ARYNews.tv | Urdu – Har Lamha Bakhabar

Tag: market

  • سندھ میں دکانیں اور بازار کھولنے کے لیے حکمت عملی مرتب

    سندھ میں دکانیں اور بازار کھولنے کے لیے حکمت عملی مرتب

    کراچی: سندھ حکومت نے تاجر رہنماؤں کی مشاورت سے دکانیں اور بازار کھولنے کے لیے حکمت عملی مرتب کرلی، بازار اور دکانیں دن میں 8 گھنٹے کے لیے کھولنے کا فیصلہ کیا گیا ہے۔

    تفصیلات کے مطابق سندھ حکومت نے دکانیں اور بازار کھولنے کے لیے پلان طے کرلیا، پلان سندھ حکومت نے تاجر رہنماؤں کی مشاورت سے مرتب کیا۔ پلان پر عملدر آمد وزیر اعلیٰ سندھ کی اجازت سے مشروط ہے۔

    ذرائع کا کہنا ہے کہ کراچی کے تجارتی مراکز اور دکانیں کھولنے کے لیے 13 شعبوں کا تعین کیا گیا ہے، کاروبار کی نوعیت کے لحاظ سے 13 سیکٹرز 3، 3 درجوں میں تقسیم کیے گئے ہیں۔

    ذرائع کے مطابق ہر درجے میں شامل شعبہ ہفتے میں 2 روز کھولا جائے گا، پہلے اور دوسرے درجے میں 4، 4 اور تیسرے میں 5 شعبے شامل ہیں، بازار اور دکانیں دن میں 8 گھنٹے کے لیے کھولی جائیں گی۔

    ذرائع کا کہنا ہے کہ مرغی، گوشت کی دکانیں اور بیکریاں ہفتے میں 2 روز بند رکھنے کی تجویز دی گئی ہے۔ دودھ، سبزی، پھل کی دکانوں اور میڈیکل اسٹور کو پورا ہفتے کھولنے کی اجازت دی گئی ہے۔

    ذرائع کے مطابق بازار کی دکانیں کھولنے کے لیے ایس او پی بدھ تک تیار کر لیا جائے گا۔ سندھ حکومت عید شاپنگ کے لیے 15 رمضان کے بعد مزید نرمی کرے گی، عید شاپنگ کے لیے نرمی انتظامیہ سے تعاون اور ایس او پی پر عملدر آمد سے مشروط ہوگی۔

    ذرائع کا مزید کہنا ہے کہ پبلک ٹرانسپورٹ کے لیے بھی جلد نرمی کا اعلان کیا جائے گا۔

  • مقامی صرافہ مارکیٹوں میں فی تولہ سونا1000روپے سستا

    مقامی صرافہ مارکیٹوں میں فی تولہ سونا1000روپے سستا

    کراچی: بین الاقوامی مارکیٹ میں کمی کے باعث مقامی صرافہ مارکیٹوں میں بھی فی تولہ سونا1000روپے سستا ہوگیا۔

    تفصیلات کے مطابق بین الاقوامی مارکیٹ میں فی اونس سونے کی قیمت میں 38ڈالر کی نمایاں کمی ہوئی جس کے نتیجے میں مقامی صرافہ مارکیٹوں میں بھی فی تولہ سونا1000روپے سستا ہوگیا۔

    آل کراچی صراف اینڈجیولرزایسوسی ایشن کے مطابق جمعہ کو بین الاقوامی گولڈ مارکیٹ میں فی اونس سونے کی قیمت میں38ڈالر کی نمایاں کمی ریکارڈ کی گئی، جس کے نتیجے میں فی اونس سونے کی قیمت1543ڈالر سے گھٹ کر1505ڈالر ہوگئی۔

    آل کراچی صراف اینڈجیولرزایسوسی ایشن کا کہنا ہے کہ کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت1000روپے اور10گرام قیمت میں857روپے کی کمی ریکارڈ کی گئی۔

    ملکی برآمدات کو بڑھانا حکومت کی اولین ترجیحات میں سے ہے: عبدالرزاق داﺅد

    جس کے نتیجے میںفی تولہ سونے کی قیمت89000روپے سے گھٹ کر88000روپے اور دس گرام سونے کی قیمت76303روپے سے گھٹ کر75446روپے ہوگئی۔

