Tag: malala

وینا ملک کی ملالہ یوسف زئی سے ملاقات

دبئی: پاکستانی اداکارہ وینا ملک نے متحدہ عرب امارات میں کم عمر ترین نوبل ایوارڈ یافتہ ملالہ یوسف زئی سے ملاقات کی ہے۔

جنت نظیر وادی سوات سے تعلق رکھنے والی جرات مند ملالہ یوسف زائی اپنی ذات پر بننے والی ڈاکیومنٹری فلم ’’ He named me Malala کی اسکریننگ کے لئے دبئی میں موجود ہیں۔

ملالہ ویسے تو دنیا کی نامور ترین شخصیات سے خصوصی ملاقاتیں کرچکی ہیں جن میں امریکی صدر باراک اوبامہ اورمایہ نازفٹ بال پلئیر ڈیوڈ بیکھم بھی شامل ہیں، تاہم اس بار ان کی ملاقات پاکستان کی متنازعہ اداکارہ وینا ملک سے ہوئی ہے۔

وینا ملک شادی کے بعد اپنی سابقہ زندگی سے ایک انتہائی مختلف زندگی گزاررہی ہیں اور دبئی میں ملالہ یوسف زئی سے ہونے والی ملاقات کے حوالے سےانتہائی پرجوش تھیں جس کا اظہارانہوں نے سماجی رابطے کی ویب سائٹ فیس بک پر کیا ہے۔

The most courageous and most successful yet too simple... Such a delight to know Malala at personal level... She is an incredible young woman..!!! Posted by Veena Malik Khan on Saturday, October 31, 2015

اپنی فیس بک پوسٹ میں وینا ملک نے کہا ہے کہ ملالہ سے ملنا انتہائی خوشی کا مقام ہے اور یہ جان کر اور خوشی ہوئی کہ دنیا کی سب سے بہادر اورکامیاب لڑکی اپنی ذاتی زندگی میں انتہائی سادہ ہے۔

وینا نے یہ بھی کہا ہے کہ ملالہ یوسف زئی ایک ناقابل یقین نوجوان خاتون ہیں۔

نومبر 2, 2015
ملالہ کی متاثرکن داستاں پر بننے والی ڈاکیومنٹری کا ٹریلرجاری

پاکستان کی بیٹی اورنوبل انعام یافتہ ملالہ یوسف زئی پر بننے والی ڈاکیومنٹری فلم کا ٹریلرریلیز کردیا گیا ہے۔

فلم کا نام ’’ ہی نیمڈ می ملالہ‘‘ ہے اوراس کے ہدایت کار ڈیوس گگن ہیئم ہیں۔ فلم میں دکھایا گیا ہے کہ کس طرح ملالہ یوسف زئی اورانکے والد ضیا دنیا بھرمیں لڑکیوں کی تعلیم کے مشن پرسرگرمِ عمل ہیں۔ ملالہ کو طالبان نے اسی جرم کی پاداش میں اس وقت سر میں گولی مارکرقتل کرنے کی کوشش کی تھی جب وہ محض 14 سال کی تھیں۔

لڑکیوں کی تعلیم کے فروغ کے لئے اپنے عزم کے بارے میں ملالہ نے ڈاکیومنٹری میں کہا ہے کہ ’’ایک وقت ایسا آتا ہے جب آپ کو چننا ہوتا ہے کہ آپ خاموش رہیں گے یا اٹھ کھڑے ہوں گے‘‘۔

It's here! Take a first look at HE NAMED ME MALALA, a documentary about Nobel Peace Prize winner Malala Yousafzai's life, story and personal journey as an education activist. Pledge to see the film only in theaters this October at http://bit.ly/1IlDIMgDirected by acclaimed documentary filmmaker Davis Guggenheim (An Inconvenient Truth, Waiting for "Superman"), the film shows us how Malala, her father Zia and her family are committed to fighting for education worldwide.

