معروف اداکارہ ماہرہ خان نے سال کے اختتام پر ماضی کو یاد کرتے ہوئے اپنی پرانی ویڈیوز شیئر کیں، ان کی ویڈیو کو مداحوں کی جانب سے بے حد پسند کیا جارہا ہے۔
تفصیلات کے مطابق معروف اداکارہ ماہرہ خان نے سماجی رابطے کی ویب سائٹ انسٹاگرام پر اپنی کچھ پرانی ویڈیوز شیئر کیں جن میں وہ اپنے دوستوں کے ساتھ دکھائی دے رہی ہیں۔
ویڈیو کے کیپشن میں ماہرہ نے لکھا کہ سال کی آخری شام وہ اپنی اوائل نوجوانی کی ویڈیوز شیئر کر رہی یں جو انہیں کچھ دن پہلے ملی ہیں۔
انہوں نے لکھا کہ 20 سال پہلے کی ان ویڈیوز میں وہ سب بہت معصوم اور دنیا سے انجان تھے اور انہیں ہرگز خبر نہیں تھی کہ مستقبل میں ان کے لیے کیا لکھا ہے۔
انہوں نے لکھا کہ کبھی کبھار ماضی میں جانا کچھ زیادہ برا بھی نہیں ہے۔
اپنی طویل پوسٹ کے آخر میں انہوں نے اس خواہش کا اظہار کیا کہ نیا سال سب کے لیے ایسی خوشیاں لائے جو دلوں کو خوشی سے بھر دے، اور نیا سال سب کے لیے امن اور صحت سے بھرپور سال ہو۔
لاہور : پاکستن شوبز انڈسٹری کی نامور اداکارہ ماہرہ خان کو بالی ووڈ اداکار شاہ رخ خان کے ہم پلہ قرار دے دیا گیا۔ یہ اعزاز انہیں پاکستانی اداکارہ حرامانی نے دیا ہے۔
تفصیلات کے مطابق پاکستان ڈرامہ انڈسٹری کی معروف اداکارہ حرا ترین نے ایک ٹی وی چینل کے پروگرام میں اپنے شوہر علی سفینا کے ہمراہ شرکت کی۔
اس پروگرام میں اُنہوں نے اپنی نئی ازدواجی زندگی، معاشرتی مسائل سمیت اپنے کیرئیر کے حوالے سے کھل کر بات چیت کی اور چند چبھتے ہوئے سوالات کے بھی جوابات دئیے۔
پروگرام کے دوران میزبان احسن خان کی جانب سے ایک سیگمنٹ میں اداکارہ کو یہ بتانا تھا کہ اُنہیں ذاتی طور پر کس اداکار یا اداکارہ کا کام پسند ہے۔
اس سیگمنٹ کے دوران علی سفینا نے اپنی اہلیہ کی طرف سے جواب دیتے ہوئے کہا کہ حرا کو ماہرہ خان کی اداکاری پسند نہیں۔
شوہر کی بات سے متفق نہ ہوتے ہوئے حرا ترین نے کہا کہ مجھے ماہرہ خان کی اداکاری بہت پسند ہے بلکہ شوبز انڈسٹری میں سب سے زیادہ اُن کا کام ہی پسند آتا ہے۔ حرا ترین نے کہا کہ ماہرہ خان تو پاکستان کی شاہ رخ خان ہیں۔
دوسری جانب علی سفینا نے کہا کہ ماہرہ خان کام اچھا کرتی ہیں لیکن میرے خیال میں اُنہیں مزید اپنی اداکاری پر کام کرنے کی ضرورت ہے۔
واضح رہے کہ اداکارہ حرا ترین اور علی سفینا نے سال 2013 میں شادی کی تھی اور اس جوڑی کے ہاں شادی کے چار سال بعد دسمبر2017 میں پہلی بیٹی کی پیدائش ہوئی تھی۔
