Tag: Maleeha Lodhi

نیویارک : اقوام متحدہ میں پاکستانی سفیر ملیحہ لودھی کا کہنا ہے کہ پاکستانی مشن اقوام متحدہ میں کشمیریوں کی آواز ہے، پاکستان اقوام متحدہ میں کشمیریوں کا مقدمہ اخلاقی اور قانونی بنیاد پرلڑرہا ہے۔

تفصیلات کے مطابق نیویارک کے پاکستان میں منعقد یوم یکجہتی کی تقریب میں اظہارخیال کرتے ہوئے اقوام متحدہ میں پاکستانی سفیر ملیحہ لودھی نے کہا کہ کشمیر میں بھارتی جارحیت سے عالمی امن کو خطرہ ہے۔

ملیحہ لودھی کا کہنا تھا کہ بھارت مقبوضہ کشمیر میں بچوں اور جنازوں پرفائرنگ کرتا ہے، بھارت کو اپنی بربریت روکنی ہوگی۔

پاکستانی سفیر ملیحہ لودھی کا کہنا تھا مسئلہ کشمیر پراقوام متحدہ کی قراردادوں پرعمل اور اسے کشمیریوں کی خواہشات کے مطابق حل ہونا چاہیے۔

ملیحہ لودھی کا کہنا تھا کہ پاکستان اقوام متحدہ میں کشمیریوں کا مقدمہ اخلاقی اور قانونی بنیاد پرلڑرہا ہے، پاکستانی مشن اقوام متحدہ میں کشمیریوں کی آواز ہے۔

دوسری جانب اقوام متحدہ میں پاکستانی سفیر ملیحہ لودھی نے سلامتی کونسل کے صدر سے ملاقات اور انہیں بھارتی جارحیت اورلائن آف کنٹرول پر ہونے والی خلاف ورزیوں سے آگاہ کیا گیا۔

مقبوضہ کشمیرمیں بھارتی فوج کی فائرنگ‘ 20 نوجوان شہید

یاد رہے کہ رواں ہفتے 2 اپریل کہ مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے 20 کشمیری نوجوانوں کو شہید جبکہ 300 سے زائد افراد کو زخمی کردیا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

نیویارک : اقوام متحدہ میں پاکستان کی مستقل مندوب ملیحہ لودھی کا کہنا ہے کہ کشمیر اور فلسطین سے متعلق قراردادوں پرعمل نہ ہونےسے اقوام متحدہ سے اعتماد اٹھ رہا ہے۔

تفصیلات کے مطابق اقوام متحدہ میں امریکی سفیر ملیحہ لودھی نے کہا کہ کشمیر، فلسطین مسئلے پراقوام متحدہ کی ساکھ داؤپرلگ چکی ہے۔

ملیحہ لودھی نے کہا کہ قراردادوں پرعمل نہ ہونے سے اقوام متحدہ سے اعتماد اٹھ رہا ہے، قراردادوں پرعمل کرنا سلامتی کونسل کی ذمہ داری ہے۔

اقوام متحدہ میں پاکستانی سفیر نے کہا کہ پاکستان کشمیریوں اورفلسطینیوں کی حمایت جاری رکھے گا، عالمی برادری فلسطینی پناہ گزینوں کی امداد کے لیے آگے بڑھے۔

انہوں نے مزید کہا کہ مشرق وسطیٰ میں امن صرف عادلانہ فیصلوں سے ہی ممکن ہے، مشرق وسطیٰ میں امن کی کوششوں میں کمی آتی جا رہی ہے۔

یاد رہے کہ گزشتہ ہفتےاقوام متحدہ میں پاکستان کی مستقل مندوب ملیحہ لودھی کا کہنا تھا کہ کابل اور اس کے پارٹنربشمول واشنگٹن الزام تراشی کے بجائے افغانستان میں درپیش چیلنجز پرتوجہ دیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نیویارک : اقوام متحدہ میں پاکستان کی سفیر ملیحہ لودھی کا کہنا ہے کہ پاکستان کوسرحد پارسے دہشت گردی کےخطرےکا سامنا ہے ان دہشت گردی کرنے والی قوتوں کو پاکستان شکست دے گا۔

