Tag: match fixing

  • میچ فکسنگ الزامات: سلیم ملک ایک بار پھر شین وارن کے نشانے پر

    میچ فکسنگ الزامات: سلیم ملک ایک بار پھر شین وارن کے نشانے پر

    کراچی: سابق آسٹریلوی لیگ اسپنر شین وارن کی نئی ڈاکیو مینٹری میں کئے گئے سنسنی خیز انکشافات نے ایک بار پھر پنڈورا باکس کھول دیا ہے۔

    اے آر وائی نیوز کے مطابق شین وارن نے سابق پاکستانی کپتان سلیم ملک پر فکسنگ کےالزامات دہرا دیئے، شین وارن نے انکشاف کیا ہے کہ سلیم ملک نے1994میں کراچی ٹیسٹ ہارنے کیلئے فکسنگ کی آفر کی، جس کے لئے ٹیسٹ میچ کےچوتھےروز سلیم ملک نےمجھ سےرابطہ کیا اور ہارنے کی صورت میں مجھےاور ساتھی کھلاڑی ٹم مے کو 2،2لاکھ ڈالرز کی پیشکش کی گئی۔

    سلیم ملک نے کہا کہ آپ اور ٹم مے میچ کے آخری روز اسٹمپ کے باہر بولنگ کرینگے اور وکٹ لینے کی کوشش نہیں کرینگے۔

    شین وارن کے مطابق سلیم ملک نے کہا آپ نہیں جانتے ہیں کہ پاکستان میں ہارنےکا مطلب کیاہے؟ سلیم ملک کہہ رہے تھے کہ ہار کی صورت میں ہمارے گھرجلا دیئےجائیں گے۔

    شین واران نے اپنی نئی ڈاکیو مینٹری میں بتایا کہ میں حیران ہوا اس وقت سمجھ نہیں آیا کیاجواب دوں؟ بعد میں میں نے پیشکش مسترد کردی اور سلیم ملک کو کہا کہ ہم یہ میچ جیتیں گے، میں نےاس واقعےکےبعد کبھی سلیم ملک سےرابطہ نہیں کیا۔

    شین وارن کی نئی ڈاکیومینٹری رواں ماہ کے آخر میں ایمیزون پرائم پر نشر کی جائے گی۔

    یاد رہے کہ دائیں بازو کے بلے باز سلیم ملک میچ فکسنگ کے الزام میں مجرم قرار پائے تھے اور سال 2000 میں ایک اسکینڈل میں عدالتی تفتیش کے بعد ان پر تاحیات پابندی عائد کردی گئی تھی۔

    آسٹریلیا کے 3 کھلاڑیوں شین وارن ، مارک وا اور ٹم مے نے ان پر الزام لگایا تھا کہ انہوں نے 95-1994 میں اپنے دورہ پاکستان کے دوران کم کارکردگی دکھانے کے لیے انہیں رشوت کی پیش کش کی تھی۔

  • میچ فکسنگ کے خلاف کیا سزا ہونی چاہیے، عاقب جاوید نے بتادیا

    میچ فکسنگ کے خلاف کیا سزا ہونی چاہیے، عاقب جاوید نے بتادیا

    لاہور : سابق ٹیسٹ کرکٹرعاقب جاوید نے کہا ہے کہ فکسنگ مافیا مضبوط اور کھلاڑی کمزور ہیں، میچ فکسنگ میں پکڑے جائے والے کھلاڑی پر تاحیات پابندی اور دس سال جیل ہونی چاہیے۔

    ان خیالات کا اظہار انہوں نے اپنے ایک ویڈیو بیان میں کیا، فکسنگ کے خلاف قانون سازی کی حمایت کرتے ہوئے انہوں نے کہا ہے کہ90 کی دہائی میں فکسنگ اور فکسرز مافیا دونوں کا عروج تھا، فکسنگ مافیا مضبوط اور کھلاڑی کمزور ہیں۔