پاک فوج کی پہلی خاتون لیفٹیننٹ جنرل نگار جوہر کی زندگی پر بنائی گئی ٹیلی فلم کو دیکھ کر جہاں زیادہ تر شائقین آبدیدہ ہوئے، وہیں سوشل میڈیا پر ماہرہ خان کی اداکاری کی بھی تعریفیں کی جا رہی ہیں۔
’ایک ہے نگار‘ کو اے آر وائی ڈیجیٹل پر 23 اکتوبر کو رات آٹھ بجے نشر کیا گیا تھا، ایک گھنٹہ پینتالیس دورانیے کی فلم میں لیفٹیننٹ جنرل نگار جوہر کی ذاتی اور پیشہ ورانہ زندگی کو دکھایا گیا، جس میں بعض مناظر کو دیکھ کر شائقین بھی آبدیدہ ہوگئے۔
ٹیلی فلم میں جنرل نگار جوہر کے والدین اور بہنوں کی ٹریفک حادثے میں موت کے مناظر دیکھ کر زیادہ تر لوگ افسردہ دکھائی د ئیے جب کہ ان کے شوہر کی کینسر سے موت سے بھی شائقین افسردہ ہوئے۔
’ایک ہے نگار‘ کو دیکھنے کے بعد متعدد افراد نے ٹوئٹر پر ٹیلی فلم کی تصاویر اور ویڈیوز کلپس شیئر کرکے جہاں ماہرہ خان کی اداکاری کی تعریف کی، وہیں جنرل نگار جوہر کی بہادری کی تعریفیں کیں۔
کئی سوشل میڈیا صارفین نے ٹیلی فلم کی کہانی اور اداکاری کو بھی سراہا، کئی لوگوں نے لکھا کہ ٹیلی فلم میں جنرل نگار جوہر کے والدین اور بہنوں کی حادثے میں موت کے مناظر دیکھ کر جہاں انہیں کافی دکھ ہوا، وہیں انہیں جنرل نگار کی بہادری پر رشک بھی آیا۔
what a masterpiece! it‘s a true story made me so emotional & shed my tears. hats off to LT general nigar johar. loosing everyone in her life but she was stayed strong. what a journey! a woman can surely do anything🥺#MahiraKhan#AikHaiNigar@TheMahiraKhan what a performance👏🏻♥️ pic.twitter.com/3MYU2pe9Dk
’ایک ہے نگار‘ میں ماہرہ خان نے جنرل نگار جوہر کا کردار جب کہ بلال اشرف نے ان کے شوہر کا کردار ادا کیا ہے۔
’ایک ہے نگار‘ کی کہانی عمیرہ احمد نے لکھی تھی جب کہ اس کی ہدایات عدنان سرور نے دی ہیں اور اسے پاک فوج کے شعبہ تعلقات عامہ (آئی ایس پی آر) کے تعاون سے پیش کیا گیا تھا۔
شوبز انڈسٹری کی معروف اداکارہ ماہرہ خان کی پاک فوج میں تعینات ہونے والی پہلی تھری اسٹار لیفٹیننٹ جنرل نگار جوہر کے تصاویر سوشل میڈیا پر وائرل ہوگئیں۔
تفصیلات کے مطابق گزشتہ روز پاک فوج میں تعینات ہونے والی پہلی تھری اسٹار لیفٹیننٹ جنرل نگار کی زندگی پر بنائی جانے والی ٹیلی فلم ’ایک ہے نگار‘ کا ٹریلر جاری کیا گیا تھا، فلم میں اداکارہ ماہرہ خان لیفٹینٹ جنرل نگار احمد کا مرکزی کردار ادا کررہی ہیں، ٹیلی فلم اے آر وائی ڈیجیٹل پر 23 اکتوبر بروز ہفتے کو رات 8 بجے نشر کی جائے گی۔