    جمعہ کو چاندی کی فی تولہ قیمت اور دس گرام قیمت میں استحکام رہا،جس کے نتیجے میں چاندی کی فی تولہ قیمت1100.00روپے اوردس گرام چاندی کی قیمت943.00روپے پر مستحکم رہی۔

  • ہواوے کو عالمی مارکیٹ سے نکالنے کی کوشش کی جارہی ہے، پیوٹن

    ہواوے کو عالمی مارکیٹ سے نکالنے کی کوشش کی جارہی ہے، پیوٹن

    ماسکو : روسی صدر ولادی میر پیوٹن نے چینی ٹیلی کام کمپنی ہواوے پر امریکی پابندیوں سے متعلق کہا کہ ٹرمپ انتظامیہ ہواوے کو تجارتی جنگ کی وجہ سے نشانہ بنایا جا رہا ہے۔

    تفصیلات کے مطابق روسی صدر ولادیمیر پوٹن نے چینی ٹیکنالوجی کمپنی ہواوے کے حق میں آوازبلند کرتے ہوئے کہاہے کہ ہواوے کو نہ صرف دیوار سے لگایا جا رہا ہے بلکہ اسے بین الاقوامی مارکیٹ سے نکالنے کی کوشش بھی کی جا رہی ہے، ہواوے کو تجارتی جنگ کی وجہ سے نشانہ بنایا جا رہا ہے۔

    روس میں ہونے والے اکنامک فورم سے خطاب کرتے ہوئے روسی صدر ولادیمیر پوٹن نے چینی ٹیکنالوجی کمپنی ہواوے کے حق میں بیان دیا۔

    واضح رہے کہ امریکا چینی کمپنی ہواوے کو بلیک لسٹ کر چکا ہے۔

    غیر ملکی میڈیا کے مطابق اس اجلاس میں چینی صدر شی جِن پنگ بھی شریک تھے، روسی صدر نے کہا کہ ہواوے کو نہ صرف دیوار سے لگایا جا رہا ہے بلکہ اسے بین الاقوامی مارکیٹ سے نکالنے کی کوشش بھی کی جا رہی ہے۔

    صدر پوٹن نے امریکا کا نام لیے بغیر کہا کہ ہواوے کو تجارتی جنگ کی وجہ سے نشانہ بنایا جا رہا ہے۔

    یاد رہے کہ امریکا چینی کمپنی ہواوے کو بلیک لسٹ کرچکا ہے، بعد ازاں ہواوے نے امریکی انتظامیہ کی جانب سے کمپنی کو بلیک لسٹ کیے جانے کے فیصلے کو امریکی عدالت میں چیلنج کرتے ہوئے قانونی جنگ کو تیز کردیا ہے۔

    امریکا نے چین کے ساتھ ٹریڈ وار ختم کرنے کا اشارہ دے دیا

    ہواوے کی جانب سے ٹیکساس کی ڈسٹرکٹ عدالت میں مقدمہ دائر کیا گیا ہے اور کمپنی نے اس میں زور دیا ہے کہ نیشنل ڈیفنس اتھارائزیشن ایکٹ امریکی قوانین کی خلاف ورزی ہے۔

    واضح رہے ہواوے اس وقت دنیا کی سب سے بڑی ٹیلی کمیونیکشنز نیٹ ورکنگ آلات سپلائی کرنے والی جبکہ دنیا کی دوسری بڑی اسمارٹ فون کمپنی ہے جو کہ امریکا اور چین کے درمیان تجارتی جنگ میں اہم ترین بن گئی ہے۔

  • اٹلی میں گھرکی قیمت صرف 1 یورو

    اٹلی میں گھرکی قیمت صرف 1 یورو

    سمبوکا کے ڈپٹی میئر نے یہ اعلان تیزی سے کم ہوتی ہوئی آبادی کے پیش نظر کیا کیونکہ اچھی خاصی تعداد میں مقامی افراد بڑے شہروں کی طرف ہجرت کرچکے ہیں۔