    عاقب جاوید نے کہا کہ جو بھی فکسنگ میں پکڑا جائے، تاحیات پابندی اوردس سال جیل ہونی چاہیے، جسٹس قیوم کمیشن میں بہت کچھ چھپایا گیا جس کا بعد میں جسٹس قیوم نے اعتراف بھی کیا۔

    ان کا کہنا تھا کہ جو کھلاڑی ایک بار فکسنگ میں ملوث ہوا، پھر مافیا اسے نکلنے نہیں دیتا، جس نے بھی میچ فکسرز کے خلاف بولا اس نے نقصان اٹھایا۔

    90کی دہائی میں میچ کوکنٹرول کرنے کے لیےٹیم کے5 سے6 کھلاڑیوں کو استعمال کیا جاتا تھا۔ عاقب جاوید نے کہا کہ وسیم اکرم انہیں کھلانا نہیں چاہتے تھے، مجھےعدالت میں بولنے کی وجہ سے قتل کرنے کی دھمکیاں بھی ملتی رہیں، سلیم ملک کوموقع بھی ملنا چاہیےاور بورڈ میں نوکری بھی دینی چاہیے۔

  • عمراکمل نے میچ فکسنگ کی پیشکش کرنے والے سابق کرکٹر کو بے نقاب کردیا

    عمراکمل نے میچ فکسنگ کی پیشکش کرنے والے سابق کرکٹر کو بے نقاب کردیا

    لاہور : قومی کرکٹر عمر اکمل کو میچ فکسنگ کی پیشکش ہوئی ہے، ان کو گلوبل ٹی20 میں فکسنگ کی آفر سابق پاکستانی کرکٹر نے کی جسے انہوں نے ٹھکرا دیا۔

    تفگصیلات کے مطابق پاکستانی ٹیسٹ کرکٹر عمر اکمل نے گلوبل ٹی ٹوئنٹی کینیڈا لیگ میں فکسنگ کی پیشکش کرنے والے شخص کی رپورٹ کردی۔

    عمراکمل نے انکشاف کیا ہے کہ ٹی ٹوئنٹی لیگ کے دوران انہیں سابق پاکستانی کرکٹر منصور اختر نے خراب بیٹنگ کرنے کیلئے فکسنگ کی پیشکش کی تھی۔

    عمر اکمل کا کہنا ہے کہ فکسنگ کی فوری رپورٹ انہوں نے پاکستان کرکٹ بورڈ اور کینیڈا لیگ کے منتظمین کو کردی ہے۔

    مزید پڑھیں: ٹی ٹین لیگ میں میچ فکسنگ پر سری لنکا کے دو کھلاڑیوں پر فرد جرم عائد

    اس حوالے سے ترجمان پی سی بی کا کہنا ہے کہ منصور اختر ایک ٹیم کے آفیشلز میں شامل ہے اور گلوبل ٹی 20 لیگ کے انتظامی امور بھی دیکھ رہا ہے۔مزید تحقیقات کے بعد قانونی کارروائی کی جائے گی۔

  • تصویر بنوانے والا بعد میں غلط نکلے تو کھلاڑی کا قصور نہیں، سرفراز احمد

    تصویر بنوانے والا بعد میں غلط نکلے تو کھلاڑی کا قصور نہیں، سرفراز احمد

    دبئی: قومی کرکٹ ٹیم کے کپتان سرفراز احمد نے کہا ہے کہ بہت سارے لوگ کھلاڑیوں کو اپنے ساتھ تصویر بنوانے کی خواہش کا اظہار کرتے ہیں بعد میں اگر ایسا کوئی شخص غلط نکلے تو کھلاڑی کا کوئی قصور نہیں ہے۔

    تفصیلات کے مطابق  پاکستان کرکٹ بورڈ چیف سلیکٹر انضمام الحق نے آسٹیریلیا کے خلاف پہلے ٹی ٹوئنٹی کے لیے 11 کھلاڑیوں کے نام کا اعلان کیا جس کے مطابق ٹیم کی قیادت سرفراز احمد کریں گے۔

