ARYNews.tv | Urdu – Har Lamha Bakhabar

Tag: Masood Khan

  • بھارت سے تجارتی تعلقات کو انسانی حقوق سے مشروط کیا جائے: صدر آزاد کشمیر

    بھارت سے تجارتی تعلقات کو انسانی حقوق سے مشروط کیا جائے: صدر آزاد کشمیر

    برسلز: آزاد کشمیر کے صدر مسعود خان کا کہنا ہے کہ مسئلہ کشمیر پر یورپی پارلیمنٹ میں بحث کے فیصلے کا خیر مقدم کرتے ہیں، بھارت سے تجارتی تعلقات کو انسانی حقوق سے مشروط کیا جائے۔

    تفصیلات کے مطابق صدر آزاد کشمیر مسعود خان نے بیلجیئم کے دارالحکومت برسلز میں کشمیر کانفرنس سے خطاب کیا۔ مسعود خان کا کہنا تھا کہ عالمی برادری بھارت پر دباؤ ڈالے، عالمی برادری بھارت پر تجارتی و اقتصادی پابندیاں عائد کرے۔

    مسعود خان کا کہنا تھا کہ یورپین پارلیمنٹ میں 17 ستمبر کو کشمیر کی صورتحال پر بحث ہوگی، مسئلہ کشمیر پر یورپی پارلیمنٹ میں بحث کے فیصلے کا خیر مقدم کرتے ہیں۔

    انہوں نے کہا کہ مقبوضہ کشمیر میں بھارتی اقدامات عالمی امن کے لیے خطرہ ہیں، بھارت کے خلاف تجارتی اور سفری پابندیاں عائد کی جائیں۔

    وزیر اعظم آزاد کشمیر کا کہنا تھا کہ بھارت سے تجارتی تعلقات کو انسانی حقوق سے مشروط کیا جائے، بھارت پاکستان کے خلاف جوہری ہتھیار کے استعمال کی دھمکی دے رہا ہے۔

    انہوں نے مزید کہا کہ عالمی برادری بھارت کے خلاف ٹھوس سیاسی اور سفارتی اقدامات کرے۔

  • بھارتی جبر کے باوجود مقبوضہ کشمیر میں بھرپور مزاحمت جاری ہے: مسعود خان

    بھارتی جبر کے باوجود مقبوضہ کشمیر میں بھرپور مزاحمت جاری ہے: مسعود خان

    مظفر آباد: صدر  آزاد کشمیر مسعود خان نے کہا ہے کہ بھارتی جبر کے باوجود مقبوضہ کشمیر  میں بھرپور مزاحمت جاری ہے.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ کشمیری بھارت کی غلامی کسی صورت قبول کرنے کے لئے تیار نہیں، دنیا پاکستان، بھارت میں مصنوعی توازن قائم رکھنےکی پالیسی ترک کرے.

    مسعود خان نے کہا کہ عالمی برادری حق و انصاف کی بنیاد پر مسئلہ کشمیر کے حل کی کوشش کرے، بھارت نے آئینی ترامیم سے مقبوضہ کشمیر کوعملاً کالونی بنا دیا ہے، کشمیر پر قبضے کی بھارتی سازش کبھی کامیاب نہیں ہوگی.

    مزید پڑھیں: مودی کےاقدامات کے بعد کشمیرآزادی کے آخری مرحلے میں ہے ، فواد چوہدری

    حکومت کشمیریوں کی مؤثر ترجمانی کر رہی ہے، مشکل کی گھڑی میں کشمیری تنہا نہیں، 22 کروڑ پاکستانی ان کے ساتھ ہیں، بھارتی وزیراعظم نریندر مودی اکیسویں صدی کا ہٹلر ہے، بھارتی اقدامات موجودہ صدی کا نازی ازم اور فاشزم ہے.

    مسعود خان کا کہنا تھا کہ امن پسند دنیا کو بھارتی انتہا پسندی کے خلاف مل کر لڑنا ہو گا، بھارت نے پاکستان کے خلاف بیک وقت کئی محاذ کھول رکھے ہیں، عالمی برادری بھارت کے پاکستان مخالف بیانات کا نوٹس لے، کشمیریوں کی خواہشات کے برعکس مسئلہ کشمیر کاکوئی حل ممکن نہیں ہے، مسئلہ کشمیر کا حل کثیر الجہتی سفارتکاری میں مضمر ہے.

