Tag: mamnoon hussain

  • صدر ممنون حسین کی صدارت کا آج آخری دن

    صدر ممنون حسین کی صدارت کا آج آخری دن

    اسلام آباد: صدرمملکت ممنون حسین کی مدت صدارت کا آج آخری دن ہے، وہ آج صدر کے عہدے سے سبکدوش ہوجائیں گے۔

    تفصیلات کے مطابق صدرممنون حسین اپنے عہد صدرارت کی مدت مکمل ہونے پر آج اپنے عہدے سے سبکدوش ہوجائیں گے۔

    صدر مملکت کو ایوان صدر سے رخصتی کے موقع پرمسلح افواج کی جانب سے گارڈ آف پیش کیا جائے گا۔

    ایوان صدر کے ترجمان کے مطابق نومنتخب صدر ڈاکٹرعارف علوی کل پاکستان کے13 ویں صدر کی حیثیت سے حلف اٹھائیں گے۔ چیف جسٹس آف پاکستان جسٹس ثاقب نثار نومنتخب صدر سے حلف لیں گے۔

    صدارتی انتخاب 2018: عارف علوی تیرہویں صدر پاکستان منتخب

    پاکستان تحریک انصاف کے ڈاکٹرعارف 4 ستمبر کو ہونے والے صدراتی انتخاب کے نتیجے میں ملک کے صدر منتخب ہوئے تھے۔

    خوشی ہے کہ جلد عام آدمی کی زندگی اختیار کر لوں گا‘ صدر ممنون حسین

    یاد رہے کہ گزشتہ روز صدرممنون حسین نے ایوان صدر کے افسران اور اہلکاروں سے الوداعی ملاقات کی تھی۔

    اس موقع پرصدرمملکت نے اپنے الوداعی خطاب میں کہا تھا کہ آئین وقانون کی پاسداری اور اچھی حکمرانی میں ہی وطن عزیز کی ترقی اور خوشحالی پوشید ہے۔

    صدرممنون حسین کا کہنا تھا کہ خوشی ہے، جلد پھر سے عام آدمی کی طرح سرگرمیاں جاری رکھ سکوں گا۔ انہوں نے ایوان صدر کے حکام اور عملے کے افراد کا تعاون پرشکریہ ادا کیا تھا۔

  • خوشی ہے کہ جلد عام آدمی کی زندگی اختیار کر لوں گا: صدر ممنون حسین

    خوشی ہے کہ جلد عام آدمی کی زندگی اختیار کر لوں گا: صدر ممنون حسین

    کراچی: صدرممنون حسین نے ایوان صدرکے افسران واہل کاروں سے الوداعی ملاقات کی.

    اس موقع پر صدر پاکستان نے کہا ہے کہ بارگاہ الہیٰ میں شکرگزاری کے ساتھ ایوان سے رخصت ہو رہا ہوں.

    ممنون حسین کا کہنا تھا کہ اپنےاختیارات، آئینی حدود کا ادراک اوراس پرسختی سے کاربند رہا، اللہ تعالیٰ اور اپنے ضمیر کے سامنے سرخرو ہوا.

    صدر ممنون حسین کا کہنا تھا کہ ایوان میں بیٹھے بعض افراد نے آئین کے بجائے اپنی مرضی سے کام چلانے کی کوشش کی، جو مناسب نہیں تھا.

    صدر نے کہا کہ ایوان میں جب بھی نیا باسی آتا ہے، اس سے توقعات وابستہ کرلی جاتی ہیں، آئین، قانون کی پاس داری ہی میں ملک کی ترقی کا رازپوشیدہ ہے.

    مزید پڑھیں: صدرممنون حسین اوران کے رشتہ داروں کا اکنامی کی بجائے بزنس کلاس میں سفر

    صدر نے کہا کہ خوشی ہے، جلد پھر سے عام آدمی کی طرح سرگرمیاں جاری رکھ سکوں گا.

    یاد رہے کہ 4 ستمبر کو ہونے والے صدارتی انتخابات میں پی ٹی آئی کے نامزد کردہ عارف علوی نے واضح برتری سے کامیابی حاصل کی تھی.

    عارف علوی ملک کے تیرہویں منتخب صدر ہیں. انھوں نے انتخابات میں مولانا فضل الرحمان اور اعتراز احسن کو شکست دی تھی.

