ARYNews.tv | Urdu – Har Lamha Bakhabar

Tag: man

  • امریکا: کمپیوٹر ہارڈ ڈسک میں اژدھا لے جانے کی کوشش ناکام

    امریکا: کمپیوٹر ہارڈ ڈسک میں اژدھا لے جانے کی کوشش ناکام

    واشنگٹن : امریکی شہر میامی کے بین الااقوامی ہوائی اڈے پر کسٹم حکام نے خفیہ طور پر کمپیوٹر ہارڈ ڈسک میں اژدھا لے جانے والے مسافر کو پرواز سے روک دیا۔

    تفصیلات کے مطابق امریکی ریاست فلوریڈا کے شہر میامی کے بین الااقوامی ہوائی اڈے پر امریکی کسٹم حکام نے مسافر کے سامان کی تلاشی لینا شروع کی تو کسٹم اہلکار کو سامان میں مشکوک چیز کی موجودگی کا احساس ہوا، جب مزید تلاشی لی گئی تو سامان میں سے اژدھا برآمد ہوا۔

    غیر ملکی خبر رساں ادارے کا کہنا تھا کہ میامی کے بین الااقوامی ہوائی اڈے سے باربا ڈوس جانے والے مسافر کے سامان میں موجود کمپیوٹر ہارڈسک کو چیک کیا گیا تھا تو اندر سے چھوٹا سا اژدھا برآمد ہوا۔

    میامی کے ٹرانسپورٹیشن سیکیورٹی اور ایڈمنسٹریشن کے ترجمان کا کہنا تھا کہ مسافر ہارڈ ڈسک اژدھے کو چھپاکر بارباڈوس لے جارہا تھا، حکام نے اژدھے کو امریکا کے محکمہ وائلڈ لائف کے حوالے کردیا تاکہ اسے حفاظت سے رکھا جاسکے۔

    غیر ملکی خبر رساں ادارے سے گفتگو کرتے ہوئے ہوائی اڈے کے حکام نے بتایا کہ باربا ڈوس جانے والے مسافر کو سامان میں سے اژدھے کے برآمد ہونے پر جہاز میں سوار ہونے روک دیا اور خطرناک جانور بغیر اطلاع دیئے خفیہ طور پر جہاز میں لے جانے پر جرمانہ بھی عائد کیا گیا۔

    غیر ملکی خبر رساں ادارے کا کہنا تھا کہ امریکی کسٹم کے حکام کی جانب سے خفیہ طور پر اژدھے کو جہاز میں لے جانے والے مسافر کا نام صیغہ راز میں رکھا ہوا ہے، حکام کے مطابق مسافر کی جانب سے اژدھا لے جانے کی وجوہات کا تاحال علم نہیں ہوسکا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • امریکا: سالگرہ کی تقریب میں‌ چاقو بردار شخص کا حملہ، 9 افراد زخمی

    امریکا: سالگرہ کی تقریب میں‌ چاقو بردار شخص کا حملہ، 9 افراد زخمی

    واشنگٹن : امریکا کے پناہ گزین کیمپ میں سالگرہ کی تقریب کے دوران چاقو بردار شخص نے حملہ کرکے 9 افراد کو زخمی کردیا، زخمیوں میں چھ بچے بھی شامل ہیں۔

    تفصیلات کے مطابق امریکی ریاست ایڈاہو میں قائم پناہ گزین کیمپ میں جاری 3 سالہ بچی کی سالگرہ کی تقریب میں ایک شخص نے تقریب میں شریک مہمانوں پر بے دریغ چاقو کے حملے کردیئے۔ جس کے نتیجے میں بچوں سمیت 9 افراد زخمی ہوگئے۔

    امریکی میڈیا کا کہنا تھا کہ پولیس نے فوری کارروائی کرتے ہوئے چاقو بردار شخص کو اپارٹمنٹ سے گرفتار کرکے تھانے منتقل کردیا تھا، جہاں ملزم کی شناخت ٹمی ارل کنر سے ہوئی ہے۔