    اسکواڈ میں کپتان کے علاوہ فخر زمان، محمد حفیظ، بابر اعظم، حسین طلعت، آصف علی، شاداب خان، عماد وسیم، فہیم اشرف، حسن علی اور شاہین آفریدی شامل ہیں۔

    [bs-quote quote=”آسٹریلیا کے خلاف پہلے ٹی ٹوئنٹی کے لیے 11 رکنی ٹیم کا اعلان کردیا گیا” style=”style-6″ align=”left” color=”1122″][/bs-quote]

    اس موقع پر میڈیا سے گفتگو کرتے ہوئے کپتان سرفراز احمد کا کہنا تھا کہ شعیب ملک پہلےٹی 20کیلئےدستیاب نہیں ہوں گے مگر بقیہ میچز میں وہ ٹیم کا حصہ ضرور ہوں گے۔

    اُن کا کہنا تھا کہ آسٹریلوی ٹیم کا شمار دنیا کی بہترین ٹیموں میں ہوتا ہے مگر ہم اُس کےخلاف سیریزجیتنےکی بھرپور کوشش کریں گے، دوسرے ٹیسٹ میں فتح کے بعد کھلاڑیوں کا حوصلہ بلند ہوا۔

    عالمی سطح پر اٹھنے والے میگا کرپشن اسکینڈل کے حوالے سے پوچھے جانے والے سوال پر سرفراز احمد کا کہنا تھا کہ بہت سارے لوگ کھلاڑیوں سے ساتھ تصاویر بنوانے کی خواہش کا اظہار کرتے ہیں جن کا بعد میں غلط مطلب نکالا جاتا ہے۔

    کپتان کا کہنا تھا کہ ہماری کوشش یہی ہوتی ہے کہ کسی اجنبی سے ملاقات نہ کریں، اگر تصویر بنوانے کی خواہش کا اظہار کرنے والا شخص بعد میں غلط یا بکی نکلے تو اس میں کسی کھلاڑی کا کوئی قصور نہیں ہے۔

    مزید پڑھیں: عرب ٹی وی کا ٹاپ کرکٹرز کے اسپاٹ فکسنگ میں ملوث ہونے کا انکشاف

    یاد رہے کہ 21 اکتوبر کو عرب ٹی وی نے اسپاٹ فکسنگ میں ملوث نامور کھلاڑیوں کی رپورٹ اور تصاویر شائع کی تھیں، رپورٹ کے مطابق 2011 سے 2012 تک فکسنگ کے کئی معاملات طے ہوئے جن میں بھارتی بکی انیل منور ملوث رہا، مذکورہ بھارتی شہری 8 سال سے آئی سی سی کی مانیٹرنگ میں ہے۔

    الجزیرہ کی تحقیقاتی ٹیم بھارتی بکی انیل منور کے کچھ مبینہ شواہ بھی منظر عام پر لائی جس کے مطابق برطانیہ کے کچھ کھلاڑیوں نے 7 میچز میں اسپاٹ فکسنگ کی جبکہ آسٹریلیا کے کھلاڑیوں بھی پانچ میچز کی فکسنگ میں ملوث رہے۔

    دوسری جانب پاکستان کرکٹ بورڈ نے عرب ٹی وی کی کرپشن سے متعلق دستاویزی فلم کے ثبوت طلب کرلیے جبکہ انگلش اور کینگروز بورڈز نے بھی اپنے کھلاڑیوں پر عائد ہونے والے الزامات مسترد کردیے۔

    یہ بھی پڑھیں: کرکٹ میں‌ میگا کرپشن کے الزامات، پی سی بی نے عرب ٹی وی سے ریکارڈ مانگ لیا

