ARYNews.tv | Urdu – Har Lamha Bakhabar

Tag: mass graves

  • غزہ میں اجتماعی قبریں دریافت، امریکا نے اسرائیل سے جواب طلب کرلیا

    غزہ میں اجتماعی قبریں دریافت، امریکا نے اسرائیل سے جواب طلب کرلیا

    غزہ میں اجتماعی قبریں سامنے آنے کے بعد امریکا کی جانب سے اسرائیل سے جواب طلب کرلیا گیا ہے۔

    بین الاقوامی خبر رساں ادارے کی رپورٹ کے مطابق امریکا نے غزہ کی پٹی کے 2 اسپتالوں میں اجتماعی قبروں کی دریافت کے بعد اسرائیلی حکام سے جواب طلب کرلیا ہے۔

    اس حوالے سے مشیر قومی سلامتی جیک سلیوان کا کہنا ہے کہ امریکا چاہتا ہے کہ اس معاملے کی مکمل اور شفاف تحقیقات کی جائیں۔

    واضح رہے کہ غزہ سول ڈیفنس ایجنسی کے مطابق خان یونس کے ناصر اسپتال سے 340 افراد کی اجتماعی قبر دریافت ہوئی ہے، جبکہ الشفا اسپتال کے صحن سے تقریباً 30 افراد کی اجتماعی قبر دریافت ہوئی تھی۔

    دوسری جانب امریکا نے اسرائیل کی جانب سے مغربی کنارے کی بستیوں کو قانونی حیثیت دینے کی مذمت کر دی۔

    اسٹیٹ ڈپارٹمنٹ کے ترجمان ویدانت پٹیل نے ایک نیوز بریفنگ کے دوران کہا کہ انتہائی دائیں بازو کے اسرائیلی وزیر خزانہ کی مقبوضہ مغربی کنارے میں اس وقت درجنوں غیر قانونی بستیوں کو قانونی حیثیت دینے کی کوششیں ”لاپرواہی اور خطرناک”ہیں۔

    وزیر کے اس اقدام کی رپورٹیں سب سے پہلے سنیچر کی رات مقامی اسرائیلی میڈیا میں سامنے آئیں جن میں کہا گیا تھا کہ اس نے حکومت کو ہدایت کی کہ وہ ان بستیوں کو میونسپل سروسز اور عوامی عمارتیں فراہم کرے۔

    ہم غزہ میں مزید لاشیں، اسکولوں پر بم باری نہیں دیکھ سکتے، ملالہ

    پٹیل نے یہ بھی کہا کہ واشنگٹن غزہ میں اجتماعی قبروں کی اطلاعات کے بارے میں مزید معلومات کے لیے اسرائیل کی حکومت پر دباؤ ڈال رہا ہے جس کے لیے اسرائیلی حکام نے کسی بھی قسم کی ذمہ داری سے انکار کیا ہے۔

  • لندن میں کوروناوائرس سے انتقال کرنے والے 10مسلمانوں کی اجتماعی نماز جنازہ و تدفین

    لندن میں کوروناوائرس سے انتقال کرنے والے 10مسلمانوں کی اجتماعی نماز جنازہ و تدفین

    لندن : جنوبی لندن کے علاقے میں پہلی بارمسلمانوں کی اجتماعی نمازجنازہ اورتدفین کی گئی ، کورونا وائرس سے برطانیہ میں اب تک 8 ہزار958 افراد ہلاک ہوچکے ہیں۔

    تفصیلات کے مطابق کوروناوائرس سےانتقال کرنےوالے مسلمانوں کی اجتماعی تدفین کر دی گئی،ساؤتھ لندن کے قبرستان میں10میتوں کی اجتماعی تدفین کی گئی  جبکہ تمام افرادکی نمازجنازہ بھی اجتماعی طورپرپڑھائی گئی۔

    امام مسجد کا کہنا ہے کہ برطانیہ میں پہلی بارمسلمانوں کواجتماعی تدفین کرناپڑ رہی ہے۔

    خیال رہے برطانیہ میں کورونا وائرس سے ایک دن میں نوسواسی افراد ہلاک ہوگئے، جس کے بعد کورونا وائرس سے برطانیہ میں اب تک 8 ہزار958 افراد ہلاک ہوچکے ہیں جبکہ73 ہزار 758 متاثرہیں۔

    برطانوی حکام کا کہنا ہے لاک ڈاؤن اورورک فرام ہوم کا دورانیہ ایک سال تک ہوسکتا ہے، دس میں سے نوبرطانوی شہری گھروں میں رہنے کی ہدایت پرعمل کررہے ہیں۔

    واضح رہے کورونا وائرس سے دنیا بھرمیں ہلاکتوں کی تعداد ایک لاکھ سے زائد ہوگئی جبکہ 16 لاکھ 99 ہزار632 متاثرہیں اور کے3 لاکھ چھیہترہزار303 مریض صحت یاب ہوچکے ہیں۔

