Tag: Maleeha Lodhi

اسلام آباد: اقوام متحدہ میں پاکستان کی مستقل مندوب ملیحہ لودھی نے کہا ہے کہ مقبوضہ کشمیر کا معاملہ پوری دنیا کے سامنے آ چکا ہے، بھارت نے سلامتی کونسل کا اجلاس رکوانے کی کوشش کی۔

تفصیلات کے مطابق ملیحہ لودھی نے ایک بیان میں کہا ہے کہ بھارت نے سلامتی کونسل کا اجلاس رکوانے کی کوشش کی، مسئلہ کشمیر پر سلامتی کونسل کا اجلاس پاکستان کی کام یابی ہے۔

یو این میں پاکستان کی مستقل مندوب نے کہا کہ عالمی میڈیا نے بھی بھارت کو شدید تنقید کا نشانہ بنایا، ہم مقبوضہ کشمیر پر تمام سفارتی تعلقات استعمال کر رہے ہیں۔

ملیحہ لودھی کا کہنا تھا کہ اقوام متحدہ نے مقبوضہ کشمیر کی صورت حال پر تشویش کا اظہار کیا ہے۔

یہ بھی پڑھیں:  مقبوضہ کشمیر پر اقوام متحدہ کی سلامتی کونسل کا اجلاس

یاد رہے کہ کل اقوام متحدہ کی سلامتی کونسل میں پاکستان کی خصوصی درخواست پر مقبوضہ کشمیر کی صورت حال سے متعلق اجلاس طلب کیا گیا تھا، جس میں اقوام متحدہ کے شعبہ امن سازی سلامتی کونسل کو کشمیر پر بریفنگ دی گئی تھی۔

یو این سیاسی امور کے حکام نے بھی سلامتی کونسل کو کشمیر پر بریفنگ دی، اجلاس میں 5 مستقل اور 10 غیر مستقل نمایندے شریک ہوئے، اراکین کو مقبوضہ کشمیر کے معاملے پر اقوام متحدہ کے مستقل نمایندے نے بریفنگ دی۔

اس سے قبل شاہ محمود قریشی نے کہا تھا کہ پاکستان خطے کی بہتری کے لیے قدم اٹھا رہا ہے، مسئلہ کشمیر 5 دہائیوں بعد سلامتی کونسل میں زیر بحث آ رہا ہے، تاہم بھارت نے بہت کوشش کی کہ سلامتی کونسل کا اجلاس نہ ہو سکے۔

نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ بھارت وادی میں نہتے، محکوم شہریوں پرانسانیت سوز مظالم ڈھا رہا ہے۔

تفصیلات کے مطابق اقوام متحدہ میں پاکستانی سفیر ملیحہ لودھی نے امریکی نشریاتی ادارے کو انٹرویو میں کہا کہ مودی سرکار طاقت سے کشمیری عوام کو زیرتسلط نہیں رکھ سکے گی۔

انہوں نے کہا کہ پوری ریاست میں کرفیولگانا ثبوت ہے بھارتی اقدام غیرقانونی ہے، جب بھی کرفیو اٹھا کشمیری عوام بھارت کونکل جانے کا ہی کہیں گے۔

ڈاکٹر ملیحہ لودھی نے کہا کہ بھارت وادی میں نہتے، محکوم شہریوں پرانسانیت سوزمظالم ڈھا رہا ہے۔

پاکستانی سفیر نے کہا کہ پاکستان امن کا حامی ہے مگر بھارت کشیدگی میں اضافہ کرنا چاہتا ہے، بھارتی اقدامات خطے کے امن کے لیے سنگین خطرات کا باعث بنیں گے، عالمی برادری سلامتی کونسل کی قراردادوں کی روشنی میں مسئلہ حل کروائے۔

مقبوضہ کشمیرمیں انسانی حقوق کی خلاف ورزیوں پرانکوائری کمیشن قائم کیا جائے، ملیحہ لودھی

یاد رہے کہ گزشتہ روز اقوام متحدہ میں پاکستان کی مستقل مندوب ملیحہ لودھی کا کہنا تھا کہ یواین سیکریٹری جنرل سلامتی کونسل کی قراردادوں پرعمل یقینی بنائیں۔

