ملتان : بہاؤالدین زکریایونیورسٹی کےاحتجاجی طلبہ نےیونیورسٹی کے مین گیٹ کو تالا لگا دیا۔ بلڈنگ اینڈ آرکیٹیکچر انجینئیرنگ ڈیپارٹمنٹ کے طلباء نے مطالبہ کیاکہ اُن کا پاکستان انجینئیرنگ کونسل سےفوری الحاق کیاجائے۔
تفصیلات کے مطابق بہاؤالدین زکریا یونیورسٹی کے بلڈنگ اینڈ آرکیٹیکچر انجینئیرنگ ڈیپارٹمنٹ کے احتجاجی طلباء نے یونیورسٹی انتظامیہ کیخلاف شدید نعرے بازی کی۔
دوران احتجاج ایک طالب علم شدید گرمی کے باعث بے ہوش ہوگیا جسے بعد میں اسپتال منتقل کردیا گیا۔ طلبہ کا احتجاج دکھانے پر یونیورسٹی کاسیکیورٹی انچارج بھی میڈیا نمائندوں کو دھمکیاں دیتارہا۔
احتجاجی طلبہ نے حکومت اور انتظامیہ سے مطالبہ کیاکہ ان کاپاکستان انجینئیرنگ کونسل سےالحاق کیاجائے۔