ARYNews.tv | Urdu – Har Lamha Bakhabar

Tag: marriage

  • پستہ قد عظیم منصوری کو ریحانہ کا رشتہ مل گیا

    پستہ قد عظیم منصوری کو ریحانہ کا رشتہ مل گیا

    اتر پردیش : بھارت کے پستہ قد نوجوان کو دلہن مل گئی، اپنی شادی کیلئے در در جانے والے عظیم منصوری کو ریحانہ کے والدین نے رشتہ دینے کی حامی بھرلی۔

    بھارتی ریاست اتر پردیش کے علاقے شاملی کے تین فٹ کے عظیم منصوری کی ویڈیو وائرل ہونے کے بعد اب انہیں شادی کے لئے ایک رشتہ مل گیا ہے۔

    اتر پردیش کے غازی آباد کی ڈھائی فٹ کی ریحانہ کے گھر والوں نے عظیم منصوری سے اپنی بیٹی کی شادی کی خواہش کا اظہار کیا ہے۔

    پستہ قد ریحانہ ڈھائی فٹ کی ہے، پچھلے دنوں عظیم منصوری کا ویڈیو وائرل ہونے کے بعد ان کے گھر ریحانہ کے والدین نے اپنی بیٹی کے لئے رشتہ بھیجا ہے۔

    بھارتی میڈیا کے مطابق ریحانہ کے ایک رشتہ دار نے سوشل میڈیا پر عظیم کی وائرل ویڈیو دیکھی جس میں انہوں نے خواتین تھانہ پہنچ کر اپنی شادی کرانے کی اپیل کی تھی، جس کے بعد انہوں نے اس بات کا ذکر ریحانہ کے والد سے کیا اور پھر بات آگے بڑھی۔

    واضح رہے کہ گزشتہ دنوں عظیم اپنی شادی نہ ہونے کی فریاد لے کر وومن تھانے پہنچے تھے، 26 سالہ عظیم اس سے قبل بھی اتر پردیش کے کئی بڑے رہنماؤں سے مل کر اپنے لئے دلہن تلاش کرنے کی گزارش کر چکے ہیں لیکن ہمیشہ انہیں ناامیدی ہی ہاتھ لگتی تھی، اس کے لئے انہوں نے اپنے گھر والوں پر بھی الزام عائد کیا تھا۔

    مزید پڑھیں : شادی نہ ہونے پر پستہ قد نوجوان کا انوکھا اقدام

    یاد رہے کہ پچیس سالہ ریحانہ بھی ڈھائی فٹ کی ہیں اور وہ گھر کا بھی سارا کام کر لیتی ہیں، پستہ قد ہونے کی وجہ سے ریحانہ کے والدین ان کیلئے کافی پریشان تھے لیکن اب نہیں امید ہے کہ ان کی بیٹی کی شادی ہو جائے گی۔

  • کورونا وائرس : دبئی حکومت کا عوام کی سہولت کیلئے بڑا فیصلہ

    کورونا وائرس : دبئی حکومت کا عوام کی سہولت کیلئے بڑا فیصلہ

    دبئی : امارت دبئی نے 22 اکتوبر سے شادیوں اور سماجی تقریبات کے انعقاد کی اجازت دینے کا فیصلہ کیا ہے لیکن اس ضمن میں کرونا وائرس سے بچاؤ کے لیے مہمانوں اور میزبانوں کو احتیاطی تدابیر پر لازمی عمل درآمد کرنا ہوگا۔

    تفصیلات کے مطابق کورونا وائرس کی عالمی وبا کے بعد شادی بیاہ کی تقریبات پر عائد کی گئی پابندی کو دبئی حکام نے ختم کردیا۔ شادی اور دیگر سماجی تقریبات کی اجازت دینے کا فیصلہ کیا ہے، یہ فیصلہ دبئی میں قدرتی آفات کو منظم کرنے والی اعلیٰ کمیٹی کے اجلاس میں کیا گیا ہے اس پر عمل درآمد 22 اکتوبر سے ہوگا۔