  • صدرممنون حسین اوران کے رشتہ داروں کا اکنامی کی بجائے بزنس کلاس میں سفر

    صدرممنون حسین اوران کے رشتہ داروں کا اکنامی کی بجائے بزنس کلاس میں سفر

    اسلام آباد : پی آئی اے انتظامیہ نے وزیراعظم عمران خان کے احکامات کو ہوا میں اڑا دیا، صدر ممنون حسین اور ان کے رشتے داروں کو اکنامی کلاس کے ٹکٹ ہونے کے باوجود سفربزنس کلاس میں کرایا گیا۔

    تفصیلات کے مطابق صدر ممنون حسین اور ان کے رشتے داروں کے اکنامی کلاس کے دو طرفہ ٹکٹ ہونے کے باوجود انہیں سفربزنس کلاس میں کرایا گیا جس سے ادارے کو لاکھوں روپے کا نقصان ہوا۔

    منیجرسیکریٹریٹ جاوید جمیل نے صدر پاکستان کے پروٹوکول کا ہدایت نامہ جاری کیا تھا، جاوید جمیل کا جاری کردہ ہدایت نامہ اے آروائی نیوز نے حاصل کرلیا۔

    صدرممنون حسین 24 اگست کواسلام آباد سے پی کے785 سے لندن روانہ ہوئے تھے، پانچ دن قیام کے بعد 29 اگست کوپی کے 786 سے اسلام آباد روانہ ہوئے تھے۔

    جاوید جمیل کی ہدایت پرلندن انتظامیہ نے اکنامی کلاس کو بزنس کلاس میں اپ گریڈ کیا تھا۔

    ترجمان پی آئی اے کا کہنا ہے کہ سیٹوں کی اپ گریڈیشن کا اختیاراسٹیشن منیجرکے پاس نہیں ہوتا جبکہ اسٹیشن منیجرلندن ساجد اللہ کا صدرکے رشتہ داروں کی سیٹوں کی اپ گریڈیشن سے تعلق نہیں ہے۔

    یاد رہے کہ 31 اگست کو پی آئی اے کی جانب سے سماجی رابطے کی ویب سائٹ ٹویٹر پرجاری بیان میں کہا گیا تھا کہ تمام مسافر ہمارے لیے برابراہمیت کے حامل ہیں۔

    پی آئی اے کی جانب سے ٹویٹرپرایک تصویربھی جاری کی گئی تھی جس پرنو پروٹوکول نو سیٹ بلاکنگ کے الفاظ تحریر تھے۔

    واضح رہے کہ وزیراعظم عمران خان کئی بار پروٹوکول پر ناراضگی کا اظہار کر چکے ہیں، ان کا کہنا تھا کہ کہ نہ میں خود پروٹوکول لوں گا نہ دوسروں کو لینے دوں گا جبکہ وزرا کو بھی پروٹوکول نہ لینے کی ہدایت کی تھی۔

  • ایوان صدر میں فوجی افسران و جوانوں میں اعزازات کی تقسیم، شہداء کے لواحقین کی شرکت

    ایوان صدر میں فوجی افسران و جوانوں میں اعزازات کی تقسیم، شہداء کے لواحقین کی شرکت

    اسلام آباد : ملک کے لیے جانوں کے نذرانے پیش کرنے والے شہداء کو ستارہ بسالت جب کہ اعلیٰ پیشہ ورانہ مہارت اور کارکردگی دکھانے پر فوجی افسران کو ہلال امتیاز اور تمغہ بسالت کے اعزازات سے نوازا گیا۔

    تفصیلات کے مطابق جشن آزادی کے موقع پر مسلح افواج کے افسروں و جوانوں کیلئے اعزازات کی تقسیم کی پروقار تقریب ایوان صدر میں منعقد کی گئی تقریب میں تینوں مسلح افواج کے سربراہان سمیت اعلیٰ سیاسی و عسکری شخصیات نے شرکت کی جب کہ شہداء کے لواحقین بھی اس تقریب میں شریک تھے۔

    پروقار تقریب میں صدر مملکت ممنون حسین نے اعزاز پانے والوں فوجی افسران کو بیجز لگائے۔صدر مملکت نے ڈی جی آئی ایس پی آر میجرجنرل آصف غفور سمیت17افسران کو ان کی خدمات کے اعتراف میں ہلال امتیاز ملٹری سے نوازا۔