  • ظالم مودی نسل کشی کرکے کشمیریوں کو ختم کرنا چاہ رہا ہے، سردار مسعود خان

    ظالم مودی نسل کشی کرکے کشمیریوں کو ختم کرنا چاہ رہا ہے، سردار مسعود خان

    اسلام آباد : آزاد کشمیر کے صدر سردار مسعود خان نے کہا ہے کہ ظالم مودی نسل کشی کرکے کشمیریوں کو ختم کرنا چاہ رہا ہے، نسل کشی روکنا عالمی برادری کے لئے بڑا چیلنج ہے۔

    ان خیالات کا اظہار انہوں نے اسلام آباد میں ایک تقریب سے خطاب کرتے ہوئے کیا، سردار مسعود خان نے کہا ہے کہ اس وقت مقبوضہ وادی میں قیامت صغریٰ نہیں قیامت کبریٰ بپا ہے۔

    نریندر مودی مقبوضہ کشمیر کے عوام سے ان کی شناخت چھیننے کے درپے ہے، مقبوضہ کشمیر کے حوالے سے ہونے والی تقریب میں اظہار خیال کرتے ہوئے سردار مسعود احمد خان نے کہا کہ یہ مت کہیے کہ مسئلہ کشمیر فیصلہ کن مرحلے میں داخل ہو چکا بلکہ کشمیر پر ایک نئی قیامت ٹوٹی ہے۔

    مودی کے عزائم بہت خطرناک ہیں،وہ مقبوضہ کشمیر کے عوام سے شناخت چھیننے کے درپے ہے، عالمی برادری کے سامنے دوچیلنجز ہیں، پہلا یہ کہ کشمیر میں نسل کشی کو کیسے روکا جائے ؟ظالم محاصرہ کرکے کشمیریوں کو ماررہا ہے دوسرا چیلنج یہ ہے کہ مقبوضہ کشمیر کو نو آبادی بننے سے کیسے بچایا جائے؟

    انہوں نے مزید کہا کہ نو لاکھ فوجیوں نے مقبوضہ کشمیر پر حملہ کیا ہے ،مسلح افواج نے غیر مسلح لوگوں پر حملہ کیا ہے، فیصلہ ہونا تو ابھی باقی ہے،کشمیریوں کی جدوجہد کے ایک نئے باب کا اظہار ہوا۔

    مقبوضہ وادی میں کربلا بپاہے،لوگ بھوکے اور پیاسے اپنے گھروں میں قید ہیں،ان کے پاس ادویات نہیں ہیں،رسد کا کوئی سامان نہیں ہے۔

    ظالم قابض ہندوستانی فوجیوں نے 10ہزار کشمیریوں کو قید کردیا ہے، ان میں عورتیں اور بچے بھی شامل ہیں، یہ قیامت صغریٰ نہیں قیامت کبریٰ ہے۔

  • مقبوضہ وادی میں کشمیریوں سے زمینیں چھین کر ہندوؤں کو آباد کیا جارہا ہے، مسعود خان

    مقبوضہ وادی میں کشمیریوں سے زمینیں چھین کر ہندوؤں کو آباد کیا جارہا ہے، مسعود خان

    اسلام آباد : صدر آزاد کشمیر مسعود خان نے کہا ہے کہ کشمیریوں سے زمینیں چھین کر ہندوؤں کو آباد کیا جارہا ہے، مقبوضہ کشمیر پر سلامتی کونسل کا اجلاس ہونا عام بات نہیں۔

    ان خیالات کا اظہار انہوں نے اسلام آباد میں برطانوی ارکان پارلیمنٹ کے ہمراہ پریس کانفرنس سے خططاب کرتے ہوئے کیا۔

    اس موقع پر صدر آزاد کشمیر مسعود خان اور برطانوی ارکان پارلیمنٹ نے جمعہ30 اگست کو برطانیہ کے ہائیڈ پارک سے بھارتی ہائی کمیشن تک کشمیریوں کے حق میں ریلی نکالنے کا اعلان کیا۔

