ARYNews.tv | Urdu – Har Lamha Bakhabar

Tag: man

  • دبئی: خاتون سے جنسی زیادتی کا الزام، عدالت نے مصری شہری پر فرد جرم عائد کردی

    دبئی: خاتون سے جنسی زیادتی کا الزام، عدالت نے مصری شہری پر فرد جرم عائد کردی

    دبئی : اماراتی کورٹ نے غیر ملکی خاتون کو زبردستی جنسی زیادتی کا نشانہ بنانے کے جرم میں مصری شہری پر فرد جرم عائد کردی۔

    تفصیلات کے مطابق متحدہ عرب امارات کی ریاست دبئی کی عدالت نے جنسی زیادتی کیس کی سماعت کرتے ہوئے ملازمت تلاش کرنے والی فلپائنی خاتون کو دو مرتبہ جنسی حواس کا نشانہ بنانے پر فرد جرم عائد کی۔

    پراسیکیوٹر نے 23 سالہ مصری ملزم پر الزام عائد کیا کہ ملزم نے فلپائنی خاتون کو جاب انٹرویو کےلیے ہوٹل کے کمرے میں بلا کر زیادتی کا نشانہ بنایا تاہم مصری شہری نے خود پر لگائے گئے جنسی زیادتی ریپ کے الزامات کی تردید کی ہے۔

    متاثرہ خاتون نے عدالت کو بتایا کہ میرا ویزہ ختم ہونے میں ایک ماہ باقی تھا اور مجھے جلد ہی کوئی ملازمت تلاش کرنی تھی، اس دوران میں نے ایک سیلون میں انٹرویو دیا جہاں مذکورہ شخص نے میرا انٹرویو لیا۔

    خاتون کے مطابق ملزم نے دعویٰ کیا کہ اس کی خالہ ایک کاروباری خاتون ہیں اور انہیں پرسنل سیکریٹری کی ضرورت ہے، تم اپنا موبائل نمبر دے دو تاکہ وہ مینیجر کو دیا جاسکے جو دبئی سے باہر گیا ہوا ہے تین دن بعد واپس آئے گا تو تمہیں ون کرے گا۔

    اماراتی میڈیا کے مطابق 27 سالہ فلپائنی خاتون نے بتایا کہ تین دن بعد مذکورہ شخص نے دوپہر ڈیڑھ بجے مجھے فون کیا اور کہا کہ میری خالہ تم سے ملاقات کرنا چاہتی ہیں۔

    ملزم نے مجھے ہوٹل روم میں بلانے کے بعد کمرہ بند کرکے زیادتی کا نشانہ بنایا اور میرے پرس میں 50 درہم رکھ کر کمرے سے باہر نکل گیا، ملزم کے باہر جاتے ہی میں نے ہوٹل استقبالیہ پر فون کرکے واقعے کی اطلاع دی۔

    ہوٹل انتظامیہ نے ملزم کو باہر جانے روک دیا اور پولیس کو اطلاع دی جس کے بعد پولیس کو گرفتار کرکے لے گئی۔

    اماراتی عدالت نے ملزم پر فرد جرم عائد کرتے ہوئے کیس کی سماعت 12 مارچ تک ملتوی کردی۔

  • سوئیڈن کا چوری ہونے والا شاہی تاج برآمد، ملزم کو قید کی سزا

    سوئیڈن کا چوری ہونے والا شاہی تاج برآمد، ملزم کو قید کی سزا

    اسٹاک ہوم : سوئیڈن کے تاریخی گرجا گھر سے سترہویں صدی کے بادشاہ کے شاہی تاج اور شاہی گلوب چُرانے والے ملزمان گرفتار ہوگئے جبکہ عدالت نے ایک ملزم کو قید کی سزا سنا دی۔

    غیرملکی خبررساں ادارے کے مطابق سوئیڈش پولیس ترجمان کا کہنا ہے کہ چوروں کی شناخت کے بعد تین ملزمان کو گرفتار کیا گیا تھا جبکہ چوری کیا گیا تاج اور شاہی گلوب بھی کوڑے دان سے برآمد کرلیا گیا ہے۔

