معروف سیریز “فرینڈز” کے اداکار میتھیو پیری کو نشہ آور دوا ” کیٹامین “ کی بڑی مقدار فراہم کرنے کے الزام میں دو ڈاکتر سمیت افراد کو گرفتار کر لیا گیا ہے۔
ماضی کے مشہور امریکی ٹی وی شو فرینڈز کے اداکار میتھیو پیری کی پراسرار موت کی تفتیش میں ڈاکٹر سمیت پانچ افرد پر فرد جرم عائد کردی گئی، پانچوں افراد امریکی اداکار کی موت کا سبب بننے والی طاقتور نشے آور دوا ’کیٹامائن‘ کی سپلائی کے مرتکب تھے۔
رائٹرز کے مطابق امریکی اٹارنی جنرل کا کہنا تھا کہ لاس اینجلس میں ’کیٹامائن کوئن‘ کے نام سے شہرت رکھنے والی خاتون اور دو ڈاکٹروں سمیت پانچوں ملزمان ایسے نیٹ ورک کا حصہ تھے جو امریکی اداکار میتھیو پیری سمیت دیگر کئی امریکیوں کو نشہ آور ادویات سپلائی کرتے رہے۔
امریکی ڈرگ انفورسمنٹ کے ایڈمنسٹریٹر کا کہنا تھا کہ پانچوں ملزمان میں سے ہر ایک نے غلط طریقے سے کیٹامائن تجویز کرنے، فروخت کرنے یا انجیکٹ کرنے میں کردار ادا کیا تھا جو اداکار کی موت کا سبب بنا۔
نوے کی دہائی کے مقبول امریکی ٹی وی شو’فرینڈز’کے اداکار میتھیو پیری اکتوبر 2023 میں اپنے گھر میں مردہ حالت میں پائے گئے تھے۔
