خیبر پختونخوا کے دارالحکومت پشاور کے شاہ جی آباد قبرستان میں فائرنگ سے ایک پولیس اہلکار شہید ہوگیا۔
تفصیلات کے مطابق خیبر پختونخوا کے دارالحکومت پشاور کے شاہ جی آباد قبرستان میں فائرنگ کا ایک افسوسناک واقعہ پیش آیا ہے جس میں پولیس اہلکار شہید ہوگیا۔
پولیس کا کہنا ہے کہ شہید اہلکار شہنشاہ تھانہ ہشت نگری میں تعینات تھا، 2 نامعلوم موٹر سائیکل سواروں نے فائرنگ کی، شہید ہلکار گھر سے ڈیوٹی کیلئے آرہا تھا۔
اس سے قبل پشاور کے تھانہ سربند کی حدود میں فائرنگ سے ایک پولیس اہلکار شہید اور ایک راہگیر زخمی ہوگیا تھا، شہید اسسٹنٹ سب انسپکٹر (اے ایس آئی) حیات آباد تھانے میں تعینات تھا، اہلکار موٹر سائیکل پر ڈیوٹی کے لیے جارہا تھا کہ نامعلوم ملزمان نے فائرنگ کردی۔
بعد ازا شہید اہلکار کی نماز جنازہ ادا کی گئی جس میں انسپکٹر جنرل (آئی جی) خیبر پختونخوا اختر حیات، سی سی پی او سید اشفاق انور سمیت دیگر حکام اور لواحقین نے شرکت کی۔
پولیس کےمطابق جائے وقوع سے 30 بور کے 10 خول ملے ہیں، پولیس نے شواہد اکھٹے کرکے تفتیش شروع کردی ہے جب کہ ملزمان کی گرفتاری کے لیے علاقے میں سرچ آپریشن بھی کیا گیا۔