    دبئی کے ذرائع ابلاغ کے مطابق دبئی حکام نے یہ فیصلہ متعلقہ اداروں کی سفارشات پر کیا ہے، قدرتی آفات اور بحرانوں کو منظم کرنے والی اعلی کمیٹی نے بیان میں کہا کہ دبئی کے شہریوں کا کہنا ہے کہ وہ کورونا وائرس سے بچاؤ اور اسے ہھیلنے سے روکنے کے لیے تمام ضوابط کی سختی سے پابندی کریں گے۔

    حکام کا کہنا ہے کہ شادیوں اور سماجی تقریبات میں شریک ہونے والے تمام افراد کو ہمہ وقت چہروں پر ماسک پہننا ہوں گے اور صرف میز پر کھانے کے لیے بیٹھتے وقت انہیں اتارنا ہوگا، ایک میزکا دوسری میز سے کم سے کم دو میٹر کا فاصلہ ہوگا اور ایک میز پر صرف پانچ افراد کو بیٹھنے کی اجازت ہوگی۔ تقریب کا دورانیہ چار گھنٹے سے زیادہ نہیں ہونا چاہیے۔

    ہدایات میں کہا گیا ہے کہ بوڑھوں اور لاعلاج امراض میں مبتلا افراد کو تقریبات میں شریک نہ کیا جائے، یہ پابندی ان کی سلامتی کو یقینی بنانے کے لیے ہے، زیادہ درجہ حرارت اور کھانسی میں مبتلا افراد تقریب میں شرکت نہ کریں۔

  • بھارت : سب انسپکٹر بن کر شادی کرنیوالے درزی کو بیوی نے گرفتارکرا دیا

    بھارت : سب انسپکٹر بن کر شادی کرنیوالے درزی کو بیوی نے گرفتارکرا دیا

    نئی دہلی : بھارت میں پولیس نے ایک ایسے جعل ساز کو گرفتار کیا ہے جس نے خود کو سب انسپکٹر ظاہر کرکے ایک پولیس افسر کو دھوکہ دے کر اس کی بیٹی سے شادی کی۔

    بھارت کے ضلع کیمور میں ایک درزی نے فرضی سب انسپکٹر بن کر ریٹائرڈ پولیس انسپکٹر کی بیٹی سے شادی کر کے لاکھوں روپے کی دھوکہ دہی کی۔ یہ معاملہ ایک سال بعد سامنے آیا جب لڑکی نے تحریری شکایت تھانہ میں درج کرائی۔

    بھارتی میڈیا کے مطابق فرضی انسپکٹر بھگوان پور تھانہ حلقہ کا رہنے والا ہے اور لڑکی کدرا تھانہ علاقہ کے رام ڈیہرا گاٶں کی رہنے والی ہے۔ ملزم پیشے کے لحاظ سے درزی ہے۔

    ریٹائرڈ انسپکٹر کی بیٹی نے اپنے شوہر اور اس کے بڑے بھائی سمیت پانچ افراد کے خلاف تھانے میں ایف آئی آر درج کروائی ہے۔ درخواست میں کہا گیا ہے کہ شادی کی جب بات چل رہی تھی تو لڑکے کے والد نے سی آئی ایس ایف لباس میں لڑکے کی تصویر دکھائی۔

    جعلی سی آئی ایس ایف شناختی کارڈ دکھا کر یہ بھی بتایا کہ لڑکا سی آئی ایس ایف میں سب انسپکٹر ہے۔ بعد ازاں شادی طے ہوگئی جس کے بعد11 جون 2019 کو اس کے والد نے 12 لاکھ روپے کا جہیز دے کر اس کی شادی کرادی، لیکن بعد میں یہ پتہ چلا کہ وہ ایک درزی ہے۔

