اسلام آباد : وفاقی وزیراطلاعات مریم اورنگزیب کا کہنا ہے کہ الیکشن کمیشن کے فیصلے سے حمزہ شہباز اور پنجاب کی حکومت پر کوئی فرق نہیں پڑے گا۔

تفصیلات کے مطابق وفاقی وزیراطلاعات مریم اورنگزیب نے الیکشن کمیشن کی جانب سے منحرف اراکین کو ڈی سیٹ کئے جانے کے فیصلے پر پریس کانفرنس کرتے ہوئے کہا الیکشن کمیشن کا25منحرف اراکین پر فیصلہ آیا ہے، ان ارکان نے پی ٹی آئی کی پالیسیز سے اختلاف کیا تھا۔

مریم اورنگزیب کا کہنا تھا کہ الیکشن کمیشن کے فیصلے کا پنجاب حکومت پر کوئی اثر نہیں پڑے گا، آج جوچیف الیکشن کمشنر کو سلام کررہے ہیں پہلے استعفیٰ مانگ رہے تھے۔

وفاقی وزیراطلاعات نے کہا کہ یہ وہ لوگ ہیں جو اقتدار سے چمٹے رہنا چاہتے ہیں، فیصلےسےحمزہ شہباز اور پنجاب کی حکومت پر کوئی فرق نہیں پڑتا ، 25لوگ ڈی سیٹ ہوتے ہیں تو ن لیگ اور اتحادیوں کی تعداد 177 ہے۔

یاد رہے الیکشن کمیشن نے پنجاب اسمبلی کے منحرف اراکین کے خلاف دائر ریفرنس کا فیصلہ سناتے ہوئے پی ٹی آئی کے 25 منحرف اراکین کو نااہل قرار دیتے ہوئے انہیں ڈی سیٹ کرنے کا حکم دیا تھا۔

اسلام آباد : وفاقی وزیر اطلاعات مریم اورنگزیب کا کہنا ہے کہ عمران خان نے فارن فنڈنگ کے ذریعے منی لانڈرنگ کی اور بطور وزیراعظم جو تحفے ملے دکانوں پر جاکر بیچتے رہے۔

تفصیلات کے مطابق وفاقی وزیر اطلاعات مریم اورنگزیب نے پریس کانفرنس کرتے ہوئے کہا کہ ان کی ڈھٹائی،جھوٹ ،منافقت ختم ہی نہیں ہورہی، عمران خان کی تقاریر پچھلے4 سال سے تبدیل نہیں ہوئیں، آج خودداری کا نعرہ لگانیوالوں نے ہی کشمیر کا سودہ کیا۔

مریم اورنگزیب نے سابق حکومت پر تنقید کرتے ہوئے کہا گزشتہ دورحکومت میں مہنگائی کا طوفان برپارہا، عمران خان نے فارن فنڈنگ کے ذریعے منی لانڈرنگ کی۔

وفاقی وزیر کا کہنا تھا کہ ریاست مدینہ کا دعویداروں نے عوام کو قطاروں میں کھڑا کیا، معاشی دہشت گردی کا خمیازہ عوام بھگت رہی ہیں، آپ نے پارلیمان اور آئین پرحملہ کیا، یہ عدم اعتماد پاکستان کےعوام نے کی ہے۔

انھوں نے کہا کہ کہتے ہیں غلطی کو ٹھیک کریں ،غلطی آپ نے آئین پر حملہ کرکے کی، بیرون ملک سازش کی بات کرتے ہیں آپ کوشرم آنی چاہیے۔

مریم اورنگزیب نے عمران خان پر الزامات عائد کرتے ہوئے کہا آپ کو بطور وزیراعظم جو تحفے ملے وہ آپ دکانوں پر جاکر بیچتے رہے ، آپ وزیراعظم کی کرسی پر تھے یا کاروبار کی کرسی تھی، 58 تحفے آپ نے لئے اور گھڑیاں دکانوں پر جاکر بیچی۔

وزیر اطلاعات کا کہنا تھا کہ 58 تحفے جو آپ نے توشہ خانہ سے خریدے وہ پیسہ کہاں سےآیا، ایک ارب کا ہیلی کاپٹر اڑایا اب کہتے ہیں غلطی کو ٹھیک کریں۔

انھوں نے مزید کہا کہ اب جو الیکشن ہوگا اس میں آرٹی ایس بیٹھنے کی غلطی نہیں ہوگی، اب الیکشن میں ڈسکہ جیسی دھند نہیں چھائے گی۔

