Tag: may

ویمنز پلیئر آف دی منتھ نامزدگی، پاکستان کے لئے اچھی خبر

دبئی: انٹرنیشنل کرکٹ کونسل (آئی سی سی ) نے مئی کے لیے ویمنز پلیئر آف دی منتھ کی نامزدگیوں کا اعلان کردیا ہے۔

تفصیلات کے مطابق آئی سی سی کی جانب سے مئی کے لئے ویمنز پلیئر آف دی منتھ کے لیے نامزدگیوں کا اعلان کیا گیا ہے، پاکستان کے لئے اچھی خبر ہے کہ پہلی بار دو کرکٹرز کو نامزدگیاں ملی ہیں۔

قومی ویمنز ٹیم کی کپتان بسمہ معروف اور طوبیٰ حسن پلیئر آف دی منتھ کے لیے نامزد ہوئی ہیں، جبکہ جرسی کی ٹرینیٹی اسمتھ بھی نامزد ہونے والی کرکٹرز میں شامل ہیں۔

یہ بھی پڑھیں: ون ڈے سیریز : سری لنکا ویمن ٹیم نے تیسرے میچ میں پاکستان کو شکست دے دی

پاکستان کی پہلی خواتین کرکٹر قومی ٹیم کی کپتان بسمعہ معروف ہیں، جنہوں نے سری لنکا کے خلاف سیریز میں بیٹنگ میں زبردست پرفارمنس کے ساتھ ٹیم کی جیت میں اہم کردار ادا کیا تھا۔ جبکہ دوسری نامزدگی طوبیٰ حسن کی کی گئیں جنہوں نے سری لنکا کے خلاف اپنے ڈیبیو ٹی ٹوئنٹی میچ میں چار اوورز میں ایک میڈن کراتے ہوئے تین وکٹ حاصل کیں تھیں۔

🇵🇰 An experienced batter
🇵🇰 A brilliant leg-spinner
🇯🇪 A teenage all-rounder

Check out the nominees for the ICC Women’s #POTM for May 2022 👇

— ICC (@ICC) June 6, 2022

آئی سی سی ویمنز پلیئر آف دی منتھ میں تیسری کھلاڑی جرسی کی ترینٹی اسمتھ کو شامل کیا گیا ہے، سترہ سالہ آل راؤنڈر نے بھی گذشتہ ماہ ہی اپنے کیریئر کا آغاز کیا ہے، انہوں نے چار ملکی سیریز میں اپنی ٹیم کی جیت میں اہم کردار ادا کیا اور 136.36 کی اوسط سے 120 رنز بنائے جبکہ بولنگ میں بھی انہوں نے 4 کھلاڑیوں کو آؤٹ کیا۔

جون 6, 2022
یورو زون میں مہنگائی کا نیا ریکارڈ، عوام پریشان

پیرس: یورو زون میں بڑھتی مہنگائی نے نیا ریکارڈ قائم کردیا ہے جس کے باعث یورپی عوام کے لیے کٹھن ہوتے جارہے ہیں۔

غیر ملکی میڈیا رپورٹ کے مطابق روس یوکرین جنگ کے باعث ایندھن اور خوراک کی قیمتیں آسمان کو چھو رہی ہیں اور یورپی عوام کے لیے حالات دن بہ دن مشکل ہوتے جا رہے ہیں۔

رپورٹ کے مطابق یورو زون کے انیس ممالک میں دو ماہ قبل مہنگائی کی شرح 7.4 فیصد تھی جو مئی میں بڑھ کر 8.1 تک پہنچ چکی ہے، یورو زون کی آبادی تقریباً تین سو تینتالیس ملین ہے اور یہ انیس سو ستانوے میں یورو کرنسی کے آغاز کے بعد سے افراط زر میں اب تک کا سب سے بڑا اضافہ ہے۔

رپورٹ میں بتایا گیا کہ یہ سلسلہ کورونا وبا کی وجہ سے سپلائی چین میں خلل کے ساتھ شروع ہوا تھا لیکن اس میں تیزی یوکرین جنگ کے سبب آئی ہے، جنگ کی وجہ سے پیدا ہونے والے عالمی توانائی بحران کے نتیجے میں ایندھن کی قیمتوں میں 39.2 فیصد اضافہ ہو چکا ہے