    متاثرہ لڑکی نے یہ بھی بتایا کہ وہ شادی کے بعد صرف 15 دن تک سسرال میں رہی۔ خاتون نے بتایا کہ اس نے دیکھا کہ اس کا شوہر ڈیوٹی پر نہیں جا رہا ہے۔ جب میں نے شوہر سے پوچھا کہ آپ ڈیوٹی کیوں نہیں جا رہے ہیں تو اس نے بتایا کہ ایک سینئر افسر مل گیا ہے اور سیٹنگ ہو چکی ہے۔ لہذا اب ڈیوٹی پر نہیں جانا۔

    پولیس نے فوری کارروائی کرتے ہوئے لڑکے کے گھر پر چھاپہ مار کر اسے گرفتار کرلیا، گھر میں پولیس کو دیکھ کر اس کی والدہ بےہوش ہو کر گر گئیں۔

  • بل گیٹس نے اپنی شریک حیات ملنڈا کی کس ادا پر فدا ہوکر شادی پیشکش کی؟

    بل گیٹس نے اپنی شریک حیات ملنڈا کی کس ادا پر فدا ہوکر شادی پیشکش کی؟

    نیویارک : مائیکروسافٹ کے بانی بل گیٹس کی شریک حیات ملنڈا گیٹس کا کہنا ہے کہ ہمیں پزل حل کرنے کا بہت شوق تھا، ایک مرتبہ میں نے میتھ پزل میں گیٹس کو ہرا دیا جس پر وہ مجھ پر دل ہار بیٹھے اور شادی کی پیشکش کر دی۔

    تفصیلات کے مطابق بل گیٹس اور ان کی اہلیہ ملنڈا گیٹس عالمی شہرت یافتہ شخصیات ہیں لیکن بہت کم لوگ جانتے ہوں گے کہ بل گیٹس اور ملنڈا کب ملے اور بل گیٹس ان کی کس ادا پر فدا ہوئے اور انہیں دل دے بیٹھے۔

    غیر ملکی خبر رساں ادارے کا کہنا تھا کہ اب ملنڈا گیٹس نے اپنی نئی کتاب میں اس راز سے پردہ اٹھا دیا ہے۔ ملنڈا نے اپنی کتاب ’دی مومنٹ آف لائف: ہو امپاورنگ وومن چینجز دی ورلڈ“ میں لکھا ہے کہ ”میں اور بل گیٹس ملازمت کے دوران ملے تھے۔

    انہوں نے کتاب میں بتایا کہ ہم دونوں کو پزل حل کرنے کا بہت شوق تھا جو ہماری قربت کا باعث بنا۔ ایک بار میں نے بل گیٹس کو ایک’ ’میتھ پزل“ میں ہرا دیا، جس کے بعد وہ مجھے دل دے بیھٹے اور شادی کی پیشکش کردی۔

    ملنڈا گیٹس نے اپنے سابق شوہر سے تعلقات کے بارے میں ہی کتاب میب سطریں تحریر کی ہیں، وہ کہتی ہیں کہ’بل گیٹس کے ساتھ شادی سے قبل بھی میں ایک شخص کے ساتھ تعلق میں رہ چکی تھی۔ تاہم یہ تعلق انتہائی ناخوشگوار اور انتہائی برے طریقے سے انجام کو پہنچا‘۔

    غیر ملکی میڈیا کے مطابق ملنڈا نے اپنے بچوں کو سکول میں صرف ان کے پہلے نام سے رجسٹرڈ کروایا تھا اور ان کے نام کے ساتھ فیملی نام ’گیٹس‘ نہیں لکھوایا تھا۔

    بچوں کو صرف پہلے نام سے رجسٹرڈ کروانے کی وجہ بتاتے ہوئے کہا کہ ”بچوں کو سکول میں ان کے پہلے نام سے رجسٹرڈ کروانے کا مقصد یہ تھا کہ لوگوں کو یہ معلوم نہ ہو سکے کہ وہ ارب پتی ماں باپ کے بچے ہیں اور ہمارے بچے بھی دیگر بچوں کی طرح نارمل طریقے سے تعلیم حاصل کر سکیں۔

