ARYNews.tv | Urdu – Har Lamha Bakhabar

Tag: marvi memon

  • فیاض الحسن چوہان نے مافیا کی جو تعریف بیان کی وہ ٹھیک ہے، ماروی میمن

    فیاض الحسن چوہان نے مافیا کی جو تعریف بیان کی وہ ٹھیک ہے، ماروی میمن

    اسلام آباد : پاکستان مسلم لیگ (ن) کی رہنما ماروی میمن نے کہا فیاض الحسن چوہان نے مافیا کی جو تعریف بیان کی وہ ٹھیک ہے، درست کہا مافیا پہلے خریدتا اور ناکامی پر بلیک میل کرتا ہے۔

    تفصیلات کے مطابق پاکستان مسلم لیگ (ن) کی رہنما ماروی میمن نے سماجی رابطے کی ویب سائٹ ٹوئٹر پر اپنے بیان میں کہا فیاض الحسن چوہان نے مافیاکی جو تعریف بیان کی وہ ٹھیک ہے، فیاض الحسن چوہان نےدرست کہامافیا پہلے خریدنےکی کوشش کرتاہے اور ناکامی پر بلیک میل کرتا ہے، مافیابلیک میلنگ میں ناکامی کے بعد ختم کر دیتا ہے۔

    یاد رہے صوبائی وزیر فیاض الحسن چوہان نے میڈیا سے گفتگو میں کہا تھا بیٹی ججز کی ویڈیو چلاتی ہے، بیٹے رشوت کا بازارگرم کرتے ہیں، سسلین مافیا وہ تھا جو پہلے خریدتا تھا اور ناکامی پر بلیک میل کرتا تھا۔

    ان کا کہنا تھا کل برطانوی اخبارنےایک اسٹوری بریک کی ہے، زلزلہ متاثرین کےفنڈمیں خوردبردکی گئی اوررقم ہتھیائی گئی، انہوں نے میاں بیوی بچوں اور داماد سمدھی سمیت لوٹ مار کی، برطانوی اخبارنےان کی کرپشن کےپردے کوچاک کردیاہے، آمریت میں پلنے والوں کا کریکٹر عوام کے سامنے آچکا ہے۔

  • بلاول نے شہادت کا فائدہ اٹھانا سیکھا اوربڑی بہن کوبھی یہی سکھا رہے ہیں، ماروی میمن

    بلاول نے شہادت کا فائدہ اٹھانا سیکھا اوربڑی بہن کوبھی یہی سکھا رہے ہیں، ماروی میمن

    اسلام آباد : پاکستان مسلم لیگ (ن) کی رہنما ماروی میمن نے کہا کچھ لوگوں کے لیےسچائی اورعزت ڈالر سے زیادہ اہم ہوتی ہے ، بلاول نے شہادت کا فائدہ اٹھانا سیکھا ہے اور اپنی نئی دریافت شدہ بڑی بہن کو بھی یہی سکھا رہے ہیں۔

    تفصیلات کے مطابق پاکستان مسلم لیگ (ن) کی رہنما ماروی میمن نے سماجی رابطے کی ویب سائٹ ٹوئٹر پر اپنے بیان میں کہا غلط کمنٹس دینے والوں کوسوشل میڈیا پربلاک نہیں کیا، وہ دیکھیں کہ ہرکسی کی زندگی میں پرائس ٹیگ نہیں ہوتا، کچھ لوگوں کے لیےسچائی اور عزت ڈالر سے زیادہ اہم ہوتی ہے۔

    ماروی میمن کا کہنا تھا بلاول نے شہادت کا فائدہ اٹھانا سیکھا ہے اور اب اپنی نئی دریافت شدہ بڑی بہن کوبھی یہی سکھا رہےہیں۔