اداکارہ ماہرہ خان نے انسٹاگرام اسٹوری میں لیفٹیننٹ جنرل نگار جوہر کے ساتھ تصاویر شیئر کیں جنہیں مداحوں کی جانب سے خوب سراہا جارہا ہے۔
تصویر میں دیکھا جاسکتا ہے کہ ماہرہ خان اور لیفٹیننٹ جنرل نگار جوہر خوشگوار موڈ میں نظر آرہی ہیں۔
ماہرہ خان کی لیفٹیننٹ جنرل نگار جوہر کے ہمراہ ایک اور تصویر سوشل میڈیا پر وائرل ہے جس میں یہ دونوں خواتین پاک فوج کے یونیفارم میں نظر آ رہی ہیں، اس تصویر کو سوشل میڈیا پر خوب شیئر کیا جا رہا ہے۔
یہ ٹیلی فلم اے آر وائی ڈیجیٹل پر 23 اکتوبر بروز ہفتے کو رات 8 بجے نشر کی جائے گی۔
‘ایک ہے نگار‘ ٹیلی فلم کی ہدایت کاری عدنان سرور نے انجام دیے جبکہ اس کی کہانی معروف مصنفہ عمیرہ احمد نے لکھی ہے۔ فلم کی کاسٹ میں اداکارہ ماہرہ خان ، سہیل سمیر ، بلال اشرف اور خوشحال خان شامل ہیں۔
اس ٹیلی فلم میں پاکستان کی معروف اداکارہ ماہرہ خان نے ٹیلی فلم میں “لیفٹیننٹ جنرل نگار جوہر” کا کردار ادا کرتی نظر آئیں گی۔
اداکارہ ماہرہ خان نے گزشتہ دنوں انسٹاگرام پر ’ٹیلی فلم کے ٹائٹل کے ساتھ پوسٹ شیئر کی تھی، ساتھی فنکاروں اور مداحوں کی جانب سے اداکارہ کی پوسٹ کو سراہا گیا اور کامیابی کے لیے نیک خواہشات کا اظہار کیا گیا۔
لیفٹٹنٹ جنرل نگار جوہر آرمی میڈیکل کالج کی گریجویٹ ہیں اور پاک فوج میں تقریباً 3 دہائیوں پر مشتمل کیریئر میں انتظامی اور مختلف امور میں سربراہی کا وسیع تجربہ رکھتی ہیں۔
انہوں نے فیملی میڈیسن میں ایم سی پی ایس، ایڈوانسڈ میڈیکل ایڈمنسٹریشن میں ایم ایس سی اور صحت عامہ میں ماسٹرز کررکھا ہے۔
لیفٹننٹ جنرل نگار جوہر نے کئی دیگر کورسز بھی کیے اور ہسپتالوں میں ہنگامی بنیادوں پر تیاریوں سے متعلق امور کی نیشنل انسٹرکٹر بھی ہیں۔
انہیں پاک آرمی میں لیفٹننٹ جنرل کے رینک تک پہنچنے والی پاکستان کی پہلی خاتون ہونے کا اعزاز بھی حاصل ہوا ہے۔
آرمی میڈیکل کور کے لیے نمایاں خدمات انجام دینے پر انہیں وزیراعظم پاکستان کی جانب سے تمغہ امتیاز ملیٹری اور فاطمہ جناح گولڈ میڈل سے بھی نوازا گیا۔ انہیں پاک فوج میں کئی عہدوں پر پاکستان کی پہلی خاتون کے طور پر کام کرنے کا اعزاز حاصل ہوا ہے جن میں پاک آرمی میں آزادی کے بعد یونٹ، اسپتال کی کمانڈنگ بھی شامل ہے۔
لیفٹننٹ جنرل نگار جوہر نے بریگیڈیئر کی حیثیت سے سی ایم ایچ جہلم کی کمان سنبھالی تھی اور اب مسلح افواج کے سب سے بڑے ہسپتال ایمریٹس ملٹری ہسپتال راولپنڈی کی کمانڈنگ کر رہی ہیں۔