  • ہندو لڑکیوں کا اغوا پاکستان کا اندورنی معاملہ ہے، بھارت مداخلت نہ کرے، رمیش کمار

    ہندو لڑکیوں کا اغوا پاکستان کا اندورنی معاملہ ہے، بھارت مداخلت نہ کرے، رمیش کمار

    اسلام آباد: پاکستان ہندو کونسل کے سربراہ رمیش کمار نے ہند لڑکیوں کے اغوا اور مذہب کی تبدیلی کے معاملے پر وزیراعظم کے نوٹس لینے کا شکریہ ادا کرتے ہوئے کہا ہے کہ پڑوسی ملک پاکستان کے اندورنی معاملے میں مداخلت نہ کرے۔

    تفصیلات کے مطابق تحریک انصاف کے رکن قومی اسمبلی اور پاکستان ہندوکونسل کے پیٹرن انچیف رمیش کمار نے ہندو لڑکیوں کے معاملے پر وزیراعظم کےنوٹس لینے پر ہندو برادری کی جانب سے شکریہ ادا کیا۔اُن کا کہنا تھا کہ  وزیراعظم کی قیادت میں اقلیتوں کےمسائل حل کرنے کی طرف جائیں گے۔

    رمیش کمار نے بھارت کو آئینہ دکھاتے ہوئے کہا کہ ہندولڑکیوں کااغوا پاکستان کااندرونی معاملہ ہے، پڑوسی ملک کو ہمارے اندرونی معاملات میں مداخلت کی ضرورت نہیں ہے۔

    دوسری جانب ہندو برداری سے تعلق رکھنے والے رہنما نے لڑکیوں کے اغوا پر بھارتی میڈیا میں کیے جانے والے پروپیگنڈے کو مسترد کرتے ہوئے کہا کہ ’بھارت پہلے اپنا گھر ٹھیک کرے اور دوسروں کی فکرچھوڑدے‘۔

    مزید پڑھیں: وزیراعظم عمران خان نے سندھ سے 2 ہندو لڑکیوں کے اغوا کا نوٹس لے لیا

    اُن کا کہنا تھا کہ بھارتی حکومت اقلیتوں پرظلم کررہی ہے، بھارت میں مقیم مسلمانوں،مسیح،سکھوں پرریاستی دہشتگردی کررہی ہے،انتہاپسندہندوپوری دنیاکےامن کےلئےخطرہ بن چکےہیں۔

    اُن کا مزید کہنا تھا کہ سندھ حکومت ہندو برادری کےتحفظ میں مکمل طور پر ناکام ہوچکی ہے۔ کیل داس کوہستانی نے مطالبہ کیا کہ وزیر اعظم اقلیتوں کو تحفظ فراہم کرنے کے لیے قانون سازی کرائیں۔

    قبل ازیں وفاقی وزیر اطلاعات فواد چوہدری نے سماجی رابطے کی ویب سائٹ ٹویٹر پر آگاہ کیا کہ دو ہندو لڑکیوں کو سندھ سے اغوا کرکے رحیم یارخان منتقل کیا گیا، وزیراعظم عمران خان نے معاملے کا نوٹس لیتے ہوئے وزیراعلیٰ پنجاب عثمان بزدار کو ہدایت جاری کردی ہیں۔

    فواد چوہدری کا کہنا تھا کہ وزیراعظم عمران خان نے عثمان بزدار کو ہدایت کی ہے کہ اس معاملے کی فوری تحقیقات کی جائیں اور اگرایسا ہے تو بچیوں کو فوری طور پر بازیاب کرایا جائے۔