    پاکستان کرکٹ بورڈ کا کہنا تھا کہ عرب ٹی وی نے ابھی تک ہمارے مطالبے پر کوئی دوستاویزی شواہد فراہم نہیں کیے، ثبوت کی فراہمی کے بعد ہی مذکورہ کھلاڑیوں کے خلاف کارروائی عمل میں لائی جاسکتی ہے۔

    یہ بھی یاد رہے کہ پاکستان اور آسٹریلیا کی ٹیموں کے مابین تین ٹی ٹوئنٹی سیزیز کا پہلا میچ کل ابوظہبی میں پاکستانی وقت کے مطابق رات 9 بجے کھیلا جائے گا۔

  • میچ فکسنگ میں‌ ملوث بکیز کی کثیر تعداد کا تعلق بھارت سے ہے، آئی سی سی کا انکشاف

    میچ فکسنگ میں‌ ملوث بکیز کی کثیر تعداد کا تعلق بھارت سے ہے، آئی سی سی کا انکشاف

    دبئی: انٹرنیشنل کرکٹ کونسل (آئی سی سی) اینٹی کرپشن یونٹ کے عہدیدار لیکس مارشل نے انکشاف کیا ہے میچ فکسنگ اور کھلاڑیوں کو خریدنے والے اکثر افراد کا تعلق بھارت سے ہے۔

    اینٹی کرپشن یونٹ کے مینجر یومارشل نے غیر ملکی ویب سائٹ کو انٹرویو دیتے ہوئے کہا ہے پاکستانی لیگ اسپینر دنیش کنیریا کی جانب سے میچ فکسنگ کا اعتراف اور اس کے پیچھے چھپے بکی کو سامنے لانا میرے لیے کوئی انہونی بات نہیں ہے۔

    اُن کا کہنا تھا کہ ’سنہ 2000 میں پہلی بار جب میچ فکسنگ کا اسکینڈل سامنے آیا تو تحقیقات میں یہ بات سامنے آئی کہ کرکٹ میچز کو فکس کروانے والے بیکیز میں سے اکثریت کا تعلق بھارت سے ہے‘۔

    مزید پڑھیں: سرفراز احمد کو میچ فکسنگ پر اکسانے والے شارجہ اسٹیڈیم کے سابق ملازم کو چارج شیٹ جاری

    مارشل کا کہنا تھا کہ ’ہم نے میچ فکسنگ کی تحقیقات کے دوران انگلینڈ اور سری لنکا کے ملوث کھلاڑیوں کو کرپٹ افراد کے نام اور تصاویر دکھائیں تو انہوں نے شناخت کیا، ان میں سے کچھ سری لنکا جبکہ باقی بھارتی تھے، تمام افراد کو قانونی گھیرے میں لینے کی کوشش کررہے ہیں‘۔

    اینٹی کرپشن یونٹ کے مینیجر کا کہنا تھا کہ ’ہم اس وقت فعال بکیز کے گرد گھیرا تنگ کررہے ہیں، تمام افراد کی تصاویر اور تفصیلات کھلاڑیوں کو دینے کا مقصد یہ ہے کہ ایسے لوگوں کا راستہ روکا جاسکے تاکہ سٹے بازی کا معاملہ ختم ہو‘۔

    مارشل کا کہنا تھا کہ ’آئی سی سی کی ٹیم نے 20 بکیز کی نگرانی شروع کردی جو میچ فکسنگ میں ملوث ہیں، ان لوگوں کے ساتھ خواتین بھی متحرک کردار ادا کرتی ہیں جن سے کھلاڑیوں کو ہوشیار رہنے کا مشورہ دے دیا‘۔

    واضح رہے کہ آئی سی سی اس وقت سری لنکن ٹیم کے خلاف میچ فکسنگ کی تحقیقات کررہی ہے، گزشتہ ہفتے اینٹی کرپشن کی ٹیم نے سابق کپتان جے سوریا کو طلب کیا تھا۔

