Tag: Manzoor Wassan

نواب شاہ : پاکستان پیپلز پارٹی کے رہنما منظور وسان نے ایک بار پھر وزیراعظم کے مستعفی ہونے اور عام انتخابات کی پیش گوئی کردی اور کہا عوام مہنگائی سے سخت پریشان ہیں۔

تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے اپنے بیان میں کہا ہے کہ خواب دیکھا ہے کہ عمران خان کے حالات بہت خراب ہیں، وہ خودمستعفی ہو کر عام انتخابات کا اعلان کریں گے۔

مہنگائی کے حوالے سے منظور وسان کا کہنا تھا کہ ملک میں اتنی مہنگائی کردی جس سے عوام سخت پریشان ہیں، عوام اچانک سڑکوں پر نکل آئیں گے۔

رہنما پیپلز پارٹی نے نیب مقدمات کے سے متعلق کہا کہ میرے کیخلاف نیب نے جھوٹے مقدمات بنائے جوخودختم ہوجائیں گے، میرے خلاف مقدمات میں کوئی صداقت نہیں ہے۔

منظور وسان کا کہنا تھا کہ ناظم جوکھیو کے قتل کے واقعہ انتہائی افسوناک ہے ، مقتول پیپلز پارٹی کا کارکن تھا ان کی موت پر بہت افسوس ہوا۔

یاد رہے چند روز قبل پاکستان پیپلز پارٹی کے رہنما منظور وسان نے پیشگوئی کی تھی کہ آئندہ سیٹ اپ میں پی پی اور ن لیگ حکومت اکٹھے کریں اور پی پی پی اس بار پنجاب، کے پی اوربلوچستان سے بھی جیتے گی۔

کراچی : پاکستان پیپلز پارٹی کے رہنما منظور وسان نے پیشگوئی کی ہے کہ آئندہ سیٹ اپ میں پی پی اور ن لیگ حکومت اکٹھے کریں اور پی پی پی اس بار پنجاب، کے پی اوربلوچستان سے بھی جیتے گی۔

تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے اپنے بیان میں کہا ہے کہ ہوسکتا ہے آئندہ سیٹ اپ میں پی پی اور ن لیگ حکومت اکٹھے کریں۔

،مشیرزراعت سندھ منظور وسان نے پیشگوئی کرتے ہوئے کہا یہ مہینہ مجھے خطرناک لگ رہا ہے، مجھے کپتان کامستقبل خراب اورکھلاڑیوں کا مستقبل اچھا نظرآرہا ہے کیونکہ کچھ وزرا عمران خان کے فیصلوں سے متفق نہیں۔

منظور وسان کا کہنا تھا کہ پی پی پی اس بار پنجاب، کے پی اوربلوچستان سے بھی جیتے گی، تبدیلی کی ابتدا ہمیشہ بلوچستان سے ہوئی، بلوچستان کے بعد پنجاب اورپھرمرکز کی باری آنے والی ہے۔

یاد رہے ستمبر میں پاکستان پیپلز پارٹی کے رہنما منظور وسان نے آئندہ انتخابات کے حوالے سے پیش گوئی کرتے ہوئے کہا تھا کہ آئندہ انتخابات میں عمران خان نظرنہیں آرہے، بلاول بھٹوکا مستقبل دیکھ رہا ہوں۔

پیپلز پارٹی کے رہنما کا کہنا تھا کہ حکومت میں آکرنوکریوں سےنکالےگئےملازمین کوبحال کریں گے، نکالےگئےملازمین کوبحال کرنا اگر جرم ہے تو یہ ہم کرتے رہیں گے، پی ڈی ایم پی پی پی سے معافی مانگے تو اتحاد میں جانے کا سوچیں گے۔

کراچی : پیپلزپارٹی کے رہنما منظور وسان نے پیش گوئی کی ہے کہ 2023 میں بلاول بھٹو وزیر اعظم ہوں گے اور عمران خان اپنے پانچ سال پورا نہیں کر سکیں گے۔

تفصیلات کے مطابق پیپلز پارٹی کے رہنما منظور وسان کی سندھ ہائی کورٹ کے باہر میڈیا سے گفتگو کرتے ہوئے زبان پھسل گئی اور پی ڈی ایم کو ایم آر ڈی کہہ دیا۔

منظور وسان نے سیاسی حوالے سے پیش گوئی کرتے ہوئے کہا کہ عمران خان اپنے پانچ سال پورا نہیں کر سکیں گے اور بلاول 2023 کے وزیر اعظم ہیں۔

صحافی نے سوال کیا کیا پی پی ہی اپوزیشن کی سلیکٹیڈ ہے؟ جس پر پی پی رہنما نے جواب دیا کہ اس بات پر نہ جائیں سلیکٹیڈ سلیکٹڈ، ہر دفعہ کوئی نہ کوئی تو سلیکٹڈ ہوتا ہے۔

اس سے قبل سندھ ہائی کورٹ نے آمدن سے زائد اثاثہ کیس میں منظور وسان کی ضمانت قبل از وقت گرفتاری میں 4 مئی تک توسیع کردی تھی۔

دوران سماعت نیب پراسیکیوٹر نے بتایا کہ منظور وسان کے خلاف انکوائری بند کرنے کا فیصلہ ہوا ہے، انکوائری بند کرنے کی سفارش ہیڈ کوارٹر ارسال کردی اور جواب کا انتظار ہے۔

بعد ازاں عدالت نے نیب حکام کو جواب کے لیے مہلت دیتے ہوئے کیس کی سماعت 4 مئی تک ملتوی کردی۔