Tag: Mali mushkilat

کراچی: پاکستان اسٹیٹ آئل کی مالی مشکلات میں مزید اضافہ ہوگیا ہے جن پر قابو پانے کے لیے پی ایس او نےحکومت سے ایک سو ارب روپے فوری طلب کر لئے ہیں ۔

پی ایس او ذرائع کے مطابق اس وقت ادارے کو دو سو چو بیس ارب روپے مختلف اداروں سے وصول کرنے ہیں۔ وصولی نہ ہونے کی وجہ سےادائیگیوں سے قاصر پی ایس او کےایل سیز اور اوور ڈرافٹ بند بھی بند ہوگئے ہیں۔

کمپنی اس وقت پانچ بینکوں کی نادہندہ ہوچکی ہے ۔ کمپنی کو اپنے پاس تین ہفتے کے ذخائر رکھنا ہوتے ہیں مگر اب ایک ہفتے کے ذخیرہ رکھنے سے قاصر ہے۔

وزارت پیٹرولیم کےمطابق پی ایس او کو سو ارب روپے کی شدید ضرورت ہے ۔ وزیراعظم نواز شریف نے آج توانائی پر کمیٹی کا اجلاس طلب کر لیا ہے۔

اجلاس میں پی ایس او کی مالی مشکلات کا حل تجویز کیا جائے گا۔ پی ایس او کوپی آئی اے سے تیرہ ارب روپے اور توانائی کے شعبے سےایک سو اڑسٹھ ارب روپے وصول کرنےہیں۔