ٹوکیو: جاپان کے ایک مصور نے دونوں ہاتھوں سے بیک وقت مصوری کر کے لوگوں کو حیرانی میں مبتلا کردیا، مصور کی خداداد صلاحیتوں کو دیکھ کر لوگ اُس کے فن سے بے حد متاثر ہوئے۔
ایک وقت میں دونوں ہاتھوں سے کام کرنا مشکل ہی نہیں بلکہ نا ممکن بھی ہے، اگر مصوری کا سوچا جائے تو یہ کسی صورت ممکن نہیں لگتا تاہم جاپان کے ایک مصور نے اپنی خداداد صلاحیتوں سے لوگوں کے دل موہ لیے۔
دونوں ہاتھوں سے بیک وقت تحریر لکھنے یا مصوری کرنے والے افراد ڈیکسٹرس کہلاتے ہیں، پوری دنیا کی آبادی میں صرف ایک فیصد ہی ایسے لوگ پائے جاتے ہیں جو قدرت کی طرف سے دی گئی اس صلاحیت سے مالا مال ہوتے ہیں۔
ویڈیو میں دیکھا جاسکتا ہے کہ مصور کتنی تیزی کے ساتھ دونوں ہاتھوں سے تصاویر بنارہا ہے، کسی ایک تصویر میں کوئی ایسی خامی سامنے نہیں آئی جس کو دیکھ کر آپ کوئی شکایت کر سکیں۔
مصوری کی دنیا میں اب تک ایسے تین لوگ گزرے ہیں جنہوں نے دو ہاتھوں سے پیٹنگ کر کے اپنی صلاحیتوں کا لوہا منوایا ہے۔