یہ بھی پڑھیں: امریکا کی روس یوکرین جنگ سے متعلق بڑی پیشگوئی

اسی طرح اشیائے خور و نوش کی قیمتوں میں 7.5 فیصد اضافہ ہوا جبکہ کپڑوں، آلات، کمپیوٹر، کتابوں اور کاروں کی قیمتوں میں 4.2 فیصد اضافہ ریکارڈ کیا گیا، عوامی خدمات کی لاگت میں بھی 3.5 فیصد اضافہ دیکھا گیا۔

جرمن شماریاتی ادارے ڈیسٹاٹیس کی جانب سے شائع کردہ اعداد و شمار کے مطابق صرف ماہ مئی میں جرمنی میں افراط زر کی شرح 7.9 فیصد تک ریکارڈ کی گئی، موجودہ اعداد و شمار سے معلوم ہوتا ہے کہ افراط زر کی موجودہ شرح یورپی سینٹرل بینک ای سی بی کے لگائے گئے اندازوں سے چار گنا زیادہ ہو چکی ہے اور مہنگائی کا سلسلہ تھمنے والا نہیں۔

ادھر یورپی یونین کی جانب سے روس کی دو تہائی تیل کی برآمدات فوری طور پر روکنے کے فیصلے سے مہنگائی میں مزید اضافہ متوقع ہے۔

جون 2, 2022
خواتین کرکٹرز کے لئے بڑی خوشخبری، پی سی بی کا اہم اعلان

لاہور: ویمنز کرکٹ کو فروغ دینے کے لئے پاکستان کرکٹ بورڈ کا احسن اقدام سامنے آیا ہے۔

پاکستان کرکٹ بورڈ کی جانب سے پریس ریلیز کے مطابق پی سی بی نے خواتین کھلاڑیوں کے پول کو وسعت دینے کے لیے تمام کرکٹ ایسوسی ایشنز کے تعاون سے اگلے ماہ ملک بھر میں خواتین کرکٹرز کے ٹرائلز لینے کا اعلان کیا ہے۔

یہ ٹرائلز تین مختلف کیٹیگریز میں لیے جائیں گے، جس میں انڈر نائنٹین، ایمرجنگ اور سینئر خواتین کھلاڑیوں کی کیٹیگریز شامل ہیں، انڈر نائنٹین کٹیگری میں صرف وہ کھلاڑی شامل ہوں گی جو یکم ستمبر دوہزار تین یا اس کے بعد پیدا ہوئیں۔

PCB and CAs to conduct nationwide women trials in May

More details: https://t.co/VYFEiLpdwq #BackOurGirls pic.twitter.com/HMVoAH5lKN

— Pakistan Cricket (@TheRealPCB) April 27, 2022

ایمرجنگ کیٹیگری کے لیے عمر کی حد انیس سے چوبیس سال تک مقرر کی گئی ہے اسی طرح پچیس سے اٹھائیس سال تک کی خواتین کھلاڑی سینیئر کیٹیگری میں ٹرائلز دینے کی اہل ہوں گی۔

https://twitter.com/TheRealPCB/status/1519196989552054272?s=20&t=eqy-wyUWmjYIFZJyeVWkVQ

زیادہ سے زیادہ نئی خواتین کھلاڑیوں کی شرکت کو یقینی بنانے کے لیے پی سی بی نے فیصلہ کیا ہے کہ ریجنل اکیڈمیز کی خواتین کرکٹرز ان ٹرائلز میں شرکت کرنے کی اہل نہیں ہوں گی۔

https://twitter.com/TheRealPCB/status/1519196997382819840?s=20&t=eqy-wyUWmjYIFZJyeVWkVQ