    ‘‘وزیراعظم نے سندھ اور پنجاب حکومت کو ہدایت کی ہے کہ اس معاملے پرمشترکہ حکمت عملی اختیار کریں اور حکومت سندھ ایسے واقعات کے تدارک کے لیے ٹھوس اقدامات اٹھائے جائیں‘‘۔

    اُن کا کہنا تھا کہ پاکستان کی اقلیتیں ہمارے جھنڈے کا سفید رنگ ہیں اور ہمیں اپنے تمام رنگ عزیز ہیں اور اپنے پرچم کی حفاظت ہمارا فرض ہے۔

  • بھارت میں انوکھی شادی جہاں خاتون قاضی نے نکاح پڑھایا

    بھارت میں انوکھی شادی جہاں خاتون قاضی نے نکاح پڑھایا

    بھارت کے شہر ممبئی میں انوکھی شادی منعقد ہوئی جہاں ایک خاتون قاضی نے جوڑے کا نکاح پڑھایا۔ اس اقدام کو بھارت میں نہایت پذیرائی حاصل ہورہی ہے۔

    ممبئی میں اپنی نئی زندگی کا سفر شروع کرنے والی مایا کا کہنا ہے کہ اس نے ایک بار کہیں پڑھا تھا کہ خاتون بھی قاضی ہوسکتی ہے اور اسلام میں ایسی کوئی ممانعت نہیں، چنانچہ انہوں نے اور ان کے ہونے والے شوہر شمعون نے فیصلہ کیا کہ ان کا نکاح خاتون ہی پڑھائیں گی۔

    مایا بنگالی ہیں جبکہ وہ برطانوی شہریت بھی رکھتی ہیں، تاہم اپنی نئی زندگی کا سفر شروع کرنے کے لیے وہ بھارت آئیں تھی۔

    مایا کا کہنا ہے کہ خاتون قاضی کی تلاش ایک مشکل عمل تھا کیونکہ یہ کوئی عام بات نہیں، بہت کم لوگ اس بات کا علم رکھتے ہیں کہ خاتون بھی قاضی ہوسکتی ہیں۔

    بالآخر مایا کو خاتون قاضی کا پتہ بھارتیہ مسلم مہیلا اندولن (بی ایم ایم اے) کی ویب سائٹ سے ملا۔

    بی ایم ایم اے نے مہاراشٹر، مدھیہ پردیش، راجھستان، تامل تاڈو، کرناٹک اور اڑیسہ میں 16 خواتین قاضیوں کی ٹریننگ کی ہے اور یہ سب اس پلیٹ فارم کی ویب سائٹ پر رجسٹرڈ ہیں۔

    یوں مایا اور شمعون قاضی حکیمہ تک پہنچے جنہوں نے ان دونوں کا نکاح پڑھایا۔ قاضی حکیمہ کا کہنا ہے کہ وہ اس جوڑے کا نکاح پڑھانے کی خوشی کو لفظوں میں بیان نہیں کرسکتیں۔

    بی ایم ایم اے کی سربراہ نور جہاں صفیہ ناز کہتی ہیں کہ خواتین کا قاضی ہونا ایسا ہی ہے جیسے کسی اور شعبے میں خواتین کا سرگرم ہونا، لیکن ایک عام خیال ہے کہ صرف مرد ہی قاضی ہوسکتے ہیں۔

    انہوں نے کہا کہ خواتین قاضیوں کے رجحان کو عام کرنے کی ضرورت ہے جس کے لیے شمعون اور مایا جیسے لوگوں کی ضرورت ہے جو روایتی تصورات سے ہٹ کر زندگی گزارنا چاہیں۔

  • اداکارہ میرا کا نکاح درست اور نکاح نامہ اصل ہے، عدالت

    اداکارہ میرا کا نکاح درست اور نکاح نامہ اصل ہے، عدالت

    لاہور: فیملی کورٹ نے اداکارہ میرا کے تکذیب نکاح کے دعوے کو جھوٹا قرار دیتے ہوئے مسترد کردیا جبکہ خلع کو بنیاد بنا کر نکاح کو منسوخ کرنے کا حکم دے دیا۔