    پولیس چیف ولیم بونس کا کہنا تھا کہ پولیس متاثرین کی اطلاع پر جائے وقوعہ پر پہنچی تو وہاں افراتفری کا عالم اور افسوس ناک منظر تھا، کیوں کہ 9 افراد زخمی حالت میں ٹرپ رہے تھے، جن میں سے 6 کم سن بچے بھی شمال تھے۔

    پولیس چیف کا کہنا تھا کہ امدادی سرگرمیاں انجام دینے والے اہلکاروں نے زخمی کو فوری طبی امداد دینے بعد اسپتال منقتل کردیا تھا، جہاں 4 زخمیوں کی حالت انتہائی نازک ہے۔

    ولیم بونس نے حادثے سے متعلق گفتگو کرتے ہوئے بتایا کہ زخمی ہونے والوں میں 3 سال سے 12 برس تک کے چھ بچہ چاقو زنی کے واقعے میں زخمی ہوئے ہیں، جن کا تعلق الگ الگ ممالک سے بتایا جارہا ہے۔ متاثرین اپارٹمنٹ میں سالگرہ منانے جمع ہوئے تھے۔

    غیر ملکی خبر رساں ادارے کا کہنا تھا کہ حادثے میں زخمی ہونے والے افراد کا تعلق شام، ایتھوپیا اور عراق سے ہے اور کچھ کمیونٹی میں شامل ہونے والے نئے ممبران ہیں۔

    پولیس ترجمان کا کہنا تھا کہ چاقو بردار شخص کی جانب سے نسل پرستی کی بنیاد پر حملہ نہیں کیا گیا، تاحال حادثے میں ملوث ملزم سے تفتیش جاری ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پرتگال: خاتون کو جنسی زیادتی کا نشانہ بنانے کے جرم میں برطانوی سیاح گرفتار

    پرتگال: خاتون کو جنسی زیادتی کا نشانہ بنانے کے جرم میں برطانوی سیاح گرفتار

    لزبن : پرتگال کی پولیس نے برطانوی نوجوان کو 23 سالہ برطانوی دوشیزہ کو تشدد کرنے اور جنسی زیادتی کا نشانہ بنانے کے جرم گرفتار کرلیا ہے۔

    تفصیلات کے مطابق یورپی ملک پرتگال کی پولیس نے سیاحت کی غرض سے پرتگال آنے والے 23 سالہ برطانوی شہری کو خاتون سیاح کے ساتھ جنسی زیادتی کرنے کے جرم میں گرفتار کرلیا ہے۔

    غیر ملکی خبر رساں ادارے کا کہنا تھا کہ 23 سالہ برطانوی ملزم کے خلاف شکایت درج ہوئی تھی کہ مذکورہ شخص نے 17 سالہ برطانوی دوشیزہ کو نائٹ کلب کے باہر زبردستی جنسی زیادتی کا نشانہ بنایا تھا، تاہم پولیس نے ملزم کو البوفیرا ہوٹل سے حراست میں تھا۔

    پولیس ترجمان کا کہنا تھا کہ 23 سالہ سیاح نے متاثرہ لڑکی کو ہوٹل کے باہر مبینہ طور پر تشدد کا نشانہ بھی بنا رہا تھا، جسے روکنے میں دو پولیس اہلکار بھی زخمی ہوئے تھے۔

    مقامی ذرائع اطلاعات کے مطابق متاثرہ دوشیزہ نے پولیس کو بیان دیا تھا کہ ’میں نے خود کو بچانے کی بہت کوشش کی لیکن ملزم نے پھر بھی میرے ساتھ عصمت دری کی‘۔

    پولیس ترجمان کا کہنا تھا کہ اہکاروں نے متاثرہ خاتون کو طبی امداد اور طبی معائنے کے لیے فارو اسپتال منتقل کرنے کے بعد ملزم کو گرفتار کرکے نامعلوم مقام پر منتقل کردیا، تاکہ واقعے کی تفتیش کی جاسکے۔

