ARYNews.tv | Urdu – Har Lamha Bakhabar

Tag: match

  • فیفا ورلڈ کپ 2018: برازیل اور سوئٹزر لینڈ کا میچ 1-1 گول سے برابر

    فیفا ورلڈ کپ 2018: برازیل اور سوئٹزر لینڈ کا میچ 1-1 گول سے برابر

    ماسکو: روس میں کھیلے جانے والے فیفا ورلڈ کپ 2018 میں برازیل اور سوئٹزر لینڈ کا میچ 1-1 گول سے برابر ہوگیا۔

    تفصیلات کے مطابق فیفا ورلڈ کپ میں سنسنی خیز مقابلے جاری ہیں جبکہ عالمی مقابلے کے چوتھے روز برازیل اور سوئٹزر لینڈ کا میچ ایک ایک گول سے برابر ہوگیا۔

    دونوں ٹیموں کے درمیان کھیلے جانے والے میچ میں برازیل کی طرف سے کٹینیو نے میچ کے 20 ویں منٹ میں گول اسکور کیا جبکہ 50 ویں منٹ میں سوئٹزر لینڈ کے اسٹیون نے گول کر کے اسکور برابر کردیا یوں میچ فتح یا شکست کے بغیر 1-1 گول سے برابر ہوگیا۔

    قبل ازیں آج ہی کے دن فیفا ورلڈ کپ 2018 میں عالمی چیمپین جرمنی اور میکسیکو کی ٹیمیں مدمقابل آئیں جہاں میکسیکو نے عالمی چیمپین جرمنی کو شکست دے کر فیفا ورلڈ کپ 2018 کا بڑا اپ سیٹ کر دیا۔

    فیفا ورلڈ‌ کپ 2018 کا بڑا اپ سیٹ، میکسیکو نے دفاعی چیمپین جرمنی کو ٹھکانے لگا دیا

    ماہرین جرمنی کو فیورٹ قرار دے رہے تھے، مگر میکسیکو کی ’’انڈر ڈاگ‘‘ ٹیم نے جرمنی کو ٹھکانے لگا کر سب کو حیران کر دیا۔ میکسیکو کی جانب سے 35 ویں منٹ میں ہارونگ لوزینو نے خوب صورت گول داغ کر اپنی ٹیم کو برتری دلائی۔

    واضح رہے کہ فیفا ورلڈ کپ کے چوتھے روز کھیلنے جانے والے پہلے میچ میں گروپ ای کے میسربیا نے کوسٹاریکا کو ایک صفر سے شکست دے دی، میچ میں کوسٹاریکا اور سربیا کی ٹیموں نے ایک دوسرے کی پوسٹ پر متواتر حملے کیے، 56 ویں منٹ میں سربیین کپتان الیگزینڈر کولاراو نے میچ کا اکلوتا گول اسکور کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈ کپ 2018: اسپین اور پرتگال کا میچ 3-3 گول سے برابر

    فیفا ورلڈ کپ 2018: اسپین اور پرتگال کا میچ 3-3 گول سے برابر

    ماسکو: فیفا ورلڈ کپ 2018 کے دوسرے دن اسپین اور پرتگال کے درمیان کھیلا جانے والا میچ 3-3 گول سے برابر ہوگیا۔

    تفصیلات کے مطابق آج روس میں منعقد فٹبال کے عالمی مقابلے کے گروپ بی میں اسپین اور پرتگال مدمقابل آئیں تاہم میچ فتح یا شکست کے بغیر تین تین گول سے برابر ہوگیا۔

    پرتگال کی جانب سے عالمی شہرت یافتہ کھلاڑی کرسٹیانو رونالڈو نے عمدہ کارکردگی کا مظاہرہ کیا اور اپنی ٹیم کی طرف سے تینوں گول خود ہی داغے لیکن پھر بھی ٹیم فتح نہ سمیٹ سکی۔

    فیفا ورلڈ کپ 2018: یوروگوائے اور ایران کا فاتحانہ آغاز

    علاوہ ازیں آج ہی دن کھیلے گئے فیفا ورلڈ کپ کے دیگر دو میچز میں یوروگوائے اور ایران نے فاتحانہ آغاز کیا، میچز میں یوروگوائے نے مصر کو شکست دے دی، جب کہ ایران نے مراکش کو ہرا کر فتح اپنے نام کرلی۔

