ARYNews.tv | Urdu – Har Lamha Bakhabar

Tag: Man gets

  • بیوی کی اجازت کے بغیر دوسری شادی کرنے پر شوہر کو11 ماہ قید کی سزا

    بیوی کی اجازت کے بغیر دوسری شادی کرنے پر شوہر کو11 ماہ قید کی سزا

    لاہور : مقامی عدالت نے پہلی بیوی کی اجازت کے بغیر دوسری شادی کرنے پر شوہر کو 11 ماہ قید اور ڈھائی لاکھ جرمانے کی سزا سنادی، جرمانے کی عدم ادائیگی پر چاہ ماہ مزید قید کی سزا کاٹنی ہوگی۔

    تفصیلات کے مطابق لاہور میں جوڈیشل مجسٹریٹ امان اللہ بھٹی نے شمیم نامی خاتون کی درخواست پر سماعت کی، خاتون نے موقف اختیار کیا کہ اس کے شوہر راشد نے چھپ کر دوسری شادی کی، قانون کے مطابق دوسری شادی کے لیے پہلی بیوی سے اجازت لینا ضروری ہے۔

    خاتون کا کہنا تھا خاوند نے نہ صرف اسے دھوکا دیا بلکہ ملکی قوانین کی بھی خلاف ورزی کی لہذا عدالت کارروائی کرے۔

    عدالت نے وکلا کے دلائل مکمل ہونے پر راشد نامی شہری کو گیارہ ماہ قید اور ڈھائی لاکھ جرمانے کی سزا سنادی اور قرار دیا کہ جرمانے کی عدم ادائیگی پر راشد کو چاہ ماہ مزید قید کی سزا کاٹنی ہوگی۔

    مزید پڑھیں : دوسری شادی کے لیے مصالحتی کونسل کی اجازت ضروری قرار

    یاد رہے رواں سال مارچ میں لاہور کی مقامی عدالت نے بغیر اجازت شادی کرنے والے خاوند کو تین ماہ قید اور پانچ ہزار روپے جرمانہ کی سزاکا حکم سنا دیا، بیوی نے شوہر کے خلاف درخواست دائر کی تھی۔

    خیال رہے گذشتہ ماہ اسلام آباد ہائی کورٹ نے دوسری شادی کےلیےمصالحتی کونسل کی اجازت ضروری قرار دی تھی اور کہا تھا بیوی کی اجازت کے باوجود مصالحتی کونسل انکار کر دے تو دوسری شادی پر سزا ہوگی۔

  • شارجہ : بینک ڈکیتی میں ملوث افریقی شہری کو عمر قید کی سزا

    شارجہ : بینک ڈکیتی میں ملوث افریقی شہری کو عمر قید کی سزا

    شارجہ : اماراتی عدالت نے اسلحے کے زور پر بینک لوٹنے والے افریقی شہری کو عمر قید کی سزا سناتے ہوئے جیل بھیجنے کا حکم دے دیا۔

    تفصیلات کے مطابق متحدہ عرب امارات کی عدالت نے گذشتہ روز پاکستانی نجی بینک کی شارجہ برانچ میں ڈکیتی کرنے والے افریقی شہری کو عمر قید دے دی۔

    شارجہ کی انسداد جرائم عدالت نے بینک لوٹنے والے گروہ دیگر ممبران کو 15 15 برس قید کی سزا سنائی ہے جبکہ سزا مکمل ہونے پر ملک بدر کرنے کا حکم بھی دیا ہے۔

    اماراتی خبر رساں ادارے کا کہنا ہے کہ شارجہ میں قائم نجی بینک میں 25 جولائی 2017 کو تین نقاب پوش ملزمان نے حملہ کرکے غیر معین رقم لوٹی تھی۔

    عدالتی دستاویزات کے مطابق بینک لوٹنے والے گروہ میں 5 افراد شامل تھے جن میں سے تین عرب شہریوں نے چہرے پر نقاب ڈالا ہوا تھا اور دو افریقیوں نے برقعہ پہنا ہوا تھا تاکہ پہچانے نہ جائیں۔

    بینک ترجمان کا کہنا تھا کہ تین مرد اور دو خواتین نے بینک سے رقم لوٹی اور گاڑی میں فرار ہوگئے۔

    اماراتی میڈیا کا کہنا ہے کہ یہ ڈکیتی کی واردات شارجہ کے علاقے البوہیرا میں واقع پاکستانی نجی بینک میں صبح سویرے ہوئی تھی۔

    پولیس ترجمان کا کہنا تھا کہ پولیس ہیلپ لائن پر صبح 11 بجے ڈکیتی سے متعلق فون کال موصول ہوئی تھی، جس کے بعد پولیس نے مسلسل تحقیقات کے بعد ملزمان کو گرفتار کیا ہے۔

  • طالبہ سے جنسی زیادتی، اماراتی نوجوان کو عمر قید کی سزا

    طالبہ سے جنسی زیادتی، اماراتی نوجوان کو عمر قید کی سزا

    دبئی : عدالت نے اماراتی نوجوان کو مصری طالبہ سے  زیادتی  کے جرم میں  25 برس قید کی سزا سناتے ہوئے جیل بھیج دیا۔

    تفصیلات کے مطابق متحدہ عرب امارات کی ریاست دبئی کی عدالت نے بدھ کے روز  24 سالہ اماراتی شہری کو  طالبہ کی عصمت دری، تشدد اور غیر اخلاقی ویڈیو فلمانے کے جرم میں عمر قید کی سزا سنادی۔

    پبلک پراسیکیوٹرنے عدالت کو بتایا کہ 24 سالہ اماراتی نوجوان نے بنگلے میں گھس کر  مصری طالبہ کو ایک کمرے میں بند کر دیا اور جنسی زیادتی کا نشانہ بنایا۔

    دبئی کورٹ نے پہلے مرحلے میں ملزم کو عصمت دری، جنسی تشدد اور سائبر کرائم کے مقدمے میں مجرم قرار دیتے ہوئے25 برس قید کی سزا سنائی ہے۔

    اماراتی خبر رساں ادارے کا کہنا ہےکہ یہ واقعہ رواں برس 4 جون کو دبئی کے علاقے الورقہ میں واقع ایک بنگلے میں پیش آیا تھا۔

    متاثرہ مصری طالبہ نے شکایت درج کروائی تھی کہ ’میں اپنے بنگلے میں داخل ہوئی، تو ملزم وہاں موجود تھا، وہ مجھے اوپر کمرے  میں لے گیا، جہاں اس نے مجھ سے غیراخلافی فعل کرنا چاہا، لیکن میرے انکار کرنے پر اس نے زبردستی کی اور مجھ پر تشدد کا نشانہ بنایا۔

    اماراتی خبر رساں ادارے کا کہنا ہے کہ مجرم نے ابتداء میں خود پر عائد کیے گئے الزامات کی تردید کی تاہم طبی معائنہ مثبت آنے کے بعد عدالت نے مجرم کو سزا سناتے ہوئے جیل بھیجوا دیا۔