    یاد رہے کہ پرتگال پولیس نے رواں برس اپریل میں البوفیرا ہوٹل کے بار میں کام کرنے والے شخص کو 19 سالہ برطانوی سیاح کے ساتھ عصمت دری کرنے کے جرم میں گرفتار کیا تھا، جو بعد میں ضمانت پر رہا ہوگیا۔ تاہم واقعے کی تحقیقات تاحال جاری ہیں۔

    غیر ملکی خبر رساں ادارے کے مطابق 19 سالہ برطانوی شہری نے پولیس میں شکایت درج کروائی تھی کہ بار میں کام کرنے والے شخص نے نشے کی حالت مجھے جنسی زیادتی کا نشانہ بنایا تھا۔

    خیال رہے کہ ماضی قریب میں ایک 25 سالہ برطانوی خاتون ساحل سمندر پر ترک کھلاڑی کے ہاتھوں جنسی زیادتی کا نشانہ بنی تھی۔

    عدالتی دستاویزات کے مطابق ترک کھلاڑی نے بیان دیا تھا کہ ’میں نے برطانوی خاتون کے ساتھ زبردستی نہیں کی تھی بلکہ خاتون کی مرضی بھی شامل تھی جس کے بعد ترک کھلاڑی کو بغیر کسی مقدمے کے بری کردیا گیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • برطانیہ: چاقو زنی کی واردات میں مزید ایک شخص‌ ہلاک

    برطانیہ: چاقو زنی کی واردات میں مزید ایک شخص‌ ہلاک

    لندن : برطانیہ میں چاقو زنی کی واردات میں ایک اور شہری زخمی ہوگیا، جسے شدید زخمی حالت میں اسپتال منتقل کیا گیا تاہم وہ زخموں کی تاب نہ لاتے ہوئے دم توڑ دیا۔

    تفصیلات کے مطابق برطانیہ کے شہر نورفلوک کی پولیس نے چاقو کے وار سے زخمی ہونے والے شہری کی ہلاکت کی تحقیقات کا آغاز کرتے ہوئے 20 سالہ نوجوان کو حراست میں لے لیا یے۔

    نورفولک پولیس کا کہنا تھا کہ پولیس کو ناروچ کو جمعے کی رات کال موصول ہوئی کہ ناروچ کے سٹی سینٹر کار پارکنگ میں ایک 40 سالہ شخص کو چاقو سے حملہ کرکے شدید زخمی کردیا گیا ہے جو بعد میں ہلاک ہوگیا۔

    غیر ملکی خبر رساں ادارے کا کہنا تھا کہ متاثرہ شخص کو شدید زخمی حالت میں سٹی سینٹر سے ناروچ اسپتال منتقل کیا گیا تھا، تاہم وہ جانبر نہیں ہوسکا۔ پولیس تاحال متاثرہ شخص کی شناخت پتہ لگانے میں ناکام ہے۔

    پولیس ترجمان کا کہنا تھا کہ سیکیورٹی اداروں نے سٹی سینٹر میں چاقو زنی کے واقعے میں قتل ہونے والے شخص پر حملے کے شبے میں 20 سالہ نوجوان کو گرفتار کیا تھا جو فی الحال پولیس کی حراست میں ہے۔

    غیر ملکی خبر رساں ادارے کے مطابق برطانوی پولیس نے شہری کے قتل کے بعد اہل علاقہ سے گزارش کی ہے کہ حادثے کی معلومات پولیس تک پہنچائیں تاکہ حملہ آور کو گرفتار کرکے کیفر کردار تک پہنچایا جائے۔

    برطانوی خفیہ ایجنسی کے اہلکار لین کوز کا کہنا تھا کہ ’پولیس کیس کی تفتیش کررہی ہے لیکن ابھی ہم تحقیقات کے ابتدائی مرحلے میں ہیں، البتہ سٹی سینٹر میں شہری پر ہونے والا حملہ اچانک نہیں تھا‘۔