    خیال رہے کہ آج گروپ اے میں مصر اور یوروگوائے کی ٹیمیں آمنے سامنے تھیں، مصر کی جانب سے بہترین کھیل کا مظاہرہ کرنے کے باوجود کھیل کے آخری لمحات میں ہونے والے شان دار گول کے باعث یوروگوائے فاتح قرار پایا۔

    واضح رہے کہ گروپ اے میں شامل روس اور سعودی عرب گذشتہ روز مدمقابل آئے تھے، اس یک طرفہ میچ میں‌ روس نے پانچ سفر سے کامیابی حاصل کی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لیڈز ٹیسٹ: انگلش شیروں نے پنجے گاڑ لیے، انگلینڈ کو پاکستان پر 128 رنز کی برتری حاصل

    لیڈز ٹیسٹ: انگلش شیروں نے پنجے گاڑ لیے، انگلینڈ کو پاکستان پر 128 رنز کی برتری حاصل

    لیڈز: پاکستان اور انگلینڈ کے مابین جاری دوسرے ٹیسٹ میچ کے دوسرے روز انگلش شیروں نے گراؤنڈ میں اپنے پنجے گاڑ لیے، انگلینڈ نے پاکستان پر 128 زنز کی برتری حاصل کرلی۔

    تفصیلات کے مطابق لیڈز ٹیسٹ میچ کے دوسرے روز انگلینڈ نے عمدہ کارکردگی کا مظاہرہ کیا اور پاکستان پر ایک سو اٹھائیس رنز کی برتری حاصل جبکہ انگلش ٹیم کی تین وکٹیں اب بھی باقی ہیں۔

    مسلسل بارش نے دوسرے روز کا پہلا سیشن نہ ہونے دیا تاہم لنچ کے بعد کھیل شروع ہوا تو انگلش کھلاڑی جو روٹ اور ڈومینک بیس نے بولرز کی خوب درگت بنائی بعد ازاں 138 رنز پر محمد عامر نے انگلش کپتان کی وکٹ اڑائی۔

    لیڈز ٹیسٹ: انگلینڈ کا پلٹ کر وار، قومی ٹیم 174 رنز پر ڈھیر، انگلینڈ نے 2 وکٹوں پر 106 رنز بنالیے

    مین ڈومینک بیس 49 رنز کی اہم اننگز کھیلنے کے بعد شاداب کا شکار بنے، انگلینڈ کا کوئی بھی بلے باز 50 سے زائد رنز تو نہیں بنا سکا البتہ پر روٹ، ڈیوڈ ملان، جوز بٹلر اور بیئر اسٹو کی چھوٹی چھوٹی اننگز سے انگلینڈ کو بہت فائدہ پہنچایا جس کے باعث انہیں 128 زنر کی برتری حاصل ہے۔

    لیڈز ٹیسٹ میچ کے دوسرے روز کے اختتام پر انگلینڈ نے 302 رنز بنالئے ہیں جبکہ انگلینڈ کو پاکستان پر 128 رنز کی برتری حاصل ہے اور اس کی 3 وکٹیں اب بھی باقی ہیں جس کے باعث میچ میں کم بیک کرنے کےلیے پاکستانی بلے بازوں پر ذمہ داری آن پڑی ہے۔

    خیال رہے کہ لیڈز ٹیسٹ میچ کے پہلے روز قومی ٹیم 174 رنز پر ڈھیر ہوگئی تھی، انگلینڈ نے دن کے اختتام پر 106 رنز دو وکٹوں کے نقصان پر بنائے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • ویسٹ انڈیز نے ورلڈ الیون کو 72 رنز سے شکست دے دی

    ویسٹ انڈیز نے ورلڈ الیون کو 72 رنز سے شکست دے دی

    لندن: برطانیہ کے تاریخی گراؤنڈ میں کھیلے گئے چیرٹی ٹی ٹوئنٹی میچ میں ویسٹ انڈیز نے آئی سی سی ورلڈ الیون کو 72 زنز سے شکست دے دی۔