Posted by Malala Fund on Thursday, June 18, 2015

انہوں نے مزید کہا کہ ’’میں ان 66 ملین لڑکیوں میں سے ہوں جنہیں تعلیم سے محروم رکھا گیا ہے، میں اکیلی نہیں ہوں، میرے ہمراہ لاکھوں ہیں اور ہماری آواز ہمارا سب سے طاقتور ہتھیار ہے‘‘۔

ملالہ نے اعتراف کیا کہ ان کی کامیابیوں کے پیچھے ان کے والدین کا ہاتھ ہے اگروہ کسی عام، ماں باپ کی بیٹی ہوتیں تو اب تک دو بچوں کی ماں بن چکی ہوتی۔

گزشتہ رات ملالہ یوسف زئی جان اسٹیوارٹ نامی ٹی وی اینکر کے شو میں ڈاکیومنٹری بارے میں بتارہی تھیں،۔ اس سے پہلے بھی دن 2013 میں ملالہ اسی شو میں آچکی ہیں اور اسٹیوارٹ ان سے کافی متاثر ہوئے تھے۔

ملالہ یوسف زئی ٹی وی اینکر جان اسٹیوارٹ کے ہمراہ

سوشل میڈیا پرملالہ فنڈ نامی پیج پربتایا گیا ہے کہ یہ ڈاکیومنٹری اکتوبرمیں ریلیز کی جائے گی۔

It’s here! #WATCH Official trailer for #HENAMEDMEMALALA http://t.co/vspSlYk8Mc a film abt Malala’s incredible story pic.twitter.com/zwszjspfvE

— Malala Fund (@MalalaFund) June 19, 2015

جون 19, 2015

ناسا نے نئے سیارچے کا نام ملالہ سے منسوب کر دیا

واشنگٹن: خلائی تحقیق کے امریکی ادارے ناسا نے نئے دریافت ہونے والے سیارچے کو ملالہ کے نام سے منسوب کردیا ہے۔

واشنگٹن میں پریس کانفرنس کرتے ہوئے امریکی خلائی تحقیقی ادارے ناسا کی ماہر فلکیات ایمی مینزر نے کہا کہ سیارچہ انہوں نے دریافت کیا لہذا اس کا نام رکھنا بھی ان کا ہی حق ہے۔

امریکی خلائی ادارے نے 5 سال قبل مریخ اور مشتری کے درمیان دریافت ہونے والے 2.5 قطر کے سیارچے کا نام ملالہ رکھ دیا۔

انہوں نے کہا کہ میں نے ملالہ سے متعلق میگرین کی اسٹوریز پڑھی ہیں، جس کے بعد احساس ہوا ہے ملالہ اس لائق ہیں کہ ان کے نام سے سیارے کو منسوب کیا جائے۔

دنیا میں چند ہی سیارچے ہیں جنہیں کسی کے نام سے منسوب کیاگیا ہے اور اسے ایک عالمی سطح پر بہت بڑا اعزاز سمجھا جاتا ہے۔

ملالہ برطانیہ کے 500 متاثر کن افراد میں شامل

لندن: امن کا نوبل انعام جیتنے والی پاکستانی ملالہ یوسف زئی برطانیہ میں 2015 کی سب سے زیادہ متاثر کن شخصیات کی فہرست میں شامل ہوگئی ہیں۔

ڈیبرٹز500کی جانب سے جاری کی جانے والی سالانہ رپورٹ میں صحافت، کھیل، سیاست، تعلیم، فن سمیت 24 شعبوں کے 500 افراد پرمشتمل فہرست جاری کی گئی ہے۔

برطانوی میڈیا کے مطابق ملالہ کو”انسان دوست اورسماجی کارکن” کے شعبہ کی فہرست میں شامل کیا گیا ہے جس کے دیگر 20 افراد میں ایماواٹسن اورشہزادہ چارس بھی شامل ہیں۔

لڑکیوں کی تعلیم کیلئے لڑنے والی ملالہ کو نوبل انعام مل گیا

ڈیبریٹز 500 فہرست کا اجراء 1769 سے شروع ہوا تھا جس کا مقصد برطانیہ کے سب سے زیادہ اثرانگیز شخصیات کو سامنے لانا تھا۔

واضح رہے کہ پاکستان کے صوبہ خیبر پختونخوا کے ضلع سوات سے تعلق رکھنے والی ملالہ یوسف زئی اکتوبر 2012ء دوران اس حملے میں شدید زخمی ہوگئی تھیں۔