    یورپی ممالک میں مہنگائی کے خلاف مظاہرے جاری ہیں وہیں دوسری جانب اطالوی حکام نے 1 یورو میں گھر فروخت کرنے کا اعلان کیا ہے۔

    تفصیلات کے مطابق اٹلی کے گاؤں سمبوکا کے ڈپٹی میئر اور ٹورسٹ کونسلر جیوسپ کیسیوپو نے گاؤں کی کم ہوتی آبادی کو روکنے کےلیے 1 یورو میں گھروں کی فروخت اعلان کیا ہے۔

    ڈپٹی میئر جیوسپ کیسیوپو کا کہنا ہے کہ سمبوکا کی اکثر آبادی بڑے شہروں میں سکونت اختیار کررہے ہیں جس کے باعث گاؤں کی اچھی خاصی آبادی کم ہوگئی ہے۔

    جیوسپ کیسیوپو کا کہنا تھا کہ گھر خریدنے والے شخص کو 3 سالوں کے دوران اپنے گھر کی تزائین و آرائش کےلیے 15 ہزار یورو کی خطیر رقم خرچ کرنی ہوگی۔

    غیر ملکی خبر رساں ادارے کا کہنا ہے کہ گھر کی تزائین و آرائش کےلیے 5 ہزار یورو کی رقم سیکیورٹی ڈپازٹ میں جمع کروانی ہوگی جو مرمتی کام مکمل ہونے کے بعد مالک کو دی جائے گی۔

    ڈپٹی میئر کا کہنا ہے کہ سمبوکا انتہائی خوبصورت اور تاریخی شہر ہے، جہاں خوبصور ساحل، پہاڑ اور جنگلات ہیں، یہ وہ علاقہ ہے جہاں سے بحیرہ روم کے جزائر کا بھی نظارہ کیا جاسکتا ہے۔

  • کاروباری ہفتے کے آخری روز اسٹاک مارکیٹ کا آغاز مثبت رہا

    کاروباری ہفتے کے آخری روز اسٹاک مارکیٹ کا آغاز مثبت رہا

    اسلام آباد: کاروباری ہفتے کے آخری روز اسٹاک ایکسچینج تیزی پر اختتام پذیر ہوا، 100 انڈیکس 574 پوائنٹس کے اضافے کے بعد 38 ہزار 585 پر بند ہوا۔

    تفصیلات کے مطابق کاروباری ہفتے کے آخری روز اسٹاک مارکیٹ کا آغاز 159 پوائنٹس اضافے کے ساتھ مثبت انداز میں ہوا۔

    سعودیہ ارب کی جانب سے ایک ارب ڈالر ملنے کی خبروں نے بھی مارکیٹ پر مثبت اثر ڈالا، کاروبارکے دوران 102 ملین شیئرز کاروبار ہوا اور دن بھر مجموعی طور پر 325 کمپنیز کاروبار ہوا جس میں سے 80 میں منفی اور 218 میں منفی کاروبار دیکھا گیا۔

    سب سے زیادہ شیئرز کا کاروبار بینکنگ، کیمیکلز، ٹیکنالوجی اینڈ کمیونیکیشن اور آئلَ اینڈ گیس مارکیٹنگ کمپنیز میں ہوا۔

    100 انڈیکس 574 پوائنٹس اضافے کے بعد 38 ہزار 585 پر بند ہوا، کرنسی مارکیٹ میں آج کرنسی مارکیٹ میں انٹر بینک میں ڈالر میں 2 پیسے اضافے کے ساتھ 139 روپے پر بند ہوا۔

    پاکستان اسٹاک ایکسچینج، 295 پوائنٹس کی کمی ریکارڈ

    دوسری جانب اوپن مارکیٹ میں ڈالر کی قیمت میں استحکام دیکھا گیا اور اوپن مارکیٹ میں ڈالر 140 روپے پر مستحکم رہا۔

    خیال رہے کہ دو روز قبل پاکستان اسٹاک ایکسچینج میں منفی کاروبار ہوا تھا، اور انڈیکس میں 295 پوائنٹس کی کمی ریکارڈ کی گئی تھی۔

