Tag: Maleeha Lodhi

نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ خواتین کو خود مختار کرکے معاشی مواقع پیدا کیے جاسکتے ہیں۔

تفصیلات کے مطابق اقوام متحدہ میں پاکستانی سفیر ڈاکٹر ملیحہ لودھی نے خطاب کرتے ہوئے کہا کہ گزشتہ دہائیوں میں پاکستان نے دہشت گردی میں اضافہ دیکھا۔

پاکستانی سفیر نے کہا کہ پاکستانی فوج اور عوام نے دہشت گردی کو چیلنج کے طور پر قبول کیا، فوج اورعوام نے بہادری کے ساتھ دہشت گردی کا مقابلہ کیا۔

ملیحہ لودھی نے کہا کہ پاکستان میں بحالی کا محورخواتین کے لیے تربیتی پروگرامز ہیں، خواتین کو خودمختارکر کے معاشی مواقع پیدا کیے جاسکتے ہیں۔

انہوں نے کہا کہ ہم سمجھتے ہیں میڈیا اورمذہبی رہنما اہم کردارادا کرسکتے ہیں، تشدد کی حوصلہ شکنی کے لیے تکنیکی اورتربیتی نشستیں جاری ہیں۔

پاکستانی سفیر نے کہا کہ بے نظیرانکم سپورٹ پروگرام خواتین کومعاشی آزادی مہیا کررہا ہے جبکہ یوتھ پروگرام کے ذریعے پیشہ ورانہ تربیت فراہم کی جا رہی ہے۔

نوجوان پاکستان کا سب سے بڑا اثاثہ ہیں‘ ملیحہ لودھی

یاد رہے کہ گزشتہ ماہ اقوام متحدہ میں پاکستانی مندوب ملیحہ لودھی کا کہنا تھا کہ پاکستان میں عمران خان حکومت کا مقصد سماجی ترقی سےعوام کا معیارزندگی بہتربنانا ہے۔

نیویارک : اقوام متحدہ میں پاکستان کی مستقل مندوب ملیحہ لودھی کا کہنا ہے کہ عالمی برادری مقبوضہ کشمیرمیں جاری بھارتی مظالم سے نظریں نہیں چرا سکتی۔

تفصیلات کے مطابق اقوام متحدہ میں پاکستانی سفیر ملیحہ لودھی نے عرب ٹی وی کو انٹرویو میں کہا کہ پاکستان بھارت کے ساتھ تمام مسائل مذاکرات کے ذریعے حل کرنا چاہتا ہے، نئی دہلی کےغیرذمہ دارانہ بیانات معاملات کوالجھا رہے ہیں۔

ملیحہ لودھی نے کہا کہ عالمی برادری مقبوضہ کشمیرمیں جاری بھارتی مظالم سے نظریں نہیں چرا سکتی۔

پاکستانی سفیر نے کہا کہ بھارت کشمیریوں کوحق خودارادیت دینے کے وعدے سے مکررہا ہے، گزشتہ سال مقبوضہ کشمیرمیں بھارتی جبرو تشدد کی انتہا ہوچکی ہے۔

انہوں نے کہا کہ اقوام متحدہ کی مقبوضہ کشمیرپر انسانی حقوق سے متعلق رپورٹ میں انکوائری کمیشن کی سفارش کی گئی۔

یاد رہے کہ گزشتہ روز اقوام متحدہ میں پاکستان کی مستقل مندوب ملیحہ لودھی نے سیکریٹری جنرل انتونیو گتریس اور سلامتی کونسل کے صدر سے ملاقاتیں کیں اور انہیں بھارتی الزام تراشیوں اور دھمکیوں سے متعلق وزیراعظم عمران خان کے موقف سے آگاہ کیا تھا۔

ملیحہ لودھی کی سیکریٹری جنرل اقوام متحدہ اور صدر سیکیورٹی کونسل سے ملاقاتیں

ملیحہ لودھی کا کہنا تھا کہ بھارت مقبوضہ کشمیر میں نہتے شہریوں پر مظالم کی انتہا کر چکا ہے، کشمیری عوام بھارتی مظالم کے خلاف جوابی ردعمل دے رہے ہیں۔

پاکستانی سفیر کا کہنا تھا کہ بھارتی جارحانہ رویہ خطے کو مزید غیرمستحکم کررہا ہے، ضرورت پڑی تو پاکستان بھارتی اشتعال انگیزی کا بھرپور جواب دے گا۔

نیویارک: اقوام متحدہ میں پاکستانی مندوب ملیحہ لودھی کا کہنا ہے کہ پاکستان میں عمران خان حکومت کا مقصد سماجی ترقی سےعوام کا معیارزندگی بہتربنانا ہے۔

تفصیلات کے مطابق ملیحہ لودھی نے اقوام متحدہ کے سماجی ترقی کے کمیشن کے سالانہ اجلاس سے خطاب کرتے ہوئے کہا کہ تعلیم اور صحت پرتوجہ دے کرہی دیرپا مساوی ترقی کا حصول ممکن ہے۔

اقوام متحدہ میں پاکستانی مندوب نے کہا کہ صحت کارڈ کے اجرا سے غریب گھرانوں کے لیے علاج کا حصول آسان ہوجائے گا۔

