Tag: maryum nawaz

لاہور : سابق وزیراعظم کی صاحبزادی مریم نواز کا کہنا ہے کہ نواز شریف کی قیادت میں ہم سب متحد ہیں ،حمزہ شہباز سے اختلافات نہیں ،حمزہ شہباز چھوٹا بھائی ہے،  نااہلیت سے پہلےبھی اور بعد بھی نوازشریف سیاست کا محور ہیں۔

تفصیلات کے مطابق سابق وزیراعظم کی صاحبزادی مریم نواز نے میڈیا سے گفتگو کرتے ہوئے کہا کہ پارٹی رہنما اور کارکن نوازشریف کی قیادت میں متحد ہیں، الزامات کی سیاست کرنےوالوں کوناکامی ہوگی، نااہلیت سے پہلےبھی اور بعد بھی نوازشریف سیاست کا محور ہیں۔

مریم نواز کا کہنا تھا کہ حمزہ شہباز سے اختلافات نہیں ،حمزہ شہباز چھوٹا بھائی ہے، پارٹی میں اختلافات کی باتیں تیس سال سے سنتی آرہی ہوں،مخالفین کو کوئی بات نہیں ملتی تو اختلافات کی باتیں کرنے لگتے ہیں ، نواز شریف کی قیادت میں ہم سب متحد ہیں ،اختلافات کی توقع رکھنےوالوں کو مایوسی ہوگی۔

انھوں نے کہا کہ ملکی ترقی اورمعاشی استحکام کی بدولت نوازشریف دلوں میں بستےہیں، ن لیگ متحد ہے اور رہےگی، الزامات کاسلسلہ شروع ہے اور آج تک جاری ہے، اختلافات کی باتیں مخالفین کی خواہش ہے جو کبھی پوری نہیں ہوگی۔

صحافی نے مریم نواز سے سوال کیا کہ حمزہ شہباز کہتے ہیں انہیں فوج سے پیار ہے کیا آپ کو ہے، جس کے جواب میں انکا کہنا تھا کہ اداروں کو اپنی حدودمیں رہ کرکام کرناچاہیےاورباہمی احترام ہوناچاہیے، مسلم لیگ ن اب بھی وہی ہےجوپہلےتھی، ثبوت وہ تلاش کررہے ہیں، جنہیں ثبوت ملتےنہیں۔

مزید پڑھیں : انصاف کاتماشہ نہ بنائیں، سزاسنانی ہے تو سنادیں ،روز روز کی پیشیاں نہ کریں، مریم نواز

سابق وزیراعظم کی صاحبزادی کا مزید کہنا تھا کہ اپنی نوعیت کا پہلا مقدمہ ہے فیصلہ پہلے آیا، تفتیش بعد میں ہورہی ہے، پہلے سزا دی گئی اب سنا ہے ثبوت ڈھونڈے جارہےہیں ، سزاپہلے دی جاتی ہے،ثبوت بعد میں تلاش کئے جارہے ہیں نااہلی پہلے ہوئی مقدمہ بعد میں چل رہا ہے۔

انکا کہنا تھا کہ سپریم کورٹ نے خود کہا تھا کہ نیب کی موت ہوچکی ہے، معلوم نہیں نیب اب اچانک کیسے بہتر ہوگئی، ن لیگ کےکارکن پہلے سے زیادہ قوت کے ساتھ نوازشریف کیساتھ ہیں، ہمیں انصاف کی امید تو نہیں لیکن امید پر دنیا قائم ہے، جس طرح چل رہاہے اس سے ہمیں انصاف کی امید نہیں ہے۔

مریم نواز نے کہا کہ امید کرتی ہوں جمہوری حکومت اپنی مدت پوری کرے گی، عمران خان کی قسمت میں رونا،دھونا اور خوفزدہ ہونالکھا ہے تو میں کیاکرسکتی ہوںِ، مقدمہ ان پرچلایاجارہاہے جن کاپانامامیں نام ہی نہیں تھا، پارٹی اختلافات کی خبروں میں کوئی صداقت نہیں، پارٹی اگرچاہتی ہے کہ مجھےکوئی کردار ملے تواس پرعمل کروں گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