اس حملے کی ذمہ داری طالبان نے قبول کی تھی۔

سانحۂ پشاور: ملالہ یوسف زئی کا اظہارِافسوس

لندن: نوبیل انعام یافتہ ملالہ یوسف زئی نے پشاور سانحے کی مذمت کرتےہوئے کہا ہے کہ وہ پاکستان میں بچوں پر طالبان کے حملے سے دلبرداشتہ ہیں، یہ ایک احمقانہ اور بے رحمانہ حرکت ہے۔

پشاور میں ہونے والے حملے میں بچوں سمیت کل 130 افراد کی شہادت کی دنیا بھر میں مذمت کی جارہی ہے۔

ملالہ نے اپنے بیان میں کہا کہ پشاور میں ہونے والا یہ واقعہ انتہائی سفاک ہے ۔ معصوم بچوں نے اپنے اسکول میں کبھی ایسی دہشت کا سامنا نہیں کیا ہوگا۔

انہوںنے کہا کہ وہ اس ظالمانہ اور بزدلانہ اقدام کی مذمت کرتی ہیں اوراس اندوہ ناک موقع پر وہ پاک فوج اورحکومت کے ساتھ کھڑی ہیں۔

17 سالہ ملالہ یوسف زئی کو سن 2012 میں طالبان نے لڑکیوں کی تعلیم کے حق میں آواز اٹھانے کی پاداش میں ایک حملے میں قتل کرنے کی کوشش کی تھی۔ ملالہ اس حملے میں شدید زخمی ہوگئیں تھیں۔

نوبل انعام کی تقریب میں اسٹیج پر چڑھنے والا بچہ گرفتار

اوسلو: نوبل امن انعام کی تقریب میں ایک بچہ میکسیکو کاپرچم لہراتا ہو ا اسٹیج پر پہنچ گیا، جس سے صورتحال کافی دلچسپ ہوگئی۔

تفصیلات کے مطابق ناروے کے دارلحکومت اوسلو میں نوبل انعام کی تقریب میں اس وقت دلچسپ صورتحال پیدا ہوگئی جب ایک کم سن لڑکا عین اس وقت جب ملالہ اور کیلاش ستیار کو امن کا نوبل انعام دیا جارہا تھا، اسٹیج پر چڑھ گیا اور میکسیکو کا پرچم ملالہ کے سامنے لہرانے لگا۔

بچے کی اس حرکت پر سیکیورٹی اہلکاروں کی دوڑیں لگ گئیں اور بچے کو اپنی حراست میں لے کر اسٹیج سے اتاردیا۔ غیرملکی خبررساں ادارے کے مطابق بچے نے میکسین زبان میں ملالہ سے کچھ کہا جس پر ملالہ صرف مسکراتی رہیں۔ بچے کی شناخت اور بچہ کس مقصد کیلئے اسٹیج پر چڑھا ابھی تک واضح نہیں ہوسکا ہے۔

وقت آگیا ہےکہ تعلیم دشمنوں کیخلاف کارروائی کی جائے، ملالہ یوسف زئی

اوسلو: بچیوں کی تعلیم کیلئے دہشتگردروں کامقابلہ کرنےو الی ملالہ یوسف زئی نے امن کا نوبل انعام پالیا، نوبل انعام دینے کی تقریب ناروے کے شہر اوسلو میں ہوئی۔

تعلیم اور امن کے دشمنوں کا مقابلہ کرنے والی سوات کی گل مکئی کی ہمت کو عالمی سطح پر تسلیم کرتے ہوئے نوبل انعام سے نوازا گیا،اس موقع پرملالہ نے اپنے خطاب میں کہا کہ وہ نوبل انعام کیلئے اپنے انتخاب پر شکریہ ادا کرتی ہیں ، انہوں نے عالمی رہنمائوں سے مطالبہ کیا کہ وہ متحد ہوکر تعلیم کو اپنی پہلی ترجیح بنائیں۔