ملیحہ لودھی نے کہا کہ نوجوان پاکستان کا سب سے بڑا اثاثہ ہیں، نوجوان آبادی پرتوجہ دے کرروشن مستقبل کی بنیاد ڈال سکتے ہیں۔

پاکستانی سفیر نے کہا کہ پاکستان میں عمران خان حکومت کا مقصد سماجی ترقی سےعوام کا معیار زندگی بہتربنانا ہے۔

سلامتی کونسل میں توسیع تمام ممالک کے مفاد میں ہونی چاہیے‘ ملیحہ لودھی

یاد رہے کہ 31 جنوری کو اقوام متحدہ میں پاکستانی مندوب ملیحہ لودھی نے اصولی مؤقف اپناتے ہوئے کہا تھا کہ سلامتی کونسل میں توسیع تمام ممالک کے مفاد میں ہونی چاہیے۔

پاکستانی سفیر ملیحہ لودھی کا کہنا تھا کہ مزید مستقل اراکین سلامتی کونسل کوغیرفعال نہیں بنا دیں گے۔

نیویارک : اقوام متحدہ میں پاکستانی مندوب ملیحہ لودھی کا کہنا ہے کہ 15فیصد پاکستانی خواتین اسٹاف آفیسرز امن مشنزمیں تعینات ہیں۔

تفصیلات کے مطابق ملیحہ لودھی نے اقوام متحدہ کی امن مشنزکا جائزہ لینے والی کمیٹی سے خطاب کرتے ہوئے کہا کہ پاکستان نے اقوام متحدہ امن مشنزمیں خواتین کی شمولیت کا ہدف حاصل کرلیا۔

ملیحہ لودھی نے کہا کہ 15فیصد پاکستانی خواتین اسٹاف آفیسرزامن مشنزمیں تعینات ہیں، اقوام متحدہ کا ہدف18ماہ کی قلیل مدت میں حاصل کیا گیا۔ انہوں نے کہا کہ پاکستانی دستے قیام امن کوششوں میں ہمیشہ سب سے آگے رہے ہیں۔

پاکستانی سفیر ملیحہ لودھی نے کہا کہ امن مشنزمیں دستے بھیجنے والے ممالک کے تجربات سے فائدہ اٹھایا جائے۔

انہوں نے کہا کہ امن مشنزکے لیے مختص بجٹ میں کمی نہیں کرنی چاہیے، امن مشنزکے بجٹ میں کمی سے قیام امن کوششوں پرمنفی اثرپڑے گا۔

پاکستانی سفیر ملیحہ لودھی نے امن مشنزکا جائزہ لینے والی کمیٹی سے خطاب کرتے ہوئے ایل اوسی پرجنگ بندی کی نگرانی کرنے والے مشن کی مزید فعالیت پر بھی زور دیا۔

اقوام متحدہ جنرل اسمبلی کی صدر ماریہ فرنینڈا کا 156 شہید پاکستانیوں کی خدمات کو خراج عقیدت پیش

یاد رہے کہ گزشتہ ماہ 21 جنوری کو اقوام متحدہ جنرل اسمبلی کی صدر ماریہ فرنینڈا نے 156 شہید پاکستانیوں کی خدمات کو خراج عقیدت پیش کرتے ہوئے کہا تھا کہ عالمی امن اور سیکیورٹی پرپاکستان کی قربانیاں قابل فخر ہیں۔

نیویارک: اقوام متحدہ میں پاکستانی مندوب ملیحہ لودھی کا کہنا ہے کہ مزید مستقل اراکین سلامتی کونسل کوغیرفعال نہیں بنا دیں گے۔

تفصیلات کے مطابق سلامتی کونسل اصلاحات پرجاری مذاکرات میں پاکستانی مندوب ملیحہ لودھی نے اصولی مؤقف اپناتے ہوئے کہا کہ سلامتی کونسل میں توسیع تمام ممالک کے مفاد میں ہونی چاہیے۔

پاکستانی سفیر نے کہا کہ چند ممالک کی خواہش مذاکراتی عمل کامیاب نہیں ہونے دے رہی، مزید مستقل اراکین سلامتی کونسل کوغیرفعال نہیں بنا دیں گے۔

پاکستانی مندوب ملیحہ لودھی نے مزید کہا کہ غیرمستقل اراکین کوشفاف، فعال، موئثربنانے کا بہترین ذریعہ ہیں۔

یاد رہے کہ گزشتہ سال 21 نومبر کو اقوام متحدہ میں پاکستان کی مستقل مندوب ملیحہ لودھی کا کہنا تھا کہ غیرمستقل ارکان کی تعداد میں اضافے سے چھوٹے ممالک اور تاریخی طورپرنظرانداز خطوں کو نمائندگی ملے گی۔

اقوام متحدہ چند ممالک کا نہیں سب ممالک کا ادارہ ہے‘ ملیحہ لودھی

پاکستانی سفیر کا کہنا تھا کہ مستقل رکنیت کے خواہاں ممالک کی تنگ نظری اور مفاد پرستی اصلاحات کی راہ میں رکاوٹ ہے، اقوام متحدہ چند ممالک کا نہیں سب ممالک کا ادارہ ہے۔