    انہوں نے کہا کہ مقبوضہ کشمیر کے لوگ آزادی مانگ رہے ہیں،5اگست کو مقبوضہ کشمیر پر ایک نئی قیامت ٹوٹی، مقبوضہ کشمیر کیلئے جلد پوری دنیا میں ایک نیا جذبہ بیدار یوگا۔

    ان کا مزید کہنا تھا کہ کشمیریوں سے زمینیں چھین کر ہندوؤں کو آباد کیا جارہا ہے، مودی کہتا ہے کشمیریوں سے زمین چھین کر انہیں خوشحال کردوں گا، مقبوضہ کشمیر پرسلامتی کونسل کا اجلاس ہونا عام بات نہیں۔

    قبل ازیں آزاد کشمیر کے صدر مسعود خان سے برطانوی ارکان پارلیمنٹ کے وفد نے ملاقات کی، اس موقع پر گفتگو کرتے ہوئے انہوں نے کہا کہ بھارتی فوج مقبوضہ وادی میں نسل کشی کر رہی ہے۔

    پانچ اگست کے اقدام کے بعد سے دنیا نے بھارت کے جھوٹے بیانیے کو مسترد کر دیا ہے جب کہ خود انڈیا کے اندر سول سوسائٹی اور معتدل صحافیوں نے بھارت کے جارحانہ بیانیے کی مخالفت اور معصوم کشمیریوں کے حقوق کی بات کی ہے۔

  • بھارت چاہے اپنی پوری فوج لگالے ہر صورت میں آزادی لے کر رہیں گے، صدر آزاد کشمیر

    بھارت چاہے اپنی پوری فوج لگالے ہر صورت میں آزادی لے کر رہیں گے، صدر آزاد کشمیر

    اسلام آباد : آزاد کشمیر کے صدر مسعود خان نے کہا ہے کہ بھارت چاہے اپنی ساری فوج مقبوضہ کشمیر میں لگا لے پھر بھی ہم آزادی لے کر رہیں گے، دنیا میں بالآخر ہمارا بیانیہ سچا مان لیا گیا۔

    ان خیالات کا اظہار انہوں نے اسلام آباد میں مقبوضہ کشمیر کی موجودہ صورتحال سے متعلق سیمینار سے خطاب کرتے ہوئے کیا، اس موقع پر ترجمان دفتر خارجہ ڈاکٹر محمد فیصل اور دیگر اہم شخصیات بھی موجود تھیں۔

    صدرآزاد کشمیر کا اپنے خطاب میں کہنا تھا کہ پانچ اگست کے بعد عالمی اخبارات میں کشمیریوں کی آواز سنی گئی،
    یہ جنگ مقبوضہ کشمیر کی نہیں بلکہ خطے کے امن واستحکام کی جنگ ہے۔

    مقبوضہ کشمیر میں دس ہزار افراد بشمول بچوں کو گرفتار کر لیا گیا ہے۔ جارحیت ہندوستان نے کی مگر ہم اپنے دفاع کے لیے تیار ہیں، چاہے بھارت اپنی ساری فوج مقبوضہ کشمیر میں لگا لے پھر بھی ہم آزادی لے کر رہیں گے۔

    مسعود خان نے مزید کہا کہ حق کا ساتھ دینے پر بھارت کے باضمیر افراد کو سلام پیش کرتا ہوں، دو طرفہ مذاکرات سے نتائج حاصل کرنے کی کوشش نہیں کریں گے، دنیا میں بالآخر ہمارا بیانیہ سچا مان لیا گیا، پوری دنیا کے میڈیا نے پہلی مرتبہ بھارت اور مودی کو دہشت گرد کہا۔ ہم کشمیر کو ہندواتوا کا نشانہ نہیں بننے دیں گے۔

    سیمینار سے خطاب کرتے ہوئے ترجمان دفتر خارجہ ڈاکٹر محمد فیصل نے کہا کہ مقبوضہ جموں وکشمیر میں مسائل انتہائی نازک ہیں وہاں انٹرنیٹ، فون اور اطلاعات کا بند ہونا تشویشناک ہے۔ کشمیریوں کو اطلاعات تک رسائی نہ ہونے سے انتہائی گھمبیر مسئلہ پیدا ہو گیا ہے۔

