Tag: main suspect

  • یونان کشتی حادثے کا مرکزی ملزم گرفتار

    یونان کشتی حادثے کا مرکزی ملزم گرفتار

    گوجرانوالہ: وفاقی تحقیقاتی ایجنسی (ایف آئی اے) نے گوجرانوالہ میں کارروائی کر کے یونان کشتی حادثے کے اہم مرکزی ملزم کو گرفتار کر لیا۔

    ایف آئی اے ترجمان کے مطابق یونان کشتی حادثے میں ملوث انسانی اسمگلر سمیت 2 ملزمان کو گرفتار کرلیا گیا، گرفتار ملزمان میں محمد اسلم اور سعید احمد شامل ہیں۔

    ایف آئی اے ترجمان کا کہنا ہے کہ ملزم محمد اسلم یونان کشتی حادثے میں ملوث ہے، ملزم انسانی اسمگلنگ میں ملوث بین الاقوامی گینگ کا کارندہ ہے۔

    ترجمان کا کہنا ہے کہ ملزم نے متاثرین کو یورپ بھجوانے کے نام پر 85 لاکھ روپے ہتھیائے، ملزم نےگینگ کے دیگر ملزمان کی مدد سے متاثرین کو پہلے لیبیا بھجوایا بعد میں کشتی کے ذریعے لیبیا سے یونان بھجوانے کی کوشش کی۔

    ایف آئی اے کے مطابق ایک اور کارروائی میں انسانی اسمگلر کو گجرات سےگرفتار کیا گیا، ملزم جعلی سفری دستاویزات بنوانے میں ملوث ہے اور جعلی دستاویزات کی آڑ میں بھاری رقوم وصول کرتا رہا ہے۔

  • جعلی پائلٹ لائسنسز اسکینڈل :مرکزی ملزم  کیخلاف اینٹی منی لانڈرنگ ایکٹ کے تحت مقدمہ درج

    جعلی پائلٹ لائسنسز اسکینڈل :مرکزی ملزم کیخلاف اینٹی منی لانڈرنگ ایکٹ کے تحت مقدمہ درج

    کراچی : جعلی پائلٹ لائسنسز اجرا اسکینڈل کے مرکزی ملزم کیخلاف اینٹی منی لانڈرنگ ایکٹ کے تحت مقدمہ درج کرلیا، ملزم نے دیگرسرکاری افسران کی ملی بھگت سےکروڑوں روپےوصول کئے۔

    تفصیلات کے مطابق رقم کےعوض مشتبہ پائلٹ لائسنسز اجرا اسکینڈل میں مرکزی ملزم عدیل آفتاب کیخلاف اینٹی منی لانڈرنگ ایکٹ کے تحت مقدمہ درج کرلیا گیا۔

    ملزم عدیل آفتاب نے اسکینڈل سےحاصل رقم سےکراچی میں2جائیدادیں خریدیں ، جائیدادوں میں گلستان جوہرمیں فلیٹ،نیوکراچی میں کمرشل اراضی شامل ہیں۔

    ملزم نے دیگرسرکاری افسران کی ملی بھگت سےکروڑوں روپےوصول کئے، ملزم عدیل آفتاب سی اےاےکی لائسنسنگ برانچ میں اسسٹنٹ گریڈ ٹو ہے۔

    یاد رہے 15 مارچ کو ایف آئی اے نے جعلی پائلٹ لائسنسز اجرا کیس کے مرکزی ملزم سید عدیل آفتاب کو گرفتار کیا تھا ، ملزم نے ساتھیوں کے ساتھ مل کر جعلی لائسنس جاری کر کے 1 کروڑ 55 لاکھ روپے وصول کیے۔

    سول ایوی ایشن اتھارٹی کے ایڈیشنل ڈائریکٹر لائسنسنگ محمد اعظم کو بھی نئے مقدے میں نامزد کیا گیا، ڈائریکٹر ایف آئی اے عامر فاروقی نے بتایا کہ محمد اعظم نے ترقی کے لیے خود کو بھی امتحان میں پاس کیا۔

    ڈپٹی ڈائریکٹر عبد الرؤف شیخ کے مطابق نئی ایف آئی آر میں مجموعی طور پر 8 ملزمان نامزد کیے گئے ہیں، جب کہ مرکزی ملزم عدیل اسکینڈل میں پہلے سے درج 4 مقدمات میں بھی نامزد ہے۔

  • بھارت:16سالہ لڑکی کو زیادتی کے بعد زندہ جلانے والا ملزم گرفتار

    بھارت:16سالہ لڑکی کو زیادتی کے بعد زندہ جلانے والا ملزم گرفتار

    نئی دہلی : بھارتی پولیس نے ریاست جھاڑکنڈ میں 16 سالہ لڑکی کو جنسی زیادتی بعد زندہ جلانے والے مرکزی ملزم سمیت 15 سے 18 ملزمان گرفتار کرلیا۔

    تفصیلات کے مطابق بھارتی پولیس نے ریاست جھاڑکنڈ جنسی زیادتی کی جرگے میں شکایت کرنے پر متاثرہ دوشیزہ کو زندہ جلانے والے مرکزی ملزم کو ساتھوں سمیت گرفتار کرلیا گیا ہے۔

    پولیس کا کہنا تھا کہ حراست میں لیے گئے شخص دھنو بھویان پر الزام ہے کہ اس نے لڑکی کو جنسی زیادتی کا نشانہ بنایا اور جرگے میں شیکات درج کروانے پر والدین کے ساتھ مارپیٹ کی اور متاثرہ لڑکی کو زندہ جلا دیا۔

