ARYNews.tv | Urdu – Har Lamha Bakhabar

Tag: Maryam orangzaib

  • عمران خان صاحب کو گولی نہیں غم لگا ہوا ہے، مریم اورنگزیب

    عمران خان صاحب کو گولی نہیں غم لگا ہوا ہے، مریم اورنگزیب

    اسلام آباد : وفاقی وزیر اطلاعات مریم اورنگزیب نے کہا ہے کہ چیئرمین پی ٹی آئی کے خطاب سے یقین ہوگیا کہ ان کو کوئی گولی نہیں لگی، عمران خان صاحب کو گولی نہیں غم لگا ہوا ہے۔

    ان خیالات کا اظہار انہوں نے چیئرمین پی ٹی آئی عمران خان کے خطاب کے ردعمل میں پریس کانفرنس سے خطاب کرتے ہوئے کیا۔

    مریم اورنگزیب نے کہا کہ عمران خان صاحب عوام پاگل اوربےوقوف نہیں ہیں، آپ کا لانگ مارچ ورک فروم ہوم تک محدود ہوگیا ہے، عمران خان صاحب کو گولی نہیں غم لگا ہوا ہے۔

    مریم اورنگزیب نے کہا کہ پاکستان کی تاریخ میں پہلی بار تحریک عدم اعتماد کامیاب ہوئی ہے، اسی آئینی طریقے سے عدم اعتماد کے ذریعے عمران خان کو ہٹایا گیا۔

    توشہ خانہ گھڑی کے حوالے سے وفاقی وزیر اطلاعات نے کہا کہ گھڑی کی سستی ویلیوایشن کرائی گئی، گھڑی نے ان کی اوقات بتادی ہے، آپ یو کے اور یو اے ای عدالتوں میں کیوں جارہے ہیں یہیں رسیدیں دے دیں۔

    انہوں نے کہا کہ گھڑی بیچنے کے لئے فرح خان اور شہزاد اکبر سہولت کار بنے، گھڑی کے پیسے منی لانڈرنگ کرکے ملک لائے گئے، عمر فاروق کے ہاتھ میں جو گھڑی ہے وہ کہاں سے آئی؟

    مریم اورنگزیب کا کہنا تھا کہ آپ سب کو چور چور کہتے رہے، چار سال آپ کی حکومت رہی سب مخالفین کو جیلوں میں ڈالا تھا، چیئرمین نیب کو عمران خان نے ویڈیوز کے ذریعے بلیک میل کیا۔،

    انہوں نے کہا کہ جوشخص انصاف کی بات کررہا ہے اس کے صوبے کے پی میں تو گزشتہ 10سال سے احتساب کمیشن بند ہے، آپ کے دور میں ترکی، یواے ای کی سرمایہ کاری بند رہی ہے۔

    وزیر اطلاعات نے مزید کہا کہ وزیر اعظم شہباز شریف جہاں جاتے ہیں ان کی گھٹیا باتیں سنائی جاتی ہیں، عمران خان نے سی پیک کے پراجیکٹس بند کرا دیئے۔

  • واقعے کو سیاسی رنگ دینے کی کوشش نہ کی جائے، مریم اورنگزیب

    واقعے کو سیاسی رنگ دینے کی کوشش نہ کی جائے، مریم اورنگزیب

    اسلام آباد : وفاقی وزیر اطلاعات مریم اورنگزیب نے کہا ہے کہ لانگ مارچ میں فائرنگ کے واقعے کی سختی سے مذمت کرتی ہوں، قائمہ کمیٹی کے چیئرمین فیصل جاوید بھی زخمی ہوئے ہیں۔

    مریم اورنگزیب نے کہا کہ واقعے کو سیاسی رنگ دینے کی کوشش نہ کی جائے، انتہائی افسوسناک واقعہ ہے جس کی جتنی مذمت کی جائے کم ہے، پنجاب پولیس،انتظامیہ،انٹیلی جنس تحقیقات کرکے حقائق سامنے لائیں۔