    تفصیلات کے مطابق لاہور کی فیملی عدالت کے جج بابر ندیم نے اداکارہ میرا کے تکذیب نکاح کیس کی سماعت کرتے ہوئے میرا کے تکذیب نکاح کے دعوے کو جھوٹا قرار دے دیا، جج بابر ندیم کا کہنا تھا کہ میرا کا دعویٰ جھوٹ پر مبنی ہے۔

    تکذیب نکٓاح کیس کی سماعت کے دوران جج نے ریمارکس دیئے کہ میرا عتیق الرحمان کی بیوی ہے اور دونوں کا نکاح نامہ بھی قانون کے عین مطابق جاری ہوا ہے۔

    فیملی کورٹ کے جج بابر ندیم نے کہا کہ میرا اور عتیق الرحمان کے درمیان ڈیفنیس میں واقع گھر تنازعے کی وجہ بنا تھا، جس پر دونوں نے ایک دوسرے کے خلاف فوج داری مقدمات قائم کیے تھے، جو گذشتہ دس برسوں سے عدالتوں میں زیر التواء ہیں۔

    تکذیب نکاح کیس کی سماعت کرتے ہوئے جج بابر ندیم کا کہنا تھا کہ عدالت سمھجتی ہے کہ اللہ تعالیٰ کی قائم کردہ حدود کے مطابق موجودہ حالات میں دونوں میاں بیوی زندگی نہیں گزار سکتے، لہذا بہتر ہوگا کہ مدعیہ کو نکاح کے بندھن سے آزاد کردیا جائے۔

    عدالت میں جج بابر ندیم نے اداکارہ میرا کے تکذیب نکاح کے دعوے کو خارج کیا ہے وہیں دونوں کے درمیان نکاح کو خلع کی بنیاد پر منسوخ بھی کردیا ہے۔

    یاد رہے کہ رواں برس مارچ میں اداکارہ میرا اور عتیق الرحمان کا نکاح پڑھانے والے نکاح خواں نے اپنے بیان میں کہا تھا کہ ادکارہ میرا کا نکاح حقائق پر مبنی ہے۔ میرا اور عتیق الرحمٰن کا نکاح گواہان کی موجودگی میں پڑھایا گیا تھا۔

    ان کا کہنا تھا کہ میرا کا نکاح اسلامی شریعت کے مطابق پڑھایا، عدالت میں جمع کروایا گیا نکاح نامہ بھی اصلی ہے۔

    یاد رہے کہ عتیق الرحمٰن نامی شخص کی جانب سے میرا کے خاوند ہونے کا دعویٰ کیا گیا تھا جس پر گزشتہ کئی سالوں سے دونوں کے درمیان مختلف عدالتوں میں مقدمات بھی زیر سماعت رہے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • گیتا: بھارتی حکام کو والدین نہ مل سکے مگر رشتے مل گئے، 25 لڑکے شارٹ لسٹ

    گیتا: بھارتی حکام کو والدین نہ مل سکے مگر رشتے مل گئے، 25 لڑکے شارٹ لسٹ

    نئی دہلی: پاکستان سے بھارت جانے والی قوت سماعت و گویائی سے محروم لڑکی کے   والدین تاحال  نہ مل سکے مگر حکومتی اشتہار کے بعد گیتا کے 50 رشتے ضرور آگئے۔

    تفصیلات کے مطابق گیتا نامی بھارتی لڑکی نے  غلطی سے سرحد پار کرلی تھی جس کے بعد پاکستانی حکام نے قوت گویائی و سماعت سے محروم لڑکی کو ایدھی فاؤنڈیشن کے حوالے کیا تھا۔