    کورونا وائرس سے اٹلی میں 18ہزارسے زائد افراد جان گنوا چکے اورایک لاکھ سے زیادہ متاثرہیں، اسپین میں ہلاکتوں کی تعداد 16ہزار اکیاسی ہوگئی ہے جبکہ فرانس میں 13 ہزار جان سے گئے۔

  • میکسیکو میں اجتماعی قبر سے 35 لاشیں برآمد

    میکسیکو میں اجتماعی قبر سے 35 لاشیں برآمد

    میکسیکو سٹی : میکسیکو میں اجتماعی قبر سے 35 افراد کی باقیات ملی ہیں، زیادہ تر لاشیں ڈھانچہ بن چکی ہیں اور ناقابل شناخت ہیں۔

    بین الاقوامی خبر رساں ادارے کے مطابق میکسیکو کی ریاست جالیسکو میں اجتماعی قبر ملی ہے جس میں سے اب تک 35 افراد کی باقیات نکالی جا چکی ہیں، قدرے بہتر حالت میں موجود 27 لاشیں ہاتھ پاﺅں بندھی تھیں جن میں سے دو کی شناخت ہوگئی ہے۔

    اجتماعی قبر کے مقام پر تاحال کام جاری ہے اور اس دوران مزید لاشیں ملنے کا امکان ظاہر کیا جا رہا ہے اورہوسکتا ہے کہ اس علاقے میں مزید اجتماعی قبریں بھی ہوں۔

    میکسیکو کی یہ ریاست جرائم کا گڑھ ہے جہاں منشیات فروش گروہ اور گینگ کے درمیان جھڑپوں کا سلسلہ کافی عرصے سے جاری ہے۔حکام کا کہنا ہے کہ ملنے والی باقیات کا فرانزک لیب سے ٹیسٹ کیا جائے گا تاکہ شناخت، قتل کا وقت اور واردات قتل کا اندازہ لگایا جا سکے۔

    تحقیقاتی ٹیم اس علاقے میں مزید کچھ اور دن رکے گی اور اجتماعی قبر کی تلاش کا کام جاری رہے گا۔

    واضح رہے کہ میکسیکو میں 2006 کے آخر میں فوج کی جانب سے منشیات فروشوں اور جرائم پیشہ افراد کے خلاف آپریشن کیا گیا تھا جس کے دوران 40 ہزار افراد لاپتہ ہوئے اور تب سے اب تک مختلف جھڑپوں اور واقعات میں ڈھائی لاکھ افراد مارے جاچکے ہیں۔

  • ملائشیا میں تارکینِ وطن کی اجتماعی قبریں برآمد

    ملائشیا میں تارکینِ وطن کی اجتماعی قبریں برآمد

    کوالالمپور: ملائیشیا میں حکام نے کہا ہے کہ انھیں کئی اجتماعی قبریں ملی ہیں اور ان کے بارے میں خیال ہے کہ یہ پناہ کے متلاشی تارکینِ وطن کی ہیں۔

    وزیرِ داخلہ زاہد حمیدی کے حوالے سے اخبار ملائیشیا سٹار نے لکھا ہے کہ یہ 17 قبریں تھائی لینڈ کی سرحد کے نزدیک ان خالی کیمپوں میں سے ملی ہیں جہاں انسانی سمگلر پناہ گزینوں کو رکھتے تھے۔

    ان کو یہ معلوم نہیں تھا کہ وہاں سے کتنی لاشیں نکالی جا چکی ہیں۔

    تھائی لینڈ کے اس روٹ سے بھی بہت قبریں ملیں تھیں جہاں سے انسانی سمگلر میانمار یعنی برما سے جانیں بچا کر بھاگنے والے روہنگیا مسلمانوں کو لے کر جاتے تھے۔

    Rohingya_grave

    لیکن یہ پہلی مرتبہ ہے کہ ملائیشیا میں اجتماعی قبریں دریافت ہوئی ہوں۔

    تھائی لینڈ نے انسانی سمگلروں کے نیٹ ورک پر کریک ڈاؤن شروع کر دیا ہے۔

    برطانوی نشریاتی ادارے کی خصوصی رپورٹ میں یہ بات سامنے آئی ہے تھائی لینڈ کی پوری کی پوری برادریاں سمگلروں کی مدد کرتی ہیں۔

    انھوں نے کہا کہ تھائی لینڈ کے انسانی سمگلروں کے نیٹ ورک دوسرے سمگلروں سے تارکینِ وطن سے بھری پوری کی پوری کشیاں خرید کر انھیں اس وقت تک جنگلوں میں چھپائے رکھتے تھے جب تک ان کے خاندان تاوان ادا نہیں کرتے۔ خیال ہے کہ ہجرت کرنے والے کئی لوگ یہاں بیماریوں اور بھوک سے ہلاک ہو گئے تھے۔

    ہرسال ہزاروں لوگ تھائی لینڈ کے ذریعے ملائیشیا سمگل کیے جاتے ہیں۔