ملک بھر میں منعقدہ ان ٹرائلز کی نگرانی سابق ٹیسٹ اور فرسٹ کلاس کرکٹرز کریں گے جبکہ پی سی بی پہلے ہی اعلان کرچکا ہے کہ ڈومیسٹک سیزن دو ہزار بائیس تئیس میں سو خواتین کرکٹرز شرکت کریں گی۔

https://twitter.com/TheRealPCB/status/1519197005205155840?s=20&t=eqy-wyUWmjYIFZJyeVWkVQ

پی سی بی کے مطابق ملک بھر میں منعقدہ یہ ٹرائلز فروری دو ہزار تئیس میں جنوبی افریقا میں شیڈول آئی سی سی انڈر نائنٹین ٹی ٹونٹی ویمنز ورلڈکپ کی بینچ اسٹرینتھ کی مضبوطی کا بھی سبب بنیں گے۔

https://twitter.com/TheRealPCB/status/1519197020619223040?s=20&t=eqy-wyUWmjYIFZJyeVWkVQ

اس موقع پر ویمنز کرکٹ کی سربراہ تانیہ ملک کا کہنا تھا کہ ملک میں خواتین کی کرکٹ کی ترقی اور فروغ کے لیے ضروری ہے کہ ملک بھر کی نو عمر لڑکیوں اور خواتین تک اس کھیل کی رسائی کو یقینی بنایا جائے۔

اس اقدام سے انہیں باصلاحیت کرکٹرز کی تلاش میں مدد ملے گی، جن کی مکمل تیاری کے لیے انہیں ضروری سہولیات اور باقاعدہ تربیت فراہم کی جائے گی۔

انہوں نے کہا کہ وہ تمام چھ کرکٹ ایسوسی ایشنز کی مشکور ہیں کہ جنہوں نے بورڈ کے شانہ بشانہ کھڑے ہوتے ہوئے اپنی کرکٹ ایسوسی ایشن میں خواتین کرکٹ کی ترقی اور فروغ میں گہری دلچسپی ظاہر کی۔

قومی خواتین کرکٹ ٹیم کی کپتان بسمہ معروف کا کہنا تھا کہ جب انہوں نے کرکٹ کھیلنا شروع کی تھی تو اس وقت اس کھیل میں خواتین کے لیے مناسب مواقع میسر نہیں تھے تاہم پی سی بی کے اس اقدام سے اب یہ کھیل ہر خواہشمند خاتون کرکٹر کی رسائی میں ہوگا جو یقیناً ملک میں خواتین کرکٹ کی ترقی کا سبب بنے گا۔

اپریل 27, 2022
ٹرمپ نے ٹیکنیکل کمپنیوں پر فرانسیسی ٹیکس کی تحقیقات کا حکم دے دیا

واشنگٹن : امریکی صدر ڈونلڈ ٹرمپ نے ٹیکنیکل کمپنیوں پر فرانس کے پلانٹ ٹیکس کی تحقیقات کا حکم دے دیا، ٹرمپ نے کہا ہے کہ ’ہم نے فرانس میں قانون سازی کے اثرات کی تحقیقات کی ہدایت کی ہے۔

میڈیارپورٹس کے مطابق امریکی تجارتی نمائندے کا کہنا تھا کہفرانسیسی سینیٹ سے ٹیکس بل منظور ہونے کے بعد ڈیجیٹل سروس ٹیکس امریکی کمپنیوں کا اہداف ہے،لہٰذایہ نیا قانون شبِ خون مارنے کے مترادف ہو سکتا ہے۔

ٹرمپ نے کہا کہ ہم نے ہدایت کی ہے کہ ہم اس قانون سازی کے اثرات کی تحقیقات کریں اور اس بات کا تعین کریں کہ آیا وہ غیر ملکی یا غیر ذمہ دار ہے اور ریاست ہائے متحدہ کے تجارت کو محدود کر دیتا ہے۔

اسی سلسلے میں میئر نے کہا کہ ٹیکس 30 سے زائد کمپنیوں، زیادہ تر امریکی بلکہ چینی، جرمن، ہسپانوی اور برطانوی اور ایک فرانسیسی فرم اور فرانسیسی کمپنیوں کو ہدف بنایاگیا ہے جنہیں غیر ملکی کمپنیوں کی طرف سے خریدا گیا ہے۔