کراچی: معروف اداکارہ ماہرہ خان نے ٹرول کرنے پر سوشل میڈیا صارف کو کھری کھری سنادی۔
پاکستانی سُپراسٹار ماہرہ خان سوشل میڈیا پر متحرک رہتی ہیں اور صارفین کے سوالات کا جواب بھی دیتی ہیں، تاہم سوشل میڈیا صارفین کی جانب سے ذاتی حملوں کو وہ خوب جواب دیتی ہیں۔
اسی طرح کا ایک اسکرین شاٹ مختلف سوشل میڈیا پیجز پر وائرل ہوا ہے، جو کہ ماہرہ کے سوشل میڈیا صارف کی جانب سے ہونے والی ٹرولنگ پر سخت ردِعمل ہے۔
ماہرہ خان کی ایک انسٹا گرام پوسٹ پر اُنہیں بالی ووڈ میں کام کرنے پر ٹرول کرتے ہوئے لکھا گیا ہے کہ ’آپ کو بھارت سے ابھی ڈنڈے نہیں پڑے۔‘
جس کا ترکی بہ ترکی جواب دیتے ہوئے اداکارہ نے لکھا کہ ’آپ کو اپنی امّی سےڈنڈے پڑے ہوتے تو اس طرح کی بکواس نہ کرتے۔‘
واضح رہے کہ ماہرہ خان نے شوبز کیریئر کا آغاز 2011 سے بطور معاون اداکار کیا جس کے بعد انہیں فواد خان کے ساتھ ڈرامے میں کام کرنے کا موقع ملا یہی ان کی خوش قسمتی کا باعث بھی بننا۔
اداکارہ نے ڈرامے میں کام کر کے شہرت کی بلندیوں کو چھوا اور پھر بالی ووڈ میں شاہ رخ خان کے مد مقابل فلم رئیس میں کام کیا جو 2007 میں ریلیز ہوئی تھی۔
کراچی: معروف پاکستانی اداکارہ ماہرہ خان گھریلو تشدد اور جنسی استحصال کے خلاف عالمی مہم کا حصہ بن گئیں، وہ اس سے قبل بھی بچوں اور خواتین کی فلاح و بہبود کے لیے مختلف مہمات کا حصہ رہ چکی ہیں۔
تفصیلات کے مطابق معروف اداکارہ ماہرہ خان گھریلو تشدد اور جنسی استحصال کے خلاف کامن ویلتھ کی عالمی مہم کا حصہ بن گئیں۔
اپنی انسٹاگرام پوسٹ میں ماہرہ خان نے بتایا کہ وہ کامن ویلتھ اور جینٹل فورسز نامی تنظیم کے تعاون سے چلنے والی عالمی مہم کا حصہ بن گئیں۔
ماہرہ نے انسٹاگرام پر مذکورہ مہم کا حصہ بننے کے حوالے سے متعدد پوسٹس کیں، جن میں انہوں نے تصدیق کی کہ وہ کامن ویلتھ کے تحت شروع کی گئی مہم جوائن دی کورس کا حصہ بن چکی ہیں۔
انہوں نے ویڈیو میں اپنا تعارف کروانے کے بعد کامن ویلتھ ارکان ممالک کے افراد کو مہم کا حصہ بننے کی دعوت بھی دی۔
اسی طرح ماہرہ نے جوائن دی کورس نامی مہم سے متعلق دیگر دو پوسٹس بھی کیں، جن میں سے ایک ویڈیو میں انہوں نے لوگوں کو پیغام دیا کہ وہ گھریلو تشدد اور جنسی استحصال سمیت دیگر مسائل پر خاموش رہنے کی روایات کو ختم کرکے آواز بلند کریں۔