    یاد رہے چند روز قبل ماروی میمن نے کہا تھا کہ عزت سے سچ بتا کر معافی مانگنے میں اگر مسئلہ ہے تو پھر بے عزتی ہی آپ کا مقدر ہے،اب تین سال ہونے کو ہیں لیکن اب میرے خیال سے اس میں ایک دن بھی تاخیر کی گنجائش نہیں ہے۔

    خیال رہے سابق وفاقی وزیرخزانہ اسحاق ڈار سے ماروی میمن کی خفیہ شادی کے متعلق کھلے عام کوئی اعلان یا اعتراف تو اب تک سامنے نہیں آیا ،البتہ ماروی میمن نے اس حوالے سے اشاروں میں کئی ٹویٹس کرکے اسحاق ڈارکو وارننگ دی ہے کہ معاملہ طے نہ پانے کی صورت میں وہ ایک پریس کانفرنس میں تمام حقائق سامنے لائیں گی۔

  • اگرقائد سے اتنا لگاؤ ہے تو ریلی کافی نہیں جیل بھرو تحریک چلاؤ، ماروی میمن کا مشورہ

    اگرقائد سے اتنا لگاؤ ہے تو ریلی کافی نہیں جیل بھرو تحریک چلاؤ، ماروی میمن کا مشورہ

    لاہور : بینظیر انکم سپورٹ پروگرام کی سابق چیئرمین ماروی میمن نے کہا اگرقائد سے اتنا لگاؤ ہے تو ریلی کافی نہیں جیل بھروتحریک چلائیں، جان قربان کرنے کی باتیں کرنے والے جیل کیوں نہیں بھرتے، میرے خلاف ن لیگیوں کی سوشل میڈیا مہم سے فرق نہیں پڑے گا۔

    تفصیلات کے مطابق بینظیر انکم سپورٹ پروگرام کی سابق چیئرمین ماروی میمن نے نواز شریف کی جیل واپسی پر سماجی رابطے کی ویب سائٹ ٹوئٹر پر اپنے بیان میں کہا ن لیگ ممی ڈیڈی ٹوئٹس کی سیاست کے علاوہ کچھ نہیں، اگر اپنے قائدسے اتنا لگاؤ ہے توریلی کافی نہیں جیل بھروتحریک چلائیں،قائد کے لئے جان قربان کرنے کی باتیں کرنے والے جیل کیوں نہیں بھرتے۔میرے کیخلاف ن لیگیوں کی سوشل میڈیا پرمہم سے کوئی فرق نہیں پڑے گا۔

    یاد رہے چند روز قبل سابق وزیر خزانہ اسحاق ڈار سے مبینہ شادی کے حوالے سے ٹوئٹر پر ہونے والی ٹرولنگ پر لیگی رہنما ماروی میمن اپنی ہی پارٹی پر برس پڑیں تھیں، اپنے ٹوئٹر پیغام میں ان کا کہنا تھا کہ بس بہت ہوگیا اب مجھے منہ کھولنے پر مجبور نہ کیا جائے، مزید تنگ کیا گیا تو کچھ لوگوں کیلئے بہت بڑا مسئلہ کھڑا ہوجائے گا۔

    مزید پڑھیں: اسحاق ڈار سے شادی : بس بہت ہوگیا!! ماروی میمن نواز لیگ پر برس پڑیں

    انھوں نے کہا تھا کہ لیگی قیادت کی ساکھ اپنی حماقتوں کی وجہ سے پہلے ہی ڈوب چکی ہے، منہ کھولا تو اخلاقی ساکھ بھی مکمل ڈوب جائے گی، میں برے وقت میں لیگی قیادت کے زخموں پر مزید نمک پاشی نہیں کرناچاہتی۔