    خفیہ ایجنسی کے اہلکار کا کہنا تھا کہ ’واقعے کی مکمل تحقیقات کرنے کے لیے پولیس کو مزید وقت درکار ہے، سیکیورٹی اداروں نے سٹی سینٹر میں شہری کے قتل کے بعد علاقے میں پولیس کی نفری بڑھا دی ہے‘۔

    خیال رہے کہ برطانیہ میں چاقو زنی کی وارداتوں میں رواں سال اضافہ دیکھنے میں آیا ہے اور متعدد افراد اپنی جان سےجا چکے ہیں، جبکہ کئی زخمی بھی ہوئے ہیں۔ اس حوالے سے امریکی صدر ڈونلڈ ٹرمپ نے برطانیہ پر تنقید کرتے ہوئے کہا تھا کہ لندن کو بندوقوں کے حملوں نے نہیں بلکہ چاقو کے حملوں نے وار زون میں تبدیل کردیا ہے۔

    خیال رہے کہ برطانیہ کے دارالحکومت لندن میں رواں سال چاقو زنی کی وارداتوں میں 50 سے زائد افراد قتل ہوچکے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کمپیوٹر اور انسان کے درمیان تاریخی مباحثہ

    کمپیوٹر اور انسان کے درمیان تاریخی مباحثہ

    سانس فرانسسکو: انسانی تاریخ میں پہلی بار ٹیکنالوجی کی دنیا میں اہم تبدیلی سامنے آئی کہ جب مصنوعی ذہانت کے حامل کمپیوٹر اور انسانوں کے مابین مختلف موضوعات پر مباحثہ ہوا۔

    تفصیلات کے مطابق سانس فرانسسکو کی معروف ٹیکنالوجی کمپنی آئی بی ایم نے مصنوعی ذہانت والا کمپوٹر تیار کیا جو انسانوں سے مختلف موضوعات پر نہ صرف بحث کرسکتا ہے بلکہ مدلل گفتگو بھی کرتا ہے۔

    آئی بی ایم نے آزمائش کے لیے انسان اور مصنوعی ذہانت والے کمپیوٹر کے مابین مباحثے کا انعقاد کیا جس میں مشین نے انٹرنیٹ سے بغیر جڑے حاضرین کی جانب سے پوچھے جانے والے سوالات کے حیران کن جوابات دیے۔

    مصنوعی ذہانت کے کمپیوٹر نے اخبارات اور تحقیقاتی مقالوں کی مدد سے موضوع پر نہ صرف گفتگو کی بلکہ حاضرین تک اپنا مؤقف بھی پہنچایا۔

    مزید پڑھیں: کیا ہماری دنیا خلائی مخلوق کا بنایا ہوا کمپیوٹر پروگرام ہے؟

    ایونٹ میں مختلف موضوعات رکھے گئے تھے، پہلا موضوع خلائی تحقیق کے حوالےسے سرکاری سطح پر فنڈز کا اجرا تھا؟ مختلف شرکا نے مصنوعی کمپیوٹر سے مختلف سوالات کیے اور اپنے دلائل پیش کیے جس کا اُس نے بھرپور انداز میں جواب دیا۔

    دوسرا سوال ٹیلی میڈیسن ٹیکنالوجی کے فروغ اور اس شعبے میں ہونے والی سرمایہ کاری سے متعلق تھا جس پر انسان اور کمپیوٹر دونوں کو  دلائل پیش کرنے کے لیے مجموعی طور پر چار منٹ کا وقت دیا گیا۔

    اسے بھی پڑھیں: کمپیوٹر یا لیب ٹاپ پرتوجہ کے ساتھ کام کرنا ممکن، مائیکروسافٹ کا نیا فیچر

    چونکہ کمپیوٹر ایک مشین ہے لہذا گفتگو کے دوران اُس کےلہجے میں اتار چڑھاؤ تو نظر نہیں آیا البتہ کمپیوٹر دلائل اور صاف گوئی سے حاضرین کو قائل کرنے میں کامیاب رہا البتہ ماہرانہ گفتگو کی بنیاد پر انسان کو فاتح قرار دیا گیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • نوجوان نے اپنے ہی جنازے میں شرکت کرکے سب کو حیران کردیا