    رپورٹ کے مطابق شاہی گلوب اور تاج تاریخی گرجا گھر اسٹرنگش کیتھڈرل سے کنگ کارل چہارم اور ان کی ملکہ کرسٹینا کے ہیں جس کی تاریخ 1611 کی ہے۔

    غیر ملکی میڈیا کا کہنا ہے کہ عدالت نے جمعے کے روز شاہی تاج اور گلوب چوری کیس کی سماعت کرتے ہوئے 22 سالہ جوان کو شاہی زیورات چوری کرنے کا الزام ثابت ہونے پر ساڑھے 4 برس قید کی سزا سنا دی۔

    رپورٹ میں کہا گیا ہے کہ 22 سالہ چور نے دوران ٹرائل شاہی زیورات چوری کرنے کا اعتراف کیا جن کی مالیات کم از کم 70 لاکھ امریکی ڈالر ہے۔

    پولیس نے عدالت کو بتایا کہ بادشاہ کا تاج کچرے دان سے ٹوٹی ہوئی حالت میں برآمد ہوا جس میں جڑے ہوئے کچھ ہیرے بھی تاج سے علیحدہ ہوچکے تھے۔

    مزید پڑھیں : سوئیڈن کے تاریخی گرجا گھر سے شاہی تاج چور لے اڑے

    یاد رہے کہ تاج اور گلوب سونے کے ہیں جن میں قیمتی ہیرے جواہرات جڑے ہیں، شاہی نوادرات کو گزشتہ برس 31 جولائی کو تاریخی گرجا گھر اسٹرنگش کیتھڈرل سے چوری کیا گیا تھا۔

    ایک عینی شاہد کے مطابق چور سائیکل پر شاہی نوادرات لے کر فرار ہوئے بعدازاں انہوں نے موٹر سائیکل کا استعمال کیا اور آخر میں وہ ملارین جیل سے موٹر بوٹ میں فرار ہوتے دیکھے گئے تھے۔

    سوئیڈش پولیس کا کہنا تھا کہ مذکورہ نوادرات قومی خزانے کا درجہ رکھتے ہیں لہٰذا ان کو فروخت کرنا آسان نہیں تھا۔

    پولیس ترجمان کے مطابق کئی افراد نے چوروں کو فرار ہوتے ہوئے دیکھا ہے جبکہ اس سلسلے میں عینی شاہدین سے مزید معلومات اکٹھی کی جارہی ہیں۔

  • دوشیزہ کو ہراساں‌ کرنے کا الزام، بھارتی شہری پر فرد جرم عائد

    دوشیزہ کو ہراساں‌ کرنے کا الزام، بھارتی شہری پر فرد جرم عائد

    دبئی : اماراتی عدالت نے دوشیزہ کو جنسی طور پر حراساں کرنے کے الزام میں بھارتی شہری پر فرد جرم عائد کردی۔

    تفصیلات کے مطابق متحدہ عرب امارات کی ریاست دبئی کے دبئی مال میں ایک عبایہ شاپ کے اندر بھارتی شہری نے 15 سالہ لڑکی کو جنسی طور پر ہراساں کرنے کی کوشش کی تھی۔

    عدالتی دستاویزات میں بتایا گیا ہے کہ 31 سالہ بھارتی شہری نے مبینہ طور پر اس وقت لڑکی کو ہراساں کرنے کی کوشش کی جب متاثرہ لڑکی کی والدہ سیلز گرل کے ساتھ گفتگو کررہی تھی۔

    اماراتی خبر رساں ادارے کا کہنا تھا کہ ملزم نے دوشیزہ کو عبایہ پہنانے کے بہانے ہراساں کیا۔

    اماراتی پولیس افسر کے مطابق ملزم نے بیان دیا کہ میں عبایہ زیب تن کرنے میں لڑکی کی مدد کررہا تھا جبکہ دکان کے اندر ایسا کوئی کام مذکورہ شخص کے ذمہ نہیں ہے۔