  • طارق باجوہ کی برطرفی بارش کا پہلا قطرہ ہے، ماروی میمن

    طارق باجوہ کی برطرفی بارش کا پہلا قطرہ ہے، ماروی میمن

    اسلام آباد: مسلم لیگ ن کی رہنما ماروی میمن کا کہنا ہے کہ اسٹیٹ بنک کے گورنر طارق باجوہ کی برطرفی بارش کا پہلا قطرہ ہے، گورنراسٹیٹ بنک کوحکومتی احکامات پرعملدرآمد میں بارباررکاوٹ بننے کے سبب ہٹایا گیا ہے۔

    تفصیلات کے مطابق اپنے ٹویٹرپیغام میں ماروی میمن کا کہنا تھا کہ ملک کی’ہروزارت میں میں ایسے لوگ موجود ہیں، عمران خان وزارتوں میں موجود ایسے لوگوں کی صفائی کریں گے‘۔

    اپنے پیغام میں ان کا مزید کہنا تھا کہ’طارق باجوہ کی برطرفی بارش کاپہلاقطرہ ہے، ایسےلوگوں کی صفائی کےبعدشایدبہترگورننس کی شروعات ہوگی۔ ماروی میمن کا کہنا تھا کہ مسلم لیگ ن اور پیپلزپارٹی نےکئی سالوں سےمیری باری،تمہاری باری کی ،باریاں لگاکردونوں پارٹیوں نےاپنےلوگ سسٹم میں پھیلارکھےہیں‘۔

    ماروی میمن نے اس ٹویٹ کے ساتھ اے آروائی نیوز کا سوشل میڈیا پر گردش کرنے والا ویڈیو کلپ بھی شیئر کیا تھا جس میں اسٹیٹ بنک کے سابق گورنرطارق باجوہ کی برطرفی کی وجوہات بیان کی گئی ہیں۔

    ذرائع کے مطابق سابق گورنراسٹیٹ بینک طارق باجوہ اہم معلومات لیک کرنے میں ملوث تھے۔ وہ مفرورسابق وزیرخزانہ اسحاق ڈار کے بہت قریب تھے۔ طارق باجوہ حکومتی احکامات پرعملدرآمد میں بار بار رکاوٹ بنتے رہے، اقتصادی معاملات سے متعلق وزیراعظم کے احکامات کو بھی نظر اندازکیا گیا۔

    طارق باجوہ نے کاروباری افراد کوواجب الادا رقم کی ادائیگی کے واؤچر جاری کرنے سے بھی انکار کیا، 400ارب روپے کے واؤچرجاری کرنے کی منظوری وفاقی کابینہ نے دی تھی۔طارق باجوہ نے حکومت کو بغیربتائے روپے کی قدر کم کی تھی، وزیراعظم عمران خان نے کہا تھا کہ ڈالرکی قدر میں اضافے کا ٹی وی سے علم ہوا۔

    طارق باجوہ نے پاکستان بناؤ سرٹیفکیٹ کے اجرا کے روزشرح سود بڑھا دی تھی، ان کے اقدام پر وزیراعظم عمران خان اوروزرا نے اظہارناراضی کیا تھا۔

  • عمران خان کے خلاف اسحاق ڈار کی تنقید پرمیں نے دوسال ٹرولنگ کا سامنا کیا: ماروی میمن کا شکوہ

    عمران خان کے خلاف اسحاق ڈار کی تنقید پرمیں نے دوسال ٹرولنگ کا سامنا کیا: ماروی میمن کا شکوہ

    لاہور: بینظیر انکم سپورٹ پروگرام کی سابق چیئرپرسن ماروی میمن نے ن لیگ اور اسحاق ڈار کے خلاف محاذ کھول لیا.

