Tag: Maleeha Lodhi

نیویارک: اقوام متحدہ میں پاکستانی مندوب ملیحہ لودھی کا کہنا ہے کہ صدرجنرل اسمبلی ماریہ اسپینوزا اگلے ہفتے پاکستان کا دورہ کررہی ہیں۔

تفصیلات کے مطابق اقوام متحدہ میں پاکستان کی سفیر ملیحہ لودھی نے نیویارک میں جنرل اسمبلی کی صدر ماریہ اسپینوزا سے ملاقات کی۔

پاکستانی سفیر نے بتایا کہ ملاقات میں دورہ پاکستان کی تیاریوں کوحتمی شکل دی گئی، ماریہ اسپینوزا اگلے ہفتے پاکستان کا دورہ کررہی ہیں۔

ملیحہ لودھی نے کہا کہ کسی بھی صدرجنرل اسمبلی کا یہ 8سال کے وقفےکے بعد دورہ پاکستان ہے، دورے کے دوران ماریہ اسپینوزاصدراوروزیراعظم پاکستان سے ملاقاتیں کریں گی۔

انہوں نے بتایا کہ صدرجنرل اسمبلی ماریہ اسپینوزا وزیر خارجہ شاہ محمودقریشی سے بھی ملاقات کریں گی۔ اس کے علاوہ وہ خواتین ممبران اسمبلی سے بھی ملاقات کریں گی۔

پاکستانی سفیر کے مطابق ماریہ اسپینوزا کو کشمیر کی صورت حال سے آگاہ کیا جائے گا، ملاقاتوں میں عالمی اورعلاقائی معاملات پربھی تبادلہ خیال ہوگا۔

ہم اجتماعیت کےفروغ سے ہی عالمی مسائل کاحل ڈھونڈ سکتے ہیں‘ ملیحہ لودھی

یاد رہے کہ گزشتہ سال نومبر میں پاکستانی سفیرکا کہنا تھا کہ برابری اورجمہوری تقاضوں پراستوارسلامتی کونسل کےحامی ہیں، باہمی تعلقات میں اجتماعیت اورعالمی نقطہ نظر کو شدید خدشات ہیں۔

ملیحہ لودھی کا کہنا تھا کہ فعال اورمضبوط اقوام متحدہ عالمی امن اور استحکام کے لیے ناگزیرہے، ہم اجتماعیت کے فروغ سے ہی عالمی مسائل کا حل ڈھونڈ سکتے ہیں۔

نیویارک : پاکستان کی مستقل مندوب ملیحہ لودھی کا کہنا ہے کہ سی پیک ترقی پذیرممالک کےدرمیان شراکت داری کی روشن مثال ہے، ترقی پذیرممالک میں سرمایہ کاری سےعالمی ترقی کی رفتارمیں اضافہ ہوگا۔

تفصیلات کے مطابق نیویارک میں اقوام متحدہ میں پاکستان کی مستقل مندوب ملیحہ لودھی نے خطاب کرتے ہوئے کہا سی پیک ترقی پذیرممالک کےدرمیان شراکت داری کی روشن مثال ہے، سی پیک سے خطے میں خوشحالی آئےگی۔

ملیحہ لودھی کا متوسط آمدنی والے ممالک کو درپیش چیلنجز پر اقوام متحدہ میں کہنا تھا کہ دنیاکی 73فیصد غریب آبادی متوسط آمدنی والےترقی پذیر ممالک میں رہتی ہے، غربت کا خاتمہ کئےبغیر پائیدار اور دیرپا ترقی کا حصول ممکن نہیں۔

پاکستانی سفیر نے کہا ترقی پذیرممالک میں سرمایہ کاری سےعالمی ترقی کی رفتارمیں اضافہ ہوگا۔

Coverage of my statement yesterday at the UN pic.twitter.com/rs5CzdeWCS

— Maleeha Lodhi (@LodhiMaleeha) December 6, 2018

یاد رہے چند روز قبل اقوام متحدہ میں پاکستان کی مستقل مندوب ملیحہ لودھی نے اقوام متحدہ اور شنگھائی تعاون تنظیم کے مابین شراکت داری پر اظہار خیال کرتے ہوئے کہاتھا  کہ پاکستان عالمی معاملات میں یکطرفہ نظریات اور سوچ کا مخالف ہے۔ علاقائی تعاون اور باہمی روابط کا فروغ پاکستان کی ترجیحات میں شامل ہے۔