    وفاقی وزیر اطلاعات کا کہنا تھا کہ یہ واقعہ پنجاب حکومت کی حدود میں ہوا ہے، وزیر اعظم شہباز شریف نے ابتدائی رپورٹ بھی طلب کرلی ہے، قیاس آرائیاں نہیں ہونی چاہئیں،یہ حساس معاملہ ہے۔

    انہوں نے کہا کہ وزیرداخلہ رانا ثناءاللہ پنجاب حکومت، آئی جی، اور چیف سیکریٹری سے رابطے میں ہیں، پنجاب حکومت جس طرح کا تعاون چاہے، وفاق فراہم کرے گا، ہم پنجاب حکومت کی رپورٹ کاانتظار کررہے ہیں۔

    مریم اورنگزیب کا کہنا تھا کہ جیسے ہی کوئی مصدقہ اطلاع موصول ہوتی ہے میڈیا کے ساتھ شیئر کی جائے گی، سیاسی میدان خونی میدان نہیں بننےچاہئیں، پنجاب حکومت کرائم سین کو فوری سیل کرے۔

    ان کا کہنا تھا کہ کرائم سین سے ہی تفتیش اور تحقیقات کا آغاز ہوگا، غیرذمہ دارانہ بیانات سے گریز کیا جائے، پنجاب پولیس کی جانب سے کرائم سین کو سیل نہیں کیا جارہا۔

    وفاقی وزیر نے کہا کہ لانگ مارچ وزیراعلیٰ پنجاب کے حلقے میں تھا انہیں چاہیے کہ فوری تحقیقات کرائیں، ایسے بیانات سے گریز کیا جائے جس سے انتشار میں اضافہ ہو۔

    مختلف سیاسی و مذہبی رہنماؤں کا واقعے پر اظہار مذمت 

    علاوہ ازیں سراج الحق، اخترمینگل، راجہ پرویز اشرف اور ڈپٹی اسپیکر زاہد اکرم درانی اور دیگر سیاسی رہنماؤں کی جانب سے چیئرمین پی ٹی آئی عمران خان پر فائرنگ کی مذمت کی گئی ہے۔

    امیر جماعت اسلامی سراج الحق نے پی ٹی آئی چیئرمین عمران خان پر حملے کو انتہائی قابل مذمت قرار دیتے ہوئے کہا ہے کہ گولی اور گالی کی سیاست مسترد کرتے ہیں۔

    سراج الحق نے کہا کہ افسوس ناک واقعے کی فوری تحقیقات کی جائیں، عمران خان اور ان کے ساتھیوں کے زخمی ہونے پر دلی رنج اور تشویش ہے۔

    انہوں نے کہا کہ عمران خان اور دیگر رہنماؤں کی جلد صحت یابی کے لیے دعا گو ہوں، سیاست کو لاٹھی، گولی سے پاک نہ کیا گیا تو حالات مزید گھمبیر ہوں گے۔

    سرداراخترمینگل کا کہنا تھا کہ عمران خان پر فائرنگ کی مذمت کرتے ہیں واقعہ افسوسناک ہے، بات چیت کے دروازے بند کردیئے جاتے ہیں۔ انہوں نے کہا کہ بیلٹ کی بجائے بلٹ پر یقین رکھا جاتا ہے، عوام کی آواز کو ایک کان سے سن کر دوسرے سے نکال دیا جاتا ہے۔

    اسپیکر و ڈپٹی اسپیکر قومی اسمبلی راجہ پرویز اشرف اور زاہد اکرم درانی نے کنٹینر پر فائرنگ کی مذمت کرتے ہوئے کہا کہ پیش آنے والا واقعہ انتہائی افسوس ناک ہے، انہوں نے چیئرمین پی ٹی آئی عمران خان اور دیگر رہنماؤں کے زخمی ہونے پر دکھ کا اظہار کیا۔

