ARYNews.tv | Urdu – Har Lamha Bakhabar

Tag: mark zuckerberg

  • میٹا اے آئی استعمال کرنے والوں کی تعداد کتنی ہے؟ حیران کُن انکشاف

    میٹا اے آئی استعمال کرنے والوں کی تعداد کتنی ہے؟ حیران کُن انکشاف

    معروف ٹیکنالوجی کمپنی میٹا کے سی ای او مارک زکربرگ نے اپنی کمپنی کی پہلی خود مختار میٹا اے آئی اسسٹنٹ ایپ کے ماہانہ فعال صارفین کی تعداد کے حوالے سے لب کشائی کی ہے۔

    رپورٹس کے مطابق کمپنی کی سالانہ شیئر ہولڈر میٹنگ میں مارک زکربرگ نے بتایا کہ میٹا اے آئی اسسٹنٹ ایپ کے ماہانہ فعال صارفین کی تعداد ایک ارب تک پہنچ گئی ہے۔

    اُن کا کہنا تھا کہ اس سال کمپنی کی توجہ میٹا کے اے آئی ایپ کے تجربے کو صارفین کے لیے مزید بہتر بنانا ہے۔ مستقبل میں میٹا اے آئی کو زیادہ استعمال کرنے کے لیے بامعاوضہ سبسکرپشن سروس بھی پیش کی جا سکتی ہے۔ میٹا نے رواں سال اپریل میں اپنی نئی اے آئی اسسٹنٹ ایپ متعارف کروائی تھی۔

    یاد رہے کہ گزشتہ ماہ یورپی یونین کی جانب سے امریکی ٹیک کمپنی میٹا اور ایپل پر 800 ملین ڈالر جرمانہ عائد کیا گیا تھا۔

    میٹا اور ایپل پر جرمانہ ڈیجیٹل مارکیٹس ایکٹ کی خلاف ورزی پر کیا گیا تھا۔ بگ ٹیک فرموں کی طاقت پر لگام ڈالنے کیلئے نئے ضابطے کے تحت پہلی بار جرمانہ کیا گیا تھا۔

    یورپی یونین نے ایپل اور میٹا کو مغربی بلاک کے تاریخی ڈیجیٹل مارکیٹس ایکٹ (DMA) کی خلاف ورزی کرنے پر مشترکہ 700 ملین یورو (تقریباً 800 ملین ڈالر) کا جرمانہ کیا گیا۔

    آئی فون صارفین کیلئے خوشی کی خبر سامنے آگئی

    ایپل کو اس بات پر پابندی لگانے کے لیے 500 ملین یورو ($570m) جرمانے کا سامنا کرنا پڑا جس سے ایپ ڈویلپرز متبادل فروخت اور پیشکشوں کے بارے میں صارفین کے ساتھ بات چیت کرتے ہیں۔

  • مارک زکربرگ اور جان سینا میں لڑائی کی ویڈیو وائرل

    مارک زکربرگ اور جان سینا میں لڑائی کی ویڈیو وائرل

    کیلیفورنیا: مارک زکربرگ اور جان سینا کے درمیان لڑائی کی ایک زبردست ویڈیو سوشل میڈیا پر وائرل ہوئی ہے۔

    سوشل میڈیا پر سامنے آنے والی یہ دل چسپ ویڈیو دراصل ایک اشتہار کے پس منظر پر مبنی ہے، جس میں میٹا کے سربراہ مارک زکربرگ اور 16 مرتبہ ورلڈ چیمپئن رہنے والے بے مثال ریسلر اور امریکی اداکار جان سینا کے درمیان لڑائی کی شوٹنگ دیکھی جا سکتی ہے۔

    انسٹاگرام پر شیئر کی گئی اس ویڈیو میں زکربرگ کو جان سینا، گلوکار بینسن بون، اور فلم ساز میتھیو وان کے ساتھ دکھایا گیا ہے۔

    دراصل ریبن گلاسز کی کمپنی نے میٹا کے ساتھ پارٹنرشپ کر لی ہے، جس کے بعد مارک زکربرگ نے اپنے مداحوں کے لیے آنے والے کمرشل میں زبردست دل چسپی کا سامان مہیا کر دیا ہے۔

    حیران کن طور پر زکر برگ نے ڈبلیو ڈبلیو ای کے سپر اسٹار جان سینا اور دیگر کے ساتھ مل کر ایک ہائی انرجی ایکشن والا اشتہار فلمایا، اور یہی نہیں بلکہ ’بیہائنڈ دا سین‘ مناظر کی ایک ویڈیو بھی جاری کر دی۔