    گیتا نے اپنی زندگی کے 13 سال ایدھی ہوم میں گزارے اور وہاں اُس کی پرورش عبدالستار ایدھی و دیگر حکام نے کی ، مذکورہ لڑکی کو 2015 میں بھارت واپس بھیج دیا گیا تھا تاہم تین سال گزر جانے کے باوجود بھی بھارتی حکام اس کے والدین کو تلاش کرنے میں ناکام رہے۔

    بھارتی اخبار کے مطابق حکومت نے گیتا کی خواہش کو مدنظر رکھتے ہوئے اُس کی شادی کا اشتہار دیا  گیا تھا جس میں کہا گیا تھا کہ جو شخص بھی اس لڑکی سے شادی کرے گا اُسے سرکاری نوکری، گھر اور گاڑی حکومت کی طرف سے دی جائے گی۔

    مزید پڑھیں: عبدالستار ایدھی کی وفات نے بھارت کی گیتا کو بھی رُلا دیا

    گیتا سے شادی کے خواہش مند 50 لوگوں کے رشتے آئے جن میں سے 25 کو شارٹ لسٹ کر کے وزارتِ داخلہ نے مذکورہ امیدواروں کی جانچ پڑتال شروع کردی۔

    بھارتی ضلع اندور کے حکام کا کہنا تھا کہ 25 لڑکوں کی تصاویر اور معلومات گیتا کو دکھائی جائیں گی جس کے بعد وہ اپنی مرضی سے ہی شریک حیات کا انتخاب کرے گی جس کے بعد سرکاری خرچے پر مذکورہ لڑکی کی شادی کی جائے گی۔ گیتا پاکستان سے واپسی کے بعد ایک فلاحی تنظیم کے زیر نگرانی اپنی زندگی گزار رہی ہے۔

    واضح رہے کہ گیتا واہگہ بارڈر کے راستے سے آنے والے سمجھوتہ ایکسپریس سے پاکستان کی حدود میں داخل ہوئی تھی جسے پولیس نے فوری طور پر اپنی تحویل میں لے کر اسلام آباد منتقل کیا تھا تاہم کچھ عرصے بعد اُسے ایدھی فاؤنڈیشن کے حوالے کردیا گیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بالی ووڈ شادیوں کا سیزن، ایک ہفتے میں تیسری شادی

    بالی ووڈ شادیوں کا سیزن، ایک ہفتے میں تیسری شادی

    ممبئی: بالی ووڈ انڈسٹری میں شادیوں کا سیزن اپنے عروج پر ہے، ایک ہفتے کے دوران شوبز انڈسٹری کی معروف شخصیت گلوکار و اداکار ہمیش ریشمیا نے بھی شادی کرلی۔

    تفصیلات کے مطابق بالی ووڈ اداکار، گلوکار اور میوزک کمپوزر ہمیش ریشمیا نے اپنی دوست اور ساتھی اداکارہ سونیا کپور سے دوسری شادی کرلی جس کا اعلان انہوں نے سماجی رابطے کی ویب سائٹ پر کیا۔

    ہمیش نے شادی کی تقریب کو انڈسٹری کے لوگوں اور مداحوں سے خفیہ رکھتے ہوئے اپنی ہی گھر میں تقریب منعقد کی جس میں مخصوص لوگوں کو مدعو کیا گیا، بعد ازاں بھارتی گلوکار نے ساتھیوں اور مداحوں کو اطلاع دینے کے لیے انسٹا گرام پر اپنی اور دلہنیا کی تصویر شیئر کی۔

    بھارتی میڈیا کے مطابق ہمیش کی دوسری اہلیہ سونیا کا تعلق ڈرامہ انڈسٹری سے ہے اور وہ مختلف سیریلز جیسے ’کیسا یہ پیار ہے’، ’یس باس‘ وغیرہ میں مرکزی کردار ادا کرچکی ہیں۔