    یاد رہے کہ 12 دستمبر کو مارکیٹ میں مثبت کاروبار دیکھا گیا تھا اس کے علاوہ رواں ہفتے تین روز تک مارکیٹ عالمی اور ملکی سیاسی صورتحال کے باعث منفی زون میں ہی رہی۔

  • فرانس: فائرنگ کے باعث بند ہونے والا کرسمس بازار دوبارہ کھول دیا گیا

    فرانس: فائرنگ کے باعث بند ہونے والا کرسمس بازار دوبارہ کھول دیا گیا

    پیرس: فرانس میں فائرنگ کے باعث بند ہونے والا کرسمس بازار حالات معمول پر آنے کےبعد دوبارہ عوام کے لیے کھول دیا گیا۔

    تفصیلات کے مطابق دو روز قبل فرانس کے شہر اسٹرسبرگ میں کرسمس بازار کو فائرنگ واقعے کے بعد بند کردیا گیا تھا، اس حملے میں 3 افراد ہلاک اور 12 زخمی ہوئے تھے۔

    غیر ملکی خبر رساں ادارے کے مطابق شہر میں اب حالات معول پر ہیں اور عوام کی آمدورفت بھی پہلے کی طرح بحال ہوچکی ہے۔

    پولیس نے گذشتہ روز جائے وقوعہ سے فرار ہونے والے حمہ آور کو اہم کارروائی میں ہلاک کردیا تھا، دوسری جانب فرانسیسی صدر ایمانوئیل میکرون نے حملے میں ہلاک افراد کے ورثا سے ملاقات بھی کی تھی۔

    فرانس: کرسمس بازار میں فائرنگ کرنے والا حملہ آور ہلاک، حکام کی تصدیق

    اس حملے کے بعد کرسمس بازار سمیت دیگر اہم اور تاریخی مقامات پر سیکیورٹی ہائی الرٹ کردی گئی ہے۔

    خیال رہے کہ دو روز قبل فائرنگ کا واقعہ فرانسیسی شہر اسٹراسبرگ میں پیش آیا تھا جہاں کرسمس بازار میں نامعلوم شخص نے فائرنگ کرکے دو افراد کو ہلاک جبکہ 6 کو زخمی کردیا تھا۔

    بعد ازاں سیکیورٹی فورسز اور پولیس نے ملزم کی گرفتاری کے لیے پیچھا کیا اور اس دوران پولیس اور ملزم کے درمیان فائرنگ کا تبادلہ بھی ہوا تھا۔

    یاد رہے کہ گذشتہ سال جولائی میں فرانس کے دارالحکومت پیرس میں حملہ آور کی فائرنگ سے پولیس کا ایک اہلکار ہلاک جبکہ دو زخمی ہوگئے تھے۔

  • فرانس: کرسمس بازار میں فائرنگ، 3 افراد ہلاک، 12 زخمی

    فرانس: کرسمس بازار میں فائرنگ، 3 افراد ہلاک، 12 زخمی

    پیرس: فرانس کے شہر اسٹراسبرگ میں واقع کرسمس بازار میں نامعلوم شخص نے فائرنگ کردی جس کے نتیجے میں تین افراد ہلاک جبکہ 12 زخمی ہوگئے۔

    تفصیلات کے مطابق فائرنگ کا واقعہ فرانسیسی شہر اسٹراسبرگ میں پیش آیا جہاں کرسمس بازار میں نامعلوم شخص نے فائرنگ  کرکے دو افراد کو ہلاک کردیا جبکہ 6 زخمی ہیں۔

    غیر ملکی خبر رساں ادارے کے مطابق زخمیوں کو فوری طبی امداد کے لیے اسپتال منتقل کردیا گیا، ڈاکٹرز کا کہنا ہے کہ فائرنگ کے واقعے میں متاثر ہونے والے افراد میں سے 6 کی حالت تشویش ناک ہے جبکہ 6 کو معمولی زخم آئے ہیں۔

    برطانوی میڈیا کا کہنا ہے کہ فائرنگ کرنے والے ملزم کو کرسمس مارکیٹ کے قریب سیکیورٹی فورسز نے فائرنگ کرکے زخمی کر دیا تاہم وہ زخمی حالت میں فرار ہو گیا۔