    اس کلپ میں دکھایا گیا ہے کہ زکربرگ کو جان سینا نے ایک طاقت ور پنچ مارا اور وہ ہوا میں بہت بلندی پر اڑ گئے، اس کے بعد انھیں بینسن بون کے ساتھ تلوار بازی کرتے بھی دکھایا گیا۔

    اس ویڈیو کی دل چسپ اور منفرد بات یہ بتائی جا رہی ہے کہ ان پرجوش لمحات کو اسمارٹ ریبن گلاسز کا استعمال کرتے ہوئے فلمایا گیا ہے۔

  • مارک زکربرگ کا اہلیہ سے انوکھے انداز میں محبت کا اظہار

    مارک زکربرگ کا اہلیہ سے انوکھے انداز میں محبت کا اظہار

    فیس بک کی سرپرست کمپنی ’میٹا‘ کے بانی مارک زکربرگ نے اپنی اہلیہ سے انوکھے انداز میں محبت کا اظہار کیا ہے۔

    غیر ملکی ذرائع ابلاغ کے مطابق فیس بک کی سرپرست کمپنی ’میٹا‘ کے بانی نے اہلیہ کی محبت میں اپنے گھر کے بیک یارڈ میں اہلیہ پرسکیلا چن کا ایک خوبصورت مجسمہ تعمیر کروا دیا۔

     

    View this post on Instagram

     

    A post shared by Mark Zuckerberg (@zuck)

    انسٹاگرام پر تصویر شیئر کرتے ہوئے مارک زکربرگ نے کیپشن لکھا ”اپنی بیوی کا مجسمہ بناتے ہوئے قدیم رومن روایات“ کو زندہ کر رہا ہوں۔۔“

    فیس بک پیج کن خلاف ورزیوں پر بند ہوسکتا ہے؟

    مجسمے کے سامنے فیس بک کی سرپرست کمپنی ’میٹا‘ کے بانی کی اہلیہ کو چائے سے لطف اندوز ہوتے دیکھا جا سکتا ہے۔ سوشل میڈیا صارفین نے انہیں اپنی اہلیہ کو خوبصورت انداز میں خراج تحسین پیش کرنے پر بہت سراہا۔

  • مارک زکربرگ کی سونے کی چین کا کیا راز ہے؟

    مارک زکربرگ کی سونے کی چین کا کیا راز ہے؟

    میٹا کے چیف ایگزیکٹو مارک زکربرگ گلے میں سونے کی چین کیوں پہنتے ہیں اس کی اصل حقیقت انہوں نے خود بیان کردی۔

    گزشتہ روز میڈیا سے گفتگو کرتے ہوئے ان کا کہنا تھا کہ ان کے سونے کی چین پہننے کا مقصد کوئی دکھاوا یا نمائش نہیں بلکہ یہ ان کے اور ان کے اہل خانہ کے لیے بہت اہمیت کی حامل ہے۔

    اس چین کی خصوصیت بیان کرتے ہوئے انہوں نے کہا کہ اس میں ایک دعا لکھی ہوئی ہے جسے میں روز رات کو اپنی بیٹیوں کو سلانے سے قبل گا کر سناتا ہوں۔

    Mark Zuckerberg

    ان کا کہنا تھا کہ اس چین کے لیے میں نے ایک ڈیزائنر کے ساتھ مل کر کام کیا تاکہ وہ دعا اس پر تحریر ہو سکے۔

    میٹا کے چیف ایگزیکٹو کے مطابق یہ ایک یہودی دعا ہے جو بنیادی طور پر اچھی صحت اور ہمت کے لیے کی جاتی ہے۔

  • سوشل میڈیا کی بندش سے مارک زکربرگ کو کتنا نقصان ہوا؟

    سوشل میڈیا کی بندش سے مارک زکربرگ کو کتنا نقصان ہوا؟

    گزشتہ روز ایک گھنٹے کی سوشل میڈیا کی بندش سے صارفین کو شدید اذیت کا سامنا کرنا پڑا تھا، فیس بک صارفین کے اکاؤنٹس خود ہی سائن آؤٹ ہوگئے تھے۔

    تاہم کچھ دیر بعد سوشل میڈیا صارفین کو اس تکلیف سے چھٹکارا مل گیا اور ان کے فیس بک اکاؤنٹ خود ہی لاگ ان ہوگئے تھے۔

