راولپنڈی: وزیر مملکت برائے اطلاعات و نشریات مریم اورنگزیب نے کہا ہے کہ چوہدری نثار سے متعلق تمام شکوک وشہبات ڈھیر ہو گئے، وہ اپنے قائدین کے ساتھ کھڑے ہیں۔
ان خیالات کا اظہار انہوں نے میڈیا سے گفتگو کرتے ہوئے کیا، چوہدری نثار کی ن لیگ سے دوری اور ناراضگی سے متعلق مریم اورنگزیب کا کہنا تھا کہ چوہدری نثار مسلم لیگ (ن) کا اثاثہ ہیں، اور وہ اب بھی اپنے قائدین کے ساتھ ہیں۔
راولپنڈی میں منعقد ہونے والے مسلم لیگ (ن) کے میڈیا کنونشن سے متعلق انہوں نے کہا کہ راولپنڈی والے کل مریم نواز کا تاریخی استقبال کریں گے، وہ کنونشن میں ووٹ کے تقدس پر بات کریں گی۔
نوازشریف کےساتھ کھڑا نہ ہونے والا اپنا سیاسی کیریئرتباہ کرے گا‘ مریم اورنگزیب
ان کا مزید کہنا تھا کہ پنڈی کے عوام کل شہباز شریف کے تحفوں کا قرض اتاریں گے، کارکنان ملک کو ایٹمی طاقت بنانے والے قائد میاں محمد نواز شریف کے ساتھ کھڑے ہیں۔
واضح رہے کہ ایک طویل عرصے سے چوہدری نثار اور میاں نواز شریف کے درمیان دوریوں کی خبریں آرہی تھیں۔ چوہدری نثار کئی اہم میٹنگز سے بھی غیرحاضر رہے، نیز ان کے اور دیگر سینئر رہنماوں کے درمیان تلخ کلامی کا سلسلہ بھی جاری رہا۔
ماضی پررونے کے بجائےمستقبل پرتوجہ دینا ہوگی،مریم اورنگزیب
تجزیہ کاروں کا خیال ہے کہ مسلم لیگ کی صدارات میں تبدیلی اور شہباز شریف کے قائم مقام صدر بننے کے بعد چوہدری نثار پھر پارٹی کی مرکزی دھارے کی سیاست میں شامل ہوسکتے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