مریم اورنگزیب کا کہنا تھا کہ آپ کو آپ کے اعمال نے اقتدار سے نکالا ہے، آپ نے فنانس کی سمریز کو بائی پاس کرکے غیر قانونی احکامات دیئے، عمران خان کو غلطی نہیں بلکہ جرائم کا حساب دینا پڑے گا۔

وزیر اطلاعات نے کہا کہ عمران خان کو آر ٹی ایس کے سوا جس نے بھی ووٹ دیا وہ آئندہ نہیں دیں گے، عمران خان کے قول و فعل میں تضاد ہے، صبح کچھ اور شام کو کچھ بات کرتاہے۔

انھوں نے بتایا کہ عوام کو ریلیف دینےکیلئےمعاشی دہشت گردی سے نکالنے کیلئے مشکل فیصلے دیں گے ، جس شخص کو نماز کیلئے جیل میں کرسی نہ دی وہ کل آپ کی سیکیورٹی کےاحکامات دیتا ہے۔

مریم اورنگزیب نے کڑی تنقید کرتے ہوئے کہا کہ شہزاداکبر کو رکھااس لئے گیا کہ جاؤ دیکھو شہبازشریف کیا کھارہاہے کہاں بیٹھ رہاہے ، اب کابینہ میں دائیں بائیں کارٹیلز کو نہیں بٹھایا جائے گا، غلطی تو ٹھیک ہوچکی ہے اب عوام اپنے لئے فیصلہ کریں گی۔

وفاقی وزیر کا کہنا تھا کہ جو منظم تحریک آپ نے شروع کی اس کا نوٹس لے لیا گیا ہے، اب پاکستانی ووٹ اس کو دیں گے جو عوام کو ترقی دےگا، آپ نے ہر شعبے اور ہر چیز میں ڈاکہ ڈالا۔

اسلام آباد : مریم اورنگزیب وفاقی وزیراطلاعات بن گئیں اور اپنے عہدےکاچارج سنبھال لیا اور کہا میڈیا ہاؤسز، تنظیموں اور صحافی برادری کی بہبود کیلئے اقدامات اٹھائیں گے۔

تفصیلات کے مطابق وفاقی وزیراطلاعات مریم اورنگزیب حلف اٹھانے کے بعد اپنے عہدےکاچارج سنبھال لیا ، اس موقع پر وفاقی وزیر اطلاعات کو وزارت کے امور کے حوالے سے بریفنگ دی گئی۔

مریم اورنگزیب نے کہا کہ حکومت آزادی اظہار رائے پر کامل یقین رکھتی ہے، میڈیا ہاؤسز، تنظیموں اور صحافی برادری کی بہبود کیلئے اقدامات اٹھائیں گے۔

وفاقی وزیر اطلاعات کا کہنا تھا کہ پیکاآرڈیننس 2016پرتمام اسٹیک ہولڈرزسےمشاورت کی جائےگی، ملک کےمثبت تشخص کو اجاگرکرنے کیلئے سوشل میڈیا کو فعال بنایا جائے گا اور ریاست ،اداروں کے خلاف منفی پروپیگنڈا کرنے والوں سے سختی سے نمٹاجائے گا۔

انھوں نے مزید کہا کہ ترقیاتی منصوبوں کوفروغ دینےکیلئےوزارت اطلاعات کاکرداراہمیت کاحامل ہے، ڈرامہ، فلم انڈسٹری کے فروغ کیلئے ہر ممکن اقدامات اٹھائیں گے۔

مریم اورنگزیب کا کہنا تھا کہ عوام کو درست معلومات کی فراہمی کیلئےبھاری ذمہ داری عائدہوتی ہے، امید ہے وزارت اطلاعات کے تمام ادارے پیشہ ورانہ امور کو بہتر اندازمیں انجام دیں گے۔

وفاقی وزیر اطلاعات نے کہا کہ وزارت اطلاعات اورمیڈیااداروں کے درمیان روابط کا فروغ اولین ترجیح ہے۔

لاہور : مسلم لیگ ن کی رہنما مریم اورنگزیب کا کہنا ہے گرفتاری سےکوئی نہیں ڈرتالیکن غیرقانونی اقدام قبول نہیں گرفتاری کا ڈر ہوتا تو حمزہ اپنے گھر میں نہ ہوتے ، نیب کو آج بھی خالی ہاتھ ہی واپس جانا پڑےگا۔

تفصیلات کے مطابق مسلم لیگ ن کی رہنما مریم اورنگزیب نے میڈیا سے گفتگو کرتے ہوئے کہ نیب نےکل سےغیرقانونی اقدام شروع کررکھاہے، جس پاس وارنٹ ہوتے ہیں غیرقانونی اقدام نہیں اٹھاتے، نیب کےغیرقانونی اقدام کے پیچھےحکومت کاہاتھ ہے، وزیراعظم نےکل جلسےمیں کہاتھااپوزیشن کوجیل میں ڈالوں گا۔