    نوجوان نے اپنے ہی جنازے میں شرکت کرکے سب کو حیران کردیا

    لاطینی امریکا کے ملک پیراگوئے کے رہائشی نوجوان نے اپنے ہی جنازے میں شریک ہوکر سب کو حیران کردیا، والدین جھلسی ہوئی لاش کو بیٹا سمجھ کر آخری رسومات ادا کررہے تھے۔

    تفصیلات کے مطابق لاطینی امریکا کے ملک پاراگوئے کے چھوٹے سے گاؤں سانتا تریسا کے رہائشی 20 سالہ جان ریمن الفونسو پینایو نے جمعرات کے روز برازیل کی سرحد پر واقع اپنے آبائی گھر سے کام کے سلسلے میں نکلا تھا اور پھر واپس ہی نہیں آیا۔

    پیراگوئے کی پولیس کا کہنا تھا کہ ریمن الفونسو پینایو جس گاؤں میں رہتا ہے وہ منشیات فروشوں اور اغواء کاروں کی پناہ گاہ ہے، وہاں سے لوگوں کا گمشدہ ہوجانا عام بات ہے۔

    غیر ملکی خبر رساں ادارے کا کہنا تھا کہ جب پینایو کئی روز گزرنے کے باوجود اپنے گھر واپس نہیں آیا تو اس کے والدین سمجھ گئے کہ ان کا بیٹا کسی مصیبت ہے یا پھر کسی منشیات فروش گروہ کے ہاتھوں لقمہ اجل بن چکا ہے۔

    غیر ملکی خبر رساں ادارے کے مطابق پولیس نے پینایو کی تلاش شروع کی تو اہلکاروں کو اتوار کے روز بری طرح جھلسی ہوئی ایک لاش ملی جسے پولیس نے پینایو کی نعش سمجھ کر اہل خانہ کے حوالے کردیا۔

    جان ریمن پینایو کے والدین نے اپنے 20 سالہ بیٹے کی آخری رسومات کی تیاریاں شروع کی، جس میں اہل علاقہ اور خاندان کے افراد بڑی تعداد میں شریک تھے۔

    غیر ملکی خبر رساں ادارے کا کہنا تھا کہ پینایو 3 روز بعد اپنے گھر لوٹا تو اہل خانہ لاش کے ہمراہ بیٹے کا سوگ منا رہے تھے، بیٹے جو زندہ دیکھ کر والدین بے قابو ہوگئے اور جذبات پر قابو نہ رکھ سکے، دوسری جانب جنازے میں شریک دیگر افراد پینایو کو زندہ دیکھ کر حیران رہ گئے۔

    غیر ملکی میڈیا رپورٹس کے مطابق پنیایو کے گھر والوں نے بیٹے کے صحیح سلامت گھر واپس آجانے کے بعد نامعلوم نعش مردہ خانے کے حوالے کردی۔

    پیراگوئے کے پولیس حکام کا کہنا تھا کہ تاحال مذکورہ نعش کی شناخت نہیں ہوسکی ہے، اگر اس لاش کا کوئی عویدار سامنے نہیں آتا تو اسے نا معلوم افراد میں شمار کیا جائے۔

    غیر ملکی خبر رساں ادارے کا کہنا ہے کہ جان ریمن پینایو تین دنوں تک کہاں تھا اور کیا کررہا تھا اس بارے کچھ معلوم نہیں ہوسکا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانیہ میں متعصب شخص کا مسلمان خواتین پر وینش سے حملہ

    برطانیہ میں متعصب شخص کا مسلمان خواتین پر وینش سے حملہ

    لندن : برطانیہ میں مسلمانوں نے نفرت کی بنیاد پر برطانوی شخص نے سپر مارکیٹ میں موجود اسکارف پہنی ہوئی خواتین پر صفائی کرنے والے کیمیکل ’وینش‘ سے حملہ کردیا۔