غیر ملکی خبر رساں ادارے کا کہنا تھا کہ ٹیکس کی کل سالانہ آمدنی کم سے کم 750 ملین یورو کمپنیوں کو متاثر کرے گی اور ڈیجیٹل کاروباری اداروں سمیت آن لائن ایڈورٹائزنگ پر لاگو ہوگی۔

جولائی 12, 2019
مئی کے تیسرے ہفتے میں مہنگائی کی شرح میں اضافہ

اسلام آباد: مالی سال 19-2018 کے گیارہویں ماہ (مئی) کے تیسرے ہفتے میں مہنگائی کی شرح میں 0.33 فیصد اضافہ ریکارڈ کیا گیا۔

تفصیلات کے مطابق مالی سال 19-2018 کے گیارہویں ماہ (مئی) کے تیسرے ہفتے میں مہنگائی کی شرح میں 0.33 فیصد اضافہ ریکارڈ کیا گیا جبکہ کم آمدنی والے طبقے کے لیے قیمتوں کے حساس اشاریے میں 0.38 فیصد اضافہ ریکار ڈ کیا گیا۔

پاکستان بیورو شماریات کے اعداد و شمار کے مطابق 23 مئی کو ختم ہونے والے ہفتے کے دوران گندم، آٹا، روٹی سادہ، کیلے، ٹماٹر، پیاز، دال مونگ، دال ماش، خوردنی تیل، انڈے، گڑ، بیف، مٹن، باسمتی چاول، اری چاول، آلو اور ویجی ٹیبل گھی سمیت 18 اشیائے ضروریہ کی قیمتوں میں اضافہ ہوا۔

دوسری جانب زندہ مرغی، دال مسور، چنے کی دال، ایل پی جی، چینی، لہسن، سمیت 6 اشیائے ضروریہ کی قیمتوں میں کمی ریکارڈ کی گئی۔

ادارہ شماریات کے مطابق پیٹرول، ہائی اسپیڈ ڈیزل، مٹی کا تیل، گیس نرخ، بجلی کے نرخ، چائے، سرخ مرچ، مسٹرڈ آئل، ملک پاؤڈر، نمک، سگریٹ، تازہ دودھ، دہی اور صابن سمیت 29 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتے کے مقابلے میں 8 ہزار تا 12 ہزار آمدنی، 12 ہزار تا 18 ہزار آمدنی، 18 ہزار تا 35 ہزار تک اور 35 ہزار روپے سے زائد آمدنی والے افراد کے گروہوں کے لیے قیمتوں کے حساس اعشاریے میں بالترتیب 0.36، 0.36، 0.33، 0.29 فیصد اضافہ ریکارڈ کیا گیا۔

مئی 28, 2019
وزیر اعظم تھریسامے جون میں مستعفی ہو سکتی ہیں، چیئرمین کنزرویٹو کمیٹی

لندن : برطانوی سیاست دان گراہم بریڈی کا کہنا ہے کہ برطانوی وزیر اعظم اس ڈیل کی منظوری کی صورت میں پہلے ہی اپنا منصب چھوڑنے کا عندیہ دے چکی ہیں۔

تفصیلات کے مطابق برطانیہ کی طاقت ور کنزرویٹو کمیٹی کے چیئرمین گراہم بریڈی کے مطابق برطانوی وزیر اعظم ٹریزا مے جون میں وزارت عظمیٰ چھوڑ دینے کی تاریخ کا اعلان کر سکتی ہیں۔

غیرملکی خبررساں ادارے سے بات چیت کرتے ہوئے بریڈی نے کہاکہ مے اس وقت بریگزٹ ڈیل منظور کروانے کی کوششوں میں ہیں۔ برطانوی وزیر اعظم اس ڈیل کی منظوری کی صورت میں پہلے ہی اپنا منصب چھوڑنے کا عندیہ دے چکی ہیں۔

