ARYNews.tv | Urdu – Har Lamha Bakhabar

Tag: Malaysia

  • صرحا اصغر کی فیملی کے ہمراہ ملائیشیا میں سیر سپاٹے، تصاویر وائرل

    صرحا اصغر کی فیملی کے ہمراہ ملائیشیا میں سیر سپاٹے، تصاویر وائرل

    پاکستان شوبز انڈسٹری کی معروف اداکارہ صرحا اصغر کی شوہر اور بچوں کے ہمراہ ملائیشیا میں سیر سپاٹے کی تصاویر سومل میڈیا پر وائرل ہوگئی۔

    سری اصغر ایک باصلاحیت اداکارہ، ماڈل اور ڈانسر ہیں، اداکارہ نے پاکستان کے مقبول ڈرامے  جیسے پیار کے صدقے، آخر کب تک، میں کام کیا ہے، وہ ایک باصلاحیت ڈانسر بھی ہیں جس کی ویڈیو اداکارہ سوشل میڈیا پر شیئر کرتی رہتی ہیں۔

    صرحا اصغر اب دو بچوں کی ماں بھی ہے جس کی وجہ سے اداکارہ اب بہت کام ڈراموں میں نظر آتی ہیں، تاہم اب اداکارہ اپنے شوہر لالہ عمر اور اپنے دو بچوں کے ساتھ چھٹیاں گزارنے ملائیشیا میں ہیں۔

    فوٹو اور ویڈیو شیئرنگ ایپ انسٹاگرام پر صرحا اصغر نے اپنے بیٹے، بیٹی اور شوہر کے ساتھ خوبصورت تصاویر اور ویڈیوز شیئر کیں، تصاویر و ویڈیو میں دیکھا جاسکتا ہے کہ اداکارہ فیملی ٹائم سے بھر پوت لطف اندوز ہورہی ہیں۔

    سوشل میڈیا پر وائرل اداکارہ کی تصاویر کو مداحوں کی جانب سے خوب سراہا جارہا ہے۔

    واضح رہے کہ صرحا اصغر اے آر وائی ڈیجیٹل کے ڈرامہ سیریل ’ایک ستم اور‘ میں منفی کردار نبھا چکی ہیں ڈرامے کی دیگر کاسٹ میں اسامہ خان، انمول بلوچ، سلمان سعید، روبینہ اشرف، ماریہ واسطی ودیگر شامل تھے

  • کوالالمپور: گیس پائپ لائن پھٹ گئی، 100 سے زائد افراد زخمی

    کوالالمپور: گیس پائپ لائن پھٹ گئی، 100 سے زائد افراد زخمی

    ملائیشیا کے دارالحکومت کوالالمپور کے مضافات میں گیس پائپ لائن زور دار دھماکے سے پھٹ گئی، گیس پائپ پھٹنے کے باعث آگ لگ گئی، حادثے میں 100 سے زائد افراد زخمی ہوگئے۔

    بین الاقوامی خبر رساں ادارے کی رپورٹ کے مطابق عید کے دوسرے روز کوالالمپور کے قریب پوترا ہائٹس میں گیس اسٹیشن کے قریب گیس کی لائن پھٹنے سے ہر طرف آگ پھیل گئی۔

    ملائیشیا کی نیوز ایجنسی کے مطابق خوفناک آگ سے کم از کم 49 مکانات کو نقصان پہنچا ہے اور 112 افراد زخمی ہوئے ہیں۔

    رپورٹس کے مطابق ملائیشیا کی قومی تیل کمپنی پیٹروناس کا کہنا ہے کہ متاثرہ گیس پائپ لائن کو الگ کرکے آگ پر قابو پالیا گیا ہے۔

    سیلنگور کے وزیراعلیٰ امیر الدین شری کا کہنا ہے کہ فائر ڈپارٹمنٹ نے حفاظتی اقدام کے طور پر قریبی گھروں کو خالی کرادیا ہے، حالات قابو میں آنے تک رہائشیوں کو قریبی مساجد میں رکھنے کا فیصلہ کیا گیا ہے۔

    دوسری جانب تھائی لینڈ زلزلے میں زندہ بچ جانے والوں کو تلاش کیا جا رہا ہے، جن کے لیے ایک ایک لمحہ قیمتی ہے، جب کہ رپورٹ شدہ اموات کی تعداد 1,600 سے اوپر چلی گئی ہے۔