    پولیس افسر کے مطابق ملزم نے دعویٰ کیا کہ وہ عبایہ کے بٹن بند کررہا تھا کہ غلطی سے نامناسب حادثہ پیش آگیا جس کے بعد لڑکی ڈر گئی اور چیختی ہوئی دکان سے دوڑتی ہوئی باہر نکل گئی اور حادثے سے متعلق اپنے والد کو آگاہ کردیا۔

    پولیس کا کہنا ہے کہ دکان میں لگے سی سی ٹی وی کیمروں کی ویڈیو سے دیکھا جاسکتا ہے کہ ملزم نے لڑکی کے ساتھ ناموزوں رویہ اپنایا تھا۔

    عدالت نے پولیس ملزم کا بیان قلمبند کرنے کے بعد بھارتی شہری پر دوشیزہ کو جنسی ہراساں کرنے کے الزام میں فرد جرم عائد کرتے ہوئے سماعت 28 فروری تک ملتوی کردی۔

  • بھانجے کو برقی بندوق سے ڈرانے والے شہری پر اماراتی عدالت نے جرمانہ عائد کردیا

    بھانجے کو برقی بندوق سے ڈرانے والے شہری پر اماراتی عدالت نے جرمانہ عائد کردیا

    ابو ظبی : متحدہ عرب امارات کی عدالت نے بھانجے کو برقی بندوق سے ڈرانے اور دھماکے کے جرم میں جرمانے کی سزا سنا دی۔

    تفصیلات کے مطابق متحدہ عرب امارات کی ریاست راس الخیمہ کی عدالت نے عرب شہری کے خلاف کیس کی سماعت کرتے ہوئے نوجوان عرب کو الیکڑک شوک دینے والی گن کمسن بچے کے خلاف استعمال کرنے کے جرم میں 5 ہزار درہم جرمانے کی سزا سنائی۔

    اماراتی خبر رساں ادارے کا کہنا تھا کہ عرب نوجوان نے عدالت میں اپنے اوپر لگائے گئے تمام الزامات کی تردید کی اور اپنی سزا کے خلاف اپیل کورٹ میں جانے کا فیصلہ کیا۔

    مقامی میڈیا کا کہنا ہے کہ نوجوان نے اپنے بھانجے کو برقی بندوق سے ڈرانے کی ویڈیو بناکر سوشل میڈیا پر اپلوڈ کی تھی جو دیکھتے ہی دیکھتے سماجی رابطوں کی ویب سایٹس پر وائرل ہوگئی تھی۔

    عرب نوجوان نے عدالت کو بتایا کہ ’میں صرف اپنے بھانجے کے ساتھ کھیل رہا تھا نہ حقیقت میں اسٹن گن( برقی بندوق ) سے ڈرا رہا تھا۔

    میرے موبائل میں ایک اسمارٹ ایپ ہے جس کے ذریعے میرے موبائل سے برقی گن جیسی آواز آتی ہے اور واقعے کے وقت تمام اہل خانہ گھر میں موجود تھے۔

    نوجوان نے بتایا کہ یہ سوشل میڈیا پر وائرل ہونے والی ویڈیو بھی گھر کے ایک فرد نے اہل خانہ کے واٹس ایپ گروپ میں اپلوڈ کرنے کےلیے بنائی تھی جو بعد میں سوشل میڈیا پر وائرل ہوگئی۔

    اماراتی خبر رساں ادارے کے مطابق متاثرہ بچے کے والد نے ملزم کا بیان سننے کے بعد عدالت سے کیس ختم کرنے کی درخواست کی تھی تاہم عدالت نے کہتے ہوئے کہ ’بچوں کے ساتھ ایسا مذاق کرنا خطرناک ہے‘ اور 5ہزار درہم جرمانے کی سزا سنادی۔

  • تھائی لینڈ میں غیر معیاری موبائل چارجر نے ایک شخص کی جان لےلی

    تھائی لینڈ میں غیر معیاری موبائل چارجر نے ایک شخص کی جان لےلی

    بنکاک : تھائی لینڈ میں چارجنگ کے دوران موبائل پر موسیقی سے لطف اندوز ہونے والا 24 سالہ جوان کرنٹ لگنے کے باعث ہلاک ہوگیا، پولیس نے غیر معیاری چارجر کرنٹ لگنے کا سبب بتایا ہے، جس سے جوان کی موت ہوئی۔