    منگل کو ہونے والی ایک گھنٹے کی سوشل میڈیا بندش سے دنیا کے چوتھے امیر ترین فرد مارک زکربرگ کو 3 ارب ڈالر کا نقصان ہوا ہائی ٹیک فرم میٹا کے فلیگ شپ پلیٹ فارمز فیس بک، انسٹا گرام اور تھریڈز کے شیئرز میں 1.6 فیصد کی کمی ہوئی۔

    گراوٹ کی وجہ سے وال اسٹریٹ مارکیٹ میں میٹا کا ایک شیئر 490.22 ڈالر کا ہوگیا مارک زکر برگ 179 ارب کے اثاثوں کے ساتھ اب بھی دنیا کے چوتھے امیر ترین فرد ہیں۔

    فیس بک، میسنجر، اور انسٹاگرام بند

    تاہم ابھی تک سوشل میڈیا پلیٹ فارمX کو دنیا بھر میں جزوی بندش یا رسائی میں مشکلات کا سامنا ہے۔

  • مارک زکربرگ کو بچوں کے آن لائن استحصال پر معافی مانگنی پڑ گئی، عجیب رد عمل کی ویڈیو وائرل

    مارک زکربرگ کو بچوں کے آن لائن استحصال پر معافی مانگنی پڑ گئی، عجیب رد عمل کی ویڈیو وائرل

    واشنگٹن: میٹا کے سی ای او مارک زکربرگ نے سینیٹ کی تند و تیز سماعت میں آن لائن استحصال کے متاثرین کے والدین سے معافی مانگ لی، تاہم سینیٹر جوش ہالے نے جب ان سے معافی کے لیے پوچھا تو مارک زکربرگ نے عجیب رد عمل ظاہر کیا۔

    غیر ملکی میڈیا رپورٹس کے مطابق بدھ کے روز میٹا کے مالک مارک زکربرگ کو بچوں کے جنسی استحصال پر کانگریس کے سامنے معافی مانگنا پڑ گئی، سینیٹ کمیٹی کی سماعت کے دوران سوشل میڈیا پر جنسی استحصال کا شکار ہونے والے بچوں کی ویڈیوز چلائی گئیں۔

    سینیٹر جوش ہالے نے مارک زکربرگ سے استفسار کیا کہ اس پر آپ کیا کہیں گے؟ ان لوگوں کے ساتھ آپ نے جو کیا؟ اس پر معافی مانگیں گے؟ کیا سوشل میڈیا پر بدسلوکی کا سامنا کرنے والوں کو معاوضہ ملنا چاہیے؟ کیا آپ نے اس پر کسی ملازم کو نوکری سے نکالا؟

    تاہم مارک زکربرگ نے اس پر عجیب رد عمل ظاہر کیا، اور لگ رہا تھا کہ وہ نہ چاہتے ہوئے ایسا کر رہے ہیں، انھوں نے کھڑے ہو کر ہال میں موجود والدین کی طرف رخ کر کے کہا آپ کے خاندانوں نے جو سہا اس سے کسی کو بھی گزرنے کی ضرورت نہیں، مجھ کو ہر اس چیز کے لیے افسوس ہے جس سے آپ گزرے ہیں۔

    مارک زکر برگ نے کہا بدسلوکی کے تدارک کے لیے ہم نے بھاری سرمایہ کاری کی ہے، اور اسے صنعتی سطح پر ممکن بنانے کی کوشش کر رہے ہیں کہ کسی سے بدسلوکی نہ ہو۔

    چیئرمین کمیٹی سینٹر ڈک ڈربن نے کہا اعتماد اور تحفظ سے متعلق مناسب سرمایہ کاری کرنے میں سوشل میڈیا پلیٹ فارمز ناکام رہے ہیں، منافع کے حصول نے ہمارے بچوں اور نواسوں کو خطرے میں ڈال دیا ہے، سوشل میڈیا کمپنیاں جس طرح ڈیزائن اور آپریٹ کر رہی ہیں وہ خطرناک ہے۔

    سینیٹر لنزے گراہم نے کہا سوشل میڈیا کمپنیاں زندگیوں کو تباہ کر رہی ہیں، یہ کمپنیاں جمہوریت کے لیے خطرہ ہیں، ان کمپنیوں کو لگام ڈالنے کی ضرورت ہے ورنہ بد ترین صورت حال ابھی باقی ہے۔ انھوں نے مارک زکر برگ کو مخاطب کرتے ہوئے کہا ’’مسٹر برگ میں جانتا ہوں کہ آپ یہ نہیں چاہتے لیکن آپ کے ہاتھوں پر خون ہے، آپ کے پاس ایک ایسی پروڈکٹ ہے جو لوگوں کو مار رہی ہے۔‘‘