    تفصیلات کے مطابق میانمار میں زندہ بچ جانے والوں کی تلاش جاری ہے، جہاں جمعہ کو آنے والے 7.7 شدت کے زلزلے کے بعد کم از کم 1,644 افراد کی ہلاکت کی تصدیق کی گئی ہے، جب کہ ساڑھے 3 ہزار زخمی ہیں۔

    زلزلے کے مرکز کے قریب منڈالے شہر میں ریسکیو عملے نے ایک خاتون کو اپنے اپارٹمنٹ بلاک کے ملبے سے زندہ نکال لیا ہے، جہاں وہ 24 گھنٹے سے زائد عرصے تک پھنسی رہی۔

    ایران پر حملہ کیا گیا تو جوہری ہتھیاروں کے حصول کے سوا کوئی چارہ نہ ہوگا، تہران

    زلزلے کے مرکز سے تقریباً 1,000 کلومیٹر (620 میل) دور پڑوسی تھائی لینڈ کے دارالحکومت بنکاک میں کم از کم 11 مزید اموات کی اطلاع ملی ہے۔

  • ٹک ٹاک کے سیکڑوں ملازمین کو برطرف کرنے کا فیصلہ

    ٹک ٹاک کے سیکڑوں ملازمین کو برطرف کرنے کا فیصلہ

    کوالالمپور: سوشل میڈیا پلیٹ فارم ٹک ٹاک سے وابستہ سیکڑوں ملازمین جلد اپنی نوکریوں سے ہاتھ دھو بیٹھیں گے، انتظامیہ نے ملازمتوں میں کٹوتیوں کا فیصلہ کرلیا۔

    اس حوالے سے غیر ملکی خبر رساں ادارے کی رپورٹ کے مطابق شارٹ ویڈیوز کی معروف ویب سائٹ ٹک ٹاک کے ترجمان نے اپنے ایک حالیہ بیان میں کہا ہے کہ ادارہ سینکڑوں ملازمتوں میں کٹوتی کرے گا اور اس سے ملائیشیا میں بڑی تعداد میں ملازمین متاثر ہوں گے۔

    اس اقدام کی وجہ بیان کرتے ہوئے ترجمان کا کہنا تھا کہ کمپنی اپنے مواد کی نگرانی کے لیے مصنوعی ذہانت (اے آئی) کے استعمال کی جانب منتقل کی جارہی ہے تاکہ متن کا معیار بلند اور اُسے متوازن بنایا جائے۔

    ترجمان نے کہا کہ ہمیں توقع ہے کہ ہم صرف 2024 میں عالمی سطح پر اعتماد اور سیکیورٹی کے شعبے میں 2 ارب ڈالر کی سرمایہ کاری کریں گے، اور 80 فیصد مضر مواد مصنوعی ذہانت کی مدد سے ہٹایا جارہا ہے۔

    slashes hundreds of jobs

    چین میں ٹک ٹاک کی پیرنٹ یا مالک کمپنی کا نام بائٹ ڈانس ہے، کمپنی کے مذکورہ فیصلے کے بعد صرف ملائیشیا میں تقریباً 500 ملازمین متاثر ہونے کی توقع ہے۔

    کمپنی کی ویب سائٹ کے مطابق بائٹ ڈانس کے 1 لاکھ 10ہزار سے زیادہ ملازمین دنیا بھر کے 2سو سے زائد شہروں میں مقیم ہیں۔

    ترجمان کے مطابق ادارہ اب مصنوعی ذہانت سے تیار کیے جانے والے مواد کی جانب تیزی سے رواں دواں ہے اور یہ کام عالمگیر سطح پر کیا جارہا ہے۔

  • میرا داماد پاکستانی ہے، ملائشین وزیر اعظم

    میرا داماد پاکستانی ہے، ملائشین وزیر اعظم

    اسلام آباد: ملائشیا کے وزیر اعظم انور ابراہیم نے دل چسپ انکشاف کیا ہے کہ ان کے داماد پاکستانی ہیں۔

    تفصیلات کے مطابق ملائیشیا کے وزیر اعظم انور ابراہیم دورہ پاکستان مکمل کر کے گزشتہ روز اپنے وطن واپس روانہ ہوئے، پی ٹی وی کو ایک انٹرویو میں انھوں نے کہا ’’میرا داماد پاکستانی ہے، اور ہم اپنے ملک میں موجود پاکستانیوں کی قدر کرتے ہیں۔‘‘