    یہ بھی پڑھیں: بھارت میں میچ فکسنگ عروج پر، کھلاڑیوں کے بعد گراؤنڈ اسٹاف بھی ملوث

    اسے بھی پڑھیں: آئی پی ایل میں ایک اور میچ فکسنگ کا تنازعہ

    آئی سی سی کی جانب سے طلب کیے جانے کے باوجود سابق کرکٹر نے تعاون نہ کیا جس پر انہیں اینٹی کرپشن قواعد میں معاونت نہ کرنے کا مرتکب قرار بھی دیا گیا جبکہ جے سوریا نے اپنے اوپر عائد ہونے والے الزامات کو یکسر مسترد کردیا۔

    یہ بھی یاد رہے کہ آئی سی سی کے اینٹی کرپشن یونٹ نے حال میں مختصر طرز کی کرکٹ میں انگلینڈ اور سری لنکا کے کھلاڑیوں کے ساتھ کرپشن میں ملوث متحرک افراد کے حوالے سے معلومات جمع کیں تھیں، جن کے خلاف گھیرا تنگ کرنے کی کوشش جاری ہے۔

  • پی سی بی نے بکیز کے خلاف کبھی کارروائی نہیں کی، راشد لطیف

    پی سی بی نے بکیز کے خلاف کبھی کارروائی نہیں کی، راشد لطیف

    کراچی : سابق قومی ٹیسٹ کرکٹر راشد لطیف نے کہا ہے کہ بائیس سال سے فکسرز کیخلاف لڑ رہا ہوں، فکسنگ کی پیشکش مجھے بھی ہوئی، پی سی بی کو کئی بار آگاہ کیا لیکن کوئی کارروائی نہیں کی گئی۔

    ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا، پریس کانفرنس کے دوران سابق کپتان راشد لطیف نے بھی اہم انکشافات کردیئے۔

    سابق وکٹ کیپرراشد لطیف نے بتایا کہ انہیں 10 ویں مرتبہ بکیز کی طرف سے فکسنگ کی پیشکش ہوئی تھی جس کے بارے بورڈ کو بتایا مگر پی سی بی نے اس بارے سنجیدگی سے کبھی ایکشن نہیں لیا۔ آفرز مجھے بھی ہوئی ہیں لیکن میں نے ہمیشہ ملک کیلئے کھیلا۔

    راشد لطیف نے کہا کہ وہ بکیز اور فکسرز کیخلاف بائیس سال سے اکیلے جنگ لڑ رہے ہیں۔ بائیس سال میں ایک بکی بھی نہیں پکڑا گیا۔ ان کا کہنا تھا کہ اگر بکیز کسی کھلاڑی سے رابطہ کریں تو کھلاڑی بورڈ کو آگاہ کرنے میں گھبراتا ہے کیونکہ بکیز کیخلاف کوئی ایکشن نہیں لیا جاتا مگر کھلاڑیوں پر پابندی لگا دی جاتی ہے۔

    انہوں نے سوال کیا کہ بورڈ کا احتساب کون کرے گا ؟ بورڈ کے آفیشلز کی بھی تحقیقات ہونی چاہئیے، فکسنگ ایشو دبانے کی کوششیں کامیاب نہیں ہونے دیں گے۔

    انہوں نے کہا کہ کرکٹ کے قوانین درست کرنے کی ضرورت ہے، فکسنگ پاکستان کرکٹ کو بری طرح تباہ کررہی ہے، ان کا کہنا تھا کہ عمر امین نے پی سی بی کو اس بارے میں رپورٹ کی تھی مگر اب اسے اپنی جان کا خطرہ لاحق ہے۔

  • جاوید میاں داد کی معافی، آفریدی کا الزامات بھی واپس لینے کا مطالبہ

    جاوید میاں داد کی معافی، آفریدی کا الزامات بھی واپس لینے کا مطالبہ

    کراچی: لیجنڈ کرکٹر جاوید میاں داد کی جانب سے معافی کے اعلان کے بعد شاہد آفریدی نے کہا ہے کہ جاوید بھائی نے مجھے معاف کیا اُن کا شکریہ مگر انہیں اپنے الزامات بھی واپس لینے ہوں گے۔