وزیراعظم نےکل جلسےمیں کہاتھااپوزیشن کوجیل میں ڈالوں گا

مریم اورنگزیب کا کہنا تھا ہائی کورٹ کافیصلہ ہےگرفتاری سے10دن پہلےنوٹس دیناہوگا، نیب ہائی کورٹ کےفیصلے کے خلاف سپریم کورٹ جاچکی ہے، سپریم کورٹ نے ہائی کورٹ کے فیصلے سے متعلق کچھ نہیں کہا، شہبازشریف کیخلاف بھی ڈی جی نیب نےدعوےکیےتھے لیکن کوئی ثبوت پیش نہ کر سکے۔

ن لیگی رہنما نے کہا ہائی کورٹ کافیصلہ ہے، حمزہ شہبازکی گرفتاری غیرقانونی ہے، نیب نےکہاکل حمزہ شہباز کےگھر کے باہر تشدد کیاگیا، فوٹیج موجود ہیں کیا کسی اہلکار پر تشدد ہوا ہے؟ نیب اہلکارگھر کے اندرگئے اور باعزت واپس بھی گئے، ڈرائیور نے اپنی شرٹ خود پھاڑی اور کہامجھ پر تشددہوا۔

ہائی کورٹ کافیصلہ ہے، حمزہ شہبازکی گرفتاری غیرقانونی ہے

ان کا کہنا تھا کمپیوٹر سے بنائےگئے وارنٹ کی کوئی حیثیت نہیں ہوتی، نیب اہلکاروں نے کہا حمزہ بھائی سے ملنےگئے تھے، نیب کی جانب سےغیرقانونی اقدامات کیے جارہے ہیں، جب بھی نوٹس بھیجا حمزہ شہباز پیش ہوتے رہے۔

مریم اورنگزیب نے کہا یہ کون سے ثبوت ہیں جو فوادچوہدری کو مل جاتے ہیں، یہ ثبوت شہبازشریف اور حمزہ شہباز کو نہیں ملتے، وزیراعظم نے کل فیصلہ سنادیا ہے، مہنگائی مزید بڑھےگی، جو مناظر آج اسکرین پر ہیں یہ حکم کی تعمیل ہوگی۔

مسلم لیگ ن کا کہنا تھا شہبازگل نے کہا ڈی جی نیب گاڑی میں کیوں بیٹھے ہیں، شہبازگل کون ہوتے ہیں، جو نیب کوگائیڈ کریں یا ترجمان بنیں، ریاستی دہشت گردی اورغنڈہ گردی یہ ہوتی ہے، جو اسکرین پر ہے، کارکنان نعرے لگا رہے ہیں اوران پر ڈنڈے برسائے جارہے ہیں۔

انھوں نے مزید کہا ہائی کورٹ کےآرڈرکی موجودگی میں گرفتاری غیرقانونی ہے، کچھ دیر میں قانونی ٹیم عدالت کا نیا آرڈر نیب حکام کو دےگی ، آمر کے بنائے گئے قانون کوموجودہ وزیراعظم استعمال کررہے ہیں۔

مریم اورنگزیب کا کہنا تھا نیب ذرائع کیاہوتےہیں،جن پرالزام ہوتاہے ان کو شواہد نہیں دیئے جاتے، ہماری وکلا کی ٹیم لاہورہائی کورٹ پہنچ چکی ہے ، کچھ دیر میں فیصلہ آجائے گا، وکلا کی ٹیم لاہورہائی کورٹ پہنچ چکی ہے، کچھ دیر میں فیصلہ آجائے گا، نیب کے طریقہ کار کو ہم نے بھی چیلنج کر رکھاہے۔

گرفتاری کا ڈر ہوتا تو حمزہ اپنے گھر میں نہ ہوتے ، ٹھوس ثبوت رکھیں پھر گرفتاری کریں

لیگی رہنما نے کہا مشرف ایک روپےکی کرپشن ثابت نہ کرسکاتویہ کیاکریں گے، گرفتاری سےکوئی نہیں ڈرتالیکن غیرقانونی اقدام قبول نہیں، نیب کوآج بھی خالی ہاتھ ہی واپس جاناپڑےگا۔

ان کا کہنا تھا رونا دھونا سیاسی لیڈر نہیں کرتے، گرفتاری کا ڈر ہوتا تو حمزہ اپنے گھر میں نہ ہوتے ، ٹھوس ثبوت رکھیں پھر گرفتاری کریں۔