    تفصیلات کے مطابق ان دنوں برطانیہ میں مسلمانوں کے خلاف متعصب سوچ میں اضافہ ہورہا ہے، حکمران جماعت ’کنزر ویٹو پارٹی‘ میں بھی ایسے لوگ موجود ہیں جو مسلمان سے متعلق سخت رویہ اپناتے ہیں۔

    غیر ملکی خبر رساں ادارے کے مطابق برطانیہ کی سپر مارکیٹ میں موجود مسلمان خواتین پر متعصب سوچ رکھنے والے ایک شخص نے صفائی کرنے والے کیمیکل کے ذریعے حملہ کیا تھا جس کی ویڈیو سوشل میڈیا پر بھی وائرل ہوئی ہے۔

    سپر مارکیٹ میں ماہانہ اشیاء خورد و نوش کی خریداری کرنے والی خواتین پر صفائی کرنے والے کیمیکل ’وینش‘ سے حملے کی ویڈیو مجرم نے خود بنائی تھی۔ جس میں اسکارف پہنی ہوئی خواتین کو دیکھا جاسکتا ہے۔

    غیر ملکی خبر رساں ادارے کا کہنا تھا کہ مجرم نے ویڈیو کے دوران وینش کی بوتل کیمرے میں دکھائی اور کہا کہ دیکھتے ہیں ’یہ کام کرتا ہے یا نہیں‘۔

    غیر ملکی خبر رساں ادارے کے مطابق حملہ آور اسکارف پہنی ہوئی خاتون کے پیچھے گیا اور وینش ڈالنے کے بعد کہا ’نہیں یہ کام نہیں کررہا‘۔

    غیر ملکی خبر رساں ادارے کا کہنا تھا کہ اسکارف پہنی ہوئی خاتون کو متعصب شخص کی حرکت کا پتہ ہی نہیں چلا یا انہوں نے شاپنگ کے دوران دھیان ہی نہیں دیا۔

    غیر ملکی خبر رساں اداروں کا کہنا تھا کہ برطانیہ میں مقیم مسلم کمیونٹی کی جانب سے سماجی رابطوں کی ویب سایٹز پر مطالبہ کیا گیا ہے مسلمانوں سے نفرت کا اظہار کرنے والے متعصب شخص کو گرفتار کیا جائے۔

    خیال رہے کہ سنہ 2016 میں بریگزٹ پر ووٹنگ کے بعد برطانیہ میں مسلمانوں کے خلاف نفرت انگزیز وارداتوں میں 23 فیصد اضافہ ہوا ہے، جبکہ سنہ 2016 اور 2017 کے درمیان مساجد پر بھی حملوں کی تعداد میں 100 فیصد اضافہ ہوگیا ہے۔

    برطانیہ: مسلمانوں کے خلاف نفرت انگیز مواد تقسیم کرنے والا شخص گرفتار

    یاد رہے کہ  انسداد دہشت گردی کی پولیس نے مسلمانوں کے خلاف نفرت انگیز خطوط تقسیم کرنے والے شخص کو برطانوی شہر ’لنکون‘ سے گرفتار کیا جس کی عمر 35 برس ہے تاہم اب تک نام اور شناخت ظاہر نہیں کی گئی۔

    خیال رہے کہ رواں سال یکم مئی کو مسلم تنظیم کے سربراہ کی جانب سے برطانوی وزیر اعظم ’تھریسا مے‘ کو خط لکھا گیا تھا جس میں مطالبہ کیا گیا تھا کہ حکمران جماعت ’کنزرویٹو پارٹی‘ میں موجود نسلی اور مذہبی امتیاز رکھنے والے اراکین کے خلاف فوری انکوائری کی جائے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • برطانیہ: بیرونی سیارے سے آنے کے دعوے دار پراسرار شخص نے کھلبلی مچا دی