    غیر ملکی خبر رساں ادارے کا کہنا ہے کہ تھائی لینڈ کے صوبے پھان تھونگ کے ایک شہر میں گھر سے ایک شخص کی لاش برآمد ہوئی جس کے کانوں میں ہیڈ فون لگے ہوئے تھے اور موبائل فون چارج ہورہا تھا۔

    غیر ملکی میڈیا کی رپورٹ کے مطابق متاثرہ شخص کے گانے سننے کے ساتھ ساتھ کسی سے فون پر باتیں بھی کررہا تھا، کیوں کہ ہیڈفون کا مائیک سوپول کے منہ تھا۔

    پولیس کا کہنا ہے کہ مکان مالک اتوار کی صبح عمارت میں داخل ہوا تو 24 سالہ جوان کو مردہ حالت میں پایا جس کے کان بری طرح جھلسے ہوئے تھے۔

    غیر ملکی میڈیا کا کہنا ہے کہ مکان مالک کی فون کال پر پولیس نے جائے وقوعہ پر پہنچ کر متاثرہ شخص کی لاش اسپتال منقتل کی تاکہ لاش کا پوسٹ مارٹم کیا جاسکے۔

     

    پولیس ترجمان جیلوک پولتھونگ کا کہنا ہے کہ 24 سالہ جوان کی موت کرنٹ لگنے سے ہوئی کیوں کہ اس نے کانوں میں ہیڈفون لگائے ہوئے اور اس دواران موبائل فون چارجنگ پر تھا۔

    پولیس کا خیال ہے کہ متاثرہ شخص جس وقت موبائل فون چارجنگ پر لگاکر گانے سن رہا تھا اس دوران شارٹ سرکٹ کے باعث اسے کرنٹ لگا۔

    تھائی پولیس نے غیر معیاری چارجر کو موت کی وجہ قرار دیا ہے، پولیس ترجمان کا کہنا ہے کہ ان تمام لوگوں کی جان خطرے میں ہیں جو غیر رجسٹرڈ کمپنی کے غیر معیاری چارجر استعمال کرتے ہیں۔

  • ممبئی: پیسوں کا تنازعہ، ملزم نے دوست کے ٹکڑے کرکے فلش میں بہادئیے

    ممبئی: پیسوں کا تنازعہ، ملزم نے دوست کے ٹکڑے کرکے فلش میں بہادئیے

    نئی دہلی : بھارتی شہر ممبئی میں پیسوں کے تنازعے پر پنٹو شرما نامی شخص نے اپنے دوست کو قتل کرکے لاش کے ٹکڑےفلش میں بہا دئیے۔

    غیر ملکی خبر رساں ادارے کے مطابق پولیس نے ساتھی کو قتل کرکے لاش کے ٹکڑے کرنے اور اسے بیت الخلاء میں بہانے کے الزام میں ملزم کو گرفتار کرلیا ہے۔

    بھارتی خبر رساں ادارے کا کہنا تھا کہ ملزم اور مقتول کے درمیان مالی معاملات پر تنازعہ چل رہا تھا تاہم یہ ابھی تک واضح نہیں ہوسکا کہ ملزم متاثرہ شخص کے فلیٹ میں کیوں گیا تھا۔

    ملزم پنٹو شرما نے پولیس کو بتایا کہ جگڑے کے دوران گنیش کی ہلاکت پر میں گھبرا گیا تھا، جس کے بعد آرے سے گنیش کی لاش کے 200 چھوٹے چھوٹے ٹکڑے کردئیے۔

    بھارتی خبر رساں ادارے کا کہنا ہے کہ 42 سالہ پنٹو شرما نے لاش کے چھوٹے ٹکڑے مقتول کے ہی بیت الخلاء میں بہائے جبکہ لاش کا حصّہ چلتی ٹرین سے باہر پھینکا تھا۔