    اس کے علاوہ مقبوضہ کشمیر کی سابق وزیر اعلیٰ محبوبہ مفتی نے فائرنگ سے عمران خان کے زخمی ہونے کے واقعے پر اظہار مذمت کیا ہے۔ سماجی رابطے کی ویب سائٹ ٹوئٹر پر اپنے جاری بیان میں محبوبہ مفتی نے کہا ہے کہ عمران خان پر بزدلانہ حملے پر اظہار مذمت کرتی ہوں۔

  • بیرونی سازش : حکومت نے انکوائری کمیشن بنانے کا اعلان کردیا

    بیرونی سازش : حکومت نے انکوائری کمیشن بنانے کا اعلان کردیا

    اسلام آباد : حکومت نے عمران خان کے بیرونی سازش کے الزام پر انکوائری کمیشن بنانے کا اعلان کردیا۔

    وفاقی وزیر اطلاعات مریم اورنگزیب نے اسلام آباد میں پریس کانفرنس کرتے ہوئے کہا ہے کہ عمران خان کے خلاف کوئی بیرون ملک سازش نہیں ہوئی، جب اپنے اتحادی چھوڑ جائیں تب آپ کو یاد آیا کہ بیرونی سازش ہوئی۔

    مریم اورنگزیب کا پریس کانفرنس کرتے ہوئے کہنا تھا کہ انکوائری کمیشن غیر جانبدار ہوگا جو شفاف طریقے سے ان الزامات کی آزادانہ تحقیقات کرے گا اور کمیشن کی جانب سے جو بھی فیصلہ ہوگا اس کے بعد وہ لوگ جنھوں نے ملک کو جھوٹی سیاست کے لیے استعمال کیا انھیں قانون کے کٹہرے میں لایا جائے گا۔

    مریم اورنگزیب کے مطابق انکوائری کمیشن کے لیے ایسا سربراہ مقرر کیا جائے گا جس پر کوئی بھی انگلی نہیں اٹھا سکے گا۔

    وزیر اطلاعات کا کہنا تھا کہ عمران خان کےدورحکومت میں نالائقی اورلوٹ مارکا بازارگرم تھا، افسران کے ذریعے پیسے کمائے گئے، ایک ایک تفصیل آچکی ہے، صبح شام بیرون ملک سازش کا تماشا فرح گوگی بچاؤ تحریک ہے، آپ قوم کو بے وقوف نہیں بنا سکتے۔

    مریم اورنگزیب کا کہنا تھا کہ یہ بیرونِ ملک سازش کا رونا نہیں یہ فرح بچاؤ کا ماتم ہے، معاشی دہشت گرد، معاشی بارودی سرنگیں بچھانے والے نالائقی کا ماتم کر رہے ہیں، سازشی ٹولے نے 4 سال ملک کو لوٹا اور عوام کے خلاف سازش کی، اس ٹولے نے 4 سال خزانہ اورتوشہ خانہ لوٹا۔

    انھوں نے کہا کہ تباہ حال معیشت، بیروزگاری، بدترین مہنگائی کی وجہ عمران صاحب کی کرپشن اور لوٹ مار ہے، عمران خان کے دور میں آٹا،چینی،گھی، دوائی اور کھاد کی قیمت تاریخ کی بلند ترین سطح پر رہی۔

  • معاشی دہشت گرد اپنی نالائقی کا ماتم کررہے ہیں، مریم اورنگزیب

    معاشی دہشت گرد اپنی نالائقی کا ماتم کررہے ہیں، مریم اورنگزیب

    اسلام آباد : وزیر اطلاعات مریم اورنگزیب نے کہا ہے کہ معاشی دہشت گرد اپنی نالائقی کا ماتم کررہے ہیں، مہنگائی بلند ترین سطح پر ہونے کی وجہ سابق حکمرانوں کی نااہلی ہے۔،

    فواد چوہدری کے حالیہ بیان پر اپنے ردعمل کا اظہار کرتے ہوئے وزیراطلاعات مریم اورنگزیب نے کہا کہ سازشی ٹولے نے چار سال ملک لوٹا اورعوام کے خلاف سازش کی۔