    برطانیہ: بیرونی سیارے سے آنے کے دعوے دار پراسرار شخص نے کھلبلی مچا دی

    لندن : برطانیہ میں ایک شخص نے بیرونی سیارے سے آنے کا دعویٰ کردیا ہے، ایپکس ٹی وی نامی ویب سایٹ نے مذکورہ شخص کا جھوٹ پکڑنے والے آلات سے ٹیسٹ کیا، جس میں وہ حیران کن طور پر پاس کر گیا۔

    تفصیلات کے مطابق برطاانیہ میں ایک شخص نے دعویٰ کیا ہے کہ وہ سن 6491 سے سفر کرکے ماضی میں آیا ہے، تاکہ 21 ویں صدیں کے حالات جان سکے۔

    غیر ملکی خبر رساں ادارے کا کہنا تھا کہ جیمز اولیور نامی شخص دعوے دار ہے کہ وہ دنیا سے ماضی میں ایک مشن پر آیا تھا لیکن اب وہ 2018 میں پھنس گیا ہے، کیوں کہ اس کی ٹائم مشین ٹوٹ گئی ہے۔

    برطانیہ کی پیرانارمل یوٹیوب نامی ویب سایٹ ایپکس ٹی وی نے مستقبل سے آنے والے اس شخص کا جھوٹ پکڑنے والے آلے کی مدد سے امتحان لیا گیا، جس میں وہ پاس ہوگیا۔

    جیمز اولیور کا ٹیسٹ لینے والے برطانوی شہری کا کہنا تھا کہ ممکن ہے وہ ’بیک ٹو دی فیوچر فلم‘ کی کوئی کہانی بنارہا ہو، لیکن جو شواہد ملے ہیں اس سے یہ ثابت ہوتا ہے کہ جیمز سچ بول رہا ہے۔

    ایپکس ٹی وی پر انٹرویو لینے والے شخص کا کہنا تھا کہ ’جیمز کبھی برمنگھم کی بولی بولتا تھا تو کبھی امریکن اور آسٹریلین زبان میں بات کرتا تھا۔

    غیر ملکی خبر رساں ادارے کا کہنا ہے کہ جیمز کے حوالے سے بہت شک و شبہات ہیں کہ وہ زمین پر رہتا ہے یا کسی اور سیارے سے آیا ہے جیسا کہ اس نے خود کہا کہ ’میرا سیارہ زمین کے برعکس سورج سے بہت دور ہے، اس لیے ہمارا سال بھی بہت لمبا ہوتا ہے‘۔

    جیمز اولیور کا کہنا تھا کہ ’پرانی تہذیبوں کے برعکس ہمارے پاس ایسے آلات موجود ہیں، جو سال کا حساب لگا سکتے ہیں‘۔

    غیر ملکی خبر رساں ادارے کا کہنا تھا کہ بیرون دنیا سے آنے والے شخص کی ہر بات کو جھوٹ پکڑنے والی مشین نے سچ بتایا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جرمنی: پولیس نے کیتھڈرل پر حملہ کرنے والے مسلح شخص کو گولی مار دی

    جرمنی: پولیس نے کیتھڈرل پر حملہ کرنے والے مسلح شخص کو گولی مار دی

    برلن : جرمنی میں پروٹیسٹنٹ عیسائیوں کی عبادت گاہ کیتھڈرل میں دھاوا بولنے والے مسلح شخص کو پولیس نے فائرنگ کرکے زخمی کردیا، واقعے میں ایک پولیس اہلکار بھی زخمی ہوا ہے۔

    تفصیلات کے مطابق براعظم یورپ میں واقع ملک جرمنی کے دارالحکومت برلن میں اتوار کے روز سیکیورٹی آفیسر نے کیتھڈرل میں گھسنے والے چاقو بردار شخص کو گولی مار دی ہے۔

    جرمن میڈیا کا کہنا تھا کہ پولیس آفیسر نے 53 سالہ آسٹرین شہری کی ٹانگ میں گولی ماری تھی، واقعے میں سیکیورٹی آفیسر بھی زخمی ہوا ہے، جیسے زخمی حالت میں اسپتال منتقل کردیا گیا تھا۔

