Tag: maryam-aurangzeb

لاہور: پاکستان مسلم لیگ ن کی ترجمان مریم اورنگ زیب نے ایک الزام کے جواب میں‌ کہا ہے کہ ایف اے ٹی ایف بل کو اپوزیشن کے علاوہ کسی نے سنجیدہ نہیں لیا۔

تفصیلات کے مطابق آج معاون خصوصی شہزاد اکبر کی نیوز کانفرنس کے بعد مریم اورنگ زیب نے میڈیا سے گفتگو میں الزام لگایا کہ حکومت کو یہ بھی نہیں معلوم ایف اے ٹی ایف بل میں کیا تھا، حکومت خود چاہتی ہے پاکستان گرے لسٹ میں رہے، بل کو اپوزیشن کے علاوہ کسی نے سنجیدہ نہیں لیا۔

مریم اورنگ زیب کا کہنا تھا جن منصوبوں پر تختیاں لگائی جا رہی ہیں وہ نواز شریف کے منصوبے ہیں، عبرت کا نشان بنانا ہے تو یاسمین راشد کو بنائیں، جو ڈاکٹرز نواز شریف کا علاج نہ کر سکے تھے ملک کے اندر، انھیں عبرت کا نشان بنائیں۔

منی لانڈرنگ کے الزام پر پاکستان کو گرے لسٹ میں ڈالا گیا: شہزاد اکبر

ترجمان نے کہا جہانگیر ترین کو بلایا جائے جنھیں رات کے اندھیرے میں باہر بھیجا گیا، چینی چوروں کو حکومت نے جہاز میں بٹھا کر روانہ کیا، نواز شریف تو حکومت کی اجازت سے باہر گئے ہیں، جو لوگ جھوٹے مقدمات بھگت چکے ہیں وہ این آر او نہیں چاہتے۔

واضح رہے کہ آج لاہور میں نیوز کانفرنس کرتے ہوئے معاون خصوصی شہزاد اکبر نے کہا کہ منی لانڈرنگ کو تحریک انصاف پوری دنیا کی طرح دیکھتی ہے، منی لانڈرنگ تمام جرائم کی ماں ہے، ہر جرم کے پیچھے منی لانڈرنگ ہوتی ہے جو بہت سنگین ہے، لیکن اپوزیشن کا اس بارے میں خیال کچھ اور ہے، اپوزیشن کے نزدیک منی لانڈرنگ کوئی سنگین جرم نہیں۔

معاون خصوصی کا کہنا تھا نواز شریف کی حیثیت سزا یافتہ مفرور شخص کی ہے، ان کے مفرور ہونے سے متعلق برطانیہ کو بھی آگاہ کیا گیا، ایسا شخص لندن کی سڑکوں پر گھوم پھر رہا اور مزے اڑا رہا ہے، انھیں واپس لانے کے لیے تمام قانونی طریقے اختیار کیے جائیں گے۔

لاہور: مسلم لیگ ن کی رہنما مریم اورنگزیب کا کہنا ہے کہ شہبازشریف نے صوبہ پنجاب کی زندگی بھر خدمت کی۔

تفصیلات کے مطابق مسلم لیگ ن کی رکن قومی اسمبلی مریم اورنگزیب کا کہنا ہے کہ نیب کیسے آزاد ہے وزیراطلاعات کہتے ہیں یہ پہلی گرفتاری ہے۔

مریم اورنگزیب کا کہنا ہے کہ آج کا دن پاکستان کی تاریخ کا سیاہ دن ہے، شہبازشریف نے صوبہ پنجاب کی زندگی بھر خدمت کی۔

مسلم لیگ کی رہنما نے کہا کہ سیاست میں جب شکست نہ دی جاسکی تو گرفتار کرلیا گیا، صاف پانی کمپنی میں بلایا گیا، آشیانہ میں گرفتارکرلیا، دوران تحقیقات گرفتاری پرنیب کوجواب دینا پڑے گا۔

مریم اورنگزیب نے کہا کہ 80 ارب کے گڑھے کھودنے والے نیب کو نظرنہیں آتے۔

انہوں نے کہا کہ تحقیقات ہورہی ہیں اس لیے ضمانت منظورکرنی چاہیے، کوئی شواہد موجود ہیں تو نیب کوریفرنس میں شامل کرنے چاہییں۔

کرپشن کیس: نیب نے شہبازشریف کو گرفتار کرلیا

یاد رہے کہ گزشتہ روز قومی احتساب بیورو( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں گرفتار کیا تھا۔

نیب کے ترجمان کا کہنا تھا کہ شہباز شریف کی گرفتاری آشیانہ ہاؤس اسکینڈل میں غیرقانونی ٹھیکے دینے پرگرفتارکیا گیا۔

راولپنڈی : مسلم لیگ ن کی رہنما مریم اورنگزیب نے مطالبہ کیا ہے کہ اڈیالہ جیل میں ملاقات کیلئے دو دن مختص کئے جائیں، ہم میاں صاحب سے حوصلہ لے کرآتے ہیں وہ پر عزم ہیں۔

تفصیلات کے مطابق مسلم لیگ ن کی رہنما مریم اورنگزیب نے میڈیا سے بات کرتے ہوئے کہا کہ میاں صاحب اور مریم نواز سے آج ملاقات کا دن ہے، اپیل ہے اڈیالہ جیل میں ملاقات کیلئے ایک دن کے بجائے دو دن مختص کئے جائیں تاکہ انتظامیہ کو مشکل نہیں ہو۔

مریم اورنگزیب کا کہنا تھا کہ ہم میاں صاحب سے حوصلہ لے کرآتے ہیں وہ پر عزم ہیں ، میاں نوازشریف کی صحت بہتر ہے، عوام نے کلثوم نواز کے لئے دعائیں کیں، نواز شریف شکریہ ادا کررہے تھے۔

انھوں نے کہا الیکشن کے نتائج پر ساری جماعتوں کو تحفظات ہیں، الیکشن کمیشن کی ذمے داری ہے سب چیزوں کا جواب دے اور تحفظات دور کرے۔

مزید پڑھیں : عمران خان نے پاکستان کےعوام کا ووٹ چوری کیا ہے، مریم اورنگزیب

یاد رہے چند روز قبل ن لیگی رہنما کا کہنا تھا کہ نواز شریف پر کسی قسم کی کرپشن ثابت نہیں ہوئی، عمران خان خود ساختہ وزیراعظم بن بیٹھے ہیں، عمران خان نے پاکستان کے عوام کا ووٹ چوری کیا ہے.

انھوں نے کہا تھا کہ ن لیگ الیکشن دھاندلی کےتمام ثبوت سامنے لائے گی، احتجاج میں ن لیگ کے تمام ٹکٹ ہولڈرز شریک ہوں گے، احتجاج کرنا ہمارا آئینی اور قانونی حق ہے۔

مریم اورنگزیب کا کہنا تھا کہ حکومت بننےکے بعد پارلیمنٹ کا مشترکہ اجلاس بلانے کا مطالبہ کیا جائے گا، پارلیمنٹ کےمشترکہ اجلاس میں وائٹ پیپر لایا جائے گا۔