ڈاکٹر ملیحہ لودھی کا کہنا تھا کہ مقبوضہ کشمیرمیں انسانی حقوق کی خلاف ورزیوں پرانکوائری کمیشن قائم کیا جائے۔

نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ یواین سیکریٹری جنرل سلامتی کونسل کی قراردادوں پرعمل یقینی بنائیں۔

تفصیلات کے مطابق ملیحہ لودھی نے یواین سیکریٹری جنرل کے چیف آف اسٹاف سے ملاقات کی اور کشمیر کی بگڑتی صورت حال، علاقائی امن کولاحق خطرات سے آگاہ کیا۔

پاکستانی سفیر ملیحہ لودھی نے پاکستان کی جانب سے لائحہ عمل پرسیکریٹری جنرل کی ٹیم کو آگاہ کیا۔

ڈاکٹر ملیحہ لودھی نے کہا کہ یواین سیکریٹری جنرل سلامتی کونسل کی قراردادوں پرعمل یقینی بنائیں، معاملے پر اقوام متحدہ کے سیکریٹری جنرل کو اپنا کردار ادا کرنا ہوگا۔

اقوام متحدہ میں پاکستان کی مستقل مندوب نے کہا کہ مقبوضہ کشمیرمیں انسانی حقوق کی خلاف ورزیوں پرانکوائری کمیشن قائم کیا جائے۔

بھارتی اقدامات سے خطے کے امن کو سنگین خطرہ لاحق ہے: ملیحہ لودھی

یاد رہے کہ گزشتہ روز اقوام متحدہ میں پاکستان کی مستقل مندوب ملیحہ لودھی کا کہنا تھا کہ بھارتی اقدامات سے خطے کے امن اور سیکیورٹی کو سنگین خطرہ لاحق ہے، بھارت بزور طاقت اور یکطرفہ قانون سازی سے حقائق تبدیل نہیں کر سکتا۔

ملیحہ لودھی کا کہنا تھا کہ بھارت سیکیورٹی کونسل کی قراردادوں کی خلاف ورزی کر رہا ہے، بھارتی اقدامات مروجہ عالمی قوانین کی بھی خلاف ورزی ہیں۔

نیویارک: اقوام متحدہ میں پاکستانی سفیر ملیحہ لودھی نے کہا کہ اقوام متحدہ کوچاہیے وہ امن دستوں کی تعیناتی میں سست روی کا جائزہ لے۔

تفصیلات کے مطابق پاکستان نے اقوام متحدہ میں امن دستوں کو چیلنجز پرلائحہ عمل پیش کردیا، لائحہ عمل مستقل مندوب ملیحہ لودھی نے اجلاس کے دوران پیش کیا۔

امن دستے بھیجنے والے ممالک کا گروپ ڈاکٹر ملیحہ لودھی نے 2017 میں بنایا تھا، گروپ امن دستے بھیجنے والے ممالک کے تجربات پر اداروں سے مشاورت کرتا ہے۔

پاکستانی سفیر ملیحہ لودھی نے کہا کہ پاکستان دنیا میں سب سے زیادہ امن دستے بھیجنے والے ممالک میں شامل ہے، اقوام متحدہ کو چاہیے وہ امن دستوں کی تعیناتی میں سست روی کا جائزہ لے۔

ڈاکٹر ملیحہ لودھی نے کہا کہ تعنیاتی میں تاخیر سے مالی اور تکنیکی نقصان ہوتا ہے، خمیازہ امن دستے بھیجنے والے ممالک کو بھگتنا پڑتا ہے۔

پاکستان نے 46 امن مشنزمیں 2 لاکھ سے زائد فوجی اورپولیس اہلکاربھیجے، ملیحہ لودھی

یاد رہے کہ رواں ماہ 12 جولائی کو اقوام متحدہ میں پاکستان کی مستقل مندوب ملیحہ لودھی کا کہنا تھا کہ فوجی دستے بھیجنے والے ممالک زمینی حقائق سے باخبر ہوتے ہیں۔