    تفصیلات کے مطابق چیرٹی ٹی ٹوئنٹی میچ میں ویسٹ انڈیز نے پہلے بیٹنگ کرتے ہوئے مقررہ بیس آوور میں چار وکٹوں کے نقصان پر 199 رنز بنائے جبکہ ہدف کے تعاقب میں آئی سی سی ورلڈ الیون کے تمام کھلاڑی 17 ویں اوور میں 127 رنز پر آوٹ ہوگئے۔

    ہدف کے تعاقب میں ورلڈ الیون کی جانب سے تمیم اقبال اور لیوک رانچی میدان میں آئے اور دونوں اوپنرز کھیل کے تیسرے اوور میں ہی پویلین لوٹ گئے، تمیم نے محض دو جبکہ رانچی بغیر کوئی رنز بنائے آﺅٹ ہوئے۔

    بوم بوم آفریدی آئی سی سی ورلڈ الیون کے کپتان مقرر

    بعد ازاں شعیب ملک اور تھیسارا پریرا نے 37 رنز بنائے، شعیب ملک 12رنز بنانے کے بعد برتھ وائیٹ کے ہاتھوں ایل بی ڈبلیو ہوگئے وہ صرف 12 رنز بناپائے، ورلڈ الیون کے کپتان شاہد آفریدی بھی 11رنز ہی بناپائے۔

    قبل ازیں ٹاس جیت کر ورلڈ الیون کے کپتان شاہد آفریدی نے ویسٹ انڈیز کو پہلے بیٹنگ کی دعوت دی تو ان کی طرف سے کرس گیل اور لیوس میدان میں آئے ،جہنوں نے عمدہ کارکردگی کا مظاہرہ کیا جبکہ کرس گیل شعیب ملک کے ہاتھوں ایل بی ڈبلیو ہوگئے، وہ محض 18 رنز ہی بناپائے، بہترین کھیل کا مظاہرہ کرنے کے بعد ویسٹ انڈیز نے مقررہ آوورز میں 200 رنز کا ٹارگٹ دیا تھا۔

    واضح رہے کہ آئی سی سی ورلڈ الیون کی قیادت شاہد آفریدی کر رہے تھے، جبکہ یہ ان کو آخری انٹرنیشنل میچ کا موقع دیا گیا تھا، میچ سے قبل کھلاڑیوں نے گراؤنڈ میں ان کا پرتپاک استقبال بھی کیا۔

    شاہد آفریدی کا ورلڈ الیون کی جانب سے میچ کھیلنے کا اعلان

    خیال رہے کہ ورلڈ الیون اور ویسٹ انڈیز کے درمیان اس خیراتی میچ مقصد گذشتہ سال 2017 میں جزائر غرب الہند میں ارما اور مریا نامی سمندری طوفانوں سے کرکٹ اسٹیڈیمز کو پہنچنے والے نقصانات کی تعمیر و مرمت کے لیے چندہ جمع کرنا ہے۔

    علاوہ ازیں شاہد آفریدی نے چیریٹی میچ میں شرکت کا موقع دینے پر آئی سی سی کا شکریہ ادا کیا، سماجی رابطے کی ویب سائٹ ٹوئٹر پر جاری اپنے پیغام میں اسٹار کرکٹر شاہد آفریدی کا کہنا تھا کہ کیریبئن متاثرین کی امداد کا موقع دینے پر آئی سی سی کا شکریہ ادا کرتا ہوں۔

    ان کا کہنا تھا کہ چیرٹی میچ میں شرکت میرے لیے اعزاز کی بات ہے، کرکٹ ریلیف کاز کے لیے میچ میں شرکت ہمیشہ یاد رہے گی، دریں اثنا شاہد آفریدی نے کیریبئن جزائر میں سمندری طوفان سے متاثرین کے لیے امداد کا اعلان کیا، انہوں نے متاثرین کے لیے اپنی فلاحی ادارے کی جانب سے 20 ہزار ڈالر عطیہ بھی کیے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کرکٹر بابراعظم انجری کے بعد انگلینڈ سے وطن واپس پہنچ گئے

    کرکٹر بابراعظم انجری کے بعد انگلینڈ سے وطن واپس پہنچ گئے

    لاہور: قومی کرکٹ ٹیم کے مڈل آرڈر بلے باز بابر اعظم انجری کا شکار ہونے کے بعد غیر ملکی ایئرلائن کے ذریعے انگلینڈ سے وطن واپس پہنچ گئے ہیں۔