جوائن دی کورس نامی مہم پاکستان، بھارت، برطانیہ، آسٹریلیا، نیوزی لینڈ اور کینیڈا سمیت دنیا کے 54 ممالک ارکان پر مشتمل تنظیم کامن ویلتھ نے سماجی ادارے جینٹل فورس کے تعاون سے شروع کی ہے۔
کامن ویلتھ کے ارکان ممالک میں زیادہ تر وہ ملک شامل ہیں جو ماضی میں سلطنت برطانیہ کے زیر کنٹرول تھے۔ جوائن دی کورس نامی مہم کے تحت دنیا بھر سے گھریلو تشدد اور جنسی استحصال کے خاتمے کی مہم چلائی جا رہی ہے۔
کراچی: معروف اداکارہ ماہرہ خان کا کہنا ہے کہ خواتین کے ساتھ زیادتی اور جنسی ہراسانی کے واقعات کے بعد خواتین کو ہی قصور وار ٹھہرائے جانے کی ذہنیت کے خلاف ٹی وی اور فلمیں اپنا کردار ادا کرسکتی ہیں۔
تفصیلات کے مطابق معروف اداکارہ ماہرہ خان نے پاکستانی نژاد برطانوی میزبان اور سوشل میڈیا اسٹار عتیقہ چوہدری کو انٹرویو دیا جس میں انہوں نے نہ صرف پاکستانی معاشرے میں استحصال کا نشانہ بننے والی خواتین کو قصور وار سمجھنے جیسے مسائل پر بات کی بلکہ دیگر معاشرتی برائیوں پر بھی کھل کر بات کی۔
ماہرہ خان کا کہنا تھا کہ پاکستان جیسے ممالک میں ریپ، جنسی ہراسانی اور استحصال کا نشانہ بننے والی خواتین کو ہی قصور وار سمجھ کر انہیں کٹہرے میں کھڑا کر کے ان سے غلط سوالات کیے جاتے ہیں۔
انہوں نے کہا کہ جب بھی کسی خاتون کے ساتھ ناخوشگوار واقعہ پیش آتا ہے تو ملزم کو پکڑنے کے بجائے اسی خاتون سے غلط سوالات کا سلسلہ شروع ہوجاتا ہے۔
ماہرہ خان کا کہنا تھا کہ نشانہ بننے والی خاتون سے متعلق ہی سوالات شروع کیے جاتے ہیں کہ وہ جائے وقوع پر اکیلی کیوں گئی تھیں؟ وہ وہاں کیا کر رہی تھیں اور وہ جس کے ساتھ تھیں، وہ ان کا بوائے فرینڈ تھا؟
اداکارہ کا کہنا تھا کہ مذکورہ تمام سوالات غلط ہیں اور ان سے ایسا محسوس ہوتا ہے کہ نشانہ بننے والی خاتون کو ہی قصور وار سمجھا جاتا ہے۔
ماہرہ کا کہنا تھا کہ ایسی ذہنیت کو تبدیل کرنے کے لیے تعلیمی نصاب میں تبدیلیاں لانی پڑیں گی۔ اس ذہنیت کو تبدیل کرنے کے لیے ٹی وی اور فلمیں بھی کام کر سکتی ہیں۔
پاکستانی انڈسٹری کی مقبول ترین اداکارہ ماہرہ خان نے اپنی محبت سلیم کریم سے اپنی محبت کا اظہار کردیا، ان کی حالیہ پوسٹ اس وقت سوشل میڈیا پر وائرل ہورہی ہے۔
تفصیلات کے مطابق سماجی رابطے کی ویب سائٹ انسٹا گرام پر شیئر کردہ پوسٹ میں ماہرہ نے لکھا کہ آپ نے مجھے بہتر انسان بنایا، اور آپ ہی صحیح انسان اور حقیقی محبت ہیں۔
ماہرہ نے یہ پوسٹ شیئر کرتے ہوئے کیپشن میں مائی لو لکھا اور ساتھ ایک دل کا ایموجی بھی بنایا۔ ماہرہ نے اس پوسٹ میں سلیم کریم کو ٹیگ کیا۔