    میڈیا ذرائع کا کہنا ہے کہ سیوریج لائن میں ٹکڑے پھسنے کے باعث عمارت کے دیگر فلیٹس کی سیوریج لائنیں بھی بند ہوگئی جس کیلئے رہائشوں نے خاکروب کو بلایا تو صفائی کے دوران انسانی اعضاء برآمد ہوئے جس کی اطلاع خاکروب نے ہی پولیس کو دی۔

    ڈپٹی سپریٹنڈنٹ جینٹ باجبالی نے مقامی میڈیا کو بتایا کہ عمارت کے سیپٹک ٹینک (گٹر) سے بڑی تعداد میں انسانی اعضاء برآمد ہوئے ہیں جنہیں فارنسیک لیب بھیج دیا گیا ہے۔

  • لندن: ریلوے اسٹیشن پر چاقو بردار شخص کا حملہ ناکام، ملزم گرفتار

    لندن: ریلوے اسٹیشن پر چاقو بردار شخص کا حملہ ناکام، ملزم گرفتار

    لندن : برطانوی دارالحکومت میں واقع ریلوے اسٹیشن پر چاقو بردار شخص نے حملہ کردیا تاہم پولیس نے فوری کارروائی کرتے ہوئے مسلح شخص کو گرفتار کرلیا۔

    تفصیلات کے مطابق برطانیہ کے دارالحکومت لندن کے جنوبی علاقے میں واقع تلسی ریلوے اسٹیشن پر نامعلوم چاقو بردار شخص نے اس وقت حملہ اچانک کردیا جب اسٹیشن پر مسافروں کا رش بہت زیادہ تھا۔

    مقامی ذرائع کا کہنا ہے کہ چاقو زنی کی مذکورہ واردات میں کسی کے زخمی ہونے کی اطلاع موصول نہیں۔

    واقعے کے عینی شاہدین نے خبر رساں اداروں کو بتایا کہ اچانک اسٹیشن پر افراتفری پھیل گئی اور مسافر خود کو مسلح شخص سے بچانے کے لیے ادھر ادھر بھاگ رہے تھے۔

    تلسی ریلوے اسٹیشن پر موجود برطانوی ٹرانسپورٹ پولیس کے اہلکاروں نے بروقت کارروائی کرتے ہوئے 59 سالہ خنجر بردار شخص کو اقدام قتل اور غیر قانونی طور پر خطرناک ہتھیار رکھنے کے الزام میں موقع پر ہی گرفتار کرلیا تھا۔

    واقعے کے ایک عینی شاہد نے سماجی رابطے کی ویب سایٹ پر ٹویٹ کیا کہ ’تلسی ریلوے اسٹیشن پر خطرناک خنجر سے حملہ کرنے والے شخص کو پولیس نے برقی گَن نے کرنٹ لگانے کے بعد حراست میں لیا تھا‘۔

    برطانوی ٹرانسپورٹ پولیس کا خیال ہے کہ چاقو زنی کی یہ واردات دہشت گردانہ حملہ نہیں تھی، خوش قسمتی سے کوئی بھی مسافر کا پولیس اہلکار حملے میں زخمی یا ہلاک نہیں ہوا۔

    مزید پڑھیں : لندن: فائرنگ اور چاقو زنی کی واردات، دو افراد قتل 4 زخمی

    مزید پڑھیں : لندن : چاقو زنی کی واردات، ایک شخص ہلاک، ملزم گرفتار

    پولیس کا کہنا ہے کہ گرفتار ملزم ذہنی مریض لگتا ہے تاہم حتمی رپورٹ طبی معائنے کے بعد تشکیل دی جائے گی۔

    برطانوی خبر رساں ادارے کا کہنا ہے کہ لندن کے میئر صادق خان نے چاقو بردار شخص کی گرفتاری کے کچھ دیر بعد لامبیٹھ کونسل کے سربراہ لیب پیک کو نئے ریڈکشن یونٹ کا سربراہ تعینات کیا ہے۔