تقریب سے خطاب میں نوبل امن کمیٹی کے چیرمین کا کہنا تھا کہ ملالہ کا واحد جرم اس کی اسکول جانے کی خواہش تھی، ملالہ امن ایوارڈ حاصل کرنیوالی کم عمرترین لڑکی ہے، ان کا کہنا تھا کہ ملالہ اور کیلاش ستیارتھی امن کے علمبردار ہیں، ملا لہ یوسف زئی کو ملنے والا نوبل انعام پاکستان میں دوسرا نوبل انعام ہے، اس سے قبل ڈاکٹر عبدالسلام کو طبیعات کے میدان میں نوبل انعام دیا گیا تھا ۔

ملالہ کا کہنا تھا دہشتگرد میری آواز دبا نہ سکے، میں حقوق کے لیے آواز اُٹھارہی ہوں، تعلیم بنیادی زندگی کا اہم جزہے مگر سوات میں دہشتگردوں نے اُسکول بس پر فائرنگ کرکے میری آواز کو دبانے کی کوشش کی، انہوں نے عالمی رہنماؤں سے سوال کیا کہ اسلحہ فراہم کرنا آسان لیکن کتاب دینا مشکل کیوں؟، ٹینک بنانا آسان اور اسکول بنانا مشکل کیوں؟ ایسا کیوں ہے طاقتور ممالک دنیا میں امن لانے کے قابل نہیں، آئیے دنیا کی پہلی اور آخری نسل بنیں جو تعلیم کے فروغ کیلئے کام کرے۔

ملالہ یوسفزئی کا کہنا تھا چاہتی ہوں کہ خواتین کو مساوی حقوق دیے جائیں، میں اپنے ہاتھوں پر مہندی سے حساب کے فارمولے بنایاکرتی تھی ، ایک بھارتی اور پاکستانی ساتھ ملکر بچوں کے حقوق کے لیے کام کرسکتے ہیں، میں ان لڑکیوں کی آوازہوں جوتعلیم سے محروم ہیں، میں کائنات سومرواور کلثوم کی آوازہوں ۔

لڑکیوں کی تعلیم کیلئے لڑنے والی ملالہ کو نوبل انعام مل گیا

اوسلو: ملالہ یوسف زئی پاکستان سے نوبل انعام لینے والی دوسری شخصیت اور دنیا کی کم عمر ترین انعام یافتہ قرار پاگئی۔

نوبل انعام کمیٹی کے سربراہ کا کہنا ہے ملالہ کا جرم یہ تھا کہ اس نے لڑکیوں کی تعلیم کے آواز بلند کی ، قوم کو سر بلندکرنے والی ملالہ یوسف زئی بارہ جولائی انیس سو ستانوے میں پیداہوئی ہے، گیارہ برس کی عمرمیں گل مکئی کے نام سے بی بی سی ویب سائٹ پربلاگ لکھنا شروع کیا، اپنے بلاگز میں ملالہ نے بلا خوف وخطر سوات میں بچیوں کو تعلیم کے زیور سے محروم رکھنے اور طالبان کے خوفناک عزائم سے آگاہ کیا۔

انہوں نے سوات میں بچیوں کو تعلیم کی طرف راغب کرنے انتھک جدوجہد کی، جس کی پاداش میں طالبان نےنو اکتوبر دوہزار بارہ کو ملالہ یوسفزئی کو اس وقت نشانہ بنایا جب وہ سکول سے گھرلوٹ رہی تھی،برطانوی وزیراعظم گورڈن براون نے بھی ملالہ کی خدمات کا اعتراف کرتے ہوئے اقوام متحدہ میں خراج تحسین پیش کیا تھا ۔

ملالہ نے کئی بین الاقوامی ایوارڈ اپنے نام کیے،جن میں انٹرنیشنل چلڈرن پیس پرائز، پہلا پاکستانی نیشنل یوتھ پرائز۔ ورلڈ چلڈرن پرائز سمیت امن کا نوبل انعام اپنے نام کیا، کینیڈین حکومت نے ملالہ کی خدمات کا اعتراف ان کو اعزازی شہریت سے نوازا، بارہ جولائی دوہزار تیرہ میں ملالہ نے اقوام متحدہ کے ہیڈکوارٹر خطاب کیا جس میں تعلیم کے حصول پر زور دیا۔

