Tag: Manzoor wasan

کراچی : پاکستان پیپلز پارٹی کے رہنما منظور وسان نے پیش گوئی کی ہے عید کے بعد عمران خان کے لیے مشکلات بڑھیں گی اور نواز شریف کی جگہ مریم نواز الیکشن میں حصہ لیں گی، ہوسکتا ہے میاں صاحب کوایک دو ماہ میں عدالتوں سے ریلیف ملے۔

تفصیلات کے مطابق تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے کہا ہے سندھ میں گورنر سے بیانات دلوانا ملک توڑنےکی سازش ہے، عید کے بعد عمران خان کے لیے مشکلات بڑھیں گی، عمران خان پرآئی ایم ایف کاکنٹرول ہوگیا ہے۔

منظوروسان کا کہنا تھا نوازشریف کی جگہ مریم نوازالیکشن میں حصہ لیں گی، ہوسکتا ہے میاں صاحب کو ایک دو ماہ میں عدالتوں سے ریلیف ملے۔

یاد رہے تین روز قبل پاکستان پیپلز پارٹی کے رہنما منظور وسان نے پیش گوئی کی تھی کہ موجودہ حکومت کا چلنا مشکل ہے، 2020 حکمرانوں کے لیے بڑا مشکل سال ثابت ہونے والا ہے، ایک بار پھر کہتا ہوں عمران خان کی حکومت 2020 میں ختم ہوجائے گی۔

مزید پڑھیں : عمران خان کی حکومت 2020 میں ختم ہوجائے گی، منظور وسان کی پیش گوئی

ان کا کہنا تھا جون، جولائی کا مہینہ اہم ہے، صرف نواز شریف نہیں ان کے ساتھ ساتھ دیگر بھی جانے والے ہیں، ہت جلد حکومت کے وزراء بھی جیل کے اندر ہوں گے، احتساب سب کا ہونا چاہئے لیکن جن پر ریفرنسز ہیں ان سے رعایت اور جن پر انکوائریاں ہیں وہ جیل میں ہیں، احتساب صرف پیپلزپارٹی کا ہورہا ہے۔

اس سے قبل گذشتہ ماہ کے آغاز میں پی پی رہنما منظور وسان نے وزیر اعظم عمران خان سے متعلق حیران کن پیش گوئی کرتے ہوئے کہا تھا 2020 عمران خان اور اس کی حکومت کے لیے کڑوا سال ثابت ہوگا، جون کے بعد حالات ایسے ہوں گے کہ وزیر اعظم خود ہی استعفیٰ دیں گے۔

منظور وسان کا کہنا تھا انھیں سوچ سمجھ کر فیصلے کرنے چاہییں، ایسا نہ ہو کہ مستقبل میں وزیر اعظم کے فیصلے نہ مانے جائیں اور انھیں اپنی سیاست سے ہاتھ دھونا پڑے۔

کراچی : رہنماپیپلزپارٹی منظوروسان نےنواز شریف کیلئےنیاخواب دیکھ لیا، ان کا کہنا ہے کہ نوازشریف کو تاحیات نااہل ہونا ہی تھا ، نواز شریف کیلئے اچھا ہے، عمرےکے ذریعے لندن بھاگ جائیں، ملک میں رہے تو گرمی،جیل کی سختی برداشت نہیں کرپائیں گے۔

تفصیلات میں مطابق کراچی میں وزیر صنعت سندھ منظور وسان کی میڈیاسے گفتگو کرتے ہوئے کہا کہ سپریم کورٹ کی جانب سے بہترفیصلہ آیا ہے، اس فیصلے کے دورس نتائج نکلیں گے، فیصلے سے تاحیات نااہلی کے درواذے کھل گئے ہیں۔

منظوروسان کا کہنا تھا کہ فیصلے کے بعد آنے والا وزیراعظم سب کے قابل قبول ہوگا، نوازشریف کو تاحیات نااہل ہونا ہی تھا۔

عمران خان کے حوالے سے انھوں نے کہا کہ عمران خان خوش نہ ہوں حالات ان کےحق میں بھی نہیں ، آگےچل کرعمران خان کومعلوم ہو گا کہ وہ کیسے استعمال ہوا، جام صادق کے وقت جیسی حکومت آئےگی۔

مزید پڑھیں :  مجھے نواز شریف 2018 کے عام انتخابات میں نظر نہیں آرہے، منظور وسان کی پیش گوئی

وزیر صنعت سندھ نوازشریف کو راہ فرارکانسخہ بتاتے ہوئے کہنا تھا کہ نواز شریف کیلئےاچھاہےعمرےکےذریعےلندن بھاگ جائیں، ملک میں رہے تو گرمی اور جیل کی سختی برداشت نہیں کرپائیں گے۔

انھوں نے مزید کہا کہ چند دنوں میں مزیدمسلم لیگی نوازشریف کو چھوڑجائیں گے۔

یاد رہے کہ اس سے قبل بھی سندھ کے وزیر صنعت منظور حسین وسان نے پیش گوئی کرتے ہوئے کہا تھا کہ مجھے نواز شریف دو ہزار اٹھارہ کے عام انتخابات میں نظر نہیں آرہے،  نواز شریف کی نااہلی لمبی جائے گی ۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