  • ایلون مسک اور مارک زکربرگ کے درمیان ’کیج فائٹ‘ میں ٹوئسٹ آ گیا

    ایلون مسک اور مارک زکربرگ کے درمیان ’کیج فائٹ‘ میں ٹوئسٹ آ گیا

    ایلون مسک اور مارک زکربرگ کے درمیان ’کیج فائٹ‘ میں ٹوئسٹ آ گیا ہے، مارک زکربرگ تو فائٹ کے لیے تیار ہیں لیکن ایلون مسک نے فائٹ سے پہلے گردن اور کمر کا معائنہ کروانے کا فیصلہ کر لیا ہے۔

    تفصیلات کے مطابق ٹیسلا اور اسپیس ایکس کے مالک ایلون مسک اور میٹا کے چیف ایگزیکٹو مارک زکربرگ کے درمیان ہونے والی کیج فائٹ میں ٹوئسٹ آ گیا، ایلون مسک کا کہنا ہے کہ وہ فائٹ کے لیے تیار ہیں مگر اُس سے پہلے اپنی گردن اور کمر کا معائنہ کرانا چاہتے ہیں۔

    سماجی رابطے کی ویب سائٹ ایکس پر اپنی ایک پوسٹ میں ایلون مسک نے کہا کہ ’فائٹ کی تاریخ ابھی طے نہیں ہوئی، کل میں اپنی گردن اور بالائی کمر کا ایم آر آئی کروا رہا ہوں اور شاید فائٹ سے قبل سرجری کی بھی ضرورت ہو۔‘

    ایلون مسک اور مارک زکربرگ میں ’کیج فائٹ‘ ٹوئٹر پر براہ راست نشر ہوگی!

    واضح رہے کہ مارک زکربرگ کیج فائٹ کے لیے 26 اگست کی تاریخ تجویز کر چکے ہیں لیکن ایلون مسک نے اس کی تصدیق نہیں کی تھی۔

  • ایلون مسک اور مارک زکربرگ میں ’کیج فائٹ‘ ٹوئٹر پر براہ راست نشر ہوگی!

    ایلون مسک اور مارک زکربرگ میں ’کیج فائٹ‘ ٹوئٹر پر براہ راست نشر ہوگی!

    نیویارک: ایلون مسک اور مارک زکربرگ کے درمیان ’کیج فائٹ‘ ہونے جا رہی ہے، جسے ایکس (ٹوئٹر) پر نشر کیا جائے گا۔

    تفصیلات کے مطابق ایلون مسک نے کہا ہے کہ مارک زکربرگ کے ساتھ ان کی ممکنہ کیج فائٹ ان کی سوشل میڈیا سائٹ X یعنی ٹوئٹر پر نشر کی جائے گی۔

    ٹیکنالوجی کے ان دو ارب پتیوں نے بظاہر جون کے آخر میں ’کیج میچ‘ فائٹ پر اتفاق کر لیا ہے، خیال رہے کہ فیس بک کی پیرنٹ کمپنی میٹا کے سی ای او مارک زکربرگ مکسڈ مارشل آرٹس میں تربیت یافتہ ہیں، انھوں نے اس سال کی ابتدا میں اپنے پہلے جوجتسو ٹورنامنٹ میں بھی حصہ لیا تھا۔

    ایلون مسک نے سوشل میڈیا پلیٹ فارم پر اتوار کو ایک پوسٹ میں لکھا ’’زک بمقابلہ مسک فائٹ ایکس پر براہ راست نشر کی جائے گی، اور تمام آمدنی سابق فوجیوں کے لیے خیراتی ادارے میں جائے گی۔‘‘

    مسک نے ایک ٹوئٹ میں یہ بھی بتایا تھا کہ وہ وزن اٹھا کر فائٹ کے لیے ٹریننگ کر رہے ہیں، انھوں نے اس کی وجہ بتائی کہ ان کے پاس زیادہ وقت نہیں ہے اس لیے وہ ایسا کر رہے ہیں۔