    مریم اورنگزیب کا کہنا تھا کہ سازشی ٹولے والے اب چیخیں مار کے وقت گزار رہے ہیں، تباہ معیشت، بےروزگاری کی وجہ سابق حکمرانوں کی کرپشن ہے۔

    وزیر اطلاعات نے کہا کہ گزشتہ دور میں آٹا، چینی، گھی دوا کھاد کی قیمت بلند ترین سطح پر رہی، شہباز شریف نے چار سال سے ستائےعوام کو2ہفتے میں ریلیف دیا۔

    انہوں نے کہا کہ ایک کلوچینی کے لیے ماؤں، بہنوں، بیٹیوں کی قطاریں نہیں لگیں،4سال بعد صرف2ہفتے میں سستا آٹا، چینی اور گھی مل رہا ہے۔

    مریم اورنگزیب کا کہنا تھا کہ سعودی عرب اور یواے ای سے کاروباری شراکت داریاں ہو رہی ہیں، ہم عمران صاحب کا پھیلایا ہوا گند اور غلاظت صاف کر رہے ہیں

    وفاقی وزیرنے کہا کہ آج ایندھن کی قیمتوں کےبوجھ کی وجہ سابق حکومت ہے، شہباز شریف عمران خان کی نالائقی کے بوجھ سے
    ہرممکن بچارہے ہیں،4سال بعد سستی چینی آٹا اور گھی مل رہا ہے، کارٹلزاور مافیا مسلط نہیں۔

  • مریم اورنگزیب روزہ رکھ کر جھوٹ بولتی ہیں، شہباز گل کا ٹوئٹ

    مریم اورنگزیب روزہ رکھ کر جھوٹ بولتی ہیں، شہباز گل کا ٹوئٹ

    اسلام آباد : پاکستان تحریک انصآف کے رہنما ڈاکٹر شہباز گل نے کہا ہے کہ وزیر اطلاعات مریم اورنگزیب ایک چھوٹی خاتون ہیں انہوں نے سرکاری گاڑی کے متعلق بھی جھوٹ بولا۔

    سماجی ربطے کی ویب سائٹ ٹوئٹرپر پر جاری اپنے تازہ پیغام میں ان کا کہنا ہے کہ سابق وزیر اعظم کو ملنے والی سرکار کی ملکیت ہے اور رہے گی۔

    انہوں نے کہا کہ مریم اورنگزیب نے ایک بار پھر جھوٹ بولا ہے، یہ بلٹ پروف گاڑی سابق وزیراعظم کو سیکورٹی کے لیے ملتی ہے۔

    شہبازگل کا ٹوئٹ میں مزید کہنا تھا کہ مذکورہ گاڑی دیگر تمام سابق وزرائے اعظم کو ملی ہوئی ہے، یہ عورت اتنی جھوٹی ہے کہ روزہ رکھ کربے شرمی سے جھوٹ بولتی ہے۔

    واضح رہے کہ مریم اورنگزیب نے الزام عائد کیا تھا کہ سابق وزیر اعظم عمران خان توشہ خانہ گھڑی کے علاوہ ایک بی ایم ڈبلیو گاڑی بھی اپنے ساتھ لے گئے ہیں۔

  • چچا بھتیجی میں اقتدار کی لڑائی میڈیا تک پہنچ گئی، شہباز گل

    چچا بھتیجی میں اقتدار کی لڑائی میڈیا تک پہنچ گئی، شہباز گل

    اسلام آباد : وزیر اعظم کے معاون خصوصی ڈاکٹر شہباز گل نے کہا ہے کہ آج کی پریس کانفرنس کے بعد ن اور ش کا فرق واضح ہوگیا، ہم نے پہلے ہی اس لڑائی کے بارے میں اگاہ کردیا تھا۔

    ن لیگ کی رہنما مریم اورنگزیب کے بیان پر اپنا رد عمل ظاہر کرتے ہوئے ڈاکٹر شہباز گل نے کہا کہ آج کی پریس کانفرنس کے بعد ن اور ش کا فرق واضح ہوگیا ہے۔