    اس کے علاوہ دو افسران کو ستارہ بسالت،59کو تمغہ بسالت،34کو امتیازی اسناد دی گئیں جبکہ17افسران ہلال امتیاز ملٹری،77کو ستارہ امتیاز ملٹری کا اعزازات دیئے گئے،106افسران اور جوانوں کو تمغہ امتیاز ملٹری سے نوازا گیا۔

    ستارہ بسالت پانے والوں میں جنرل سہیل عابد شہید، صوبیدار شوکت خان شہید جبکہ تمغہ بسالت پانے والوں میں نائب صوبیداراظہرعلی شہید، نائب صوبیدار عاقل محمد شامل ہیں۔

    کرنل سہیل عابد شہید، صوبیدار شوکت خان شہید کو ستارہ بسالت سے نوازا گیا اور نائب صوبیدار اظہرعلی شہید، نائب صوبیدارعاقل محمد، نائب صوبیدار ہمایوں شاہ شہید، نائب صوبیدار فیصل محمود کو تمغہ بسالت کے اعزازات دیئے گئے۔

    شہداء کے اعزازات ان کے لواحقین نے صدر مملکت سے وصول کیے، اس موقع پر رقت آمیز مناظر بھی دیکھنے میں آئے۔

  • پاکستان کا اگلا صدر کون ہوگا؟ الیکشن کمیشن نے تیاریاں شروع کردیں

    پاکستان کا اگلا صدر کون ہوگا؟ الیکشن کمیشن نے تیاریاں شروع کردیں

    اسلام آباد : الیکشن کمیشن نے صدارتی انتخاب کی تیاریاں شروع کردیں، ملک بھر کی ہائی کورٹس کو پولنگ افسران کی تعیناتی کیلئے درخواست کردی گئی۔

    تفصیلات کے مطابق عام انتخابات کا مرحلہ کامیابی سے مکمل ہونے کے بعد اب صدراتی انتخاب کے مرحلے کی تیاریاں جاری ہیں، اس سلسلے میں تمام ہائی کورٹس کو الیکشن کمیشن کی جانب سے پولنگ آفیسرز کی تعیناتی کی درخواست کردی گئی ہے۔

    صدر پاکستان ممنون حسین کے بعد ملک کا اگلا صدر کون ہوگا؟ اس کیلئے الیکشن کمیشن نے صدارتی انتخاب کی تیاریاں شروع کردیں، الیکشن کمیشن نے ہائی کورٹس سے پولنگ آفیسرز کی تعیناتی کی درخواست کردی ہے۔

    ،انتخابی شیڈول کا اعلان جلد کیا جائے گا۔ واضح رہے کہ صدر مملکت ممنون حسین کی مدت صدارت نو ستمبر کو ختم ہورہی ہے
    صدرممنون حسین اطمینان سے اپنی معیاد مکمل کرکے گھرجائیں گے۔

    الیکشن کمیشن کے مطابق صدراتی انتخاب اگست کےآخری یا ستمبر کے پہلے ہفتے میں متوقع ہے،ممنون حسین اپنے پورے دور صدارت میں کسی تنازع میں نہیں پھنسے، البتہ پانامہ پیپرز کے حوالے سے ان کی تقریر کو بہت شہرت ملی۔

    علاوہ ازیں نواز لیگ حکومت میں گزشتہ سال پیش کیے جانے والے بجٹ میں صدر ممنون حسین کی تنخواہ میں چھ لاکھ روپے اضافہ کا اعلان کیا تھا جس کے بعد ان کی ماہانہ تنخواہ دولہ لاکھ روپے ہوگئی تھی۔

    اس وقت کے وفاقی وزیرخزانہ اسحاق ڈار کی طرف سے پیش کیے گئے بجٹ میں وزیراعظم کے دفتر کا بجٹ 91کروڑ67 لاکھ روپے سالانہ کر دیا گیا تھا۔

    مزید پڑھیں: صدر ممنون حسین کی تنخواہ میں 6 لاکھ روپے کا اضافہ

    یاد رہے کہ پاکستان میں پاناما پیپرز کے انکشافات کے بعد صدر مملکت کا کہنا تھا کہ پاناما لیکس بدعنوان لوگوں پر قدرت کا شکنجہ ہے، گزشتہ سال ممنون حسین نے کوٹری کے صنعتکاروں سے خطاب کرتے ہوئے کہا تھا کہ پاناما اسکینڈل قدرتی آفت ہے، اس کی پکڑ میں بہت سے لوگ آئیں گے۔

