Tag: Mansha Bomb

اسلام آباد: سپریم کورٹ آف پاکستان میں منشا بم کے خلاف کیس کی سماعت کے دوران ایڈووکیٹ جنرل پنجاب نے بتایا کہ منشا بم حراست میں ہے، کچھ وصولی بھی کی۔

تفصیلات کے مطابق سپریم کورٹ میں منشا بم کے خلاف کیس کی سماعت کے دوران جے آئی ٹی نے رپورٹ پیش کی۔

عدالت عظمیٰ میں سماعت کے دوران ڈی آئی جی نے بتایا کہ منشا بم کے خلاف کل 66 مقدمات درج ہیں، 19 زمینوں پرغیر قانونی قبضے سے متعلق ہیں۔

ڈی آئی جی نے بتایا کہ منشابم کے خلاف 9 مقدمات میں تفتیش ہورہی ہے جبکہ پولیس سی ڈی اے کی زمین واگزار کرنے میں مد کر رہی ہے، منشا بم کا 32 کنال زمین پر قبضہ ختم کرا دیا گیا۔

متاثرہ فریق نے بتایا کہ میرے 9 پلاٹوں پر منشابم نے قبضہ کر رکھا تھا، عدالت عظمیٰ نے سول جج کو ایک ہفتے میں رپورٹ پیش کرنے کا حکم دے دیا۔

سپریم کورٹ نے کہا کہ ایڈیشنل ایڈووکیٹ جنرل پنجاب، سی ڈی اے سے رپورٹ لیں گے جس کے بعد کیس کی سماعت 2 ہفتے کے لیے ملتوی کردی گئی۔

منشا بم سپریم کورٹ کے احاطے سے گرفتار

یاد رہے کہ گزشتہ ماہ 15 اکتوبر کو قتل، اقدام قتل اور زمینوں پر قبضے میں پنجاب پولیس کو مطلوب منشا بم کو سپریم کورٹ کے احاطے سے گرفتار کیا گیا تھا۔

لاہور: پولیس کا کہنا ہے کہ قبضہ مافیا کے سرغنہ منشا بم کو ہر دورِ حکومت میں سیاسی گروہوں کی پشت پناہی حاصل رہی ہے، منشا بم کی گرفتاری کے لیے خصوصی ٹیمیں تشکیل دی گئی تھیں۔

تفصیلات کے مطابق ایس پی صدر معاذ ظفر نے منشا بم کی گرفتاری کے سلسلے میں پریس کانفرنس کرتے ہوئے کہا کہ منشا بم کے خلاف اب تک 82 مقدمات درج کیے جا چکے ہیں۔ منشا بم کے خلاف تفتیش کے لیے پولیس دیگر اداروں کی بھی مدد لے گی۔

[bs-quote quote=”منشا بم کے دیگر بیٹوں کو بھی گرفتار کیا جائے گا: پولیس” style=”style-7″ align=”left” color=”#dd3333″][/bs-quote]

ایس پی صدر کا کہنا تھا کہ منشا بم کے خلاف پہلا مقدمہ 1982 میں تھانہ نولکھا میں درج ہوا، تمام مقدمات کی تفتیش کے لیے جے آئی ٹی تشکیل دی جائے گی، ملزم کی نشان دہی پر دیگر ملزموں کے خلاف بھی کارروائی کی جائے گی۔

معاذ ظفر نے بتایا کہ منشا بم کے بیٹے وقاص عرف عاصم کو پہلے سے گرفتار کر لیا گیا تھا، مقدمات میں ملوث منشا بم کے دیگر بیٹوں کو بھی گرفتار کیا جائے گا۔

ان کا کہنا تھا کہ لینڈ مافیا کے بڑے کارندے منشا بم کی گرفتاری سے قبل مختلف شہروں میں چھاپے مارے گئے تھے، اس سلسلے میں 100 سے زائد لوگوں سے تحقیقات کی گئیں۔

یہ بھی پڑھیں:  منشا بم ایک روزہ راہداری ریمانڈ پر پولیس کے حوالے

خیال رہے کہ آج منشا بم کو اسلام آباد کی انسدادِ دہشت گردی عدالت میں پیش کیا گیا تھا، منشا بم نے عدالت میں پنجاب پولیس پر عدم اعتماد کا اظہار کرتے ہوئے قتل ہونے کا خدشہ ظاہر کیا، عدالت نے منشا بم کو ایک روزہ راہداری ریمانڈ پر لاہور پولیس کے حوالے کر دیا۔

اسلام آباد : لینڈ مافیا کا کارندہ منشا بم سپریم کورٹ پہنچ گیا، منشابم اوربچوں پرزمینوں پر قبضے کے 70 سے زائد کیسزرجسٹرڈ ہیں۔

تفصیلات کے مطابق لاہور میں سرگرم قبضہ مافیا گروپ کا سرغنہ منشا بم سپریم کورٹ آف پاکستان پہنچ گیا۔

عدالت عظمیٰ میں پیشی سے قبل منشا بم نے میڈیا سے گفتگو کرتے ہوئے کہا کہ مجھ پر زمینوں پر قبضےکا الزام جھوٹا ہے، میرا کسی قبضہ گروپ سے تعلق نہیں ہے۔

منشا بم کا کہنا تھا کہ گرفتاری دینے سپریم کورٹ آیا ہوں، مجھے کسی نے گرفتارنہیں کیا خود پیش ہونے آیا ہوں۔

سپریم کورٹ میں یکم اکتوبر کو چیف جسٹس میاں ثاقب نثار کی سربراہی میں دو رکنی بینچ نے لاہور میں سرگرم قبضہ مافیا گروپ کے سرغنہ منشا بم سے متعلق کیس کی سماعت کی تھی۔

چیف جسٹس نے ریمارکس دیے کہ پاکستان میں تارکین وطن کی جائیداد پرقبضہ ہوجاتا ہے، منشا بم نے بھی اوورسیز پاکستانی کی جائیداد پرقبضہ کیا ہے۔

عدالت عظمیٰ نے قبضہ مافیا کے سرغنہ منشا بم کی گرفتاری اور اس کے قبضے میں تمام اراضی واگزار کرنے کا حکم دیا تھا۔

ملک میں قانون آگیا ہے بدمعاشی نہیں چلے گی، چیف جسٹس ثاقب نثار

واضح رہے کہ 30 ستمبر کو چیف جسٹس آف پاکستان جسٹس ثاقب نثارنے ریمارکس دیے تھے کہ اب ملک میں قانون آگیا ہے بدمعاشی نہیں چلے گی۔