    مسک اور زکربرگ واقعی لاس ویگاس میں رِنگ کے اندر اترتے ہیں یا نہیں یہ دیکھا جانا ابھی باقی ہے، کیوں کہ اس بات کا بھی امکان ہے کہ دونوں کے درمیان یہ رضامندی محض مذاق ہو۔

  • مارک زکربرگ کو دھول چٹانے کیلیے اینڈریو ٹیٹ کی ایلون مسک کو بڑی پیشکش

    مارک زکربرگ کو دھول چٹانے کیلیے اینڈریو ٹیٹ کی ایلون مسک کو بڑی پیشکش

    نیویارک : کک باکسنگ کے سابق چیمپئن اینڈریو ٹیٹ نے ایلون مسک کو مارک زکربرگ سے مقابلے کیلئے تربیت دینے کی پیشکش کردی، انہوں نے ٹیسلا کے بانی سے کہا ہے کہ تم میٹا کے سی ای او کو شکست دے دو گے۔

    تفصیلات کے مطابق میٹا کے سی ای او مارک زکربرگ نے ٹیسلا، اسپیس ایکس اور ٹوئٹر کے مالک ایلون مسک کی جانب سے حقیقی’کیج فائٹ‘(پنجرے کے اندر لڑائی) کا چیلنج قبول کرلیا۔

    جس کے بعد سوشل میڈیا پر بھونچال آگیا، اسی دوران کک باکسنگ کے سابق چیمپئن اینڈریو ٹیٹ نے مارک زکر برگ کے ساتھ ’کیج فائٹ‘ کے لیے ایلون مسک کو تربیت دینے کی پیشکش کی ہے۔

    ایلون مسک

    سماجی رابطے کی ویب سائٹ ٹوئٹر پر اپنے پیغام میں اینڈریو ٹیٹ نے کہا کہ میٹا نے ویکسین کے بارے میں سچ بتانے پر 2022 میں میرے تمام سوشل میڈیا اکاؤنٹس پر پابندی عائد کردی تھی۔

    غیر ملکی خبر رساں ادارے کی رپورٹ کے مطابق اینڈریو ٹیٹ کا کہنا تھا کہ اب ہم اپنے دشمن پر حملہ کرکے اپنی عزت بحال کرسکتے ہیں، میں تم کو کک باکسنگ کی تربیت دوں گا اور تم نہیں ہارو گے۔

    یاد رہے کہ گزشتہ سال اگست میں میٹا نے خطرناک تنظیموں اور افراد کےحوالے سے پالیسیوں اور قواعد و ضوابط کی خلاف ورزی کے الزام میں ٹیٹ کے انسٹاگرام اور فیس بک اکاؤنٹ پر پابندی لگادی تھی۔

    اینڈریو ٹیٹ گزشتہ کئی ماہ سے رومانیہ میں عصمت دری، انسانی اسمگلنگ اور خواتین کے جنسی استحصال سمیت مجرمانہ گروپ بنانے کے مقدمے میں مقامی جیل میں قید ہے، اس کے بھائی اور دو دیگر افراد کو بھی ان ہی الزامات کا سامنا ہے تاہم چاروں ملزمان نے ان الزامات کی تردید کی ہے۔

    کیج فائٹنگ

    ٹیٹ کی جانب سے ایلون مسک کو کی جانے والی پیشکش پر سوشل میڈیا صارفین نے بھی اپنے ردعمل میں حیرانی کا اظہار کیا ہے، اس بات کا تمسخر اڑاتے ہوئے ان کا کہنا تھا کہ کیا اینڈریو ٹیٹ یہ کام جیل سے کریں گے؟ یا ویڈیو کالز پر ایلون مسک کو باکسنگ کے گر سکھائیں گے؟

    واضح رہے کہ ٹیک ورلڈ کے دو بڑے جائنٹس آمنے سامنے آگئے ہیں، ٹوئٹر کے مالک ایلون مسک کا کیج فائیٹ کا چیلنج میٹا کے چیف ایگزیکٹو مارک زکربرگ نے قبول کرلیا ہے۔

    اصل معاملہ مارک زکربرگ کا ٹوئٹر کے طرز کی سوشل میڈیا پلیٹ فارم میٹا پراجیکٹ ہے جس کی وجہ سے ایلون مسک نے مارک زکربرگ اور میٹا کے خلاف مزاحیہ اور تنقیدی ٹوئیٹس کر ڈالیں۔

    مارک زکربرگ نے بھی جواب میں خوب طنز کے نشتر برسا دیئے، ٹوئٹر سربراہ مسک نے ٹوئٹ کیا کہ وہ کیج فائیٹ کے لیے تیار ہیں۔