  • صدر ممنون حسین کی نااہلی کے لیے درخواست دائر

    صدر ممنون حسین کی نااہلی کے لیے درخواست دائر

    اسلام آباد: صدر پاکستان ممنون حسین کی نااہلی کے لیے دائر درخواست پر اسلام آباد ہائیکورٹ نے سیکریٹری قانون سے جواب طلب کرلیا۔

    تفصیلات کے مطابق صدر مملکت ممنون حسین کی نااہلی کے لیے اسلام آباد ہائیکورٹ میں دائر درخواست پر سماعت ہوئی۔ کیس کی سماعت اسلام آباد ہائی کورٹ کے جسٹس شوکت عزیز صدیقی نے کی۔

    درخواست گزار کا مؤقف ہے کہ آئین پاکستان کے تحت صدر پاکستان کا غیر جانبدار ہونا لازمی ہے۔ صدر ممنون حسین مسلم لیگ ن کے رہنما ہیں۔

    درخواست گزار کا کہنا ہے کہ صدر ممنون حسین نے کاغذات نامزدگی میں غلط بیان حلفی جمع کروایا لہٰذا وہ صادق اور امین نہیں رہے اور آرٹیکل 62، 63 کے تحت نااہل ہیں۔

    درخواست میں استدعا کی گئی کہ عدالت ممنون حسین کی صدارت کا نوٹیفیکیشن کالعدم قرار دے۔

    درخواست میں سیکریٹری قانون، نگراں وزیر اعظم اور آرمی چیف کو فریق بنایا گیا ہے۔

    عدالت نے سیکریٹری قانون سے جواب طلب کرتے ہوئے کیس کی مزید سماعت گرمیوں کی چھٹیوں کے بعد تک ملتوی کردی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ترک صدر رجب طیب اردوان نے عہدے کا حلف اُٹھا لیا

    ترک صدر رجب طیب اردوان نے عہدے کا حلف اُٹھا لیا

    انقرہ: ترکی کے صدر رجب طیب اردوان نے اپنے عہدے کا حلف اُٹھالیا، صدر مملکت ممنون حسین نے تقریب حلف برداری میں شرکت کی۔

    تفصیلات کے مطابق ترکی کے صدر رجب طیب اردوان نے عہدے کا حلف اٹھالیا ہے، صدر مملکت ممنون حسین تقریب حلف برداری میں شریک ہوئے، بائیس ملکوں کے سربراہان اور اٹھائیس وزرائے اعظم سمیت مختلف ملکوں کے اعلیٰ وفود نے بھی شرکت کی، ترک صدر کابینہ کا بھی اعلان کریں گے۔

    انقرہ میں دو دن گرفتار ہونے والے صحافیوں کی رہائی کے لیے احتجاج بھی کیا گیا جبکہ مڈل ایسٹ ٹیکنیکل یونیورسٹی کے 5 طلبا بھی حراست میں لیا گیا جنہوں نے اردوان کے خلاف پلے کارڈ اٹھا رکھے تھے۔

    واضح رہے کہ رجب طیب اردگان نے صدارتی انتخابات میں 53 فیصد ووٹ حاصل کیے تھے جبکہ ان کے حریف محرم انسے 31 فیصد ووٹ ہی حاصل کرسکے تھے۔

    مزید پڑھیں: ترک صدارتی انتخابات میں رجب طیب اردگان فتح یاب‘ دوسری بارصدرمنتخب

    الیکشن کمیشن کے بیان سے قبل ہی صدر رجب طیب اردگان نے انتخابات میں اپنی کامیابی کے اعلان کے ساتھ پارلیمانی انتخابات میں اپنی جماعت جسٹس اینڈ ڈویلپمنٹ پارٹی کی پارلیمنٹ میں اکثریت حاصل کرنے کا دعویٰ کیا تھا۔

    خیال رہے کہ حزب اختلاف محرم انسے نے اب تک رجب طیب اردگان کی کامیابی کو تسلیم کرنے کا اعلان نہیں کیا اور کہا کہ نتائج جو بھی ہوں وہ ملک میں جمہوریت کے لیے اپنی جدوجہد جاری رکھیں گے۔