ملیحہ لودھی کا کہنا تھا کہ ایس سی او منفی قومیت پرستی اور نئی سامراجی سوچ کے خلاف اہم پلیٹ فارم ہے۔ شنگھائی تعاون تنظیم نے امن و سلامتی اور ترقی کے لیے گراں قدر کام کیا۔

اس سے قبل پاکستان کی سفیر ملیحہ لودھی نے کہا تھا کہ پاکستان اصولوں پر سلامتی کونسل میں اصلاحات کا حامی ہے۔

نیویارک : اقوام متحدہ میں پاکستانی مندوب ملیحہ لودھی کا کہنا ہے کہ مشرقی یروشلم آزاد فلسطینی ریاست کا دارالحکومت ہونا چاہیے۔

تفصیلات کے مطابق اقوام متحدہ میں پاکستانی سفیر ملیحہ لودھی کا کہنا ہے کہ مسئلہ فلسطین حل نہ ہونا اقوام عالم کی مشترکہ ناکامی ہے۔

انہوں نے کہا کہ فلسطین عالمی قوانین کی خلاف ورزی کی اندوہناک داستان ہے، پائیدار امن کے لیے آزاد فلسطینی ریاست ضروری ہے۔

ملیحہ لودھی کا کہنا ہے کہ آزاد فلسطینی ریاست 1967 کی جغرافیائی حد بندی پرقائم کی جائے، مشرقی یروشلم آزاد فلسطینی ریاست کا دارالحکومت ہونا چاہیے۔

پاکستانی سفیر نے کہا کہ چند ممالک کی منفی پالیسیوں نے خطے کو مزید غیرمستحکم کردیا، اسرائیل کو فوراً گولان، لبنان اور دیگر مقبوضہ علاقے خالی کرنا ہوں گے۔

اسرائیلی تسلط نے فلسطینیوں کی زندگی اجیرن کردی،ملیحہ لودھی

خیال رہے کہ رواں ماہ اقوام متحدہ میں پاکستان کی مستقل مندوب ملیحہ لودھی کا کہنا تھا کہ اسرائیلی تسلط نے فلسطینیوں کی زندگی اجیرن کردی ہے۔

پاکستان نے فلسطینی مہاجرین کو دی جانے والی امداد میں اضافہ کردیا ‘ ملیحہ لودھی

یاد رہے کہ رواں ماہ 11 نومبرکو اقوام متحدہ میں پاکستان کی سفیر ملیحہ لودھی نے اپنے ویڈیو بیان میں کہا تھا کہ پاکستان نے فلسطینی مہاجرین کو دی جانے والی امداد میں اضافہ کردیا۔

نیویارک : اقوام متحدہ میں پاکستان کی مستقل مندوب ملیحہ لودھی نے کہا کہ عدم برداشت عصر حاضر کے بڑے مسائل میں شامل ہیں۔

تفصیلات کے مطابق اقوام متحدہ میں پاکستانی سفیر ملیحہ لودھی نے الائنس آف سیولائزیشن کے فورم سے خطاب کرتے ہوئے اقوام متحدہ کووزیراعظم عمران خان کی توہین مذہب کے خلاف مہم سے آگاہ کیا۔

پاکستانی سفیر نے کہا کہ مذاہب اور مقدس ہستیوں کی توہین روکنے پراقدامات کرنے ہوں گے، تہذیبوں اورمذاہب کے باہمی روابط سے ہی عالمی امن ممکن ہے۔

اقوام متحدہ میں پاکستان کی مستقل مندوب کا کہنا تھا کہ عدم برداشت عصرحاضر کے بڑے مسائل میں شامل ہیں۔

آزادی اظہار کے نام پر سوا ارب مسلمانوں کو تکلیف نہیں ہونی چاہیئے: وزیر اعظم

یاد رہے کہ دو روز قبل وزیراعظم عمران خان کا کہنا تھا گستاخانہ خاکوں کے معاملے پر ایک قرارداد پاس کروائیں گے اور اسے دنیا بھر میں پھیلائیں گے، آزادی اظہار کے نام پر سوا ارب مسلمانوں کو تکلیف نہیں ہونی چاہیے۔

وزیراعظم کا کہنا تھا کہ نبی کریم ﷺ کی شان میں گستاخی کسی صورت برداشت نہیں کی جاسکتی۔ قرارداد کے ذریعے بتائیں گے نبی کریم ﷺ کی شان میں گستاخی جرم ہے۔

