ARYNews.tv | Urdu – Har Lamha Bakhabar

Tag: marriage

  • ویڈیو:‌ فرح خان نے نرگس فخری کی نجی زندگی کا بڑا راز فاش کردیا

    ویڈیو:‌ فرح خان نے نرگس فخری کی نجی زندگی کا بڑا راز فاش کردیا

    بالی ووڈ فلمساز اور کوریوگرافر فرح خان نے چھوٹی سی غلطی سے بالی ووڈ کی معروف اداکارہ نرگس فخری کی نجی زندگی کا بڑا راز فاش کردیا۔

    حال ہی میں نرگس فخری نے امریکی کاروباری شخصیت ٹونی بیگ کے ہمراہ ممبئی میں ایک تقریب میں شرکت کی، جہاں فرح خان بھی موجود تھیں، جس کی ویڈیو سوشل میڈیا پر خوب وائرل ہورہی ہے۔

    ویڈیو میں دیکھا جاسکتا ہے کہ فرح خان اور نرگس فخری کیمرے کے سامنے پوز دے رہی تھیں، اسی دوران ٹونی بیگ بھی کیمرے کے سامنے آئے تو فرح خان نے مذاقاً ٹونی سے کہا "آؤ اپنی بیوی کے ساتھ کھڑے ہو جاؤ” ان کے اس ریمارک نے فوراً سب کی توجہ حاصل کی، کیونکہ نرگس اور ٹونی نے اب تک اپنی شادی کا باضابطہ طور پر اعلان نہیں کیا ہے۔

    ویڈیو میں نرگس فخری کو فرح خان کی بات پر مسکراتے ہوئے دیکھا جا سکتا ہے، مداحوں نے سوشل میڈیا پر فوراً ردعمل دیتے ہوئے انہیں "پیارا جوڑا” قرار دیا ہے

     

    View this post on Instagram

     

    A post shared by Viral Bhayani (@viralbhayani)

    وائرل ویڈیو میں نرگس فخری ایک خوبصورت رنگ کے لہنگا چولی میں نظر آئیں، انہوں نے سونے کے کنگن بھی پہن رکھے تھے، اس کے علاوہ ٹونی بیگ نے مکمل سیاہ لباس کا انتخاب کیا۔

    اب ایک بار پھر ان کی خفیہ شادی کی افواہیں زور پکڑ گئی ہیں اور فرح خان کے اظہار کے بعد انہیں مزید تقویت مل گئی ہے۔

    قبل ازیں فروری میں متعدد بھارتی ویب سائٹس نے دعویٰ کیا تھا کہ نرگس فخری نے انتہائی نجی انداز میں نے فروری 2025 میں کیلیفورنیا کے ایک پرتعیش ہوٹل میں اپنے دیرینہ بوائے فرینڈ ٹونی بیگ سے شادی کی تھی، جس میں صرف قریبی خاندان اور دوست شریک ہوئے، شادی کے بعد جوڑا ہنی مون کے لیے سوئٹزرلینڈ روانہ ہوا۔

    میڈیا رپورٹ کے مطابق یہ جوڑا تقریباً تین سال سے ایک دوسرے کے ساتھ رابطے میں ہے، انہوں نے 2024 کا نیا سال دبئی میں ایک ساتھ منایا تھا، جہاں نرگس کے سابق بوائے فرینڈ ادے چوپڑا بھی دیکھے گئے تھے۔

    ٹونی ہیگ کون ہیں؟

    ٹونی بیگ ایک معروف کاروباری شخصیت ہیں جو کشمیری نژاد ہیں اور امریکا میں اپنی کاروباری مہارت کے لیے جانے جاتے ہیں۔ وہ "ڈیوز گروپ” کے بانی ہیں جو ہول سیل کپڑوں کی مینوفیکچرنگ اور سپلائی میں ایک بڑا نام ہے۔

    ٹونی بیگ 1984 میں پیدا ہوئے اور اس وقت 41 سال کے ہیں۔ وہ آسٹریلیا کی وکٹوریا یونیورسٹی سے بزنس اور مینجمنٹ میں ایم بی اے کرچکے ہیں اور دنیا بھر میں کاروباری کامیابیاں حاصل کی ہیں۔

    ٹونی بیگ کا کاروباری سفر 2005 میں اس وقت شروع ہوا جب وہ امریکا میں "الانک برانڈ” کے مینجنگ ڈائریکٹر بنے۔ انہوں نے ہمیشہ اپنی کامیابیوں کو میڈیا کی نظروں سے دور رکھا لیکن نرگس فخری کے ساتھ تعلق کی وجہ سے کبھی کبھار خبروں میں آئے ہیں۔

    https://urdu.arynews.tv/nargis-fakhris-secret-marriage-details-of-her-husband-also-revealed/