پاکستانی سفیر کا کہنا تھا کہ پاکستان 6 دہائی سے اقوام متحدہ امن مشنزمیں دستے بھیج رہا ہے، پاکستان نے 46 امن مشنزمیں 2 لاکھ سے زائد فوجی اورپولیس اہلکاربھیجے۔

نیویارک: اقوام متحدہ میں پاکستان کی مستقل مندوب ڈاکٹر ملیحہ لودھی کا کہنا ہے کہ اقتصادی اور سماجی کونسل کی نائب صدرمنتخب ہونا پاکستان پرعالمی برادری کے اعتماد کا ثبوت ہے۔

تفصیلات کے مطابق ڈاکٹر ملیحہ لودھی اقوام متحدہ کی اقتصادی اور سماجی کونسل کی نائب صدر منتخب ہوگئیں، اقتصادی اورسماجی کونسل اقوام متحدہ کے اہم ذیلی اداروں میں سے ہے۔

پاکستانی سفیر ملیحہ لودھی متفقہ طور پر ایشیا پیسیفک خطے سے منتخب ہوئیں، اجلاس میں 53 ممالک نے ڈاکٹرملیحہ لودھی کی متفقہ تائید کی۔

پاکستان کی مستقل مندوب کا کہنا ہے کہ نائب صدرمنتخب ہونا پاکستان پر عالمی برادری کے اعتماد کا ثبوت ہے، اقتصادی وسماجی پالیسی سازی میں پاکستان کے اہم کردار کی تائید ہے۔

ملیحہ لودھی نے کہا کہ ترقی پذیرممالک کے مفادات کے فروغ کے لیے کام کروں گی، اقوام متحدہ کو مزید فعال بنانے کے لیے بھی کوششیں کروں گی۔

یاد رہے کہ گزشتہ سال جون میں پاکستان اقوام متحدہ کی 54 رکنی اقتصادی وسماجی کونسل کا رکن منتخب ہوا تھا۔ کونسل کو رابطہ پالیسی کے جائزے، اقتصادی، سماجی اور ماحولیاتی مسائل پر سفارشات تیار کرنے اور تمام پائیدار ترقیاتی اہداف پر عمل درآمد کا اختیار حاصل ہے۔

واشنگٹن: اقوام متحدہ میں پاکستان کی مستقل مندوب ڈاکٹر ملیحہ لودھی کا کہنا ہے کہ پاکستان ترقی کے مستقل اہداف پرجامع حکمت عملی بنا رہا ہے۔

تفصیلات کے مطابق مشن اقتصادی اور سماجی تنظیم کی عالمی ورکشاپ سے اقوام متحدہ میں پاکستانی سفیر ملیحہ لودھی نے کہا کہ وزیراعظم عمران خان پاکستان سےغربت مٹانے کے لیے پرعزم ہیں۔

ملیحہ لودھی نے کہا کہ پاکستان ترقی کے مستقل اہداف پرجامع حکمت عملی بنا رہا ہے، قومی ترقی کی حکمت عملی عالمی اہداف سے ہم آہنگ ہے۔

ورکشاپ اعلیٰ سطح کے سیاسی فورم کے موقع پر مندوبین کی رہنمائی کے لیے منعقد کی گئی۔

یاد رہے کہ گزشتہ سال 18 اکتوبر کو پاکستانی سفیر ملیحہ لودھی نے غربت کے خاتمے کے لیے پائیدار ترقیاتی اہداف کے حصول کے لیے نئے عزم کی ضرورت پر زور دیتے ہوئے کہا تھا کہ عالمی صورت حال 2030 کے ترقیاتی اہداف کے حصول کے لیے سازگار نہیں ہے۔

ملیحہ لودھی کا کہنا تھا کہ عالمی شراکت داری میں دراڑیں آرہی ہیں، بین الاقوامی مالیاتی وسائل تک رسائی محدود ہو رہی ہے، اس کے ساتھ ساتھ سیاسی عزم میں بھی کمی آئی ہے۔