  • مقبوضہ کشمیر کی خصوصی حیثیت ختم کرنےسے بھارت بے نقاب ہوگیا، صدر آزاد کشمیر

    مقبوضہ کشمیر کی خصوصی حیثیت ختم کرنےسے بھارت بے نقاب ہوگیا، صدر آزاد کشمیر

    مظفرآباد: صدر آزاد جموں و کشمیرسردار مسعود خان کا کہنا ہے کہ آرٹیکل 370 بھارت نواز جماعتوں کی وفاداریاں خریدنے کے لیے بنایا گیا تھا۔

    تفصیلات کے مطابق صدر آزاد کشمیر مسعود خان نے کہا کہ مقبوضہ کشمیر کی خصوصی حیثیت ختم کرنے سے بھارت بے نقاب ہوگیا، بھارت 70 سال سے مقبوضہ کشمیر پر قابض ہے۔

    سردار مسعود خان نے کہا کہ آرٹیکل 370 ، 35 اے کے خاتمے کا تحریک آزادی پر کوئی اثر نہیں پڑے گا، آرٹیکل 370 بھارت نواز جماعتوں کی وفاداریاں خریدنے کے لیے بنایا گیا تھا۔

    صدر آزاد جموں و کشمیرسردار مسعود خان نے کہا کہ بھارتی اقدام سلامتی کونسل کی قرارداد 91، 122 کی کھلی خلاف ورزی ہے۔

    بھارت نےمقبوضہ کشمیرکی خصوصی حیثیت ختم کردی

    یاد رہے کہ آج بھارت نے مقبوضہ کشمیرکی خصوصی حیثیت ختم کردی ، بھارتی صدر نے آرٹیکل 370 ختم کرنے کے بل پر دستخط بھی کردیے ہیں۔

    مقبوضہ کشمیرکی صورت حال پربھارتی پارلیمنٹ کا اجلاس ہوا تھا، بھارتی وزیراعظم نریندر مودی پارلیمنٹ کے اجلاس میں شریک ہوئے تھے۔

    بھارتی وزیرداخلہ امیت شاہ نے آرٹیکل 370 ختم کرنے کا بل پارلیمنٹ میں پیش کیا،بل کی تجاویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے اور 370 ختم ہونے سے مقبوضہ کشمیرکی خصوصی حیثیت ختم ہوجائے گی۔

    بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کاعہدہ ختم کرکے اختیارات کونسل آف منسٹرز کو دے دیے۔

  • جنگ مسئلہ کشمیر کا حل نہیں ہے، صدر آزاد کشمیر

    جنگ مسئلہ کشمیر کا حل نہیں ہے، صدر آزاد کشمیر

    لندن: صدر آزاد جموں و کشمیرسردار مسعود خان کا کہنا ہے کہ مسئلہ کشمیر کا حل مذاکرات اور سفارت کاری سے ممکن ہے، جنگ مسئلہ کشمیر کا حل نہیں ہے۔

    تفصیلات کے مطابق صدر آزاد جموں و کشمیرسردار مسعود خان نے برطانوی پارلیمانی وفد کے ہمراہ پریس کانفرنس کرتے ہوئے کہا کہ امریکی صدرنے مسئلہ کشمیر پر ثالثی سے متعلق بات خود سے نہیں کی۔

    مسعود خان نے کہا کہ نریندر مودی نے ابھی تک صدر ٹرمپ کے بیان کی تردید نہیں کی، خواہش ہے اس بار مسئلہ کشمیر پر سفارتی کوشش کامیاب ہوں۔ انہوں نے کہا کہ اقوام متحدہ کی قراردادیں مسئلہ کشمیر کی بنیاد ہیں، مسئلہ کشمیر کے حل کے لیے کشمیریوں کی مشاورت ضروری ہے۔

    صدر آزاد جموں و کشمیر نے مزید کہا کہ مسئلہ کشمیر کا حل مذاکرات اور سفارت کاری سے ممکن ہے، جنگ مسئلہ کشمیر کا حل نہیں ہے۔

