Tag: Maira Murder case

لاہور : ڈیفنس میں برطانوی نژاد لڑکی مائرہ قتل کیس میں اہم پیشرفت سامنے آئی ، عدالت نے ملزمان پر فرد جرم عائد کر دی تاہم ملزمان نے صحت جرم سے انکار کردیا ہے۔

تفصیلات کے مطابق ایڈیشنل سیشن جج نعیم سلیم نےمائرہ قتل کیس پر سماعت کی ، ملزمان ظاہر جاوید جدون ، طاہر جاوید جدون اور وسیم عدالت میں پیش ہوئے۔

عدالت نے مقدمہ میں ملوث تین ملزمان پر فرد جرم عائد کر دی تاہم ملزمان نے صحت جرم سے انکار کر دیا، جس کے بعد عدالت نے استغاثہ کے گواہوں کو طلب کرتے ہوئے سماعت 22 ستمبر تک ملتوی کر دی ۔

پراسیکیوشن کے مطابق ملزمان نے مائرہ کو ڈیفنس میں 3 مئی کو قتل کردیا اور تھانہ ڈیفنس بی نے قتل کا مقدمہ ظاہر جدون اور ملزمان کے خلاف درج کیا تھا۔

واضح رہے کہ تین مئی کو لاہور کے علاقے ڈيفنس میں پاکستانی نژاد برطانوی شہری 26 سالہ لڑکی مائرہ ذوالفقار اپنے گھر میں مردہ پائی گئی تھی، پولیس نے لڑکی کے قتل کے شبے میں دو نامزد ملزمان سمیت 4 افراد کے خلاف مقدمہ درج کیا تھا۔

بعد ازاں مائرہ قتل کیس میں نامزد ملزم ظاہر جدون نے پولیس حراست میں اعتراف جرم کیا تھا ، ملزم نے اعترافی بیان میں کہا تھا کہ مائرہ نشے میں تھی تو اس سے جھگڑا ہوا ، میں نے خود مائرہ کو 3مئی کی صبح قتل کیا، اقراکوعلم تھا، ظاہر جدون مقتولہ ماہرہ کا عرصہ دراز سے دوست تھا۔

لاہور: مائرہ قتل کیس میں اہم پیش رفت سامنے آئی ، عدالت نے مرکزی ملزم کے بھائی طاہر جدون کی ضمانت منظور کرلی،ملزم کے خلاف تھانہ ڈیفنس بی پولیس نے مقدمہ درج کررکھا ہے۔

تفصیلات کے مطابق لاہور کی سیشن کورٹ میں مائرہ قتل کیس میں مرکزی ملزم کےبھائی طاہرجدون کی درخواست ضمانت پر درخواست ہوئی ، وکیل ملزم نے کہا کہ ملزم کا واقعے سے کوئی تعلق نہیں ، عدالت ضمانت منظور کرے۔

جس پر عدالت نےمرکزی ملزم کےبھائی طاہرجدون کی ضمانت منظورکرلی ، ایڈیشنل سیشن جج نعیم سلیم نےدرخواست ضمانت بعدازگرفتاری 5،5 لاکھ کے2 مچلکوں کےعوض منظور کی۔

ملزم کے خلاف تھانہ ڈیفنس بی پولیس نے مقدمہ درج کررکھا ہے۔

واضح رہے کہ تین مئی کو لاہور کے علاقے ڈيفنس میں پاکستانی نژاد برطانوی شہری 26 سالہ لڑکی مائرہ ذوالفقار اپنے گھر میں مردہ پائی گئی تھی، پولیس نے لڑکی کے قتل کے شبے میں دو نامزد ملزمان سمیت 4 افراد کے خلاف مقدمہ درج کیا تھا۔

بعد ازاں مائرہ قتل کیس میں نامزد ملزم ظاہر جدون نے پولیس حراست میں اعتراف جرم کیا تھا ، ملزم نے اعترافی بیان میں کہا تھا کہ مائرہ نشے میں تھی تو اس سے جھگڑا ہوا ، میں نے خود مائرہ کو 3مئی کی صبح قتل کیا، اقراکوعلم تھا، ظاہر جدون مقتولہ ماہرہ کا عرصہ دراز سے دوست تھا

لاہور : مائرہ قتل کیس میں پراسیکیوشن ونگ نے پولیس چالان پر اعتراضات عائد کردیئے اور کہا چالان تاخیر سے پیش کرنے کی وضاحت دی جائے اور تمام دستاویز کو متعلقہ افسر سے دستخط کرا کر چالان کیساتھ لگایا جائے۔

تفصیلات کے مطابق مائرہ قتل کیس میں پراسیکیوشن ونگ نے پولیس کا چالان مسترد کرتے ہوئے 48 اعتراضات عائد کر دیئے اور چالان پولیس کو واپس بھجوا دیا، پراسیکیوشن نے اعتراض میں کہا کہ چالان تاخیر سے کیوں پیش کیا گیا وضاحت دی جائے اور وقوعہ سے سی سی ٹی وی شواہد اکٹھے کیوں نہیں کئےگئے۔

پراسیکیوشن نے اعتراض عائد کیا کہ ملزمان کے پولی گرافک ٹیسٹ کیوں نہیں کرائے گئے اور وقوعہ کے اردگرد کے لوگوں کو شامل تفتیش کیوں نہیں کیا گیا۔

پراسیکیوشن کا کہنا تھا کہ تمام دستاویزکو متعلقہ افسر سے دستخط کرا کرچالان کیساتھ لگایاجائے اور ملزمان کی ڈی این اے رپورٹ بھی چالان کیساتھ منسلک کی جائے۔

واضح رہے کہ لاہور کے علاقے ڈيفنس میں 26 سالہ لڑکی مائرہ ذوالفقار کو قتل کردیا گیا تھا ، جس کے بعد قتل کا مقدمہ اس کے پھوپھا کی مدعیت میں 2 نامزد ملزمان سمیت 4 افراد کے خلاف مقدمہ درج کیا گیا تھا۔

بعد ازاں ابتدائی پوسٹ مارٹم رپورٹ کے مطابق مقتولہ ماہرہ کے جسم پر دو گولیوں کے نشان ملے ہیں، ایک گولی مقتولہ کی گردن جبکہ دوسری بازو پر لگی، مائرہ کے دائیں ہاتھ اور بائیں پاؤں پر زخم کے نشانات پائے گئے ہیں اور مائرہ ذوالفقار کی موت گردن میں لگنے والی گولی سے ہوئی تھی۔

خیال رہے مائرہ قتل کیس میں نامزد ملزم ظاہر جدون نے پولیس حراست میں اعتراف جرم کیا تھا ، ملزم نے اعترافی بیان میں کہا تھا کہ مائرہ نشے میں تھی تو اس سے جھگڑا ہوا ، میں نے خود مائرہ کو 3مئی کی صبح قتل کیا، اقراکوعلم تھا، ظاہر جدون مقتولہ ماہرہ کا عرصہ دراز سے دوست تھا۔