    انھوں نے کہا ہمارے ابتدائی دنوں میں پاکستانی ماہرین نے اہم کردار ادا کیا، اب امیگریشن پالیسی کے قواعد و ضوابط بنا لیے ہیں۔ ملائیشیا کے وزیر اعظم نے کہا ’’میں علامہ اقبال کا مداح ہوں، قائد اعظم ایک مدبر رہنما تھے، پاکستان اور ملائیشیا ایک دوسرے کی صلاحیتوں سے بھرپور استفادہ کر سکتے ہیں۔‘‘

    انھوں نے کہا ہم پاکستان کو معاشی صلاحیت اور تعلیم کے حوالے سے رول ماڈل کے طور پر دیکھتے آ رہے ہیں، پاکستان میں ترقی کے حوالے سے بے پناہ مواقع ہیں، ملائیشیا انفارمیشن ٹیکنالوجی اور سیمی کنڈکٹرز میں خطے میں سب سے آگے ہے، ہم ان تمام شعبوں میں تعاون کوفروغ دے سکتے ہیں۔

    ملائیشین وزیر اعظم کا کہنا تھا کہ او آئی سی ایک عالمی تنظیم ہے، ہمیں مل کر آگے بڑھنا چاہیے، غزہ اور کشمیر سمیت انسانی حقوق خلاف ورزیاں جہاں بھی ہوں ان پر تشویش ہے، اقلیتوں کے حقوق کی پامالی پر بھی ہمیں تشویش ہے، دنیا کے دیگر ملکوں سے توقع کرتے ہیں کہ وہ اقلیتوں کے حقوق کی پاسداری کریں گے۔

    واضح رہے کہ ملائیشیا کے وزیر اعظم داتوسری انور ابراہیم کو نشان پاکستان کا اعزاز دیا گیا، یہ اعزاز صدر مملکت آصف زرداری نے انھیں دیا۔

  • ملائیشیا نے وزیر اعظم کی فیس بک پوسٹ ہٹانے پر میٹا سے وضاحت طلب کر لی

    ملائیشیا نے وزیر اعظم کی فیس بک پوسٹ ہٹانے پر میٹا سے وضاحت طلب کر لی

    کوالالمپور: ملائیشیا نے وزیر اعظم انور ابراہیم کی اسماعیل ہنیہ قتل سے متعلق فیس بک پوسٹ ہٹانے پر میٹا سے وضاحت طلب کر لی ہے۔

    الجزیرہ کے مطابق ملائیشیا کے وزیر مواصلات فہمی فاضل نے کہا ہے کہ انھوں نے META.O سے وضاحت طلب کی ہے کہ حماس کے رہنما اسماعیل ہنیہ کے قتل کے حوالے سے وزیر اعظم انور ابراہیم کی ایک فیس بک پوسٹ کو پلیٹ فارم سے کیوں ہٹایا گیا۔

    قبل ازیں روئٹرز کے مطابق ملائیشیا کے وزیر اعظم انور ابراہیم نے فیس بک پوسٹ ہٹانے کے میٹا پلیٹ فارمز کے اقدام کو بزدلانہ قرار دیا تھا، اس پوسٹ میں حماس کے ایک اہلکار کے ساتھ ان کی فون کال کی ریکارڈنگ تھی، جس میں ہنیہ کی موت پر انھوں نے تعزیت کا اظہار کیا تھا۔

    فہمی فاضل نے صحافیوں کو بتایا کہ میٹا نے ابھی تک کوئی جواب نہیں دیا ہے۔

    سابق وزیر اعظم مہاتیر محمد کا رد عمل

    ادھر سابق وزیر اعظم مہاتیر محمد نے اسماعیل ہنیہ کے قتل پر تعزیتی بیان جاری کرتے ہوئے کہا ہے کہ اسرائیل نے ’’عظیم آدمی‘‘ کو اس لیے مارا کہ اسرائیل ’’ہر اس شے سے ڈرتا اور نفرت کرتا ہے جس کے لیے وہ کھڑا ہوتا تھا۔‘‘

    مہاتیر نے 1981 سے 2020 کے درمیان 24 سال تک ملائیشیا کے وزیر اعظم کے طور پر خدمات انجام دیں، انھوں نے ہنیہ کو ایک ’نرم گفتار لیکن شیر کے دل والا آدمی‘ قرار دیا، انھوں نے کہا وہ ہنیہ کو مار سکتے ہیں لیکن اس کے نظریات کو نہیں۔

    مشرق وسطیٰ پر مکمل جنگ کے بادل منڈلانے لگے، یو این سلامتی کونسل کے ممالک تشویش میں مبتلا