    #Exclusive 😍💞 #highlights #HimeshReshammiya #wedding 💞💓😍

    A post shared by RJ Amar (@rjamar_) on

    دونوں اداکاروں کے مابین طویل عرصے سے دوستی تھی جو اب باقاعدہ رشتے میں تبدیل ہوچکی ہے، اس ضمن میں گزشتہ دنوں بھارتی گلوکار نے میڈیا سے گفتگو کرتے ہوئے کہا تھا کہ ’وہ جلد شادی کا ارادہ رکھتے ہیں تاہم اس تقریب میں وہ کسی بھی اہم شخصیت کو مدعو نہیں کریں گے‘۔

    مزید پڑھیں: ادھیڑ عمر بالی ووڈ اداکار کی نوجوان لڑکی سے شادی

    واضح رہے کہ بالی ووڈ میوزک کمپوزر کی پہلی شادی 18 سال قبل کومل نامی خاتون سے ہوئی تھی، گھریلو ناچاکیوں اور جھگڑوں کے بعد دونوں نے باہمی رضامندی سے 2016 میں اپنی راہیں جدا کرلیں تھیں۔

    یہی وجہ ہے کہ پہلی اہلیہ نے اپنے سابق شوہر کو کبھی بھی علیحدگی کا ذمہ دار نہیں ٹھہرایا بلکہ وہ جب بھی میڈیا پر آئیں انہوں نے یہ مؤقف اختیار کیا کہ ہم جدا ہونے کے باوجود بھی ایک دوسرے کی دل سے عزت کرتے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ایک عورت کے تین شوہرعدالت پہنچ گئے، انصاف فراہمی کی اپیل

    ایک عورت کے تین شوہرعدالت پہنچ گئے، انصاف فراہمی کی اپیل

    لاہور : عدالت میں ایک بیوی کے تین دعوے دار سامنے آگئے، گھن چکر معاملے نے سب کو چکرا دیا، گجرات کی حسینہ نے شادی کا جھانسہ دے کر تین مردوں کو لوٹ لیا۔

    تفصیلات کے مطابق لاہور ہائی کورٹ میں اپنی نوعیت کے ایک منفرد کیس کی سماعت ہوئی، ایک ہی بیوی کے تین دعویدار سامنے آ گئے۔

    مصباح نامی خاتون کے خلاف صابر نامی شخص نے مقدمہ درج کروایا  تھاکہ وہ اس کی بیوی ہے مگر اس کے باوجود اس نے دوسری شادی کرلی ہے،۔

    بعد ازاں مذکورہ خاتون نے مقدمہ کے اخراج کے لیے ہائی کورٹ سے رجوع کیا تو وہاں اس کے خاوند ہونے کے دعویدار دو مزید افراد بھی سامنے آ گئے۔

    خالد اور عاطف نامی دونوں دعویداروں کا کہنا ہے کہ ان کی بیوی نے مصباح اور صباح کے نام سے ان سے شادی کی اور چند روز بعد لاکھوں مالیت کے زیور اور نقدی لے کر رفو چکر ہو گئی۔

    مصباح نام کی یہ خاتون کے مبینہ تینوں شوہر تو ہائی کورٹ میں بیوی کی تلاش میں پہنچ گئے تاہم ان کا کہنا ہے کہ اب ان کی یہ بیوی اب چوتھے شوہر کے ساتھ رہ رہی یے، مظلوم شوہروں کی فریاد مقدمہ درج کرلیاگیاہے۔

    واضح رہے کہ شادی کے نام پر فراڈ کرنے والے اس گروہ کو کچھ عرصہ قبل اے آر وائی نیوز کے پروگرام سر عام میں بے نقاب کیا گیا تھا اور خاتون کو گرفتار  بھی کروایا گیا مگر اب ایک بار پھر یہ گروہ سرگرم ہوگیا ہے۔

    عدالت نے مبینہ سابقہ شوہروں کی درخواست پر مصباح کی درخواست مسترد کردی اور حکم دیا ہے کہ مصباح کو بھی شامل تفتیش کیا جائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