    خیال رہے کہ ترکی میں یہ انتخابات نومبر 2019 میں ہونے تھے لیکن ترک صدر نے انہیں قبل ازوقت کرانے کا فیصلہ کیا۔ اس انتخاب میں کامیابی کے بعد رجب طیب اردگان دوسری مرتبہ پانچ سال کے لیے صدر منتخب ہوگئے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • صدر مملکت کو نواز شریف کی ممکنہ معافی سے روکا جائے: عدالت میں درخواست دائر

    صدر مملکت کو نواز شریف کی ممکنہ معافی سے روکا جائے: عدالت میں درخواست دائر

    اسلام آباد: وفاقی دارالحکومت کی ہائیکورٹ میں ایون فیلڈ ریفرنس پر سزا سے متعلق درخواست دائر کرتے ہوئے استدعا کی گئی ہے کہ صدر مملکت کو نواز شریف کی ممکنہ معافی سے روکا جائے۔

    تفصیلات کے مطابق پاکستان عوامی تحریک کے رہنما خرم نواز گنڈا پور نے ایون فیلڈ ریفرنس پر سزا سے متعلق درخواست دائر کردی۔

    درخواست میں کہا گیا ہے کہ صدر مملکت ممنون حسین کو سابق وزیر اعظم نواز شریف کو ممکنہ معافی دینے سے روکا جائے۔

    درخواست میں کہا گیا ہے کہ صدارتی معافی پر آرٹیکل 45 آئین کے ڈھانچے کے خلاف ہے، مذکورہ آرٹیکل کو منسوخ کیا جائے۔

    درخواست گزار کا کہنا تھا کہ صدارتی معافی کا اختیار غیر اسلامی اور بنیادی حقوق سے متصادم ہے، آرٹیکل 45 کی منسوخی کے لیے پارلیمنٹ کو ایڈوائس بھجوائی جائے۔

    درخواست کے ساتھ نواز شریف کی سزا کے اخباری تراشے بھی لگائے گئے ہیں جبکہ درخواست میں صدر، وزارت قانون، اسلامی نظریاتی کونسل، سابق وزیر اعظم نواز شریف ان کی صاحبزادی مریم نواز اور داماد کیپٹن (ر) صفدر کو فریق بنایا گیا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان امن و استحکام کے لیے افغانستان کے ساتھ تعاون جاری رکھے گا، ممنون حسین

    پاکستان امن و استحکام کے لیے افغانستان کے ساتھ تعاون جاری رکھے گا، ممنون حسین

    چینگ ڈاؤ: چین کے شہر چینگ ڈاؤ میں شنگھائی تعاون تنظیم کا دو روزہ اجلاس سے خطاب کرتے ہوئے صدر مملکت ممنون حسین نے کہا کہ پاکستان امن و استحکام کے لیے افغانستان کے ساتھ ہمیشہ کی طرح تعاون جاری رکھے گا۔

    تفصیلات کے مطابق صدر مملکت ممنون حسین نے ایس سی او کے تحت افغان رابطہ گروپ کے قیام کو خوش آئند قرار دیا اور کہا کہ پاکستان اور افغانستان دو طرفہ بنیادوں پر جامع لائحہ عمل کے تحت کام کررہے ہیں۔

    ممنون حسین نے کہا کہ پاکستان نے خطے میں قیام امن کے لیے دہشت گردی کے خلاف جنگ میں بے پناہ قربانیاں دی ہیں، پاکستان میں امن و امان کی صورتحال بہتر ہے، پاکستان میں جمہوری اقدار اور جمہوری ادارے مستحکم ہوئے ہیں۔

    [bs-quote quote=”پاکستان میں امن و امان کی صورتحال بہتر ہے، پاکستان میں جمہوری اقدار اور جمہوری ادارے مستحکم ہوئے ہیں” style=”style-2″ align=”left” author_name=”ممنون حسین” author_job=”صدر مملکت”][/bs-quote]

    انہوں نے کہا کہ افغانستان میں جنگ بندی علاقائی امن کے لیے خوش آئند ہے، افغانستان میں امن و استحکام ہمارا مشترکہ ہدف ہے، پاکستان اس سلسلے میں اپنا بھرپور کردار ادا کررہا ہے۔

    ممنون حسین نے کہا کہ ملک کے مختلف حصوں میں صنعتی زون قائم کئے جارہے ہیں جن میں سرمایہ کاروں کو خصوصی مراعات دی جائیں گی، انہوں نے شنگھائی تعاون تنظیم پر زور دیا کہ وہ غربت کے خاتمے کے لیے اجتماعی کوششیں کریں۔

