Tag: matni

  • پشاور: دہشت گرد گرفتار، سر کی قمیت 5لاکھ مقرر تھی

    پشاور: دہشت گرد گرفتار، سر کی قمیت 5لاکھ مقرر تھی

    پشاور :  پولیس نے دہشت گرد کمانڈر کو گرفتار کرلیا، جو بجلی کے ٹاورز کو بموں سے اڑانے کے منصوبوں کا ماسٹر مائنڈ ہے۔

    ملزم  کے سر کی قمیت پانچ لاکھ روپے مقرر تھی۔ تفصیلات کے مطابق محکمہ انسداد دہشت گردی پشاور نے تھانہ شاہ قبول کی حدود میں کارروائی کرتے ہوئے ایک دہشت گرد کمانڈر رشید خان کو گرفتار کیا ہے ۔

    اس کا تعلق درہ آدم خیل سے ہے ۔ مذکورہ ملزم ہلیس کو کئی اہم مقدمات میں مطلوب ہے،ملزم کمانڈر رشید خان متنی میں بجلی کے ٹاور اڑنے کے کئی واقعات میں ملوث ہے۔

    اس کی گرفتاری پر صوبائی حکومت نے پانچ لاکھ روپے انعام بھی مقرر کر رکھا تھا۔ ملزم کا تعلق دہشت گرد تنظیم سے ہے ۔ اسے تفتیش کے لئے نا معلوم مقام پر منتقل کر دیا گیا ہے۔

  • سیکورٹی فورسز کی کارروائی :سانحہ پشاور کا مبینہ ماسٹرمائنڈ ہلاک

    سیکورٹی فورسز کی کارروائی :سانحہ پشاور کا مبینہ ماسٹرمائنڈ ہلاک

    پشاور: سیکورٹی فورسز نے انٹیلی جنس اطلاع پر پشاور کے علاقے متنی میں کارروائی کی،دہشت گردوں کے خلاف کارروائی میں آرمی پبلک اسکول پشاور کا مبینہ ماسٹر مائنڈ عمر منصور نارے بھی مارا جا چکا ہے۔ تاہم اس کی ہلاکت کی باضابطہ تصدیق نہیں کی گئی ہے۔

    دہشت گردوں سے جھڑپ میں زخمی ہونے والے اہلکار نے دورانِ علاج جام شہادت نوش کر لیا۔ متنی میں سیکورٹی فورسز نے مقابلے میں پانچ دہشت گرد ہلاک کیے تھے۔ جن میں آرمی پبلک اسکول پرحملے کے منصوبہ ساز عمر کا بھائی مصطفی عرف منان بھی شامل تھا۔

    مقابلے میں دو جوان زخمی ہوئے تھے۔ جن میں سے ایک آج شہید ہو گیا۔ آئی ایس پی آر نے کارروائی میں پانچ دہشت گردوں کی ہلاکت کی تصدیق بھی کی۔

    عسکری ذرائع کے مطابق دہشت گردوں کے خلاف کارروائی میں آرمی پبلک اسکول پشاور کا مبینہ ماسٹر مائنڈ عمر منصور نارے بھی مارا جا چکا ہے تاہم آئی ایس پی آر کی جانب سے اس کی ہلاکت کی باضابطہ تصدیق نہیں کی گئی ہے۔

    عمر نارے عرف خلیفہ عمر دو ہزار سات میں طالبان میں شامل ہوا تھا۔ وہ ٹی ٹی پی پشاور درہ آدم خیل کا امیر تھا۔ اور آرمی پبلک اسکول پر حملہ کرنیوالے دہشت گردوں کو موبائل فون پر ہدایات دے رہا تھا۔

    سیکورٹی فورسز نے پشاور حملے کے سہولت کار سیار ولد گل نواز کو بھی ہلاک کر دیا ہے۔