    امریکی صدر نے کشمیر پر ثالثی کی پیشکش کر دی

    واضح رہے کہ 22 جولائی کو وائٹ ہاؤس میں وزیراعظم عمران خان سے ملاقات کے دوران امریکی صدر ڈونلڈ ٹرمپ نے مسئلہ کشمیر پر پاکستان اور بھارت میں ثالثی کی پیشکش کی تھی۔

  • بھارت نے کشمیریوں پرظلم وستم کا بازارگرم کررکھا ہے، صدرآزاد کشمیر

    بھارت نے کشمیریوں پرظلم وستم کا بازارگرم کررکھا ہے، صدرآزاد کشمیر

    مظفرآباد : صدر آزاد جموں و کشمیرسردار مسعود خان کا کہنا ہے کہ اقوام متحدہ، عالمی برادری پر کشمیریوں کی رائے کا احترام فرض ہے۔

    تفصیلات کے مطابق صدر آزاد کشمیر مسعود خان کا کہنا ہے کہ کشمیریوں کا ایک ہی مطالبہ ہے انہیں حق خودارادیت دیا جائے۔

    مسعود خان نے کہا کہ بھارت نے کشمیریوں پرظلم وستم کا بازارگرم کررکھا ہے، انتہا پسندہندوؤں، بی جے پی کا ظلم کشمیری کبھی نہیں بھول سکتے۔

    صدر آزاد کشمیر نے کہا کہ انتہا پسندہندوؤں، بی جے پی کا ظلم کشمیری کبھی نہیں بھول سکتے، جن خواتین کی بے حرمتی ہوئی وہ کیسے انتخابی عمل کا حصہ بنیں۔

    انہوں نے کہا کہ کشمیریوں کے کاروبارتباہ کرنے والی حکومت کیسی ووٹ مانگ سکتی ہے،کشمیری ظلم سہ رہے ہیں، انہیں الیکشن میں کیسے شریک کیا جا سکتا ہے۔

    مسعود خان نے کہا کہ حریت کانفرنس توپہلے ہی انتخابات کا بائیکاٹ کرچکی ہے، مقبوضہ کشمیرمیں ووٹرٹرن آؤٹ انتہائی کم رہا۔

    صدر آزاد جموں و کشمیرسردار مسعود خان نے کہا کہ اقوام متحدہ، عالمی برادری پرکشمیریوں کی رائے کا احترام فرض ہے۔

    یاد رہے کہ رواں سال یکم فروری کو صدر آزاد کشمیر کا کہنا تھا کہ مقبوضہ کشمیر میں عوام اپنی شناخت کی جنگ لڑ رہے ہیں، کشمیریوں نے بھارتی تسلط کبھی تسلیم کیا نہ کریں گے۔

  • پاکستان اور آزاد کشمیر کا دفاع پاک فوج کے مضبوط ہاتھوں میں ہے، مسعود خان

    پاکستان اور آزاد کشمیر کا دفاع پاک فوج کے مضبوط ہاتھوں میں ہے، مسعود خان

    اسلام آباد : صدر آزاد کشمیر مسعود خان نے کہا ہے کہ پاکستان اور آزاد کشمیر کا دفاع پاک فوج کے مضبوط ہاتھوں میں ہے، بھارتی طیارے گرانے پر پاک فضائیہ اور قوم کو مبارکباد پیش کرتا ہوں۔

    یہ بات انہوں نے پاک بھارت کشیدگی سے متعلق سماجی رابطے کی ویب سائٹ ٹوئٹر پر اپنے ویڈیو پیغام میں کہی، مسعود خان کا کہنا تھا کہ پاکستان اور آزاد کشمیرکا دفاع مضبوط ہاتھوں میں ہے، آزاد کشمیر کےعوام افواج پاکستان کے ساتھ ہیں۔

    آزاد کشمیر کا بچہ بچہ دفاع وطن کیلئے کٹ مرنے کو تیار ہے، افواج پاکستان چپے چپےکی حفاظت کرنے کی بھرپور صلاحیت رکھتی ہیں، نیلم سے کیل تک آزاد کشمیر کے شہری پاک فوج کے ہمراہ بھارتی فوج سے لڑنے کو تیار ہیں۔