    مہاتیر کا کہنا تھا کہ وہ ایک صاف ضمیر آدمی تھا جس نے اسے اپنے لوگوں کے لیے کھڑے ہونے کی ہمت دی، وہ اپنے لیے رہنمائی ایک ایسے اخلاقی کمپاس سے حاصل کرتے تھے جس کی بنیاد انسانیت اور مذہبی یقین ہے۔

  • ملائیشیا جانے والے پاکستانیوں کیلئے ویزا فیس کتنی ہوگی؟

    ملائیشیا جانے والے پاکستانیوں کیلئے ویزا فیس کتنی ہوگی؟

    ملائیشیا جانے کے خواہشمند پاکستانیوں کیلئے اہم خبر آگئی، اس مقصد کیلئے ویزا فیس کتنی ہوگی اور اسے حاصل کرنے سے متعلق کون سی دستاویزات قابل قبول ہیں۔

    تفصیلات کے مطابق پاکستانی شہریوں کو سیاحتی مقاصد کے لیے ملائیشیا میں داخلے کے لیے وزٹ ویزا حاصل کرنا ضروری ہے، ویزہ ایک آن لائن عمل کے ذریعے باآسانی اپلائی کیا جاسکتا ہے۔ پاکستانیوں کے لیے ملائیشیا کا ای ویزا منظور ہونے کی تاریخ سے چھ ماہ تک ہے۔

    ملائیشیا کے ویزا کے لیے آن لائن درخواست کہاں دی جائے؟

    پاکستانی درخواست دہندگان ملائیشیا کے امیگریشن ڈیپارٹمنٹ کی سرکاری ویب سائٹ پر جا سکتے ہیں۔ یہاں، آپ کو "I am New Apply” بٹن پر کلک کرنا ہوگا اور نام، قومیت، پاسپورٹ نمبر، پتہ وغیرہ جیسی تفصیلات جمع کروانا ہوں گی۔

    پاکستان سے ملائیشیا ای ویزا درخواستوں پر آن لائن کارروائی کی جاتی ہے اور عام طور پر ایک سے تین کاروباری ایام میں واپس کردی جاتی ہے۔

    ای ویزا جاری ہونے کے بعد ملائیشیا جانے والے پاکستانی مسافر ان چھ ماہ کے اندر کسی بھی وقت ملک کے اندر 30 دن گزار سکتے ہیں۔

    پاکستانیوں کے لیے ملائیشیا کے ای ویزا کے لیے درکار دستاویزات یہ ہیں۔

    ویزا حاصل کرنے کے لیے پاکستانی پاسپورٹ
    پاکستانی پاسپورٹ کے سوانحی معلومات کے صفحہ کی ڈیجیٹل کاپی
    درخواست گزار کی ایک حالیہ پاسپورٹ سائز تصویر
    رہائش کا ثبوت
    آنے جانے کا ٹکٹ
    ملائیشیا کے سفر کی مدت کے لیے فنڈز کا ثبوت

    پاکستانیوں کے لیے ملائیشیا ای ویزا فیس سے مراد ملائیشیا کی حکومت کو قابل ادائیگی ویزا فیس ہے، جو ’مائی ویزا‘ کے ذریعہ فیس (پاسپورٹ اور ویزا) آرڈر 1967 کی تجویز کردہ شرح پر قبول اور جمع کی جائے گی۔

    سیاحوں کے لیے ای ویزا کی فیس 20 ملائیشین رنگٹ ہے، ایک رنگٹ 58.02 روپے کے برابر ہے لہٰذا الیکٹرانک سنگل انٹری ویزا کی فیس 1,160 روپے ہے۔

    درخواست دہندگان سروس چارجز کے علاوہ ویزا پروسیسنگ فیس ادا کریں گے جو کہ 105 رنگٹ ہے۔ درخواست دہندگان ایک ڈیبٹ یا کریڈٹ کارڈ کے ساتھ ای ویزا پروسیسنگ فیس ادا کرسکتے ہیں۔

  • اسلامی ملک نے اسرائیل کے خلاف عالمی عدالت میں جنوبی افریقی درخواست کی حمایت کر دی

    اسلامی ملک نے اسرائیل کے خلاف عالمی عدالت میں جنوبی افریقی درخواست کی حمایت کر دی

    کوالالمپور: ملائیشیا نے اسرائیل کے خلاف عالمی عدالت انصاف میں جنوبی افریقی درخواست کی حمایت کر دی۔

