ARYNews.tv | Urdu – Har Lamha Bakhabar

Tag: Masood Khan

  • صدرآزاد کشمیرکی کشمیری رہنماکوعالمی دہشت گرد قراردینےکی مذمت

    صدرآزاد کشمیرکی کشمیری رہنماکوعالمی دہشت گرد قراردینےکی مذمت

    مظفرآباد: آزاد جموں و کشمیر کے صدر مسعود احمد خان نے امریکہ کی جانب سےکشمیری رہنما سید صلاح الدین کو عالمی دہشت گرد قرار دینے کی مذمت کرتے ہوئےاسےکشمیریوں کے ساتھ ناانصافی قرار دیا ہے۔

    تفصیلات کےمطابق آزاد جموں و کشمیر کے صدر مسعود احمد خان نے امریکہ کی جانب سے حزب المجاہدین کے سربراہ سید صلاح الدین کو عالمی دہشت گرد قرار دینے کو کشمیریوں کے ساتھ ناانصافی قرار دیتے ہوئے قابض بھارتی فوج کو عالمی دہشت گرد قرار دینے کا مطالبہ کردیا۔

    آزاد کشمیر کا کہنا تھا کہ امریکہ ظالم کے بجائے مظلوم کا ساتھ دے اور اس متعصبانہ اور ناقص فیصلے کو واپس لے۔

    آزاد کشمیر : سید صلاح الدین پر امریکی پابندی کے خلاف احتجاج

    یاد رہےکہ گزشتہ روز مظفر آباد میں کشمیری رہنما سید صلاح الدین کو امریکہ کی جانب سے دہشت گرد قرار دینے اور ان پر لگائی جانے والی پابندیوں پر آزاد کشمیر کے دارالحکومت میں ریلی اور مظاہروں کے دوران امریکہ اور بھارت مخالف نعرے بازی کی تھی۔

    امریکہ نے کشمیری رہنماسید صلاح الدین کو عالمی دہشتگرد قرار دے دیا

    واضح رہےکہ امریکی محکمہ خارجہ نے دو روز قبل بھارتی وزیراعظم نریندر مودی کی امریکی صدر ڈونلڈ ٹرمپ سے ملاقات سے قبل مقبوضہ کشمیر میں آزادی کے لیے مصروف حزب المجاہدین کے سربراہ صلاح الدین کو خصوصی عالمی دہشت گرد قرار دیتے ہوئے پابندیاں عائد کرنے کا اعلان کیا تھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پاکستان کی مسجد اقصیٰ پر اسرائیلی حملے کی شدید مذمت

    پاکستان کی مسجد اقصیٰ پر اسرائیلی حملے کی شدید مذمت

    نیویارک: اقوام متحدہ میں پاکستان کے مستقل مندوب مسعود خان نے مسجد اقصیٰ پر اسرائیلی فوج کے حملے کی شدید مذمت کی ہے اور اقوام متحدہ سے مطالبہ کیا ہے کہ اسرائیلی مظالم بند کرانے کے لئے مؤثر اقدامات کر ے۔

    نیویارک سے جاری بیان میں اقوام متحدہ میں پاکستان کے مستقل مندوب مسعود خان نے مسجد اقصیٰ پر اسرائیلی فوج کے حملے کی شدید مذمت کرتے ہو ئے کہا ہے کہ مسجد اقصیٰ پر اسرائیلی حملے سے مقدس عبادت گاہ کی توہین کی گئی ہے، ان کا کہنا تھا کہ اسرائیلی جارحیت سے فلسطینی شہریوں کے بنیادی حقو ق سلب ہو رہے ہیں۔

    مسعود خان نے اقوام متحدہ سے اپیل کرتے ہوئے کہا کہ اقوام متحدہ اسرائیلی مظالم بند کرانے کے لئے فوری اور مؤثر کردار ادا کر ے۔

  • ایل اوسی اور ورکنگ باؤنڈری پرصورتحال تشویشناک ہے،مسعود خان

    ایل اوسی اور ورکنگ باؤنڈری پرصورتحال تشویشناک ہے،مسعود خان

    نیویارک : اقوام متحدہ میں پاکستان کے مستقل مندوب مسعود خان نے غیر ملکی چینل کو انٹرویو دیتے ہوئے کہا کہ ایل اوسی اور ورکنگ باؤنڈری پرصورتحال تشویشناک ہے، ایل اوسی اور ورکنگ باؤنڈری پر بلااشتعال بھارتی فائرنگ اور شیلنگ کا سلسلہ جاری ہے۔

    اقوام متحدہ میں پاکستان کے مستقل مندوب مسعود خان کا کہنا تھا کہ ا یل او سی اور ورکنگ باؤنڈری پر بلااشتعال بھارتی فائرنگ اور شیلنگ کاسلسلہ جاری ہے، بھارتی فائرنگ اور شیلنگ سے بہت سے پاکستانی شہری جاں بحق اور زخمی ہوئے، بھارتی فائرنگ اور شیلنگ کا سلسلہ فوری طور پر بند ہونا چاہئے۔

    انھوں نے کہا کہ ہمارے ضبط وتحمل کو کمزوری نہ سمجھا جائے، پاکستان اپنا دفاع کرنا بخوبی جانتا ہے۔

    مسعودخان کا کہنا تھا کہ پاکستان مذاکرات کےذریعے بھارت سے معاملات کو حل کرنا چاہتا ہے، وزیرِاعظم کے مشیر کا خط اقوام متحدہ کے سیکریٹری جنرل کو دے دیا ہے، سلامتی کونسل کے صدرکو بھی تشویشناک صورتحال سے آگاہ کر دیا گیا ہے اور اقوام متحدہ اس صورتحال کو باقاعدہ مانیٹر کررہی ہے ۔