  • نئی دہلی: درندہ صفت بیٹے نے ماں کو قتل کرکے خون پی لیا

    نئی دہلی: درندہ صفت بیٹے نے ماں کو قتل کرکے خون پی لیا

    نئی دہلی : بھارتی ریاست چھتیس گڑھ میں درندہ صفت بیٹے نے اپنی ماں کو قتل کرکے اس کا خون پی لیا۔

    تفصیلات کے مطابق بھارت کی ریاست چھتیس گڑھ کے ضلع کوربا کے گاؤں راما چکر کے رہائشی 25 سالہ دلیپ یادیو نامی شخص نے سفاکی و درندگی کا مظاہرہ کرتے ہوئے اپنی 50 سالہ ماں سماریا کو کلہاڑی کے وار سے قتل کردیا۔

    بھارتی خبر رساں ادارے کا کہنا تھا کہ دلیپ یادیو اپنی ماں کو بے دردی سے قتل کرنے کے بعد تین دن تک اس کا خون پیتا رہا۔

    مقامی میڈیا کا کہنا ہے کہ مقتولہ کی پڑوس میں مقیم خاتون نے یہ درد ناک منظر دیکھا تو پولیس کو واقعے کی اطلاع دی تاہم جب تک پولیس جائے وقوعہ پر پہنچی ملزم دلیپ فرار ہوچکا تھا۔

    پولیس کا کہنا ہے کہ ملزم تانترک کا پجاری اور کالا علم سیکھ رہا تھا اور شیطانی قوت کے حصول کےلیے اپنے ماں کو قتل کیا۔

    پولیس کا کہنا ہے کہ جائے وقوعہ پر پہنچے تو خاتون کی لاش کے ٹکڑے زمین پر پڑے تھے جبکہ مقتولہ کی لاش کے کچھ ٹکڑے کمرے کے ایک کونے میں کوئلوں کے ساتھ جھلسی ہوئی حالت میں بھی ملے تھے۔

    بھارتی میڈیا کا کہنا ہے کہ پولیس نے تحقیقات کا آغاز کرتے ہوئے جھلسے ہوئے انسانی اعضاء کو طبی معائنے کےلیے فرانزک لیب بھیج دیا ہے جبکہ چھاپہ مار کارروائی کرتے ہوئے ملزم دلیپ کو بھی گرفتار کرلیا ہے۔

    مزید پڑھیں : اسسٹنٹ پروفیسر نے اپنی ماں کو چوتھی منزل سے دھکا دے کر قتل کردیا

    پولیس کا کہنا ہے کہ تفتیش کے دوران ملزم کے گھر سے کالے جادو کی کتاب بھی برآمد ہوئی ہے، ملزم دلیپ اپنی والدہ کو اپنی بیوی سے علیحدگی کا ذمہ دار بھی سمجھتا تھا۔

    خیال رہے کہ یہ افسوس ناک واقعہ 30 دسمبر 2018 کو راما چکر گاؤں میں پیش آیا تھا۔

  • فیصل آباد: خطرناک سیلفی کے شوق نے نوجوان کی جان لے لی

    فیصل آباد: خطرناک سیلفی کے شوق نے نوجوان کی جان لے لی

    فیصل آباد: صوبہ پنجاب میں پیش آیا افسوس ناک واقعہ جہاں خطرناک سیلفی کے شوق نے نوجوان کی جان لے لی۔

    تفصیلات کے مطابق پنجاب کے شہر فیصل آباد میں نوجون نے پستول تھامے سیلفی لینے کی کوشش کی لیکن غلطی سے ٹریگر دبنے کے باعث وہ موت کے منہ میں چلا گیا۔

    پولیس کا کہنا ہے کہ تین دوست کمرے میں سیلفی بنارہے تھے، ایک کے ہاتھ سے ٹریگر دب گیا، جس کے باعث نوجوان کی موت واقع ہوئی۔

    پولیس نے کارروائی کرتے ہوئے دوست اویس کو حراست میں لے لیا جبکہ دوسرا دوست مبشر موقع سے فرار ہونے میں کامیاب ہوگیا۔