  • بلال عباس کیساتھ خفیہ نکاح، در فشاں سلیم نے بالآخر خاموشی توڑ دی

    بلال عباس کیساتھ خفیہ نکاح، در فشاں سلیم نے بالآخر خاموشی توڑ دی

    پاکستان شوبز انڈسٹری کی معروف اداکارہ درفشاں سلیم نے ساتھی اداکار بلال عباس کے ہمراہ تعلقات اور نکاح سے متعلق افواہوں پر ردعمل دیا ہے۔

    حال ہی میں اداکارہ درفشاں نے ایک انٹرویو دیا جہاں اداکارہ نے اپنے اور اداکار بلال عباس سے متعلق افواہوں پر لب کشائی کی ہے۔

    درفشاں نے کہا کہ جب رومانوی ڈرامہ کرتے ہیں تو ساتھی فنکار کے ساتھ آسودہ ہونا ضروری ہوتا ہے، یہ ضروری ہے کہ آپ دونوں ایک ساتھ اچھا محسوس کریں اس سے یہ ہوتا ہے کہ  اسکرین پر آپ کی کیمسٹری دکھائی دیتی ہے۔

    اداکارہ کا کہنا تھا کہ میرا اور بلال عباس کا تعلق بھی ایسا ہی تھا جس کی وجہ سے ہماری آن اسکرین جوڑی پہلے دن سے لوگوں کو پسند آئی۔

     میزبان نے سوال پوچھا کہ لوگوں کو آپ کی بلال کے ساتھ جوڑی اتنی پسند آئی کہ انہوں نے تقریباً آپ دونوں کی شادی کروا دی تھی، اس پر آپ کا ردعمل کیا تھا؟

    اداکارہ نے بتایا کہ میں اپنے معاملات نجی رکھتی ہوں ،ہمارے نکاح سے متعلق بہت سی افواہیں تھیں، لیکن ایسا کچھ بھی نہیں ہے،کسی بھی معاملے کو نجی رکھنے اور خفیہ رکھنے میں فرق ہوتا ہے،اور شادی جیسے معاملے کو آپ زیادہ دیر تک خفیہ رکھ بھی نہیں سکتے۔

    بالی وڈ اداکار جو سالوں سے لاپتہ ہے

    در فشاں نے کہا کہ میں نے ایسی افواہوں کو نظر انداز کرکے اپنے ردعمل کا اظہار کیا کیونکہ یہ صرف افواہیں ہی تھیں جب کہ شادی بیاہ یہ بہت ہی نجی معاملات ہیں لیکن یہ بھی لوگ تصاویر شیئر کرکے اس وقت بتاتے ہیں جب ایسا کچھ ہوتا ہے، کوئی کیوں اسے لمبے عرصے تک خفیہ رکھے گا؟

  • عثمان بٹ کا شادی سے متعلق سوال کرنے والوں کو دو ٹوک جواب

    عثمان بٹ کا شادی سے متعلق سوال کرنے والوں کو دو ٹوک جواب

    پاکستانی شوبز انڈسٹری کے ورسٹائل فنکار عثمان خالد بٹ نے ذاتی زندگی سے متعلق سوال کرنے والوں کو دو ٹوک جواب دیا ہے۔

    عثمان خالد ایک اداکار، مصنف، ہدایت کار اور کریوگرافر ہیں، ان کے ٹیلنٹ سے پر ایک واقف ہیں لیکن وہ ٹیلی ویژن اسکرین پر اس قدر نظر نہیں آتے جتنا ناظرین انہیں  دیکھنا چاہتے ہیں۔

    عثمان خالد بٹ اس وقت اسلام آباد سے تعلق رکھنے والے اپنے قریبی شوبز گروپ میں ان چند افراد میں شامل ہیں جو ابھی تک غیر شادی شدہ ہیں جس کے باعث ان سے انٹرویو اور سوشل میڈیا پر شادی سے متعلق سوال کیا جاتا ہے۔

    حال ہی میں وہ علی سفینہ کے شو میں بطور مہمان شریک ہوئے، جہاں ایک بار پھر ان کی شادی کے موضوع پر سوال کیا گیا، اس بار اداکار عثمان نے نہایت دو ٹوک اور سنجیدہ انداز میں جواب دیا ہے۔