    انہوں نے کہا کہ پریس کانفرنس سے واضح ہوگیا نااہل لیگ میں بیانیہ نااہل کا ہی چلے گا، یہ پریس کانفرنس دراصل نااہل مریم صفدر کا ن لیگ پر قبضے کا اعلان تھا۔

    شہباز گل کا کہنا تھا کہ ہم27جولائی کو بذریعہ ٹوئٹر پیغام چچا اور بھتیجی کی اس لڑائی کی اطلاع دے چکے تھے، چچا بھتیجی میں اقتدار کی لڑائی گھر سے نکل کر میڈیا کی زینت بنی ہے۔

    انہوں نے کہا کہ واضح ہوا کہ نااہل لیگ میں گالم گلوچ ،گلو بٹوں کی سیاسی سوچ والے ہی اہل ہوں گے، چوری کے مال پر چوروں میں پھوٹ پڑ چکی ہے، آج ثابت ہوا کہ ن لیگ پر حق صرف نواز شریف اور ان کے بچوں کا ہے۔

  • پاکستان ترقی اور اپوزیشن تنزلی کی راہ پر گامزن ہے، مسرت چیمہ

    پاکستان ترقی اور اپوزیشن تنزلی کی راہ پر گامزن ہے، مسرت چیمہ

    لاہور : ترجمان پنجاب حکومت مسرت چیمہ نے کہا ہے کہ وزیر اعظم عمران خان نے ثابت کیا ہے کہ جمہوری نظام میں حکومتیں عوام کو جوابدہ ہیں، پاکستان ترقی راہ پر اور اپوزیشن جماعتیں تنزلی کی راہ پر گامزن ہیں، 

    یہ بات انہوں نے ن لیگ کی رہنما مریم اورنگزیب کے بیان پر اپنے رد عمل میں کہی، انہوں نے کہا کہ پاکستان ترقی راہ پر اور اپوزیشن جماعتیں تنزلی کی راہ پر گامزن ہیں، حکومت کی کارکردگی سے اپوزیشن کی سیاست بوسیدہ لاش کی مانند ہوچکی ہے، قومی خزانے میں نقب لگانے والوں کے ہاتھ روکنا بھی موجود ہ حکومت کی بڑی کامیابی ہے.

    ترجمان پنجاب حکومت کا کہنا تھا کہ حکومت نے ملکی معیشت سمیت مختلف محاذ پر کامیابی قوم کے سامنے رکھ دی ہے، وزیر اعظم عمران خان نے یہ ثابت کیا ہے کہ جمہوری نظام میں حکومتیں عوام کو جوابدہ ہوتی ہیں۔

    مسرت چیمہ کا مزید کہنا تھا کہ حکومت نے کبھی دودھ اور شہد کی نہریں بہانے کا دعویٰ نہیں کیا، پی ٹی آئی حکومت کے پہلے2سال انتہائی مشکل تھے اب اچھے دن شروع ہوچکے۔

    واضح رہے کہ اس سے قبل مسلم لیگ ن کی ترجمان مریم اورنگزیب نے اسلام آباد میں صحافیوں سے گفتگو کرتے ہوئے کہا تھا کہ موجودہ حکومت کی دو سالہ کارکردگی بدترین، مایوس کن اور کرپٹ ترین ہے،کرپٹ حکومت کے دو سال مکمل ہونے پر عوام سے افسوس کا اظہار کرتے ہیں۔

    حکومت کی 2 سال کی کارکردگی کو تنقید کانشانہ بناتے ہوئے انہوں نے کہا کہ دو سال سے ملک پر نااہل ترین حکمران مسلط ہیں دو سال پاکستان اور عوام کے لیے قیامت بن کر گزرے ہیں ،حکومت نے مہنگائی، بے روزگاری، بھوک اور افلاس دی۔

    انہوں نے کہاکہ اپوزیشن میں جو بھی بولے گا اس پر نیب مسلط کر دیاجاتا ہے،پی ٹی آئی کے دو سالہ دور حکومت میں آٹے اورچینی سمیت دیگر اشیائے ضروریہ کی قیمتوں میں نمایاں اضافہ ہوا۔