ماہرہ کی پوسٹ پر کمنٹ کرتے ہوئے دیگر فنکار سلیم کریم کو سالگرہ کی مبارک باد دے رہے ہیں اور ماہرہ کو صحیح محبت کے انتخاب پر سراہتے بھی دکھائی دے رہے ہیں۔
یاد رہے کہ اداکارہ ماہرہ خان نے فیشن ڈیزائنر ایچ ایس وائی کے ساتھ انسٹا گرام پر ایک لائیو ویڈیو سیشن کے دوران بتایا تھا کہ انہیں سلیم کریم سے محبت ہوگئی ہے۔
میزبان ایچ ایس وائی نے اداکارہ سے سوال کیا کہ آپ جب انہیں دیکھتی ہیں تو آپ کو کیا احساس ہوتا ہے؟ جس پر ماہرہ نے کہا تھا کہ انہیں ہمسفر ڈرامے کی ایک لائن یاد آتی ہے جس میں اشعر نے خرد کے بارے میں کہا تھا کہ پتا نہیں تم مجھے کس نیکی کے بدلے میں ملی ہو۔
لاہور : شوبز کی خوبرو ادا کارہ اور مشہور زمانہ ٹی وی پروگرام بلبلے میں "خوبصورت” کا کردار ادا کرنے والی اداکارہ عائشہ عمر اپنی ساتھی اداکارہ ماہرہ خان کے دفاع میں سامنے آگئیں۔
پاکستان کی سپر اسٹار ماہرہ خان کو بوڑھی کہنے پر اداکارہ عائشہ عمر نے سوشل میڈیا پر ایک صارف کو کھری کھری سنا دیں اور کمنٹ میں اپنے گصے کا بھرپور اظہار کیا
خیال رہے کہ اداکارہ ماہرہ خان جلد خوبرو ٹی وی اداکار زاہد احمد کے ساتھ سی پرائم کی شارٹ فلم میں نظر آئیں گی جو شہریار منور کا ڈائریکٹورل ڈیبیو بھی ہے۔ اسی حوالے سے مختلف سوشل میڈیا سائٹس پر ماہرہ خان، زاہد احمد اور شہریار منور کی تصاویر بھی وائرل ہوئی ہیں۔
ان تصاویر میں سے ایک میں زاہد احمد اور شہریار منور کے ساتھ کھڑی ماہرہ خان بغیر میک اپ کے نظر آرہی ہیں جو شاید سیٹ ہی کی تصویر ہے۔
تاہم یہ تصویر وائرل ہونے کے بعد سوشل میڈیا صارفین کی جانب سے ماہرہ خان پر مختلف تبصرے کرتے ہوئے ان کی عمر پر تنقید کی جارہی ہے۔
انٹرٹینمنٹ سائٹ گلیکسی لولی ووڈ کی جانب سے شیئر کی جانے والی اس تصویر پر تبصرہ کرتے ہوئے ایک صارف نے لکھا کہ ماہرہ خان تو سب کی ماما لگ رہی ہیں۔
اسی طرح ایک اور صارف نے اداکارہ کی عمر پر تبصرہ کرتے ہوئے لکھا کہ کہ ماہرہ "بوڑھی” لگ رہی ہیں۔جس پر اداکارہ عائشہ عمر نے مذکورہ خاتون کو کمنٹ میں مینشن کرتے ہوئے ماہرہ خان کی حمایت کی اور خاتون صارف پر تنقید کی۔
عائشہ عمر نے لکھا کہ اس میں کیا غلط ہے؟ ماہرہ خان جیسی ظاہری طور پر خوبصورت دکھائی دیتی ہیں ویسے ہی ان کا باطن بھی دلکش ہے، اس سے قطع نظر کہ انہوں نے زندگی کے کتنے سال جی لیے ہیں۔ انہوں نے کہا کہ ہم سب بڑے ہیں اور عقلمند ہیں، ہر جاندار کو قدرتی عمل سے گزر کر بوڑھا ہونا ہے۔