    جرمن پولیس کے ترجمان کا کہنا تھا کہ مذکورہ واقعے میں تاحال دہشت گردی کا کوئی ثبوت نہیں ملا ہے۔

    غیر ملکی خبر رساں ادارے کا کہنا ہے کہ حملہ آور نے 4 بجے کے قریب کیتھڈرل میں گھسنے کی کوشش کی تھی، حادثے کے وقت عمارت میں 100 سے زائد افراد موجود تھے۔

    پولیس کا کہنا تھا کہ کیتھڈرل میں موجود ایک شہری نے ہنگامی کال کرکے واقعے کی اطلاع دی تھی، جس سیکیورٹی اداروں نے بر وقت کارروائی کرتے ہوئے چاقو بردار شخص کو عمارت کے باہر ہی نشانہ بنالیا۔

    غیر ملکی خبر رساں اداروں کا کہنا ہے کہ پولیس نے واقعے کے فوراً بعد کیتھڈرل کی عمارت کو گھیرے میں لے کر سیل کردیا تھا۔ واضح رہے کہ برلن میں واقع کیتھڈرل پروٹیسٹنٹ عیسائیوں کی عبادت گاہ ہے۔

    جرمنی کے خبر رساں ادارے کی اطلاع کے مطابق واقعے کے عینی شاہدین کو نفسیاتی کونسلنگ کے لیے وہاں سے منتقل کردیا گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سعودی عرب میں کمسن بچی کو سیگریٹ نوشی کی تربیت دینے پر والد گرفتار

    سعودی عرب میں کمسن بچی کو سیگریٹ نوشی کی تربیت دینے پر والد گرفتار

    ریاض : سعودی عرب کے سیکیورٹی اداروں نے کمسن بیٹی کو سیگریٹ نوشی کی تربیت دینے کی ویڈیو سوشل میڈیا پر وائرل ہونے کے بعد سعودی والد کو حراست میں لے لیا.

    تفصیلات کے مطابق سعودی عرب میں سوشل میڈیا پر چھوٹی بچی کو سیگریٹ نوشی سکھانے کی ویڈیو وائرل ہونے پر سیکیورٹی اداروں نے سیگریٹ نوشی سکھانے والے شخص کو گرفتار کرلیا ہے۔

    غیر ملکی خبر رساں ادارے کا کہنا تھا کہ سعودی شہری کی جانب سے اپنی کمسن بیٹی کو سیگریٹ نوشی کی تربیت دینے کی ویڈیو سوشل میڈیا پر وائرل ہونے پر  عوام کی جانب سے بھی بچی کو سیگریٹ نوشی کروانے والے سعودی والد کو شدید تنقید کا نشانہ بنایا گیا۔

    سعودی عرب کے اٹارنی جنرل شیخ سعود بن عبداللہ الموجیب نے سماجی رابطوں کی ویب سایٹ پر ویڈیو وائرل ہونے کے بعد بچی کے والد کی گرفتاری کے لیے وارنٹ جاری کیے تھے۔

    شیخ سعود بن عبداللہ الموجیب کا کہنا تھا کہ والد کی جانب سے اپنی کمسن بیٹی کو سیگریٹ نوشی کی تربیت دینا،  بچی کی صحت کے لیے انتہائی خطرناک ہے۔

    سعودی عرب کی سرکاری خبر رساں ادارے کے مطابق پبلک پراسٹیکیوٹر کا کہنا تھا کہ معاشرے، سماج، اور عوام کی حفاظت کرنا اور قوانین کی خلاف ورزی کرنے والوں کا احتساب کرنا حکومت کی ذمہ داری ہے۔

    غیر ملکی خبر رساں ادارے کا کہنا تھا کہ سعودی عرب کے پبلک پراسیکیوشن نے حال ہی میں بدسلوکی اور قانون کی خلاف ورزی کے مقدمات کے تمام معاملات کی نگرانی شروع کی ہے تاکہ عوام کی سلامتی اور حفاظت کو برقرار رکھا جائے۔