ستمبر دوہزار تیرہ میں برمنگھم میں ملالہ کے نام سے لائبریری کا افتتاح ہوا، مئی دوہزار چودہ میں ملالہ کو ہیلی فیکس یونی ورسٹی نے ڈاکٹریٹ کی اعزازی ڈگری سے نوازا۔۔اپریل دوہزار تیرہ میں نیویارک ٹائم کے فرنٹ پیج پر ملالہ کا پوسٹر چھپا اور دنیا کی سو بااثر شخصیات میں ان کا نام شامل ہوا۔

دنیا بھر کے بچے اپنے حقوق کے لئے کھڑے ہوں، ملالہ یوسف زئی

اوسلو: دختر پاکستان ملالہ یوسفزئی کا کہنا ہے کہ دنیا میں امن اور حقیقی تبدیلی تعلیم کے ذریعے ہی لائی جاسکتی ہے۔

ناروے کے دارلحکومت اوسلو میں اپنے اور بھارتی نوبل انعام یافتہ کیلاش کے اعزاز میں منعقد تقریب سے خطاب میں ملالہ یوسفزئی کا کہنا تھا کہ جہالت کے اندھیروں کا خاتمہ تعلیم کے ذریعے ممکن ہے اور قلم اور کتاب ہی بچوں مستقبل میں تبدیلی لاسکتی ہے۔

دخترپاکستان ملالہ یوسفزئی کا کہنا تھا آوازبلند کرنے سے حقوق ملتے ہیں ،دنیابھر کے بچے اپنے حقوق کیلئے کھڑے ہو جائیں، اس موقع پر بھارتی نوبل انعام یافتہ کیلاش کا کہنا تھا کہ وہ دنیا بھر میں جہالت کے خاتمے اور علم کی شمع روشن کرنے میں ملالہ یوسفزئی کے ساتھ مل کر کام کرینگے۔

ملالہ یوسف زئی نے اس عزم کا اظہار کیا کہ جلد پاکستان جاکر وہاں اپنی تعلیم مکمل کروں گی، بہت سے ممالک میں بچے تعلیم سے محروم ہیں اگر دنیا بھر کے بچے اپنے حق کے لئے کھڑے ہوجائیں تو دنیا تبدیلی آجائے گی۔

ملالہ کا غزہ کے اسکولوں کی تعمیر کیلئے 50 ہزار ڈالر امداد کا اعلان

میری فریڈ : نوبل انعام یافتہ ملالہ یوسف زئی نے غزہ کے متاثرہ اسکولوں کی دوبارہ تعمیر نو کیلئے 50 ہزار ڈالر امداد کا اعلان کیا ہے۔

ملالہ یوسف زئی کو حال ہی میں ورلڈ چلڈرن ایوارڈ سے نوازنے کا اعلان کیا گیا ہے، ملالہ کا کہنا ہے کہ ملنے والی رقم میں سے 50 ہزار ڈالر غزہ کے بچوں کیلئے وقف کروں گی، فلسطین میں جاری جنگ سے اسکول بھی بری طرح متاثر ہوئے ہیں، جبکہ اسرائیلی جاریت سے ایک بچے سمیت 73 افرد جاں بحق ہوئے ہیں ۔

ملالہ نے مزید کہا ہے کہ اسکول کی تعمیر نو اور بچوں کی تعلیم پر یہ رقم خرچ کروں گی، دنیا میں ہر بچے کو پُرامن ماحول میں اعلیٰ تعلیم حاصل کرنے کا حق ہے اور تعلیم کے بغیر امن ممکن نہیں۔

دوسری جانب ورلڈ چلڈرن پرائزبھی ملالہ یوسف زئی نے جیت لیا ہے، کم عمر ترین نوبل انعام یافتہ 17 سالہ ملالہ یوسف زئی نے ورلڈ چلڈرن پرائز ووٹنگ کے ذریعے جیتا ہے، جس میں لاکھوں افراد نے حصہ لیا۔ورلڈ چلڈرن پرائز ملالہ یوسف زئی 29اکتوبر کو اسٹاک ہوم میں یہ ایوارڈ وصول کریں گی۔