    تفصیلات کے مطابق کرکٹر بابر اعظم انگلینڈ کے خلاف لارڈز ٹیسٹ کے پہلے میچ کے دوران کلائی میں بال لگنے سے انجری کا شکار ہوگئے تھے جس کے بعد وہ زخمی ہونے کے باعث سیزیر سے باہر ہوگئے تھے اور اب وہ وطن واپس پہنچ گئے ہیں۔

    کھلاڑی بابر اعظم غیر ملکی ایئرلائن ای کے 622 کے ذریعے لاہور ایئرپورٹ پہنچے جہاں سے وہ اپنی رہائش گاہ کے لیے روانہ ہوگئے ہیں۔

    خیال رہے کہ گذشتہ دنوں انگلینڈ کے خلاف لارڈز ٹیسٹ میچ کے دوسرے روز بابر اعظم 68 رنز بنا چکے تھے جب بین اسٹوکس کی 85 کلومیٹر فی گھنٹہ کی رفتار سے کی گئی گیند ان کی بائیں کلائی پرلگی جس کی وجہ سے کلائی میں فیچکر آگیا تھا۔

    کلائی میں فریکچر‘ بابراعظم انگلینڈ کےخلاف سیریزسے باہر

    واضح رہے کہ قومی کرکٹ ٹیم کے فزیو کلف ڈیکن نے گراؤنڈ میں آکر نوجوان بلے باز کی انجری کا معائنہ کیا تھا جبکہ میجک اسپرے سے بھی تکلیف دور نہ ہونے پر انہیں میدان سے باہر لے جانے کا فیصلہ کیا تھا۔

    بعد ازاں انہیں اسپتال لے جایا گیا جہاں ڈاکٹروں نے بابراعظم کی کلائی میں فریکچر کی تصدیق کردی جس کے بعد وہ انگلینڈ کے خلاف جاری ٹیسٹ سیریز سے باہر ہوگئے تھے۔

    لارڈز ٹیسٹ میں سلو اوور ریٹ پر پاکستانی ٹیم پر جرمانہ

    یاد رہے کہ گزشتہ روز قومی ٹیم نے انگلینڈ کو لارڈز میں کھیلے جانے والے پہلے ٹیسٹ میچ میں 9 وکٹوں سے باآسانی شکست دی تھی، 2 میچز کی سیریز کا دوسرا اور آخری ٹیسٹ میچ جمعہ یکم جون سے کھیلا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میچ کے دوران کینگرو میدان میں داخل، ویڈیو وائرل

    میچ کے دوران کینگرو میدان میں داخل، ویڈیو وائرل

    کینبیرا: آسٹریلیا میں رگبی میچ کے دوران کینگرو کی گراؤنڈ میں آمد کے باعث میچ روکنا پڑ گیا جس کی ویڈیو سوشل میڈیا پر وائرل ہوگئی۔

    تفصیلات کے مطابق آسٹریلیا میں گرمیوں کے موسم میں کھیلے جانے والے رگبی کے ٹورنامنٹ میں ویسے تو دلچسپ واقعات دیکھنے میں آتے ہیں تاہم اس بار کچھ انوکھا واقعہ پیش آیا جس نے سب کی توجہ اپنی جانب مبذول کرالی۔

    دفاعی چیمپئن اور آئرلینڈ کی ٹیموں کے مابین میچ جاری تھا کہ اچانک کھیل کو روکنا پڑا جس کی وجہ کوئی جھگڑا نہیں بلکہ میدان کے قریب واقع جنگل ٹھہری کیونکہ وہاں سے ایک کینگرو اچھلتا کودتا میدان میں داخل ہوگیا۔

    میچ کی کوریج کرنے والے کیمرہ مین نے اس تمام منظر کی ویڈیو اپنے پاس محفوظ کرلی جس میں دیکھا جاسکتا ہےکہ کینگرو کی گراؤنڈ میں آمد کے ساتھ ہی خواتین کھلاڑی اپنی جگہ پر حیرانی کے عالم میں کھڑے ہوکر  خاموشی سے سارا منظر دیکھتی رہیں، اس دوران منتظمین نے بھی کوئی اقدامات نہیں کیے۔