    اداکار عثمان خالد بٹ نے کہا کہ میں شادی نہیں کر رہا کیونکہ میں اس کے لیے کوئی کوشش ہی نہیں کر رہا، میں ایک ”نان کنفارمسٹ” (یعنی روایتی سماجی تقاضوں سے ہٹ کر جینے والا) انسان ہوں اور مین صرف معاشرے کو خوش کرنے کے لیے شادی نہیں کرسکتا۔

    عثمان خالد بٹ نے انٹرنیٹ پر مسلسل شادی سے متعلق سوالات پر برہمی کا اظہار کرتے ہوئے کہا کہ بھئی میں تھک چکا ہوں کہ لوگ ہر وقت میری شادی کے بارے میں پوچھتے ہیں، انہیں اپنی زندگیوں پر توجہ دینی چاہیے، نہ کہ میری ذاتی زندگی میں دخل دینا چاہیے۔

     

    View this post on Instagram

     

    A post shared by Osman Khalid Butt (@aclockworkobi)

  • انمول بلوچ نے شادی کی افواہوں کی تردید کردی

    انمول بلوچ نے شادی کی افواہوں کی تردید کردی

    پاکستان شوبز انڈسٹری کی معروف اداکارہ انمول بلوچ نے سوشل میڈیا پر وائرل شادی کی افواہوں کی تردید کردی۔

    انمول بلوچ اس وقت سب سے زیادہ پسند کی جانے والی پاکستانی اداکاراؤں میں سے ایک ہیں انہیں مشہور ڈراموں کی وجہ سے ناظرین کی جانب سے کافی پذیرائی ملی ہے۔

    گزشتہ مہینوں سے اداکارہ کی شادی کرنے کی افواہیں سوشل میڈیا پر وائرل تھی جس میں یہ دعویٰ کیا گیا کہ انمول بلوچ کی شادی کی تقریبات کا آغازعید الفطر کے بعد جلد ہونے والا ہے۔

    جبکہ گزشتہ روز ایک ویڈیو وائرل ہوئی جس میں کہا گیا کہ انمول بلوچ نے شادی کرلی ہے تاہم اب اداکارہ نے اپنی شادی سے متعلق جاری افواہوں پر بذات خود براہِ راست ردِ عمل دے دیا ہے۔

    انمول بلوچ نے فوٹو اینڈ ویڈیو شیئرنگ ایپ انسٹاگرام پر  ایک اسٹوری شیئر کرتے ہوئے اپنی شادی کی خبروں پر وضاحت دی۔

    اسٹوری میں لکھا کہ ‘میری شادی نہیں ہوئی ہے اور جب وقت آئے گا میں خود اس بارے میں اپنے پرستاروں اور (شوبز) انڈسٹری کے لوگوں کو بتاؤں گی’۔

    ساتھ ہی اداکارہ نے وضاحت کی کہ ‘یہ افواہیں جعلی ہیں، براہِ مہربانی ہر اس چیز پر اعتبار نہ کریں جو آپ آن لائن دیکھتے ہیں، آپ کی محبت اور حمایت کی ستائش’۔

  • نیلم منیر نے شادی کے بعد شوہر کے ہمراہ پہلی تصویر شیئر کر دی

    نیلم منیر نے شادی کے بعد شوہر کے ہمراہ پہلی تصویر شیئر کر دی

    پاکستانی شوبز انڈسٹری کی معروف اداکارہ نیلم منیر نے اپنے دولہا کے ہمراہ شادی کے بعد پہلی تصویر شیئر کردی۔

    معروف اداکارہ نے اپنے چاہنے والوں کے ساتھ اپنی زندگی کے خوبصورت لمحات شیئر کیے ہیں۔

    شوبز انڈسٹری کی معروف اداکارہ نیلم منیر کی پوسٹ میں دیکھا جا سکتا ہے کہ وہ دبئی میں اپنے شوہر محمد راشد کے ہمراہ سیر سپاٹوں میں مصروف ہیں۔

    پوسٹ کے کیپشن میں اداکارہ کا کہنا تھا کہ یا اللہ پاک ہمیں محبت، ایمان، اعتماد اور ہم آہنگی کے ساتھ زندگی گزارنے کی توفیق عطاء فرما اور ہماری زندگی خوشیوں سے بھر دے، جو طاقت اور اطمینان فراہم کر سکے۔

