے۔

    #zaalima 100 mil views I hear

    A post shared by Mahira Khan (@mahirahkhan) on

    دوسری جانب گانا ریلیز کرنے والی کمپنی زی میوزک کمپنی نے بھی خوشی کا اظہار کیا ہے۔

    فلم ’رئیس‘ کے گانے ’ظالما ‘ کے ریلیز ہوتے ہی انٹرنیٹ پر دھوم

    خیال رہے کہ ماہرہ خان اور شاہ رخ خان کی فلم ’رئیس‘ کے اس گانے نے ریلیز ہوتے ہی انٹرنیٹ پر دھوم مچا دی تھی ، جسے ارجیت سنگھ نے گایا ہے جبکہ شاہ رخ خان نے سماجی رابطے کی ویب سائٹ ٹوئٹر پر بھی اسے مداحوں کے ساتھ شیئر کیا اور لکھا، ‘جان سے ظالما تک، امید ہے آپ سب کو گانا پسند آئے گا۔

    واضح رہے کہ فلم ‘رئیس’ میں شاہ رخ خان نے ایک گجراتی گینگسٹر، ماہرہ خان نے ان کی اہلیہ جبکہ نوازالدین صدیقی نے پولیس اہلکار کا اہم کردار ادا کیا ہے۔