    کینگرو اچھلتا کودتا میدان کے ایک طرف سے داخل ہوا اور کچھ ہی دیر میں وہ گراؤنڈ کے دوسری طرف بھاگتا نظر آیا اور اچانک قریبی جنگل میں داخل ہوکر کہیں غائب ہوگیا۔ اس تمام واقعے کے بعد کھیل کو مختصر وقفے کے بعد شروع کیا گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میچ ختم ہونے کے بعد دھونی کی گھریلو ذمہ داریاں، ویڈیو وائرل

    میچ ختم ہونے کے بعد دھونی کی گھریلو ذمہ داریاں، ویڈیو وائرل

    ممبئی: بھارتی کرکٹ ٹیم کے سابق اور چینائی سپر کنگز کے موجودہ کپتان مہندر سنگھ دھونی کرکٹ کے علاوہ گھریلو ذمہ داریاں بھی بخوبی ادا کررہے ہیں جس کا ثبوت اُن کی نئی وائرل ہونے والی ویڈیو میں دیکھا جاسکتا ہے۔

    تفصیلات کے مطابق بھارت میں جاری انڈین پریمئیر لیگ کے گذشتہ روز کھیلے جانے والے میچ میں جہاں کپتان دھونی نے 70 رنز کی  زبردست اننگز کھیلی وہی انہوں نے گھر پہنچنے کے بعد بطور باپ احسن طریقے اپنی ذمہ داری سرانجام دیں۔

    چینائی سپرکنگز کے کپتان نے انسٹا گرام پر ایک ویڈیو شیئر کی جس میں دیکھا جاسکتا ہے کہ وہ گھر پہنچنے کے بعد اپنی بیٹی زیوا کے بالوں کو سکھانے اور سوارنے میں مصروف ہیں۔ دھونی نے ویڈیو شیئر کرتے ہوئے لکھا کہ ’کھیل ختم ہوگیا لہذا اب بطور باپ ڈیوٹی شروع ہوگئی‘۔

    یہ بھی دیکھیں: سابق بھارتی کپتان کے ڈانس کی ویڈیو انٹرنیٹ پر وائرل

    واضح رہے کہ مہندر سنگھ دھونی کا شمار بھارت کے اُن کامیاب ترین کپتانوں میں ہوتا ہے جنہوں نے اپنی ٹیم کی پوزیشن کو مستحکم کرتے ہوئے کئی فتوحات دلوائیں۔ بی سی سی آئی کی جانب سے 2007 میں کپتانی ملنے کے بعد جھاڑ کنڈ سے تعلق رکھنے والے کھلاڑی نے اپنی ٹیم کو دو بڑے اعزاز ات ورلڈ کپ اور چیمئنز ٹرافی کا فاتح بنوایا۔

    ویڈیو دیکھیں

    Game over, had a nice sleep now back to Daddy’s duties

    A post shared by M S Dhoni (@mahi7781) on

    قبل ازیں دھونی کی انٹرنیٹ پر ویڈیو وائرل ہوئی تھی جس میں دیکھا جاسکتا ہے کہ وہ اپنی اہلیہ کو متاثر کرنے کے لیے بالی ووڈ کی فلم کے ایک گانے پر ڈانس کررہے ہیں اور  اس دوران اُن کی اہلیہ مسلسل ہنستی رہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کامن ویلتھ گیمز، پاک بھارت ہاکی ٹیمیں کل صبح مد مقابل ہوں گی

    کامن ویلتھ گیمز، پاک بھارت ہاکی ٹیمیں کل صبح مد مقابل ہوں گی

    سڈنی : اکیسویں کامن ویلتھ گیمز میں روایتی حریف پاکستان اور بھارت کی ہاکی ٹیموں کا مقابلہ کل ہوگا، پاکستانی وقت کے مطابق یہ میچ کل صبح ساڑھے نو بجے کھیلا جائے گا۔

    تفصیلات کے مطابق آسٹریلیا میں ہونے والے اکیسویں کامن ویلتھ گیمز میں دلچسپ مقابلے جاری ہیں، گزشتہ روز پاکستان اور ویلز کے درمیان میچ ایک ایک گول سے برابر رہا تھا جبکہ اس سے قبل ویلز کی ٹیم نے بھارت کو شکست دے دی تھی۔