    یاد رہے کہ اس سے قبل بھی پاکستان شوبز انڈسٹری کی معروف اداکارہ نے شوہر محمد راشد کیلئے محبت بھرا پیغام جاری کیا تھا۔

    حال ہی میں شادی کے بندھن میں بندھنے والی پاکستانی اداکارہ نے فوٹو اینڈ شیئرنگ ایپ انسٹاگرام پر شوہر کے ہمراہ اپنے ولیمے کی تصاویر شیئر کی تھیں۔

    تصاویر میں اداکارہ چمکدار گرے لباس میں بہت حسین لگ رہی ہیں، جبکہ دلہا محمد راشد شلوار قمیض کے ساتھ شیروانی پہنے ہوئے ہیں، تصاویر کے ساتھ اداکارہ نے اپنے شوہر کیلئے ایک محبت بھرا پیغام بھی تحریر کیا۔

    نیلم نے کیپشن میں لکھا تھا کہ ”جہاں بھی ہماری قسمت ہمیں لے جائے، چاہے ہجوم کے بیچ میں ہو یا دنیا کے آخری کنارے پر، میں تمہارے ساتھ چلوں گی۔“

    مداحوں کی جانب سے نیلم کے فوٹو شوٹ کو خوب پسند کیا جارہا ہے جبکہ اس پر تبصروں کا سلسلہ بھی جاری ہے۔

  • اسما عباس بھی نیلم منیر کی شادی پر تنقید کرنے والوں پر برس پڑیں

    اسما عباس بھی نیلم منیر کی شادی پر تنقید کرنے والوں پر برس پڑیں

    پاکستان شوبز انڈسٹری کی سینئر اداکارہ اسما عباس اداکارہ نیلم منیر کی شادی پر تنقید کرنے والوں پر برس پڑیں۔

    اداکارہ اسما عباس نے حال ہی میں اپنے یوٹیوب چینل پر ویڈیو شیئر کی ہے اس ویڈیو کا ایک کلپ سوشل میڈیا پر وائرل ہے جس میں اداکارہ نے نیلم منیر کی شادی پر تنقید کرنے والے کو آڑے ہاتھوں لیا ہے۔

    اسما عباس کہا کہ میں ایک خبر سوشل میڈیا پر وائرل ہے جسے دیکھ کر میں بہت پریشان ہوں، وہ وائرل خبر نیلم منیر کی شادی سے متعلق ہے جس پر لوگوں نے انہیں شوہر کے انتخاب پر تنقید کا نشانہ بنایا ہے۔

     

    View this post on Instagram

     

    A post shared by ShowbizShowsha (@showbizshowsha)

    اداکارہ نے کہا کہ نیلم منیر بہت خوبصورت اور باصلاحیت اداکارہ ہیں جو کسی قسم کی منفی سرگرمیوں میں ملوث نہیں اور نہ ہی کسی کے بارے میں کوئی منفی بات کرتی ہیں۔

    اسما عباس کا کہنا تھا کہ مجھے یاد ہے جب میری بہن سنبل کا انتقال ہوا تو میں اور نیلم منیر اکٹھے ایک پراجیکٹ پر کام کر رہے تھے تو انہوں نے مجھے تسلی دی اور میرا بہت خیال رکھا۔

     

    View this post on Instagram

     

    A post shared by Abdul Samad Zia (@abdulsamadzia)

    اداکارہ کا کہنا تھا کہ ماشا اللہ اب نیلم کی شادی ہو گئی ہے، لیکن اس کی شادی نے ایک نئی بحث چھیڑ دی ہے، شروع میں سب کو ان کے شوہر کی شہریت کے بارے میں تجسس ہوا کہ دبئی کا لڑکا ملا اور پھر ان کے پیشے کے حوالے سے بحث شروع کر دی گئی کہ بھی یہ تو عام کا پاکستانی ہے اور دبئی میں نوکری کرتا ہے۔

     اداکارہ کا کہنا تھا کہ ہر چیز کی ایک حد ہوتی ہے، سب کو مصالحے دار خبروں میں بہت دلچسپی ہے، آپ ان کی زندگی کے بارے میں اتنے متجسس کیوں ہیں؟ میں نیلم کے لیے بہت خوش ہوں کہ اس کی صحیح وقت پر شادی ہوگئی، براہ کرم دوسروں کی خوشی میں خوش ہونا سیکھیں۔