    صدر آزاد کشمیر نے اپنے ویڈیو پیغام میں دو بھارتی طیارے گرانے پر پاک فضائیہ اور قوم کو مبارکباد بھی پیش کی۔ مسعود خان نے مزید کہا کہ بھارت نے مقبوضہ کشمیر میں دہشت گردی کے اڈے قائم کر رکھے ہیں۔

    انہوں نے کہا کہ بھارت دہشت گردی کے اڈوں سے کشمیریوں کو نشانہ بنارہا ہے، بھارت پاکستان اور کشمیریوں کی امن کی خواہش کو کمزوری نہ سمجھے، بھارت پاکستان کے خلاف جارحیت سے باز رہے، بھارت پاکستان کے خلاف کھلی اور در پردہ دہشت گردی فوری بند کرے۔

  • اقوام متحدہ کشمیر پر اپنا نمائندہ خصوصی مقرر کرے: صدر آزاد کشمیر

    اقوام متحدہ کشمیر پر اپنا نمائندہ خصوصی مقرر کرے: صدر آزاد کشمیر

    جدہ: صدر آزاد کشمیر سردار مسعود خان کا کہنا ہے کہ بھارت نے ہمیشہ او آئی سی کی کشمیر پر قراردادوں کو مسترد کیا۔ اقوام متحدہ کشمیر پر اپنا نمائندہ خصوصی مقرر کرے، او آئی سی اقوام متحدہ کی رپورٹ پر عملدر آمد کو یقینی بنائے۔

    تفصیلات کے مطابق صدر آزاد کشمیر سردار مسعود خان نے جدہ میں آرگنائزیشن آف اسلامک کو آپریشن (او آئی سی) کشمیر رابطہ گروپ کے اجلاس سے خطاب کرتے ہوئے کہا کہ بھارت نے ہمیشہ او آئی سی کی کشمیر پر قراردادوں کو مسترد کیا۔

    انہوں نے کہا کہ بھارت پلوامہ واقعے کے بعد جنگی جنون میں مبتلا ہے، مقبوضہ کشمیر میں انسانی حقوق کی خلاف ورزیوں کا سلسلہ وسیع ہے۔ گزشتہ چند دن میں 400 سے زائد کشمیریوں کو حراست میں لیا گیا۔

    صدر آزاد کشمیر کا کہنا تھا کہ پورے مقبوضہ کشمیر میں فوجی آپریشن جاری ہے، بندوق بردار بھارتی فوجی چن چن کر نوجوانوں کو شہید کر رہے ہیں۔

    انہوں نے کہا کہ اقوام متحدہ کشمیر پر اپنا نمائندہ خصوصی مقرر کرے، او آئی سی اقوام متحدہ کی رپورٹ پر عملدر آمد کو یقینی بنائے۔

    یاد رہے کہ آج صبح بھارتی ایئر فورس کی جانب سے لائن آف کنٹرول کی خلاف ورزی کی گئی، پاک فضائیہ کے بروقت ردعمل کے بعد بھارتی طیارے فرار ہوگئے۔

    ڈی جی آئی ایس پی آر میجر جنرل آصف غفور کا کہنا تھا کہ بھارتی طیاروں نے مظفر آباد سیکٹر سے دراندازی کی کوشش کی اور مظفر آباد سیکٹر میں 3 سے 4 میل اندر آئے، بھارتی طیاروں نے جلد بازی میں اپنا پے لوڈ کھلے علاقے میں گرایا، تاہم پے لوڈ گرنے سے کوئی جانی یا مالی نقصان نہیں ہوا۔

    آئی ایس پی آر نے بھارتی طیاروں کی جانب سے جلد بازی میں پھینکے گئے پے لوڈ کی تصاویر بھی جاری کردی ہیں۔

    وزیر خارجہ شاہ محمود قریشی نے پالیسی بیان میں کہا کہ بھارت نے ایل او سی کی خلاف ورزی کی، پاکستان مناسب جواب کا حق محفوظ رکھتا ہے، وزیر اعظم عمران خان نے لائن آف کنٹرول کی حالیہ صورتحال پر اجلاس بلایا ہے۔