کراچی: معروف پاکستانی اداکارہ ماہرہ خان نے اپنے بچپن کے بارے میں بتایا کہ وہ اپنے سارے کزنز کی باس ہوا کرتی تھیِ اور ساتھ ہی اپنی دنیا میں مگن رہتی تھیں۔
تفصیلات کے مطابق معروف اداکارہ ماہرہ خان نے اے آر وائی ڈیجیٹل کے پروگرام شان سحور میں شرکت کی اور اپنی زندگی سے متعلق بہت سی باتیں شیئر کیں۔
اپنے بچپن کے بارے میں انہوں نے بتایا کہ وہ بالکل بھی شرارتی نہیں تھیں بلکہ اپنی دنیا میں مگن رہنے والی بچی تھیں۔
ماہرہ نے بتایا کہ ان کے سارے کزنز لڑکے تھے اور وہ سب میں واحد لڑکی تھیں اس لیے وہ سب کی باس تھیں، ان کے بچپن کی ایک تصویر بھی ہے جس میں انہوں نے سارے لڑکوں کی 2 پونیاں باندھ دی ہیں۔
انہوں نے کہا کہ انہوں نے اپنے گھر میں صرف والدہ کی مار کھائی ہے جن کا ہتھیار ہینگر ہوا کرتا تھا۔
ماہرہ خان کے ساتھ اداکار محب مرزا نے بھی پروگرام میں شرکت کی اور اپنی بچپن کی یادیں شیئر کیں، محب نے بتایا کہ ایک بار ان کی شرارت پر ان کے والد نے اٹھا کر انہیں پنکھے کی جانب پھینک دیا تھا۔
محب نے بتایا کہ وہ پنکھے سے ٹکرا کر واپس بستر پر گرے تھے اور نہایت حیرت سے اپنے والد کو دیکھا تھا کہ انہوں نے مجھے پنکھے میں پھینک دیا۔