    پولیس نے میڈیا کو بتایا کہ دھنو بھویان نے اپنے ساتھیوں کے ہمراہ 16 سالہ لڑکی کو اسی کے گھر میں زندہ جلا کر قتل کیا تھا۔

    غیر ملکی خبر رساں اداروں کا کہنا تھا کہ بھارتی پولیس نے جنسی زیادتی کے بعد لڑکی کو قتل کرنے کے الزام میں 15 سے 18 افراد کو حراست میں لے کر واقعے کی تفتیش کی جارہی ہے۔

    پولیس ترجمان اشکوک رام کا کہنا تھا کہ واقعے کے مرکزی ملزم دھون بھویان کو اس کے عزیز کے گھر سے گرفتار کیا گیا ہے جہاں وہ لڑکی کو زندہ جلانے کے بعد روپوش ہوگیا تھا تاکہ پولیس کی گرفت سے بچ سکے۔

    پولیس ترجمان کا کہنا تھا کہ جھارکنڈ کے مشرقی حصّے میں واقع ضلع چھاٹرا کی رہائشی 16 سالہ لڑکی کو اوباش شہریوں نے اس وقت اغواء کیا تھا جب وہ گھر میں اکیلی تھی اور اس کے والدین کسی شادی میں گئے ہوئے تھے۔

    اشکوک رام کا کہنا تھا کہ واقعے کے مرکزی ملزم نے اپنے دو ساتھیوں کے ہمراہ لڑکی کو اغواء کونے بعد گاؤں کے قریبی جنگل میں دوشیزہ کو جنسی زیادتی کا نشانہ بنایا تھا۔

    واضح رہے کہ جنسی زیادتی کا نشانہ بننے والی متاثرہ دوشیزہ اور اس کے والدین نے جب گاؤں کے جرگے میں ریپ کی شکایت درج کروائی تو جرگے کے ارکین نے ملزمان کو پچاس ہزار روپے جرمانہ اور 100 آٹھک پیھٹک کرنے کی سزا سنائی تھی۔

    پولیس کا کہنا تھا کہ جرگے کی جانب سے سزا دیئے جانے پر ملزمان نے انتقامی کارروائی کرتے ہوئے اگلے روز متاثرہ لڑکی کے والدین تشدد کا نشانہ بنایا اور لڑکی کو اسی کے گھر میں زندہ جلاکر ہلاک کردیا۔

    پولیس ترجمان کا کہنا تھا کہ سیکیورٹی اہلکاروں نے گاؤں کے جرگے کے خلاف بھی غیر قانونی احکامات دینے کے جرم میں مقدمہ درج کیا ہے۔

    ایک رپورٹ کے مطابق بھارت میں جنسی زیادتی کی شکار خواتین میں بچوں کی تعداد چالیس فیصد ہے۔ خواتین کے غیر محفوظ ہونے کا اندازہ اس بات سے لگایا جاسکتا ہے کہ دو ہزار سولہ میں ریپ کے 40 ہزار کیسز درج کیے گئے اور مودی کے دور حکومت میں ریپ کے واقعات میں ساٹھ فیصد اضافہ ہوا۔

    واضح رہے کہ بھارتی کرائم ریکارڈ بیورو کے مطابق بھارت میں اس وقت خواتین سے زیادتی چوتھا بڑا اور عام جرم بن چکا ہے۔

    اعداد و شمار کے مطابق سنہ 2013 میں لگ بھگ 25 ہزار خواتین کو زیادتی کا نشانہ بنایا گیا۔

    دوسری جانب ہر سال پیش آنے والے زیادتی کے واقعات میں سے صرف 5 سے 6 فیصد ایسے ہیں جو رپورٹ ہو پاتے ہیں۔

    ان میں بھی ملزمان آزاد ہوجاتے ہیں اور زیادتی کا شکار متاثرہ لڑکی اور اس کا خاندان انصاف کے حصول میں بری طرح ناکام رہتے ہیں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سانحہ صفورا کا مرکزی ملزم اور داعش کا سرغنہ گرفتار

    سانحہ صفورا کا مرکزی ملزم اور داعش کا سرغنہ گرفتار

    کراچی : سانحہ صفورا کے مرکزی ملزم امیرعمر کاٹھیو کو گرفتار کرلیا گیا، ملزم نے دوہزارگیارہ میں سندھ میں دہشت گردی کا نیٹ ورک بنایا تھا۔

    تفصیلات کے مطابق سانحہ صفورا کے مرکزی ملزم اور داعش کا سرغنہ کو گرفتار کرلیا گیا، سانحہ صفورا کے گرفتار ملزم سعد عزیز کی نشاندہی پر عمر کاٹھیور کی گرفتاری ممکن ہو سکی ہے۔

    ذرائع نے بتایا کہ عمر کاٹھیور نے دوہزار گیارہ میں سندھ میں دہشت گردوں کا منظم نیٹ ورک قائم کیا تھا، عرب ممالک سے تعلق رکھنے والے القاعدہ کے دہشت گردوں کو سہولتیں فراہم کرنا عمر کاٹھیور کی ذمہ داری تھی۔ ملزم کوعربی زبان میں مہارت بھی حاصل تھی، دہشت گردوں کو فنڈنگ کرتا تھا۔

    ذرائع نے بتایاکہ ملزم کی اہلیہ سندھ میں داعش خواتین کا نیٹ ورک چلاتی تھی، عمر کاٹھیو سے نامعلوم مقام پر تفتیش شروع کردی گئی ہے اور اس کی نشان دہی پر اہم گرفتاریاں بھی متوقع ہیں۔