Tag: MANNAT’

بھارتی اداکار شاہ رخ خان کا محل جیسا گھر ’منت‘ بالی وڈ میں سب سے زیادہ مشہور ہے تاہم انہوں نے اپنا گھر منت کیسے خریدا تھا، اس کی حقیقت سامنے آگئی۔

بالی ووڈ فلم انڈسٹری کے نامور اداکار مکیش کھنہ نے حال ہی میں ایک انٹرویو میں شاہ رخ خان کی جانب سے منت کی خریداری کے پیچھے چھپی کہانی مداحوں سے شیئر کی ہے۔

اداکارہ مکیش کھنہ نے اپنے یوٹیوب چینل بھیشم انٹرنیشنل پر گفتگو کرتے ہوئے مداحوں کو بتایا کہ ’اداکار شاہ رخ جس وقت گھر خریدنے جا رہے تھے انہوں نے اس حوالے سے مجھے اس حوالے سےآگاہ کیا تھا‘۔

مکیش کھنہ کا تھا کہنا کہ جس وقت شاہ رخ خان نے اپنا گھر منت خریدا اس وقت تک وہ سپر اسٹار نہیں بنے تھے، وہ اپنے اسٹرگلنگ فیز میں تھے جس کی وجہ سے ان کے پاس گھر خریدنے کے پیسے تک نہیں تھے۔

مکیش کھنہ نے کہا کہ جب شاہ رخ خان نے ‘منت‘ خریدنے کا ارادہ کیا تو انہوں نے اپنی فلم ‘گڈو‘ کے پروڈیوسر پریم لالوانی سے درخواست کی کہ آپ مجھے فلم کی پیشگی رقم ادا کریں کیونکہ میں گھر خریدنا چاہتا ہوں‘۔

اداکار مکیش کھنہ کا مزید کہنا تھا کہ ‘ اداکار شاہ رخ خان کی درخواست پر فلم ‘گڈو‘ کے پروڈیوسر نے انہیں فلم میں اداکاری کا پورا معاوضہ ادا کیا جس کی بدولت شاہ رخ خان نے اپنی فلم ‘گڈو‘ کی ایڈوانس رقم سے 34 سے 35 لاکھ روپے میں‘منت‘ کو خریدا تھا‘۔

کنگ خان کے گھر منت کے حوالے سے بات کرتے ہوئے مکیش کھنہ کا کہنا تھا کہ ‘شاہ رخ خان کی جانب سے منت کو خریدنے کا پورا کریڈٹ فلم کے پروڈیوسر پریم لالوانی کو جاتا ہے جنہوں نے رقم کی بروقت ادائیگی کرکے اس خواب کو حقیقت میں بدلا‘۔