  • شادی کی تقاریب : ’’شہندی اور شلیمہ‘‘ کے رجحان میں اضافہ

    شادی کی تقاریب : ’’شہندی اور شلیمہ‘‘ کے رجحان میں اضافہ

    ہمارے معاشرے میں زیادہ تر شادی بیاہ کی رسومات برادری کی روایات سے منسلک ہوتی ہیں، اس موقع پر سب کی خواہش ہوتی ہے کہ وہ اپنے سارے ارمان پورے کریں۔

    والدین اپنے بچوں کی شادی کے اخراجات کی منصوبہ بندی کئی سال تک کرتے ہیں کچھ لوگ بڑی مشکل سے اس موقع پر اپنی سفید پوشی کا بھرم قائم رکھ پاتے ہیں اور کچھ لوگوں کیلئے یہ کوئی مسئلہ ہی نہیں ہوتا۔

    شادیوں میں کفایت شعاری کو اپناتے ہوئے بہت سے لوگ اب ایک نیا انداز اختیار کررہے ہیں جسے شہندی اور شلیمہ کہا جاتا ہے، اس حوالے سے اے آر وائی ڈیجیٹل کے پروگرام گڈ مارننگ پاکستان میں خصوصی گفتگو کی گئی۔

    image

    پروگرام کی میزبان ندا یاسر نے شہندی اور شلیمہ کی تعریف بیان کرتے ہوئے بتایا کہ مہندی اور شادی کی مشترکہ تقریب کو شہندی جبکہ شادی اور ولیمہ ایک ساتھ کرنے کو شلیمہ کہتے ہیں، اس طرح شادی کی چار یا پانچ تقاریب دولہا دلہن والے ملا کر کرلیتے ہیں تاکہ کم خرچ میں یہ فریضہ انجام دیا جاسکے جو کہ ایک اچھی روایت ہے۔

    پروگرام میں گفتگو کرتے ہوئے شوبز انڈسٹری کی نامور اداکارہ سیمی پاشا نے بتایا کہ میں نے بھی اپنے بیٹے کی شہندی کی تھی۔ انہوں نے بتایا کہ ہم نے سارا ہلہ گلہ کیا مہندی کی ساری رسومات کیں اور ساتھ ہی رخصتی بھی ہوگئی۔

     

  • شادی سے پہلے یہ بات یاد رکھیں کہ ۔ ۔ ۔ ۔ !! ونیزہ احمد کی کھری کھری باتیں

    شادی سے پہلے یہ بات یاد رکھیں کہ ۔ ۔ ۔ ۔ !! ونیزہ احمد کی کھری کھری باتیں

    اداکارہ و ماڈل ونیزہ احمد کا کہنا ہے کہ شادی ایک ذمہ داری کا نام ہے، لڑکے والوں کو جہیز پر قناعت نہیں کرنی چاہیے۔

    ایک ٹی وی پروگرام میں گفتگو کرتے ہوئے انہوں نے کہا کہ شادی کرنے سے پہلے یہ بات یاد رکھیں کہ لڑکی کی تمام تر ذمہ داری اس کے ہونے والے شوہر کی ہوتی ہے، لیکن ہمارے ہاں اس کا الٹا ہوتا ہے۔

    ایک سوال کے جواب میں انہوں نے بتایا کہ لڑکا ہو یا لڑکی شادی تب کریں جب وہ اس قابل ہوجائیں کہ وہ زندگی بھر اس کمٹمنٹ کو پورا کریں گے اور اپنے ساتھی کا ہر طریقے سے خیال رکھیں گے۔

    انہوں نے کہا کہ ہمارے معاشرے میں لڑکی کے والدین صرف یہ چیز دیکھتے ہیں کہ لڑکا پیسے والا ہو اور لڑکے والوں کی نظر جہیز پر ہوتی ہے، حالانکہ یہ ذمہ داری لڑکے کی ہے۔

    اپنے بارے میں بتاتے ہوئے ان کا کہنا تھا کہ مجھے ماڈل بننے کا بالکل بھی شوق نہیں تھا بلکہ میں ڈاکٹر بننا چاہتی تھی لیکن مجھے کام کرنے کا شوق تھا۔

    مزید پڑھیں : ونیزہ احمد کی شادی کس طرح ہوئی؟

    انہوں نے بتایا کہ ایک عقیقے کی تقریب میں گئی تھی تو وہاں ایک فوٹو گرافر نے تصاویر بنائی اور وہ فوٹو گرافر خاور ریاض تھے جنہوں نے بعد میں مجھے شوبز میں متعارف کرایا۔