    صدر ممنون حسین سے روسی صدر نے خصوصی ملاقات کی، پاکستانی اور روسی صدور نے دونوں ممالک کے درمیان باہمی تعلقات کو مزید فروغ دینے پر اتفاق کیا، دو طرفہ تعلقات کی بہتری کی ضرورت کو بھی تسلیم کیا گیا۔

    قبل ازیں چین کے صدر شی جن پنگ نے سربراہ اجلاس کی صدارت کی، جس میں شنگھائی تعاون تنظیم کے سربراہان حکومت اور مملکت نے شرکت کی، صدر ممنون حسین نے اجلاس میں پاکستان کی نمائندگی کی، جبکہ قازقستان، روس، تاجکستان اور ازبکستان کے صدر اور بھارت کے وزیر اعظم نے بھی اجلاس میں شرکت کی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • افغانستان میں امن واستحکام ہماری مشترکہ خواہش ہے‘ صدرممنون حسین

    افغانستان میں امن واستحکام ہماری مشترکہ خواہش ہے‘ صدرممنون حسین

    شنگھائی : صدر ممنون حسین کا کہنا ہے کہ افغان صدر اشرف غنی کی جانب سے جنگ بندی کی پیشکش اور طالبان کی طرف سے اس کی قبولیت مثبت پیش رفت ہے۔

    تفصیلات کے مطابق صدرممنون حسین نے شنگھائی تعاون تنظیم کے سربراہی اجلاس سے خطاب کرتے ہوئے کہا کہ افغانستان میں امن واستحکام ہماری مشترکہ خواہش ہے جس کے لیے پاکستان ہمیشہ کی طرح تعاون جاری رکھے گا۔

    صدر مملکت نے کہا کہ پاکستان اور افغانستان دو طرفہ بنیادوں پرجامع لائحہ عمل کے تحت کام کررہے ہیں جبکہ شنگھائی تعاون تنظیم (ایس سی او) کے تحت افغان رابطہ گروپ کا قیام خوش آئند ہے۔

    انہوں نے کہا کہ گزشتہ چند دہائیوں کے دوران پاکستان نے دہشت گردی کا کامیابی سے سدباب کرکے اس ضمن میں قیمتی تجربات حاصل کیے ہیں جن سے تنظیم استفادہ حاصل کرسکتی ہے۔

    صدر ممنون حسین نے کہا کہ چند برسوں کے دوران پاکستان میں امن وامان کی صورت حال مستحکم ہوئی اور کاروبار کے لیے صورت حال میں بہتری آئی ہے جبکہ رواں سال جی ڈی پی کی شرح گزشتہ دہائی میں سب سے بلند رہی ہے۔

    صدرمملکت نے کہا کہ سرمایہ کاری، تجارت، ای کامرس، ریلوے اور سیاحت کے فروغ کو شنگھائی تعاون تنظیم کے اقدامات مضبوط بناسکتے ہیں۔

    انہوں نے کہا کہ خطے کے عوام کی ترقی، فلاح وبہبود کے لیے 5 نکاتی ترجیحات کا تعین ضروری ہے، خطے کے تمام ترقیاتی منصوبوں کی حمایت کی جائے۔

    صدر ممنون حسین نے تجویز دی کہ شنگھائی تعاون تنظیم کے تحت غربت کے خاتمے پرتوجہ دی جائے اور دہشت گردی وانتہا پسندی کے خاتمے کے لیے ترقیاتی فند جیسا ادارہ قائم کیا جائے اور رکن ممالک کے نوجوانوں کی صلاحیت کے لیے بھی ٹھوس اقدامات کیے جائیں۔

    صدرمملکت نے کثیرالمقاصد اجتماع کے اہتمام اور اس میں شریک مندوبین کی پرجوش مہمان نوازی پرچینی عوام، حکومت اور خصوصی طورپرچینی صدر کا شکریہ ادا کیا۔

    یاد رہے کہ گزشتہ روز صدرممنون حسین نے چینی صدر شی جن پنگ سے ملاقات کی تھی جس میں دو طرفہ تعلقات سمیت علاقائی سلامتی کی صورت حال اورعالمی امور پربھی تبادلہ خیال کیا گیا تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