تفصیلات کے مطابق پاکستان کی سفیر ملیحہ لودھی نے اقوام متحدہ کی جنرل اسمبلی سے خطاب کرتے ہوئےکہا کہ پاکستان کی سرزمین پر دہشت گردی کی کارروائیوں کی منصوبہ بندی اور مالی معاونت سرحد پار سے کی جاتی ہے۔

اقوام متحدہ میں پاکستانی مندوب ملیحہ لودھی نے کہا کہ دہشت گردی کے خلاف دنیا کا سب سے بڑا آپریشن پاکستان نے کیا اور اس کی کامیابیوں کا اندازہ اس بات سے لگایا جا سکتا ہے کہ گزشتہ 2 سال کے دوران ملک میں دہشت گردی کے واقعات میں کمی آئی ہے۔

ملیحہ لودھی نے کہا کہ پاکستان میں دہشت گردی 2006 کے بعد کم ترین سطح پرہے۔ انہوں نے کہا کہ داعش جیسی قوتوں سےنمٹنےکے لیے مشترکہ لائحہ عمل کی ضرورت ہے۔

ملیحہ لودھی نے کہا کہ دہشت گردی کے خلاف جنگ میں پاکستان نے 27 ہزار سے زائد شہریوں اور سیکورٹی فورسز کی جانوں کا نذرانہ پیش کیا اور 120 ارب ڈالر سے زائد کا مالی نقصان ہوا۔

بھارت جنوبی ایشیا میں دہشت گردی کی ماں ہے‘ ملیحہ لودھی

واضح رہے کہ 24 ستمبر کو اقوام متحدہ میں پاکستان کی مستقل مندوب ملیحہ لودھی نے اقوام متحدہ کی جنرل اسمبلی میں بھارتی وزیرخارجہ کی تقریرکا جواب دیتے ہوئے کہا تھا کہ بھارت جنوبی ایشیا میں دہشت گردی کی ماں ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نیویارک : اقوام متحدہ میں پاکستانی سفیر ملیحہ لودھی کا کہنا ہے کہ ثقافتوں کے تبادلے سے باہمی احترام اور ہم آہنگی میں اضافہ ہوگا۔

تفصیلات کے مطابق پاکستان کے 70ویں یوم آزادی کے موقع پراقوام متحدہ کی جنرل اسمبلی میں پاکستان کا جشن آزادی کانسرٹ منعقد کیا گیا۔ ڈپٹی سیکریٹری جنرل آمنہ محمد اس تقریب کی مہمان خصوصی تھیں۔

کانسرٹ میں مختلف ملکوں کے مہمانوں کی بڑی تعداد میوزیکل بینڈ سچل جیز کی پرفارمنس سے محظوظ ہوئی۔

اقوام متحدہ کی جنرل اسمبلی میں کانسرٹ سے خطاب کرتے ہوئے اقوام متحدہ میں پاکستانی سفیرڈاکٹرملیحہ لودھی کا کہنا تھا کہ ثقافتوں کے تبادلے سے باہمی احترام اور ہم آہنگی میں اضافہ ہوگا۔

دوسری جانب سیکریٹری جنرل کی بیرون ملک مصروفیات کے سبب ڈپٹی سیکریٹری جنرل آمنہ محمد اس تقریب کی مہمان خصوصی تھیں۔ اس موقع پران کا کہنا تھا کہ ہم سفارتکاری سے متعلق پاکستان کے عزم کا جشن منا رہے ہیں۔

واضح رہے کہ ڈپٹی سیکریٹری جنرل آمنہ محمد نے کہا کہ ہم اقوام متحدہ کے امورمیں پاکستان کےغیرمعمولی اقدام کو تسلیم کرتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