گراہم بریڈی نے یہ بھی کہا کہ مے کا پختہ عزم ہے کہ برطانیہ یورپی یونین کو خیرباد کہہ دے۔ برطانوی پارلیمنٹ میں بریگزٹ ڈیل پر بحث تین جون سے شروع ہونے والے سیشن میں کی جائے گی۔ بریڈی 1922 کمیٹی کے سربراہ ہیں، جو کسی بھی لیڈر کو منصب چھوڑنے کے لیے مجبور کر سکتی ہے۔

مزید پڑھیں : کنزرویٹیوپارٹی کی کانفرنس بدمزگی کا شکار، تھریسامے سے استعفے کا مطالبہ

یاد رہے کہ رواں ماہ کے آغاز میں برطانیہ کی کاؤنٹی ویلز میں کنزرویٹیوپارٹی کی جانب سے کانفرنس منعقد کی گئی، کانفرس کےشرکاء نے وزیراعظم تھریسامے پرکڑی تنقید کرتے ہوئے ان سے مستعفٰی ہونے کا مطالبہ کردیا تھا۔

غیر ملکی خبر رساں ادارے کے مطابق برطانوی وزیراعظم تھریسا مے خطاب کرنے جیسے ہی اسٹیج پر آئیں تو ایک شخص نے کھڑے ہوکر بلدیاتی انتخابات میں شکست کا ذمہ دار انہیں ٹھرایا تھا۔

کانفرنس کے شرکا نے وزیراعظم کو مخاطب کرتے ہوئے کہا آپ استعفیٰ کیوں نہیں دیتیں ؟ ہم آپ کو اقتدار میں دیکھنا نہیں چاہتے۔

مئی 18, 2019
مذہبی تعصب کا بڑھتا ہوا رجحان، برطانوی رکن پارلیمنٹ کا تھریسامے سے اہم سوال

لندن: برطانوی رکن پارلیمنٹ افضل خان نے مذہبی تعصب کے بڑھتے ہوئے رجحان کے سبب ملکی وزیراعظم تھریسامے سے اہم سوال کردیا۔

تفصیلات کے مطابق برطانیہ سمیت کئی یورپی ممالک میں مذہبی منافرت اور نسلی تعصب مزید پروان چڑھ رہا ہے، مسلمان ہونے کے سبب کئی بار شہری تشدد کانشانہ بنے۔

افضل خان نے پارلیمنٹ میں برطانوی وزیراعظم تھریسامے سے سوال کیا کہ تمام بڑی سیاسی جماعتیں اسلاموفوبیا کی تشریح پر متفق ہیں، آخر حکومتی جماعت کب اسلاموفوبیا کو مسئلہ تسلیم کرکے اس کی تشریح پر متفق ہوگی؟

سوال کے جواب میں تھریسامے کا کہنا تھا کہ ہم اسلاموفوبیا کو سنجیدگی سے لیتے ہیں، تعصب اور امتیازی سلوک کے واقعات پر کارروائی کی جارہی ہے۔

خیال رہے کہ گذشتہ دنوں برطانوی وزیر سیکورٹی نے برطانیہ میں بھی مسلمانوں پر کرائسٹ چرچ کے طرز پر حملوں کے خطرے کا انکشاف کرتے ہوئے کہا تھا کہ حکومت عبادت گاہوں کے تحفظ کے سلسلے میں نئے فنڈز مختص کرنے کے بارے میں سوچ رہی ہے، بعد ازاں برطانوی حکومت نے ملک میں عبادت گاہوں کی سیکورٹی کے لیے فنڈنگ بڑھانے کا اعلان کیا۔

برطانیہ چھوڑ دو، مانچسٹر کی جامع مسجد میں انتہا پسند کی کال

واضح رہے کہ کرائسٹ چرچ واقعے کے بعد برطانیہ کی سرے اور سسکیس کاؤنٹی میں بھی پولیس کی جانب سے مساجد کی حفاظت کو یقینی بنانے کے لیے اقدامات اٹھائے گئے۔