  • یوتھ پروگرام : عثمان ڈار نے مریم اورنگزیب کو مناظرے کا چیلنج دے دیا

    یوتھ پروگرام : عثمان ڈار نے مریم اورنگزیب کو مناظرے کا چیلنج دے دیا

    اسلام آباد : وزیراعظم کے معاون خصوصی عثمان ڈار نے کہا ہے کہ نواز شریف کا یوتھ پروگرام سوائے لیپ ٹاپ کی تقسیم کے کچھ نہیں تھا، مریم اورنگزیب کو مناظرے کا چیلنج دیتا ہوں۔

    یہ بات انہوں نے اسلام آباد میں میڈیا سے گفتگو کرتے ہوئے کہی، یوتھ پروگرام سے متعلق ن لیگی رہنما مریم اورنگزیب کے بیان پرحکومتی رد عمل دیتے ہوئے وزیراعظم کے معاون خصوصی عثمان ڈار نے مریم اورنگزیب کو مناظرے کا چیلنج دے دیا۔

    انہوں نے کہا کہ نواز شریف کا یوتھ پروگرام سوائے لیپ ٹاپ کی تقسیم کے کچھ نہیں تھا، لیگی حکومت میں نوجوانوں کو ہنر سکھایا گیا نہ روزگار کے مواقع ملے،5سال نوجوانوں کو لیپ ٹاپ جیسی ٹرک کی بتی کے پیچھے لگا کر رکھا گیا۔

    انہوں نے کہا کہ نواز شریف نے یوتھ پروگرام میں بغیر منصوبہ بندی قوم کے ٹیکس کا پیسہ بے دریغ ضائع کیا، مریم اورنگزیب کو یوتھ پروگرام پر مناظرےکا چیلنج کرتا ہوں، مریم اورنگزیب من پسند ٹی وی چینل اور اینکر کے ساتھ پروگرام کر لیں۔

    عثمان ڈار نے کہا کہ مریم اورنگزیب قوم کو بتائیں کہ نواز دور میں پاکستان گلوبل یوتھ انڈیکس میں نیچے کیوں گیا؟ یوتھ انڈیکس میں79سے154ویں نمبر تک تنزلی کیوں ہوئی؟ مریم بتائیں کہ ن لیگی دور میں یوتھ پروگرام سے کتنے نوجوانوں کو روزگار دیا؟

    معاون خصوصی نے کہا کہ وزیر اعظم کا یوتھ پروگرام نوجوانوں کو بااختیار بنانے کا منصوبہ ہے،  اسےکم از کم اتنا بااختیار بنائیں گے نوجوان لیپ ٹاپ خود خرید سکیں، ہنر، تربیت،ٹریننگ اور روزگار کی فراہمی سے نوجوانوں کا مستقبل بنارہے ہیں۔

  • ن لیگ کا فیصل واوڈا سے استعفے کا مطالبہ، ٹاک شو پر پابندی مسئلہ کا حل نہیں

    ن لیگ کا فیصل واوڈا سے استعفے کا مطالبہ، ٹاک شو پر پابندی مسئلہ کا حل نہیں

    اسلام آباد : ن لیگ کی رہنما مریم اورنگزیب کا کہنا ہے کہ فیصل واوڈا نے اپنی پارٹی کے حکم اور ہدایت پر  بوٹ لانے والی حرکت کی، ٹاک شو پر پابندی اس مسئلہ کا حل نہیں، وفاقی وزیر سے استعفیٰ طلب کیا جائے۔

    تفصیلات کے مطابق مسلم لیگ ن نے ٹی وی پروگرام میں بوٹ لانے پر وفاقی وزیر فیصل واوڈا سے استعفے کا مطالبہ کردیا۔

    اس حوالے سے ن لیگی رہنما نے کہا کہ فیصل واوڈا نے جو کیا اور جو وہ کرتے ہیں اپنے قائد کے حکم پر کرتے ہیں، یہ حرکت بھی انہوں نے اپنی پارٹی کے احکامات پر کی۔