    گولڈ کوسٹ میں جاری کامن ویلتھ گیمز میں پاک بھارت ہاکی ٹاکرا کل بروز ہفتے کو ہوگا، قومی ٹیم کا ایونٹ میں یہ دوسرا معرکہ ہوگا، دونوں ٹیمیں مقابلے کیلئے تیار ہیں۔

    پاکستان اور بھارت کے درمیان کھیلا جانے والا معرکہ پاکستانی وقت کے مطابق کل صبح ساڑھے نو بجے شروع ہوگا، اس حوالے سے پاکستان ہاکی فیڈریشن (پی ایچ ایف) کے سیکریٹری شہباز سینیئر کا کہنا ہے کہ قومی ٹیم کے کھلاڑیوں میں بھارت کو زیر کرنے کی صلاحیت موجود ہے، میچ جیت کر پاکستانی قوم کوتحفہ دیں گے۔

    اس کے علاوہ اولمپئن نوید عالم نے میڈیا سے گفتگو کرتے ہوئے کہا کہ قومی کھلاڑیوں کے پاس بھارت کے خلاف کامیابی حاصل کرکے خود کو منوانے کا بہترین موقع ہے۔

    علاوہ ازیں کامن ویلتھ گیمز میں جاری مقابلوں میں گزشتہ روز پاکستان نے پہلا میڈل اپنے نام کیا، ویٹ لفٹنگ کی باسٹھ کلو گرام کیٹیگری میں طلحہٰ طالب نے کانسی کا تمغہ جیتا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل: فائنل کے لیے ٹریفک پلان جاری

    پی ایس ایل: فائنل کے لیے ٹریفک پلان جاری

    کراچی: نیشنل اسٹیڈیم کراچی میں معنقدہ پی ایس ایل تھری کے فائنل کے پیش نظر انتظامیہ نے ٹریفک پلان جاری کر دیا ہے۔

    تفصیلات کے مطابق وزیر ٹرانسپورٹ سندھ ناصر حسین شاہ کے ہمراہ پریس کانفرنس کرتے ہوئے ڈی آئی جی ٹریفک عمران یعقوب نے کہا کہ پی ایس ایل فائنل کے لیے سیکیورٹی وجوہات کی بناء پر مخصوص شاہراہوں کو عام ٹریفک کیلیے بند کیا جائے گا۔

    عمران یعقوب کا کہنا تھا کہ بند کیے جانے والے روٹس پر شٹل سروس چلائی جائیں گی، شٹل بسوں کے لیے تین گراؤنڈز مختص کئے گئے ہیں، وفاقی اردو یونی ورسٹی گراؤنڈ، حکیم سعید گراؤنڈ اور بیت المکرم مسجد کے سامنے اتوار بازار گراؤنڈ سے شٹل بس سروس چلے گی۔

    پی ایس ایل فائنل کے لیے سیکیورٹی انتظامات مکمل

    انہوں نے کہا کہ ڈالمیا روڈ عام ٹریفک کے لیے بند کر دیا جائے گا اور حسن اسکوائر سے اسٹیڈیم کی طرف آنے والا پل بھی عام ٹریفک کے لیے بند رہے گا۔ علاوہ ازیں نیو ٹاؤن سے بھی عام ٹریفک کا داخلہ بند ہو گا لیکن اسٹیڈیم روڈ پر واقعہ نجی اسپتالوں کے لیے ڈاکٹرز، پیرا میڈیکل اسٹاف، مریض اور ایمبولینسوں کو داخلے کی اجازت ہو گی۔

    ڈی آئی جی ٹریفک عمران تعقوب نے کہا کہ پہلا ڈائی ورژن کارساز روڈ کا ٹرننگ پوائنٹ ہے جو یونی روسٹی روڈ سے دائیں جانب ہوتا ہوا اسٹیڈیم کی طرف جاتا ہے، یہ روڈ عام ٹریفک کے لیے بند کر رہے گا، عوام سے اپیل ہے کہ وہ راشد منہاس روڈ سے مڑ کر گلشن اقبال اور لیاقت آباد 10 نمبر کی طرف جائیں۔