    تفصیلات کے مطابق نون لیگی دور کے وزیر خزانہ اسحاق ڈار سے مبینہ شادی کے حوالے سے ٹوئٹر پر ہونے والی ٹرولنگ پر لیگی رہنما ماروی میمن اپنی ہی پارٹی پر برس پڑیں۔

    گزشتہ روز انھوں نے اپنے ٹویٹ میں کہا تھا کہ بس بہت ہوگیا اب مجھے منہ کھولنے پر مجبور نہ کیا جائے، مزید تنگ کیا گیا تو کچھ لوگوں کے لئے بہت بڑا مسئلہ کھڑا ہوجائے گا۔

    آج انھوں نے ایک اور ٹویٹ کیا ہے، جس میں انھوں نے کہا ہے کہ عمران خان کے خلاف اسحاق ڈار کی تنقید پرمیں نے دو سال تک ٹرولنگ کا سامنا کیا، آج سےمیں تمام ٹرولنگ کا رخ ان کی جانب کردوں گی.

    مزید پڑھیں: اسحاق ڈار سے شادی : بس بہت ہوگیا!! ماروی میمن نواز لیگ پر برس پڑیں

    ان کا کہنا تھا کہ اسحاق ڈارکا ٹوئٹر اکاؤنٹ ان کے بیٹےعلی ڈار چلاتے ہیں۔ اچھا ہے، اب وہ اس ٹرولنگ سے محظوظ ہوں.

    خیال رہے کہ گزشتہ روز انھوں نے اپنی پارٹی پر تنقید کرتے ہوئے کہا تھا کہ ان کا کہنا ہے کہ لیگی قیادت کی ساکھ اپنی حماقتوں کی وجہ سے پہلے ہی ڈوب چکی ہے، منہ کھولا تو اخلاقی ساکھ بھی مکمل ڈوب جائے گی۔ میں برے وقت میں لیگی قیادت کے زخموں پر مزید نمک پاشی نہیں کرناچاہتی۔

  • اسحاق ڈار سے شادی : بس بہت ہوگیا!! ماروی میمن نواز لیگ پر برس پڑیں

    اسحاق ڈار سے شادی : بس بہت ہوگیا!! ماروی میمن نواز لیگ پر برس پڑیں

    اسلام آباد : بینظیر انکم سپورٹ پروگرام کی سابق چیئرمین ماروی میمن شادی کے حوالے سے ٹوئٹر پر ٹرولنگ کرنے والوں پر پھٹ پڑیں، ان کا کہنا ہے کہ بس بہت ہوگیا منہ کھولنے پر مجبور نہ کیا جائے۔

    تفصیلات کے مطابق نون لیگی دور کے وزیر خزانہ اسحاق ڈار سے مبینہ شادی کے حوالے سے ٹوئٹر پر ہونے والی ٹرولنگ پر لیگی رہنما ماروی میمن اپنی ہی پارٹی پر برس پڑیں۔

    اپنے ٹوئٹر پیغام میں ان کا کہنا ہے کہ بس بہت ہوگیا اب مجھے منہ کھولنے پر مجبور نہ کیا جائے، مزید تنگ کیا گیا تو کچھ لوگوں کیلئے بہت بڑا مسئلہ کھڑا ہوجائے گا۔

    ان کا کہنا ہے کہ لیگی قیادت کی ساکھ اپنی حماقتوں کی وجہ سے پہلے ہی ڈوب چکی ہے، منہ کھولا تو اخلاقی ساکھ بھی مکمل ڈوب جائے گی۔ میں برے وقت میں لیگی قیادت کے زخموں پر مزید نمک پاشی نہیں کرناچاہتی۔

    مجھ پر جولائی دو ہزار اٹھارہ سے کیچڑ اچھالی جارہی ہے، کیوں کہ ایک شخص کو جے آئی ٹی کے باہر اُس کے سیکرٹری نے مجبور کیا کہ عمران خان کو شادی چھپانے پر نشانہ بناؤ، ماروی میمن کہتی ہیں کہ نام نہاد رہنما کے روپ میں لیگی کارکن لیڈروں کے بارے میں لکھ رہے ہیں۔