  • شعیب ملک اور ثنا جاوید کی شادی پر عائشہ عمر کا ردعمل

    شعیب ملک اور ثنا جاوید کی شادی پر عائشہ عمر کا ردعمل

    پاکستان شوبز انڈسٹری سے وابستہ اداکارہ عائشہ عمر نے سابق کپتان شعیب ملک اور اداکارہ ثنا جاوید کی شادی پر ردعمل دیا ہے۔

    فوٹو اینڈ ویڈیو شیئرنگ پلیٹ فارم انسٹاگرام پر حال ہی میں دوسری بار شادی کرنے والی پاکستانی اداکارہ ثناء جاوید  نے اپنی شادی کی نئی تصویر جاری کی ہے۔

    ثنا اور شعیب کی تصویر پر اداکارہ عائشہ عمر نے جوڑے کو شادی کی مبارک باد دیتے ہوئے لکھا کہ ’ماشااللہ‘ اس کے ساتھ ہی سرخ دل والے ایموجی اور نظر بد سے محفوظ رکھنے والے ایموجی کا اضافہ بھی کیا ہے۔

    واضح رہے کہ ماضی میں جب ثانیہ مرزا اور شعیب ملک کے درمیان اختلافات کی خبریں گردش کر رہی تھیں تو اس دوران شعیب ملک اور عائشہ عمر کے درمیان تعلقات کی قیاس آرائیاں کی جارہی تھیں۔

    جس کے بعد اداکارہ عائشہ عمر نے ایک پوڈ کاسٹ میں شرکت کی تھی جہاں اُنہوں نے اپنی اور شعیب ملک کی شادی سے متعلق تمام خبروں کی تردید کی تھی۔

     

    View this post on Instagram

     

    A post shared by Galaxy Lollywood (@galaxylollywood)

     عائشہ عُمر نے کہا تھا کہ ’اکثر میری نجی تصاویر سوشل میڈیا پر وائرل ہوتی ہیں تو لوگ مجھ سے متعلق جھوٹی افوائیں پھیلانا شروع کردیتے ہیں، لوگوں نے تو شعیب ملک کے ساتھ میری شادی کروادی تھی‘۔

    عائشہ عُمر نے کہا تھا کہ ’میرے خاندان والے اور دور کے رشتہ دار آج بھی یہی سمجھتے ہیں کہ میں نے شعیب ملک سے شادی کرلی ہے اور میں اُن کی بیوی ہوں لیکن جو لوگ مجھے جانتے ہیں کہ اُنہیں میری چوائس، میرے اقتدار اور میرے اصولوں کے بارے میں اچھی طرح معلوم ہے‘۔

  • ماریہ واسطی نے شادی نہ کرنے کی وجہ بتا دی

    ماریہ واسطی نے شادی نہ کرنے کی وجہ بتا دی

    معروف پاکستانی اداکارہ ماریہ واسطی کا کہنا ہے کہ انہوں نے شادی کا فیصلہ قسمت پر چھوڑ رکھا ہے اور وہ سمجھتی ہیں کہ اس میں تقدیر کا سب سے بڑا عمل دخل ہے۔

    حال ہی میں ایک انٹرویو کے دوران نامور اداکارہ ماریہ واسطی کا کہنا تھا کہ شادی کا فیصلہ کسی انسان کے ہاتھ میں نہیں ہوتا اور اگر یہ کہا جائے کہ اس پر کسی کا کوئی زور نہیں تو یہ غلط نہ ہوگا۔

    انہوں نے کہا کہ اگر تمام لوگوں کی ان کی پسند کی مطابق شادیاں ہوتیں تو آج محبت کی قدر ختم ہوچکی ہوتی۔

    اداکارہ کا کہنا تھا کہ میں نے شادی کا فیصلہ قسمت پر چھوڑ رکھا ہے اور میں سمجھتی ہوں اس میں تقدیر کا سب سے بڑا عمل دخل ہے۔

     

    View this post on Instagram

     

    A post shared by Maria Wasti (@mariawasti)

    انہوں نے کہا کہ ہمیشہ سے یہ سنتے آئے ہیں کہ جوڑے آسمانوں پر بنتے ہیں، میری قسمت میں کوئی لکھا ہوگا تو ضرور میرا جیون ساتھی بنے گا۔ میں اس حوالے سے قطعی سوچتی ہوں نہ پریشان ہوتی ہوں، میں حقیقت پسندانہ زندگی گزار رہی ہوں۔

    انہوں نے کہا کہ میں مخلص لوگوں کی بہت قدر کرتی ہوں کیونکہ آج کے دور میں یہ لوگ بڑے نایاب ہیں۔