    ان خیالات کا اظہار انہوں نے سماجی رابطے کی ویب سائٹ پر اپنے ایک ٹوئٹ کے ذریعے کیا۔ شاہد آفریدی کا کہنا تھا کہ میاں داد کو بڑا سمجھتا ہوں امید ہے وہ اپنے الفاظ واپس لیں گے۔

    پڑھیں:  میانداد اور آفریدی کو معاملات بات چیت سے حل کرنے چاہیں، وسیم اکرم

     شاہد خان آفریدی نے میاں داد کی جانب سے معافی کے اعلان کے جواب میں کہا کہ ’’جاوید بھائی نے مجھے معاف کیا جس پر میں اُن کا شکر گزار ہوں امید ہے کہ وہ لگائے گئے الزامات بھی واپس لیں گے‘‘۔


    انہوں نے کہا کہ جاوید بھائی کے الزامات سے مجھے، میرے خاندان اور مداحوں کو شدید صدمہ پہنچا تاہم انہوں نے یہ بھی اعلان کیا کہ ’’اگر الزامات واپس نہیں لیے گئے قانونی چارہ جوئی کے سوا کوئی راستہ نہیں بچے گا‘‘۔

    مزید پڑھیں: آفریدی نے جاوید میاں داد کے خلاف قانونی چارہ جوئی کا عندیہ دے دیا

     قبل ازیں جاوید میاں داد نے اپنے اور آفریدی کے درمیان جاری تنازع کو ختم کرنے کو اعلان کرتے ہوئے آفریدی کو معاف کرتے ہوئے کہا تھا کہ ’’شاہد آفریدی مجھ سے بہت چھوٹا ہے، اُس نے میرے خلاف غلط زبان استعمال کی جس پر مجھے بہت افسوس ہوا‘‘۔

    انہوں نے مزید کہا کہ اگر عدالتوں میں جانے کا سلسلہ شروع کیا گیا تو وہاں ثبوت پیش کرنے ہوں گے جس سے آفریدی کا تشخص بری طرح سے متاثر ہوسکتا ہے۔

    یاد رہے کہ رواں ہفتے کراچی میں پریس کانفرنس کے درمیان شاہد آفریدی نے لیجنڈ کرکٹر پر الزام عائد کیا تھا جس کے بعد جاوید میاں داد نے بھی سخت ردعمل دیتے ہوئے آفریدی پر سنگین الزامات عائد کیے تھے تاہم مداحوں کی جانب سے شدید احتجاج کے بعد شاہد آفریدی نے لیجنٹ کرکٹر سے معذرت بھی کی تھی۔ بعدازاں شاہد آفریدی نے لیجنڈ کرکٹر کے خلاف عدالت جانے کا اعلان کیا تھا۔

  • آئی پی ایل میں ایک اور میچ فکسنگ کا تنازعہ

    آئی پی ایل میں ایک اور میچ فکسنگ کا تنازعہ

    نئی دہلی : بھارت میں جاری آئی پی ایل میں میچ فکسنگ کا ایک اور تنازعہ سامنے آیا ہے لیکن اس بار جس کھلاڑی کو فکسنگ کی پیشکش ہوئی، اس نے بھارتی بورڈ کو مطلع کر دیا۔

    بھارتی میڈیا کے مطابق آئی پی ایل شروع ہونے سے قبل راجھستان رائلز کے ایک کھلاڑی کو اسکی فرسٹ کلاس ٹیم کے ساتھی نے میچ فکسنگ کی آفر کی۔

    میڈیا نے دونوں کھلاڑیوں کے نام ضیغہ راز میں رکھے البتہ اس بات کا انکشاف کیا کے کھلاڑی نے اس پیشکش کے بارے میں بھارتی بورڈ کے اینٹی کرپشن یونٹ کو فوری طور پر مطلع کر دیا۔