مارچ 28, 2019
تھریسامے کی حکومت کو پارلیمنٹ میں ایک اور شکست

لندن: برطانوی حکومت کو پارلیمنٹ میں ایک اور شکست کا سامنا کرنا پڑا، بریگزٹ ڈیل سے متعلق حکومت کی پیش کی گئی ایک اور قرارداد مسترد کردی گئی۔

تفصیلات کے مطابق یورپی یونین سے انخلا پر برطانیہ میں سیاسی بحران بدستور برقرار ہے، بریگزٹ ڈیل پر وزیراعظم تھریسامے کو ایک اور شکست اٹھانی پڑی۔

غیر ملکی خبر رساں ادارے کا کہنا ہے کہ ارکان پارلیمنٹ کی اکثریت نے بریگزیٹ ڈیل معاہدے میں تبدیلیوں کی قرارداد نامنظور کردی، قرارداد کے خلاف تین 303 اور حق میں 258 ووٹ ڈالے گئے۔

وزیراعظم تھریسامے نے یورپی یونین ممالک کو یقین دلایا کہ وہ پارلیمنٹ سے بریگزٹ ڈیل منظور کرانے میں کامیاب ہوجائیں گی۔

برطانیہ کو 29 مارچ کو یورپی یونین سے علیحدگی اختیار کرنا ہے تاہم اب تک برطانیہ میں یورپی یونین سے کیے جانے والے معاہدے پر اتفاق نہیں ہوسکا ہے۔

تھریسامے اور اپوزیشن لیڈر کے درمیان بریگزٹ سے متعلق رابطے تیز ہوگئے

دوسری جانب برطانوی وزیر اعظم تھریسامے ہاؤس آف بریگزٹ معاہدے کے مسودے میں تبدیلی پر یورپی یونین رہنماؤں کی منظوری کے لیے کوشاں ہیں جبکہ یورپی یونین معاہدے کے مسودے میں بیک اسٹاپ سمیت کسی بھی تبدیلی سے انکاری ہے۔

خیال رہے کہ بیک اسٹاپ (اوپن بارڈر) ایک معاہدہ ہے جس کے تحت شمالی آئرلینڈ اور جمہویہ آئرلینڈ کے درمیان سرحدی باڑ اور کسٹمز چیک پوسٹیں قائم کرنے سے گریز کیا گیا ہے۔

واضح رہے کہ برطانیہ اور یورپی یونین کے درمیان بریگزٹ ڈیل پر دسمبر 2017 میں دستخط ہوئے تھے لیکن اس کے بعد سے اب تک معاہدے پر عمل درآمد نہیں ہوسکا ہے۔

فروری 16, 2019
مالی سال کا بجٹ مئی2019میں پیش کیے جانے کا امکان, سرکلر جاری

اسلام آباد : آئندہ مالی سال کا بجٹ مئی2019میں پیش کیے جانے کا امکان ہے، وزارت خزانہ نے بجٹ2019- 20 کا سرکلر جاری کردیا۔

تفصیلات کے مطابق وفاقی حکومت نے آئندہ مالی سال کا بجٹ پیش کرنے کا فیصلہ کیا ہے یہ بجٹ مئی2019میں پیش کیے جانے لکا امکان ہے۔

اس حوالے سے سرکلر جاری کردیا گیا ہے جس میں کہا گیا ہے کہ وزارتیں بجٹ کی تیاری کیلئے مشاورت30جنوری2019تک مکمل کریں، بجٹ حکمت عملی کی تیاری یکم فروری تک مکمل کی جائےگی۔

سرکلر میں مزید کہا گیا ہے کہ وزارتیں اور محکمے14مارچ تک ترقیاتی بجٹ کی تفصیلات فراہم کریں گے، وزارتیں اور محکمے22مارچ تک آئندہ مالی سال کےبجٹ کے مطالبات بھیجیں، بجٹ ترجیحات کے لئے کمیٹی کا اجلاس اپریل کے پہلے ہفتے میں ہوگا۔

سرکلر کے مطابق بجٹ کیلئے سالانہ منصوبہ بندی کمیٹی اپریل کے وسط میں بلائی جائے گی، آئندہ بجٹ مئی میں کابینہ کو پیش کیا جائے، پارلیمنٹ کو بھیجا جائے گا۔