    مقامی میڈیا کا کہنا ہے کہ سیکیورٹی فورسز اور پولیس نے ملزم کی گرفتاری کے لیے پیچھا کیا اور  اس دوران پولیس اور ملزم کے درمیان فائرنگ کا تبادلہ بھی ہوا۔

    مقامی خبر رساں ادارے کا کہنا ہے کہ 29 سالہ ملزم کے حراست میں لیے جانے کی اطلاعات موصول ہورہی ہیں تاہم ابھی اس کی تصدیق نہیں ہوسکی ہے۔

    پولیس نے حالات معمول پر آنے تک شہریوں سے گھروں میں رہنے کی درخواست کی ہے۔

    فرانسیسی انسداد دہشت گردی پولیس نے واقعے کی تحقیقات کا آغاز کردیا ہے، پولیس کا کہنا ہے کہ تاحال فائرنگ کی وجوہات معلوم نہیں ہوسکیں ہیں۔

    فرانس کے وزیر داخلہ کیسٹینر نے کرسمس بازار میں حملے کے بعد ملک بھر میں سیکیورٹی لیول بڑھانے کا اعلان کر دیا ہے۔

    فرانسیسی وزارت داخلہ کے مطابق ملزم کی شناخت چیرف کے نام سے ہوگئی ہے جس کا نام انسداد دہشت گردی سیل کو دے دیا گیا ہے، 29 سالہ ملزم اسٹراسبرگ کا رہائشی ہے جبکہ ملزم دیگر وارداتوں میں بھی پولیس کو مطلوب تھا۔

    غیر ملکی میڈیا کا کہنا ہے کہ مشرقی شہر  اسٹراسبورک فرانس اور جرمنی کے سرحد پر واقع ہے، جبکہ مشہور کرسمس بازار کو حملے کے بعد بند کردیا گیا ہے اور علاقے میں سرچ آپریشن جاری ہے۔

    پیرس میں فائرنگ‘پولیس اہلکار ہلاک

    خیال رہے کہ گذشتہ سال جولائی میں فرانس کے دارالحکومت پیرس میں حملہ آور کی فائرنگ سے پولیس کا ایک اہلکار ہلاک جبکہ دو زخمی ہوگئے تھے۔

    واضح رہےکہ 2015 کے آغاز سے فرانس میں دہشت گرد حملوں میں 230 سے زائد افراد ہلاک ہو چکے ہیں، جبکہ سینکڑوں افراد ان حملوں میں زخمی بھی ہوئے ہیں۔

    یاد رہے کہ گذشتہ سال فروری میں فرانس پولیس نے دہشت گردی کا بڑا منصوبہ ناکام بنایا تھا، کارروائی کے دوران چار ملزمان کو حراست میں لیا تھا۔

  • ماہ صیام کے آتے ہی پھلوں کی قیمتیں آسمان کو چھونے لگیں

    ماہ صیام کے آتے ہی پھلوں کی قیمتیں آسمان کو چھونے لگیں

    اسلام آباد: ماہِ رمضان کا مبارک مہینہ آتے ہی ملک بھر میں پھلوں کی قیمتوں کو پر لگ گئے، بازاروں میں خریداری کے لیے آئے شہری پریشان ہوگئے۔

    تفصیلات کے مطابق مسلمانوں کے لیے بابرکت مہینہ رمضان کے آتے ہی ہونا تو یوں چاہیے تھا کہ اس کے تقدس میں شہریوں کو سستی اشیاء فراہم کی جائیں لیکن معاملہ الٹ ہے، ملک بھر میں جہاں دیگر اشیاء کی قیمیوں میں ہوشربا اضافہ ہے وہیں پھلوں کی قیمتیں بھی آسمان سے باتیں کر رہی ہیں۔

    ملک بھر میں کیلے کی فی درجن قیمت 80 روپے سے 150روپے ہوگئی، تربوز کی فی کلو قیمت 20 روپے سے 40 روپے پر پہنچ گئی جبکہ منڈی میں آم 150 سے 180 روپے فی کلو میں فروخت ہورہا ہے۔