عائشہ عمر نے مزید لکھا کہ کیا ہم ایک لمحے کے لیے اپنے الفاظ پر نظرِ ثانی کرتے ہوئے لوگوں کو ان کی عمر، وزن، رنگ اور کپڑوں کو لے کر شرمندہ کرنا چھوڑ سکتے ہیں؟
کمنٹ کے آخر میں عائشہ عمر نے خاتون صارف سے کہا کہ مجھے معاف کیجیے گا، محض آپ کی نشاندہی کرتے ہوئے یہ سب نہیں کہنا چاہتی تھی لیکن اس قسم کے تمام کمنٹس دیکھ کر مجھ سے رہا نہیں گیا، لوگوں کے ساتھ رحم دلی کے ساتھ پیش آئیں، دوسرے کیسا محسوس کرتے ہیں اسے سمجھیں۔
خیال رہے کہ یہ پہلی مرتبہ نہیں ہے کہ ماہرہ خان کی عمر کو تنقید کا نشانہ بنایا گیا ہو، اس سے قبل اداکارہ کے آنے والے ڈرامے "ہم کہاں کے سچے تھے” کا پوسٹر سامنے آنے کے بعد بھی کچھ ایسے ہی تبصرے کیے گئے تھے۔
کچھ صارفین کی جانب سے کہا گیا تھا کہ ناول پر بنائے گئے اس ڈرامے میں مہرین کے کردار کے لیے عمر کی وجہ سے ماہرہ خان کا انتخاب غیرموزوں ہے۔
پاکستانی فلم انڈسٹری کی معروف اداکارہ ماہرہ خان ” خفیہ طور پر شادی شدہ” ہونے کی افواہوں سے اکتا گئی اور تمام سوالات کا جواب دینے کے لئے خود میدان میں آگئیں۔
اداکارہ ماہرہ خان کا ایک انٹرویو سوشل میڈیا پر وائرل ہورہا ہے، جس میں انہوں نے خود سے منسوب جعلی خبروں پر بھرپور ردعمل دیا ہے۔
انٹرویو میں ماہرہ نے اپنے’خفیہ طور پر شادی شدہ‘ہونے کے بارے میں سوال کا جواب دیتے ہوئے کہا ایسا ہوسکتا ہے کہ وہ شادی کریں اور ان کے مداحوں کو اس بارے میں پتہ نہ ہو؟، ماہرہ نے کیمرے کے سامنے اپنے ہاتھ دکھاتے ہوئے کہا کہ ان کے ہاتھوں میں کوئی انگوٹھی نہیں، ان کی منگنی تک نہیں ہوئی۔
ماہرہ نے اپنی ناک کی سرجری سے متعلق سوال کا جواب دیتے ہوئے کیمرہ مین سے کہا کہ کیمرہ پر میری ناک پر زوم کرکے دِکھائیں، دیکھیں میں نے کوئی سرجری نہیں کروائی۔
انہوں نے مزید کہا کہ ا یک مرتبہ انہوں نے ڈائریکٹر عاصم رضا کو کہا تھا کہ بہت سے لوگ سمجھتے ہیں کہ انہوں نے ناک کی سرجری کروائی ہے تو عاصم نے کہا جو ایسا کہے اس سے کہنا مجھ سے آکر پوچھ لے کیونکہ مجھے تمہاری شوٹنگ کرنی پڑتی ہے۔
ہالی ووڈ اداکار ٹام کروز کےساتھ فلم سائن کرنے کے سے متعلق سوال کا جواب دیتے ہوئے ماہرہ خان نے طنزیہ طور پر کہا کہ وہ یہ خبر لیک ہونے پر ٹام کروز سے معذرت کرتی ہیں، میں نے اس خبر کو کافی عرصے تک چھپانے کی کوشش کی ، لیکن انہیں یقین ہے کہ ٹام کروز ان کے ساتھ کام کرنے کے لیے بہت پرجوش ہیں اور ان کی ٹیم نے اس خبر کو لیک کیا ہے۔