دسمبر 21, 2018
دوبارہ ریفرنڈم برطانوی عوام کے ’ایمان‘ کو نقصان کو پہنچائے گا، تھریسامے

لندن : برطانوی وزیر اعظم تھریسامے نے اراکین پارلیمنٹ کو خبردار کیا کہ یورپی یونین سے علیحدگی کےلیے دوبارہ ریفرنڈم ’برطانوی عوام کے ایمان کو نقصان پہنچائے گا‘۔

تفصیلات کے مطابق برطانوی عوام نے سنہ 2016 میں ریفرنڈم کے ذریعے 2019 مارچ میں یورپی یونین سے علیحدگی کا فیصلہ کیا تھا، لیکن یورپی یونین کی جانب سے معاہدے پر منظوری کے باوجود تھریسامے کا بریگزٹ معاہدے کا مسودہ تاحال برطانوی پارلیمنٹ سے منظور نہیں ہوسکا ہے۔

مقامی میڈیا کا کہنا ہے کہ سابق برطانوی وزرائے اعظم جان میجر اور ٹوبی بلیئر کی جانب زور دیا جارہا ہے کہ اگر ایم پیز معاہدے کو آگے بڑھانے کےلیے راضی نہیں ہوتے تو دوبارہ ریفرنڈم کروایا جائے۔

برطانوی خبر رساں ادارے کے مطابق تھریسامے نے دلیل دیتے ہوئے کہا کہ دوبارہ ریفرنڈم ’ہماری سیاست کو ناقابل تلافی نقصان پہنچائے گا‘ اور ’آگے بڑھنے کا کوئی دوسرا راستہ نہیں بچے گا‘۔

مقامی خبر رساں ادارے کا کہنا تھا کہ بریگزٹ معاہدے پر 11 دسمبر کو پارلیمنٹ میں بریگزٹ معاہدے پر ووٹنگ کی جانے تھی جسے برطانوی وزیراعطم تھریسامے نے ملتوی کردیا تھا، برطانوی وزیر اعظم نے اعتراف کیا کہ معاہدے بڑے پیمانے پر مسترد کردیا جاتا۔

مزید پڑھیں : ٹونی بلیئر دوبارہ ریفرنڈم کے ذریعے بریگزٹ کو نقصان پہچانا چاہتے ہیں، تھریسامے کا الزام

یاد رہے کہ گذشتہ روز برطانوی وزیر اعظم ھریسامے نے سابق برطانوی وزیر اعظم ٹونی بلیئر پر الزام عائد کیا تھا کہ ٹونی بلیئر دوبارہ ریفرنڈم کا مطالبہ کرکے معاہدے کو نقصان پہنچانا چاہتے ہیں۔

برطانوی وزیر اعظم تھریسامے نے کہا کہ ٹونی بلیئر کے ردعمل نے اس آفس کی توہین کی ہے جس میں وہ بحیثیت وزیر اعظم کام کرتے تھے۔

ان کا کہنا تھا کہ اراکین پارلیمنٹ بھی بریگزٹ معاہدے پر دوبارہ ریفرنڈم کروا کر اپنی ذمہ داروں سے بری از ذمہ نہیں ہوسکتے۔

دوسری جانب سابق برطانوی وزیر اعظم نے کہا تھا کہ اراکین پارلیمنٹ کے پاس دوبارہ ووٹنگ کے علاوہ کوئی دوسرا اختیار نہیں۔

مزید پڑھیں : برطانوی وزیراعظم کے خلاف تحریک عدم اعتماد منظور

خیال رہے کہ گذشتہ شب برطانوی وزیر اعظم کے خلاف تحریک عدم اعتماد کے تحت ہونے والی ووٹنگ میں تھریسامے نے 200 ووٹ حاصل کیے جبکہ مخالفت میں 117 ووٹ پڑے تھے جس کے باعث تحریک ناکام ہوگئی تھی۔

دسمبر 17, 2018