لاہور: مقامی عدالت نے یوحنا آباد میں تین افراد کو کچلنے والی خاتون کی ضمانت کی توثیق کر دی۔
ایڈیشنل سیشن جج نے مریم صفدر کی درخواست ضمانت کی سماعت کی، ملزمہ کے وکیل نے مؤقف اختیار کیا کہ مریم صفدر پر ہجوم نے حملہ کر دیا تھا، جس پر جان بچانے کیلئے اس نے گاڑی دوڑائی، جس کی ٹکر سے دو تین افراد زخمی ہوئے تھے، ہلاکتوں کا الزام غلط ہے، ضمانت منظور کی جائے۔
مدعی کے وکیل نے دلائل دیئے کہ مریم صفدر نے گاڑی کی ٹکر مار کر تین افراد کو ہلاک کر دیا تھا، ملزمہ کی درخواست ضمانت منسوخ کی جائے۔
عدالت نے دلائل سننے کے بعد مریم صفدر کی ضمانت کی توثیق کر دی۔