    بھارتی بورڈ معاملہ کی تحقیقات کر رہا ہے۔

    واضح رہے کہ دو ہزار تیرہ میں راجھستان رائلز کے شری شانتھ، انکیت چوون اور اجیت چندیلا پر اسپاٹ فکسنگ کیس میں پابندیاں عائد کی گئی تھیں۔

  • بھارتی بورڈ نے کھلاڑیوں کو آٹوگراف دینے سے منع کردیا

    بھارتی بورڈ نے کھلاڑیوں کو آٹوگراف دینے سے منع کردیا

    دہلی : آئی پی ایل میں پیسے کی ریل پیل نے بھارتی کھلاڑیوں کو پکاجواری بنا دیا ہے، پیسے کی چمک سے کھیل کی چمک دمک ماندپڑی توبھارتی انتظامیہ کوبھی ہوش آیا۔

    بھارت نےمیچ فکسنگ روکنےکےلیےنادرونایاب اقدامات کیے ہیں، بھارتی کرکٹ بورڈ نے میچ فکسنگ سے بچنے کیلئے کھلاڑیوں کو میچ کے دوران آٹو گراف دینے سے روک دیا جبکہ گراؤنڈ میں پھول لانے پر بھی پابندی لگائی جاسکتی ہے۔

    بھارتی کرکٹ بورڈ نے کھلاڑیوں کو کرپشن اور میچ فکسنگ سے بچانے کیلئے شائقین سے میل ملاپ اور آٹو گراف دینے سے منع کردیا ہے، بی سی سی آئی کا کہنا ہے کہ آٹو گراف کے بہانے کوئی بھی بکی کھلاڑیوں سے رابطہ کرسکتا ہے۔

    بھارتی بورڈ حکام کے ایس مدھاون نے بتایا کہ آئی پی ایل میں فکسنگ اسکینڈلز کی طرح ورلڈکپ میں بھی کوئی متنازعہ چیز سامنے آسکتی ہے۔ اس لیے کھلاڑیوں کو آٹو گراف دینے سے روک دیا ہے۔

    ان کا مزید کہنا تھا کہ ایونٹ کے دوران کھلاڑیوں کو آٹو گراف دینے پر پابندی عائد کرنے پر بھی غور کیا جارہا ہے۔

  • میچ فکسنگ: کرس کینزپرفردِجرم عائد کرنےکا فیصلہ

    میچ فکسنگ: کرس کینزپرفردِجرم عائد کرنےکا فیصلہ

     لندن: برطانوی پولیس نے غلط بیانی کے الزام میں نیوزی لینڈ کے سابق آل راؤنڈرکرس کینز پر فردِ جرم عائد کرنے کا فیصلہ کیا ہے۔ کرس کینز ایک اورمشکل میں پھنس گئے۔ آئی سی سی تو کرس کینز کے خلاف میچ فکسنگ کی تحقیقات کرہی رہا ہے۔

    ایسے میں میٹروپولیٹن پولیس نے سابق آل راؤنڈر کے خلاف جھوٹی گواہی دینے پر فردِ جرم عائد کرنے کا فیصلہ کیا ہے۔ کینز پر دوران تفتیش پولیس سے غلط بیانی کا الزام عائد کیا گیا ہے۔

    میڈیا رپورٹس کے مطابق کراؤن پراسیکیوشن پچیس ستمبر کو کرس کینز کے خلاف فرد جرم عائد کرے گی۔ کرس کینز کا کہنا ہے کہ کراؤن پراسیکیوشن کے فیصلے سے انہیں مایوسی ہوئی ہے۔

    وہ کبھی بھی فکسنگ کا حصہ نہیں رہے۔ کرس کینز نے کہا کہ انہوں نے کبھی کچھ نہیں چھپایا اور وہ اس بار بھی اپنی بے گناہی ثابت کرکے ہی رہیں گے۔