    الجزیرہ کے مطابق ملائیشیا نے ایک بیان جاری کیا ہے جس میں غزہ میں نسل کشی پر جنوبی افریقہ کی جانب سے بین الاقوامی عدالت انصاف میں اسرائیل کے خلاف کارروائی شروع کرنے کا خیر مقدم کیا گیا ہے۔

    وزارت خارجہ سے جاری بیان میں کہا گیا ہے کہ ملائیشیا ’نسل کشی کنونشن‘ کا ساتھی فریق ہے، اس بنا پر ملائیشیا اسرائیل سے مطالبہ کرتا ہے کہ وہ بین الاقوامی قانون کے تحت اپنی ذمہ داریاں پوری کرے اور فلسطینیوں کے خلاف اپنے مظالم کو فوری طور پر بند کر دے۔

    اسرائیل کے خلاف بین الاقوامی عدالت انصاف میں سماعت 11 جنوری کو ہوگی

    جنوبی افریقہ کے بین الاقوامی تعلقات اور تعاون کے محکمے کے ترجمان کلیسن مونییلا نے کہا کہ جنوبی افریقہ کو توقع ہے کہ آنے والے دنوں میں مزید ممالک بھی ایسے ہی بیانات جاری کریں گے۔

    اسرائیل غزہ سے فلسطینیوں کو کس ملک بھیجنا چاہتا ہے، دل دہلا دینے والا انکشاف

    واضح رہے کہ اسرائیل کے خلاف غزہ میں نسل کشی کی آئی سی جے کی سماعتیں 11 اور 12 جنوری کو ہوں گی، ترجمان کلیسن مونییلا نے ایکس پر ایک پوسٹ میں کہا کہ اسرائیل کے خلاف بین الاقوامی عدالت انصاف کی کارروائی میں جنوبی افریقہ کی نمائندگی کرنے والے وکلا سماعت کی تیاری کر رہے ہیں۔

    یہود مخالفت ہارورڈ یونیورسٹی کی صدر کلاڈین گے کو لے ڈوبی

    ان وکلا میں مبینہ طور پر بین الاقوامی قانون کے جنوبی افریقہ کے پروفیسر جان ڈوگارڈ بھی شامل ہیں، جو 2001 سے 2008 تک فلسطینی علاقوں میں انسانی حقوق پر اقوام متحدہ کے خصوصی نمائندے کی حیثیت سے تعینات تھے۔

  • ملائیشیا میں طیارہ روکے جانے پر پی آئی اے کا مؤقف

    ملائیشیا میں طیارہ روکے جانے پر پی آئی اے کا مؤقف

    کراچی: ملائیشیا کے شہر کوالالمپور میں پی آئی اے کا طیارہ روکنے کی خبر پر ترجمان پی آئی اے نے مؤقف جاری کرتے ہوئے کہا ہے کہ انجن لیزنگ کمپنی نے ملائیشیا کی ایک عدالت میں غلط اعداد و شمار جمع کروا کر حکم امتناعی حاصل کیا ہے۔

    ترجمان پی آئی اے عبداللہ خان کا کہنا ہے کہ کوالالمپور میں جو بوئنگ 777 طیارہ روکا گیا ہے وہ پی آئی اے کی اپنی ملکیت ہے، لیز کلیم کی 4.5 ملین ڈالر کی کل واجب الادا رقم 1.8 ملین ڈالر تھی، جو پی آئی اے کی جانب سے ادا کی جا چکی تھی۔

    ترجمان نے بتایا کہ واقعے کے بعد پی آئی اے نے کوالالمپور میں وکلا کے ذریعے عدالت سے رجوع کر لیا ہے اور یہ معاملہ اس وقت زیر سماعت ہے، ترجمان نے کہا اس طرح طیارہ رکوانے اور زبردستی پیسے نکلوانے کے معاملات دنیا میں کہیں دیکھنے میں نہیں آتے، خاص طور پر جب کہ لیزنگ کمپنی اور پی آئی اے دونوں ملائیشیا کی مقامی کمپیناں نہیں ہیں۔

    کوالالمپور ایئرپورٹ پر پی آئی اے کا مسافر طیارہ روک لیا گیا

    ترجمان عبداللہ خان کے مطابق روکی گئی پرواز کے مسافروں کو متبادل طیارے سے پہلے ہی وطن واپس پہنچا دیا گیا ہے، جب کہ مذکورہ طیارہ بھی جلد ہی کمرشل پرواز کے طور پر وطن واپسی کی پرواز بھرے گا۔