نیویارک : اقوام متحدہ میں پاکستان کی مستقل مندوب ملیحہ لودھی نے کہا کہ غیرمستقل ارکان کی تعداد میں اضافے سے چھوٹے ممالک اور تاریخی طورپرنظرانداز خطوں کو نمائندگی ملے گی۔

تفصیلات کے مطابق اقوام متحدہ میں پاکستان کی سفیر ملیحہ لودھی نے کہا کہ پاکستان اصولوں پر سلامتی کونسل میں اصلاحات کا حامی ہے۔

انہوں نے کہا کہ مجوزہ اصلاحات طاقت ،استحقاق کے ارتکازکے لیے نہیں ، اس کی نفی کے لیے ہونی چاہیں، سلامتی کونسل میں مستقل ارکان کی تعداد میں اضافہ مزید غیرفعال بنا دے گا۔

پاکستانی سفیر نے کہا کہ مستقل رکنیت کے خواہاں ممالک کی تنگ نظری اور مفاد پرستی اصلاحات کی راہ میں رکاوٹ ہے، اقوام متحدہ چند ممالک کا نہیں سب ممالک کا ادارہ ہے۔

ملیحہ لودھی نے کہا کہ غیر مستقل ارکان کی تعدادمیں اضافے سے چھوٹے ممالک اور تاریخی طور پر نظرانداز خطوں کو نمائندگی ملے گی۔

ہم اجتماعیت کےفروغ سے ہی عالمی مسائل کاحل ڈھونڈ سکتے ہیں‘ ملیحہ لودھی

یاد رہے کہ گزشتہ ہفتے پاکستانی سفیرکا کہنا تھا کہ برابری اورجمہوری تقاضوں پراستوارسلامتی کونسل کےحامی ہیں، باہمی تعلقات میں اجتماعیت اورعالمی نقطہ نظر کو شدید خدشات ہیں۔

ملیحہ لودھی کا کہنا تھا کہ فعال اورمضبوط اقوام متحدہ عالمی امن اور استحکام کے لیے ناگزیرہے، ہم اجتماعیت کے فروغ سے ہی عالمی مسائل کا حل ڈھونڈ سکتے ہیں۔

نیویارک : اقوام متحدہ میں پاکستان کی مستقل مندوب ملیحہ لودھی نے کہا کہ پاکستان ہمیشہ فلسطینی بھائیوں اوربہنوں کے ساتھ کھڑا رہے گا۔

تفصیلات کے مطابق اقوام متحدہ میں پاکستان کی سفیر ملیحہ لودھی نے اپنے ویڈیو بیان میں کہا کہ پاکستان نے فلسطینی مہاجرین کو دی جانے والی امداد میں اضافہ کردیا۔

پاکستانی سفیر نے کہا کہ حکومتی احکامات،عوامی امنگوں کے پیش نظرامداد میں اضافہ کیا، اضافی مدد سے فلسطینی بچوں کے اسکول کھلے رہیں گے، کلینک بند نہیں ہوں گے۔

ملیحہ لودھی نے اپنے بیان میں مزید کہا کہ پاکستان ہمیشہ فلسطینی بھائیوں اور بہنوں کے ساتھ کھڑا رہے گا۔

فلسطینی مہاجرین کی امداد کرنے والی ایجنسی نے پاکستانی فراخ دلی کوسراہتے ہوئے کہا کہ پاکستان نےہمیشہ اورہرفورم پرفلسطینیوں کی حمایت کی۔

غزہ میں پُرامن فلسطینی مظاہرین کا خون بہایا جا رہا ہے‘ ملیحہ لودھی

یاد رہے کہ گزشتہ ماہ 20 اکتوبر کو اقوام متحدہ میں پاکستان کی مستقل مندوب ملیحہ لودھی کا کہنا تھا کہ فلسطینیوں کی انسانی بنیادوں پرامداد کوسیاسی مفادات کی بھینٹ نہ چڑھایا جائے۔

پاکستانی سفیر کا کہنا تھا کہ غزہ میں پُرامن فلسطینی مظاہرین کا خون بہایا جا رہا ہے، اسرائیلی بستیوں کی غیرقانونی توسیع بلاروک ٹوک جاری ہے۔ ان کا مزید کہنا تھا کہ مقبوضہ بیت المقدس سے متعلق قراردادوں سے انحراف کیا گیا۔