اسلام آباد : وزیراعظم نواز شریف کی صاحبزادی مریم نواز کا کہنا ہے کہ بائیس اپریل کو وزیراعظم نے ہی سپریم کورٹ سے کمیشن بنانے کی درخواست کی تھی، ملک پرایک اورحملہ مکمل ناکام ہوگیا ہے۔
تفصیلات کے مطابق وزیراعظم کی صاحبزادی مریم نواز شریف کا سماجی رابطے کی ویب سائٹ ٹوئٹر پر اپنے پیغام میں کہنا ہے کہ بات ریکارڈ پر ہے کہ وزیراعظم نے ہی بائیس اپریل کو سپریم کورٹ سے کمیشن بنانے کی درخواست کی تھی۔
Let this be on record that it was the Prime Minister who requested the honourable Supreme Court for a commission on 22nd April, 2016.
— Maryam Nawaz Sharif (@MaryamNSharif) November 1, 2016
مریم نواز نے پاکستان تحریک انصاف کے چیئرمین عمران خان کی جانب سے دھرنے کی کال مؤخر کرنے پر کہا کہ ملک پر ایک اور حملہ مکمل ناکام ہوگیا، انھوں نے امید ظاہر کی کہ فوراً پسپا ہونے والے شرمندگی سے سبق سیکھیں گے۔
Another assault on the country comes to a naught. I hope against hope that those beating a hasty retreat will learn from the embarrassment.
— Maryam Nawaz Sharif (@MaryamNSharif) November 1, 2016
مریم نواز کا کہنا تھا کہ لوگوں کی عزتیں اچھالنے سے کبھی عزت ملتی اورنہ ہی سازشیں کرنے سے کبھی کامیابی نہیں ملتی ہے۔
لوگوں کی عزتیں اچھالنے سے کبھی عزت نہیں ملتی ….
سازشیں کرنےسے کبھی کامیابی نہیں ملتی ….
— Maryam Nawaz Sharif (@MaryamNSharif) November 1, 2016
مزید پڑھیں: تحریک انصاف کل یوم تشکر منائے گی
پاکستان تحریک انصاف کے چیئرمین عمران خان نے اسلام آباد دھرنا مؤخر کرتے ہوئے اسلام آباد پیریڈ گراؤنڈ میں یوم تشکر منانے کا اعلان کیا انکا کہنا تھا کہ سپریم کورٹ نے ہمارا مقصد پورا کردیا ہے۔
مزید پڑھیں : پانامہ لیکس کیس ، سپریم کورٹ کا فریقین سے تحریری جواب طلب
یاد رہے گزشتہ روز پانامہ لیکس سے متعلق کیس کی سماعت میں سپریم کورٹ نے پانامالیکس کی تحقیقات کے لئے کمیشن بنانے کی تجویز دی تھی جبکہ وزیراعظم اوران کے اہلخانہ کو2 دن میں جواب داخل کرانے کا حکم دیا اور فریقین سے ٹی اوآرز اور کمیشن کی تجویز تحریری طور پر طلب کرلی ہے۔