    ماروی میمن نے ٹوئٹر پر کہا کہ پی ایم ایل این کے لیڈرز اور پارٹی ورکرز جو ن لیگ کے دو لیڈرز کے بارے میں بات کر رہے ہیں انہیں بتانا چاہتی ہوں کہ آپ کبھی بھی نہیں چاہیں گے کہ میں اصل کہانی کو سامنے لے کر آﺅں اس لیے مجھے مجبور نہ کرو۔

    سوال یہ پیدا ہوتا ہے کہ سوشل میڈیا پر ماروی میمن کو کون تنگ کررہا ہے؟ ان پر کون کیچڑ اچھال رہا ہے؟ لیگی رہنما کس جانب انگلیاں اٹھارہی ہیں؟ ماروی میمن کس سچ کو چھپارہی ہیں؟ ان کے خلاف سوشل میڈیا پر اسحاق ڈار سے مبینہ شادی پر ٹرولنگ کی جارہی تھی۔

  • اس جماعت میں صرف جی حضوری چل رہی ہے، ماروی میمن کا ٹویٹ

    اس جماعت میں صرف جی حضوری چل رہی ہے، ماروی میمن کا ٹویٹ

    لاہور: پاکستان مسلم لیگ ن کی رہنما ماروی میمن نے ایک بار پھر اپنی جماعت کی قیادت پر تنقید کرتے ہوئے کہا ہے کہ کوئی خلاف مرضی آواز اٹھاتا ہے تو اسے سائیڈ پر کردیا جاتا ہے، رائے کے مخالف جانے والے کو باغی کہہ دیا جاتا ہے۔

    ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام میں کیا، ماروی میمن نے کہا کہ ہم امید کرتے ہیں ہماری جماعتیں جمہوریت پسند ہوں، بدقسمتی سے اس جماعت میں صرف جی حضوری چل رہی ہے، جو اس وقت جی حضوری کے بغیر کام کررہے تھے ان کو سائیڈ پر کردیا گیا۔

    ماروی میمن نے کہا کہ جن کی وجہ سے دھرنے ہوئے وہ اب بھی کامیاب ہیں جبکہ مشکل میں پارٹی کو ان کی ضرورت ہوتی ہے جو آپ کو کڑوا سچ بتائیں، ایک کامیاب پارٹی کس کی وجہ سے مشکل میں آئی کیونکہ وہ اس وقت اندھا دھند مائنس کی ڈیبیٹ میں پھنسے ہیں۔

    مزید پڑھیں: ’’واہ لیڈر شپ واہ ‘‘ غلطی اورگناہ کسی کا سزا کسی اور کو، ماروی میمن کا ٹوئیٹ

    واضح رہے کہ اس سے قبل ماری میمن کا اپنے ٹوئٹ میں کہنا تھا کہ واہ لیڈر شپ واہ غلطی اور گناہ کسی اور کا سزا کسی اور کو، ہر جرم میں جرم کرنے والا بھی ساتھ ہوتا ہے اور جرم پر اکسانے والے بھی، ان کا حساب پہلے ہونا چاہئے، انہیں پہلے بے نقاب کرنا چاہئے۔

    ان کا کہنا تھا کہ سیاست انسان عزت کے لیے کرتا ہے، کوئی اس بات کو پسند نہیں کرتا کہ پہلے اسے ساتھ لیا جائے پھر بے عزتی کی جائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں.

  • ’’واہ لیڈر شپ واہ ‘‘ غلطی اورگناہ کسی کا سزا کسی اور کو، ماروی میمن کا ٹوئیٹ

    ’’واہ لیڈر شپ واہ ‘‘ غلطی اورگناہ کسی کا سزا کسی اور کو، ماروی میمن کا ٹوئیٹ

    کراچی : نواز لیگ سندھ کی رہنما ماروی میمن نے اپنے ٹوئٹر پیغام میں کہا ہے کہ  واہ لیڈر شپ واہ  غلطی اور گناہ کسی اور کا سزا کسی اور کو ، جرم پر اکسانے والوں کابھی حساب ہونا چاہیے۔