    تو زکر برگ نے مسک کے اسکرین شارٹ کے ساتھ اپنی انسٹا اسٹوری پر کیج فائیٹ کے لیے لوکیشن مانگ لی، جس کا مسک نے بھی فوری جواب دیا۔

    ویگس اوکٹاگون وہ جگہ ہے جہاں الٹیمیٹ فائٹنگ چیمپئن شپ کے مقابلے منعقد ہوتے ہیں، ایلون مسک کی لڑنے کی صلاحیت کے بارے میں کچھ بھی کہنا قبل از وقت ہوگا لیکن مارک زکر برگ ایک ماہر فائٹر ہیں۔

  • مارک زکربرگ کی امیر ترین افراد کی فہرست میں حد درجہ تنزلی

    مارک زکربرگ کی امیر ترین افراد کی فہرست میں حد درجہ تنزلی

    سوشل میڈیا ویب سائٹس فیس بک، انسٹاگرام اور واٹس ایپ کے مالک مارک زکر برگ مالی طور پر کافی غیر مستحکم ہوگئے ہیں جس کے باعث دنیا کے امیر ترین افراد کی فہرست ان کی تنزلی سامنے آئی ہے۔

    غیرملکی خبر رساں ادارے کی رپورٹ کے مطابق مارک زکربرگ کو اپنے کاروبار میں رواں سال 71 بلین ڈالر کا نقصان ہوا ہے، جس کے سبب وہ دنیا کے امیر ترین افراد کی فہرست میں 14 درجہ نیچے آگئے۔

    اس سال اب تک ہونے والے مالی نقصانات کے بعد ان کی دولت کی مجموعی مالیت اس وقت 55.9 بلین ڈالر ہے۔ مارک زکربرگ کی مجموعی دولت عالمی ارب پتیوں کے مقابلے میں 20ویں نمبر پر ہے۔

     میٹا کے سی ای او مارک زکربرگ کیلئے میٹا ورس میں شامل ہونا بہت مہنگا پڑا ہے۔ یاد رہے کہ ان کی مجموعی دولت گزشتہ سال ستمبر2021 میں 142 بلین ڈالر کی چوٹی تک پہنچ گئی تھی، جب ان کمپنی کے حصص 382 ڈالر تک تھے۔

    صرف دو سال سے بھی کم عرصے قبل کی بات ہے جب مارک زکربرگ دنیا کے امیر ترین افراد میں سر فہرست تھے، صرف جیف بیزوس اور بل گیٹس ان سے آگے تھے۔

    کچھ عرصہ قبل مارک زکربرگ نے میٹا متعارف کرایا اور فیس بک سے کمپنی کا نام تبدیل کیا جس کے بعد وہ کافی تیزی سے مالی طور پر غیر مستحکم نظر آئے۔

    مزید پڑھیں : فیس بک بند، چند گھنٹوں میں 10 کھرب کا نقصان

    یاد رہے کہ اس سے قبل گزشتہ سال اکتوبر میں دنیا کی امیر ترین شخصیات میں سے ایک فیس بک کے بانی مارک زکر برگ کو چند ہی گھنٹوں میں کھربوں کا نقصان ہوا تھا۔

    سوشل میڈیا ویب سائٹس فیس بک، انسٹاگرام اور واٹس ایپ بند ہونے کے باعث کمپنی کے مالک مارک زکر برگ کو چند گھنٹوں میں ہی ساڑھے 6 ارب ڈالر کا نقصان برداشت کرنا پڑا۔

    فیس بک، واٹس ایپ اور انسٹاگرام کی سروسز 4 اور 5 اکتوبر کی درمیانی شب دنیا بھر میں بند ہوگئی تھی جو 6 گھنٹے بعد بحال ہوئی۔

    فیس بک انتظامیہ کے مطابق ان کے ٹریفک نیٹ ورک اور ڈیٹا سینٹر کے آلات میں خرابی کی وجہ سے ان کی سروس بند ہوگئی تھی تاہم تصدیق کی گئی کہ سروس کی بندش کے دوران صارفین کا ڈیٹا لیک نہیں ہوا۔

    اس وقت بھی ارب پتی افراد کی دولت کا تخمینہ جاری کرنے والے فوربز میگزین کے مطابق مارک کو امیر ترین شخصیات کی فہرست میں بھی تنزلی کا سامنا کرنا پڑا تھا۔