    پی ایس ایل فائنل، کراچی کوسجا کرکھلاڑیوں کا پرتپاک استقبال کریں گے، وسیم اختر

    ان کا مزید کہنا تھا کہ شارع فیصل پر دو طرفہ ٹریفک چلیں گی، شاہراہ قائدین، راشد منہاس روڈ بھی مکمل طور کھلا رہے گا اور شاہراہ پاکستان پر ٹریفک مکمل طور پر بحال رہے گی۔

    یاد رہے کہ پاکستان سپر لیگ کے تیسرے ایڈیشن کا فائنل 25 مارچ کو کراچی کے نیشنل اسٹیڈیم میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ٹی ٹوئنٹی کرکٹ: آسٹریلیا نے بڑے ہدف کے کامیاب تعاقب کا نیا عالمی ریکارڈ بنا لیا

    ٹی ٹوئنٹی کرکٹ: آسٹریلیا نے بڑے ہدف کے کامیاب تعاقب کا نیا عالمی ریکارڈ بنا لیا

    ویلنگٹن: آکلینڈ میں جاری سہ ملکی ٹی ٹوئنٹی سیریز میں آسٹریلیا نے نیوزی لینڈ کے خلاف بڑے ہدف 244 کو کامیابی سے عبور کر کے مختصر کرکٹ کے فارمیٹ میں عالمی ریکارڈ بنا لیا۔

    تفصیلات کے مطابق نیوزی لینڈ نے پہلے بیٹنگ کرتے ہوئے 6 وکٹوں کے نقصان پر 243 رنز بنائے جس کے جواب میں آسٹریلیا نے جارحانہ کھیل کا مظاہرہ کیا اور مقررہ ہدف 7 گیندوں سے قبل ہی حاصل کر لیا۔

    سہ ملکی ٹی ٹوئنٹی سیریز، کانٹے دار مقابلے کے بعد نیوزی لینڈ نے انگلینڈ کو شکست دے دی

    ایڈن پارک میں کھیلے گئے میچ میں نیوزی لینڈ نے پہلے بیٹنگ کرتے ہوئے 18 چھکوں کی مدد سے 243 رنز بنائے، اوپننگ جوڑی نے کیویز کو اچھا آغاز فراہم کیا، مارٹن گپٹل نے 54 گیندوں پر 105 رنز بنائے جن میں 9 چھکے شامل ہیں، کولن منرو نے 33 گیندوں پر 6 چھکوں کی مدد سے 76 رنز مکمل کیے۔

    ہدف کے تعاقب میں آسٹریلوی اوپنرز ڈیوڈ وارنر نے عمدہ آغاز فراہم کیا اور 24 گیندوں پر 59 رنز بنا کر پویلین لوٹے جن میں 5 چھکے شامل ہیں، ایرون فنچ نے 14 گیندوں پر 3 چھکے اور اتنے ہی چوکے لگا کر 36 رنز کی ناقابل شکست اننگز کھیلتے ہوئے 7 گیندیں قبل ہی 244 رنز کا ہدف مکمل کرکے ٹیم کو 5 وکٹوں سے فتح دلا دی۔

    ویرات کوہلی کا ہر ملک میں سنچری بنانے کا اعزاز

    میچ میں ٹی ٹوئنٹی کرکٹ کے سب سے زیادہ چھکوں کا بھی عالمی ریکارڈ برابر ہوگیا جو سال 2016 میں بھارت اور ویسٹ انڈیز کے درمیان بنا تھا جس میں 32 چھکے شامل تھے، اسی طرح سال 2015  کے بڑے ہدف 236 رنز کے تعاقب کا عالمی ریکاڈ بھی ٹوٹ گیا۔

    اس میچ کےدوران کرکٹ فین کی لاٹری بھی لگ گئی،ایک ہاتھ سے شاندار کیچ پکڑ کر 50 ہزار ڈالرز کاجیک پاٹ اپنے نام کرلیا۔

    خیال رہے نیوزی لینڈ کے شہر آکلینڈ میں سہ ملکی ٹی ٹوئنٹی سیریز جاری ہے جس میں میزبان ٹیم نیوزی لینڈ سمیت انگلینڈ اور آسٹریلیا شامل ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