    سبزی اورپھلوں کی قیمتوں میں ایک بار پھرہوشربا اضافہ، عوام پریشان

    علاوہ ازیں گرمے کی قیمت بھی 80 روپے سے 120روپے فی کلو ہوگئی، سیب کی فی کلو قیمت 80 سے بڑھ کر150 روپے ہوگئی اور چیکو کی فی کلو قیمت 80 روپے سے بڑھ کر 120روپے ہوگئی ہے جبکہ آڑو کی فی کلو قیمت 50 روپے اضافے کے ساتھ 170 روپے فی کلو ہوگئی ہے۔

    واضح رہے کہ مہنگائی کی شرح میں اضافہ اب ایک عام سی بات بنتی جارہی ہے جس سے متوسط اور غریب طبقے کو براہ راست نقصان ہورہا ہے۔

    سبزیوں اور پھلوں کی قیمتوں میں دوگنا اضافہ ریکارڈ

    متعلقہ اداروں کے افسران نے اپنی نااہلی اور کرپشن کا بوجھ عوام ڈالتے ہوئے پیٹرول کی قیمتیں بڑھا دی ہیں جس سے مہنگائی کا نیا سیلاب آگیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیصل آباد میں برقعہ پوش کی دکانوں پرفائرنگ، 3دن بعد مقدمہ درج

    فیصل آباد میں برقعہ پوش کی دکانوں پرفائرنگ، 3دن بعد مقدمہ درج

    فیصل آباد : برقعہ  پوش شخص نے رات کے وقت بازار میں اندھا دھند گولیاں برسا دیں۔ پکے پکے نشانے لگا کر اطمینان سے چل دیا، پولیس نے تین روز بعد مقدمہ درج کر لیا۔

    تفصیلات کے مطابق فیصل آباد کے بازار میں فلمی سین نے حقیقت کاروپ دھارلیا۔ چھوٹے مانچسٹر میں بھرپور ایکشن دیکھنے کو ملا، رات کے تین بجے ایک برقع پوش شارپ شوٹر نے نورپورہ بازار میں انٹری دی اس کے ہاتھوں میں پستول تھی۔

    برقعہ پوش شخص دونوں ہاتھوں سے دکانوں کو ٹارگٹ کرکے فائرنگ کرتا رہا۔ اے آر وائی نیوز کو موصول نونے والی سی سی ٹی وی فوٹیج میں دیکاھ جاسکتا ہے کہ ملزم دونوں ہاتھوں میں پستول سے پکے نشانے لگا کر آرام سے روانہ ہوگیا۔

    البتہ پولیس کو تاحال یہ معلوم نہ ہوسکا ہے کہ برقع میں خاتون ہے یامرد؟ لیکن فائرنگ دیدہ دلیری اور کسی ماہر نشانہ باز کی طرح کی گئی۔

    اس حوالے سے پولیس کا کہنا ہے کہ موقع واردات سے ملنے والے پستول کے بیس کے قریب خول فرانزک ٹیسٹ کے لئے بھیجے جائیں گے، یاد رہے کہ اس سے قبل بھی دو بار اسی بازار میں فائرنگ کے واقعات ہو چکے ہیں۔

  • ایل پی جی کی قیمت میں 10 روپے فی کلو کی کمی

    ایل پی جی کی قیمت میں 10 روپے فی کلو کی کمی

    کراچی: ایل پی جی مارکیٹنگ کمپنیز کی جانب سے ایل پی جی کی قیمت میں دس روپے فی کلو کی کمی کردی گئی۔

    ایل پی جی کی قیمت میں کمی سے گھریلو سلنڈر ایک سو پندرہ روپے اور کمرشل سلنڈرچارسو ساٹھ روپے سستا ہوگیا۔

    ایل پی جی مارکیٹنگ کمپنیز کی جانب سے ایل پی جی کی قیمت میں کمی کے بعد کراچی میں ایل پی جی کی نئی قیمت اسی روپے جبکہ لاہور سمیت پنجاب کے مختلف شہروں میں ایل پی جی کی نئی قیمت پچاسی روپے فی کلو ہوگئی ہے۔