    اس سے قبل بھی متعدد بار ایسی ہلاکتیں ہوچکی ہیں، نوجوان سیلفی لینے کے چکر میں موت کو گلے لگا لیتے ہیں۔

    واضح رہے کہ سیلفی لینے کے چکر میں درجنوں نوجوان لڑکے اور لڑکیاں اپنے آپ کو زخمی بھی کرچکے ہیں، بلند وبالا عمارتوں سے گرنے کے واقعات عام ہیں۔

    ایک تحقیقاتی مطالعے کے مطابق اکتوبر 2011 سے نومبر 2017 تک دنیا بھر میں 259 افراد سیلفی لیتے ہوئے موت کے منہ میں چلے گئے جو سالانہ اوسطاً 43 افراد بنتے ہیں۔

  • دبئی: گاڑیوں کو نذر آتش کرنے والا ایشیائی شہری گرفتار

    دبئی: گاڑیوں کو نذر آتش کرنے والا ایشیائی شہری گرفتار

    ابو ظہبی : اماراتی ریاست دبئی میں گاڑیوں کو نذر آتش کرنے والے ایشیائی شہری کو پولیس نےگرفتار کرکے عدالت میں پیش کردیا۔

    تفصیلات کے مطابق متحدہ عرب اماراتی کی ریاست دبئی کی عدالت میں مقدمے کی سماعت کے دوران پراسیکیوٹر نے بتایا کہ دو مختلف مقدموں میں ملزم پر 9 گاڑیوں کو نذر آتش کرنے کے مقدمہ درج ہیں۔

    کیس کی سماعت کے دوران پراسیکیوٹر نے بتایا کہ 23 سالہ بے روز ایشیائی شہری نے 26 جولائی کو ایک گاڑی پر پیٹرول ڈال کر لائیٹر سے آگ لگائی تھی جس نے دیکھتے ہی دیکھتے ارگرد کھڑی 5 پانچ گاڑیوں کو بھی اپنی لیپٹ میں لے لیا۔

    اماراتی خبر رساں ادارے کا کہنا ہے کہ نذر آٹش ہونے والی گاریاں ایک ہی کمنی کی ملکیت تھیں۔

    مقامی خبر رساں ادارے کا کہنا تھا کہ ملزم نے دوران تفتیش اعتراف کیا کہ حادثے کے روز وہ بہت زیادہ شراب نوشی کرنے کے باعث اپنے ہوش کھو بیٹھا تھا۔

    ملزم نے دوران تفتیش اعتراف کیا کہ اس نے پیٹرول ڈال کر سگریٹ چلانے والے لائٹر سے گاڑی میں آگ لگائی تھی۔

    اماراتی خبر رساں ادارے کے مطابق ملزم نے بتایا کہ آگ بہت تیزی سے پھیلی اور ارگرد کھڑی دیگر گاڑیوں کو بھی اپنی لپیٹ میں لے لیا۔

    ایشیائی شہری نے عدالت میں دعویٰ کیا کہ اس نے بھارتی شہری کی جانب سے 600 درہم نقد دینے کے وعدے پر گاڑی کو آگ لگائی۔

    عدالت میں مقدمے کی سماعت کے دوران پتا چلا کہ 42 سالہ ملزم نے گاڑیوں کو آگ اس لیے لگائی کہ کمپنی کی جانب سے دوسرا ڈرائیور بھرتی کرلیا گیا تھا جس کی وجہ سے اس کی آمدنی میں کمی آگئی تھی۔

    گاڑیوں کو نذر آتش کرنے والا 42 سالہ ملزم اپنی منی بس میں شاپنگ مالز کے ملازمین کو ٹرانسپورٹ کی سہولت فراہم کرتا تھا۔

    دبئی پولیس کا کہنا ہے کہ ملزم اس سے قبل بھی کئی گاڑیوں کو نذر آتش کرچکا ہے اور اس سے قبل بھی ملزم کے خلاف آتش زدگی کی شکایت درج ہوئی ہیں۔

    عدالت نے پراسیکیوٹر اور ملزم کے بیانا قلمبند کرنے کے بعد مقدمے کی سماعت 17 دسمبر تک ملتوی کردی۔