    مریم اورنگزیب نے کہا کہ24گھنٹے گزرنے کے باوجود فیصل واوڈا کیخلاف کارروائی نہیں ہوئی، وفاقی وزیر کیخلاف کارروائی کا نہ ہونا اس بات کا ثبوت ہے کہ اپنے بڑوں کے حکم پر یہ حرکت کی گئی۔

    ہمارا مطالبہ ہے کہ وزیر اعظم فیصل واوڈا سے ان کی وزارت اور قومی اسمبلی کی نشست سے استعفیٰ لیں، مریم اورنگزیب کا مزید کہنا تھا کہ فیصل واوڈا جیسے لوگوں کا پارلیمان اور کابینہ میں ہونا اس ملک کی بدقسمتی ہے۔

    پیمرا کو استعمال کرکے ٹاک شو پر پابندی سے مسئلہ حل نہیں ہوگا،16ماہ سے پیمرا کو استعمال کرکے نالائقی چھپانے کے لئے میڈیا کی آواز بند ہے، حکمرانوں کے دباؤ پر فیصل واوڈا کی بےنامی جائیداد پر اب تک نیب ایکشن نہیں ہوا۔

  • ن لیگ کے کئی لوگوں کی نوکری عمران خان پر تنقید سے پکی ہوتی ہے، زرتاج گل

    ن لیگ کے کئی لوگوں کی نوکری عمران خان پر تنقید سے پکی ہوتی ہے، زرتاج گل

    اسلام آباد : وزیر مملکت موسمیاتی تبدیلی زرتاج گل نے کہا ہے کہ ن لیگ کے کئی لوگوں کی نوکری عمران خان پر جملے کسنے اور تنقید کرنے سے ہی پکی ہوئی ہے، قوم اپنی لوٹی ہوئی دولت کاحساب چاہتی ہے۔

    ان خیالات کا اظہار انہوں نے ن لیگی رہنما مریم اورنگزیب کے حالیہ بیان کے ردعمل میں اسلام آباد میں میڈیا سے گفتگو کرتے ہوئے کیا، زرتاج گل نے کہا کہ جو لوگ کونسلر کا الیکشن تک نہیں جیت سکتے وہ عوامی لیڈر عمران خان پر تنقید کررہے ہیں۔

    ان کا کہنا تھا کہ  کچھ لوگ عوام کے مقبول ترین لیڈر پر تنقید کرکے اپنا سیاسی قد بڑھانے کی ناکام کوشش کررہے ہیں، ن لیگ کےکئی لوگوں کی نوکریاں عمران خان پر جملے کسنے اور تنقید کرنے سے ہی پکی ہوتی ہیں۔

    وزیر مملکت نے مزید کہا کہ اپوزیشن کے ترجمان اپنی صلاحیتیں بدعنوان رہنماؤں کی ترجمانی میں ضائع نہ کریں، قوم اپنی لوٹی ہوئی دولت کاحساب چاہتی ہے، قوم اچھی طرح جانتی ہے کہ آپ کے قائدین کرپٹ ہیں، چاہے ۔

    جتنا مرضی ان کا دفاع کرلیں لیکن کرپشن کا کبھی دفاع نہیں ہوتا، اس کا صرف اعتراف کیا جاتا ہے، ابھی بھی وقت ہے کہ ملکی خزانے کو لوٹنے والے قوم کی لوٹی ہوئی دولت واپس کردیں۔

    واضح رہے کہ آج اسلام آباد میں ن لیگ کی ترجمان مریم اورنگزیب نے حکومت پر کڑی تنقید کرتے ہوئے وزیر اعظم کے این آر او دینے سے متعلق بیان پر کہا تھا کہ اپوزیشن کسی قسم کی ڈکٹیشن نہیں لے گی اور نہ ہی آپ کی دھمکیوں سے ڈرے گی۔

    انہوں نے بتایا کہ حکومتی رویے کے خلاف حکمت عملی طے کرنے کیلئے سربراہی اجلاس بلانے کا فیصلہ کر لیا ہے۔