    تفصیلات کے مطابق چوہدری نثار پھر اسحاق ڈار اور اب مسلم لیگ ن کی ایک اور رہنما ماروی میمن اپنی قیادت پر برس پڑیں، ماروی میمن نے کہا ہے کہ غلطی اور گناہ کسی اور کا سزا کسی اور کو،  واہ لیڈرشپ واہ ، یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔

    ماروی میمن نے مزید کہا کہ ہرجرم میں جرم کرنے والا بھی ساتھ ہوتا ہے اور جرم پر اکسانے والے بھی، ان کا حساب پہلے ہونا چاہیے، انہیں پہلے بےنقاب کرنا چاہیے۔

    ایک اور ٹوئیٹ میں ماروی میمن نے یہ بھی کہا کہ سیاست انسان عزت کے لیے کرتا ہے، کوئی اس بات کو پسند نہیں کرتا کہ پہلےاسے ساتھ لیا جائے،پھر بے عزتی کی جائے،
    مزید ایک ٹوئیٹ میں انہوں نے داتا دربار کی تصویرشیئرکرتے ہوئے لکھاکہ ” جو بھی اس نگری پر آیا اللہ سائیں اس سے اپنے انداز میں حساب لیتا ہے “۔

    علاوہ ازیں گزشتہ دنوں ڈالر کی قدرمیں اچانک ہوشربا اضافہ کے بعد موجودہ مشیر خزانہ نے اقرار کیا تھا کہ انہوں نے جان بوجھ کر ڈالر کو اپنی قیمت تک پہنچایا، ماضی میں ڈالر کی قیمت کو مصنوعی طریقے سے روک کر زیادتی کی گئی۔

    جس پر اسحاق ڈار نے چیلنج کیا تھا کہ ان لوگوں کو معیشت کا اندازہ ہی نہیں ، بیٹھے بٹھائے ملک کو قرضوں میں ڈبو دیا ، اگر ان کے پاس کوئی منتر ہے تو ڈالر کو اب بھی روک کر دکھائیں۔

    واضح رہے کہ اس سے قبل سابق وزیرخزانہ اسحاق ڈار بھی ن لیگ حکومت پر برس چکے ہیں، اس کے علاوہ سابق وزیر داخلہ چوہدری نثار نے بھی الٹی میٹم دیا ہے کہ نوازشریف اور مریم نواز کی باتوں پر بہت چپ رہ لیے، اب چپ نہیں رہیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • مائزہ حمید اور ماروی میمن کیپٹن صفدر کو گرفتارکرنے والی نیب کی گاڑی پرحملہ کرنے والوں میں شامل

    مائزہ حمید اور ماروی میمن کیپٹن صفدر کو گرفتارکرنے والی نیب کی گاڑی پرحملہ کرنے والوں میں شامل

    اسلام آباد : ن لیگ کی حکومت میں لیگی کارکنان نے قانون کی دھجیاں بکھیردیں، عدالتی حکم پر کیپٹن صفدر کوگرفتارکرنے والی نیب کی گاڑی پر دھاوا بول دیا، نیب کی گاڑی پر حملہ کرنے والوں میں ملک نور، مائزہ حمید اورماروی میمن نمایاں تھے۔

    تفصیلات کے مطابق نون لیگ کی حکومت میں صفوں میں چھپے بیٹھے گلوبٹ ایک ایک کرکے بےنقاب ہورہے ہیں، اسلام آباد انٹرنیشنل ائیرپورٹ پر ن لیگ کے وزرا اور کارکنان نے کیپٹن صفدر کو گرفتار کرکے لے جانے والی نیب کی گاڑی پر دھاوا بول دیا ،کارکنان نے گاڑی پر مکے اور لاتیں برسائیں اور گاڑی کے آگے لیٹ کر عدالتی حکم پر کی جانے والی کارروائی میں مداخلت بھی کی۔