    واضح رہے کہ بی ایم ایچ رجسٹریشن نمبر کے حامل مذکورہ طیارے کو کوالالمپور میں ایئرپورٹ انتظامیہ نے دوسری بار روکا ہے۔

  • روزگار کیلئے ملائشیا جانے والے غیرملکیوں کیلئے بڑی خبر

    کوالالمپور : ملائیشیا میں غیرملکیوں کو قانونی شرائط کے پیش نظر ملازمت تلاش کرنے میں شدید پریشانی کاسامنا کرنا پڑتا ہے لیکن اب حکومت نے آسان سہولیات کا اعلان کیا ہے۔

    تفصیلات کے مطابق ملائیشیا میں افرادی قوت کی کمی کے باعث وہاں کی صنعتوں کی پیداواری صلاحیت شدید متاثر ہورہی ہے، جس کی وجہ سے غیرملکیوں کے لیے ملازمت کے وسیع مواقع پیدا کیے گئے ہیں۔

    غیرملکی خبر رساں ادارے کی رپورٹ کے مطابق ملائیشیا اہم صنعتوں میں مقامی مزدوروں کی کمی کے پیش نظر اب غیرملکی کارکنوں کی بھرتی کا عمل تیز کررہا ہے۔

    اس حوالے سے ملائشیا کے وزیر داخلہ سيف الدين ناسوتيون بن اسماعيل نے گزشتہ روز صحافیوں کو بتایا ہے کہ غیرملکی کارکنوں کی خدمات حاصل کرنے میں تیزی لانے کے لیے صنعتوں کا کوٹہ ختم کر دیا جائے گا۔

    انہوں نے مزید بتایا کہ آجروں کو اب 15ممالک سے غیر ملکی کارکنوں کی خدمات حاصل کرنے سے پہلے کوٹہ کی حد اور دیگر شرائط پر عمل کرنے کی ضرورت نہیں ہے۔

    انہوں نے کہا کہ یہ عارضی استثناء ایک سال تک محدود رہے گا اور اس کا اطلاق صرف نئی درخواستوں پر ہوگا۔

  • ملائشیا میں قیامت ٹوٹ‌ پڑی، بچوں سمیت 21 فراد ہلاک

    ملائشیا میں قیامت ٹوٹ‌ پڑی، بچوں سمیت 21 فراد ہلاک

    باتانگ کالی : ملائیشیا کے ایک سیاحتی مقام پر لگے کیمپ پر اچانک قیامت ٹوٹ پڑی، مٹی کا تودہ گرنے سے 21 افراد ہلاک ہوگئے، ہلاک شدگان میں بچوں اور خواتین کی بڑی تعداد شامل ہے۔

    تفصیلات کے مطابق ہلاک ہونے والے افراد اپنے خیموں میں سو رہے تھے کہ اچانک تودے تلے دب کر جاں بحق ہوگئے، ملبے سے اب تک 21 لاشیں مل چکی ہیں جبکہ دیگر کی تلاش کاکام جاری ہے۔

    غیر ملکی خبر رساں ادارے روئٹر کی رپورٹ کے مطابق مقامی حکام کا کہنا ہے کہ یہ ہولناک واقعہ دارالحکومت کوالالمپور کی حدود سے باہر واقع ایک فارم ہاؤس صبح 3 بجے پیش آیا۔ حکام کا کہنا ہے کہ مذکورہ کیمپ کو غیرقانونی طور پر چلایا جارہا تھا۔

    مٹی کا تودہ 30 میٹر کی اونچائی سے سڑک کے کنارے سے گِرا۔ ریسکیو کیے گئے کچھ خاندانوں نے قریبی پولیس سٹیشن میں پناہ لی۔ زندہ بچ جانے والوں نے بتایا کہ انہوں نے ’مٹی کا تودہ گرنے سے پہلے دھماکے کی آواز سُنی۔‘

    فائر اینڈ ریسکیو ڈیپارٹمنٹ کے مطابق ہلاک ہونے والوں میں پانچ بچے اور 12 خواتین شامل ہیں جبکہ دیگر افراد لاپتہ ہیں جن کی تلاش کیلئے امدادی کارروائیاں جاری ہیں۔

    ملائیشیا کی نیشنل ڈیزاسٹر مینجمنٹ ایجنسی کے مطابق لینڈ سلائیڈنگ میں 94 افراد پھنس گئے تھے ان میں سے 61محفوظ رہے اور ابھی بھی12 افراد کا علم نہیں کہ وہ کس مقام پر ہیں، حادثے میں حاملہ خاتون سمیت 7 سیاح زخمی ہیں۔