    مسلم لیگ ن کے کارکن ملک نور نے کیپٹن ریٹائرڈ صفدر کی گرفتاری پر خوب ہلڑبازی کا مظاہرہ کیا، یہ وہی ملک نور ہے، جنہوں نے پارلیمنٹ ہاؤس کے باہر عوامی مسلم لیگ کے سربراہ شیخ رشید کے ساتھ بدتمیزی کی تھی اور انہیں دھمکیاں بھی دی تھیں۔

    مزید پڑھیں :  کیپٹن (ر) صفدرکو وطن واپسی پرگرفتارکرلیا گیا

    مائزہ حمید اور ماروی میمن نے بھی نیب کی گاڑی کے سامنے کھڑی ہوکرقانونی کارروائی میں مداخلت کی مرتکب ہوئیں۔

    یاد رہے کہ قومی احتساب بیورو نے نوازشریف کے داماد اورمریم نواز کے شوہر کیپٹن ریٹائرڈ صفدر کو وطن واپسی پر گرفتارکرلیا تھا ، مریم نواز اور ان کے شوہر لندن سے وطن واپس آئے تھے۔

    زرائع کے مطابق نیب عدالت نے گزشتہ پیر کو کیپٹن (ر) صفدر کو طلب کیا تھا لیکن وہ پیش نہ ہوئے، جس پر احتساب عدالت کیپٹن (ر) صفدر کے ناقابل ضمانت وارنٹ گرفتاری جاری کرچکی ہے، جس پر گرفتاری کے لیے عدالتی احکامات پرفوری عمل کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ایاز صادق دوبارہ اسپیکر قومی اسمبلی کا حلف اٹھائیں گے، ماروی میمن

    ایاز صادق دوبارہ اسپیکر قومی اسمبلی کا حلف اٹھائیں گے، ماروی میمن

    لاہور : بینظیر انکم سپورٹ پروگرام کی چیئرپرسن ماروی میمن نے کہا ہے کہ کالاباغ ڈیم کا معاملہ بار بار سر اٹھاتا ہے لیکن یہ ڈیم کبھی نہیں بنے گا۔

    ان خیالات کا اظہار انہوں نے لاہور کے فاؤنٹین ہاؤس میں میڈیا سے گفتگو کرتے ہوئے کیا، ماروی میمن کا کہنا تھا کہ عمران خان بلا وجہ دھاندلی سے چمٹے ہوئے ہیں،۔

    ایاز صادق حلقہ این اے 122 میں کامیاب ہوئے ، دوبارہ وہی اسپیکر بنیں گے۔ انہوں نے کہا کہ ہمارا اصل جشن اس روز ہوگا جب ایاز صادق دوبارہ اسپیکر قومی اسمبلی کا حلف اٹھائیں گے۔

    ان کا کہنا تھا کہ کم ووٹوں سے جیتے یا زیادہ سے، جیت مسلم لیگ ن کی ہی ہوئی ہے، صوبائی اسمبلی کی نشست ہارنے سے کوئی فرق نہیں پڑتا، ہمارے لئے اہم قومی اسمبلی کی سیٹ تھی۔

    ماروی میمن نے کہا کہ اب ان کا پرویز مشرف سے کوئی رابطہ نہیں، کالا باغ ڈیم کا معاملہ بار بار سر اٹھاتا ہے لیکن یہ ڈیم کبھی نہیں بنے گا۔

    ایک سوال کے جواب میں ان کا کہنا تھا کہ بھارت سے تعلقات مجبوری نہیں، ایک اچھے پڑوسی کی طرح رہنا چاہتے ہیں۔

    انہوں نے کہا کہ بھارت اس وقت مشکل دور سے گزر رہا ہے لیکن امید ہے یہ برا وقت جلد ختم ہو گا۔ ان کا کہنا تھاکہ وزیر اعظم نواز شریف کے دورہ امریکہ سے بھارت کو اہم پیغام جائے گا۔