Tag: mayor

کراچی: میئرکراچی وسیم اختر نے شکوہ کیا ہے کہ ہمارے پاس کرونا کے ٹیسٹنگ کٹس نہیں ہیں، نجی اسپتالوں سے مانگ کر گزارا کررہے ہیں، سندھ حکومت سب کو ایک پیج پر لائے۔

تفصیلات کے مطابق ماسٹرموٹرز نے کے ایم سی کو جدید آلات سے لیس ایمبولنس عطیہ کیا۔ اس موقع پر میئرکراچی وسیم اختر کا کہنا تھا کہ حکومت سندھ سب کو ایک پیج پر لا کر کرونا سے بچاؤ کا کام کرے۔

انہوں نے کہا کہ ادھار لے کر عباسی شہید اسپتال کے لیے آکسیجن سلینڈرز منگوائے، ہمارے پاس ٹیسٹ کٹس نہیں ہیں، نجی اسپتالوں سے مانگی ہیں، کراچی میں راشن کی تقسیم غلط ہورہی ہے۔

وزیراعلیٰ بلوچستان نے 7سال سے بند بینظیر بھٹو اسپتال کا افتتاح کردیا

خیال ہے کہ کرونا کے خلاف جنگ میں تمام صوبائی حکومتیں اپنا حصہ ڈال رہی ہیں۔

ادھر وزیراعلیٰ نے بلوچستان کے دارالحکومت کوئٹہ میں قائم بینظیربھٹو اسپتال غوث آباد کا افتتاح کردیا، مذکورہ اسپتال گزشتہ سات سال سے بند تھا، جلد سرگرمیاں بحال ہوں گی۔

افتتاح کے بعد میڈیا سے گفتگو کرتے ہوئے جام کمال کا کہنا تھا کہ 50بیڈ اسپتال کو ضرورت پڑنے پر قرنطینہ کے لیے استعمال میں لائیں گے، بینظیر بھٹو وفاقی حکومت کے فنڈ سے تعمیر کیا گیا۔

کراچی: شہرقائد کے میئر وسیم اختر فیملی کے ہمراہ نجی دورے پر امریکا روانہ ہوگئے۔

تفصیلات کے مطابق میئر وسیم اختر آئندہ ہفتے امریکا سے واپس آئیں گے۔ ان کی غیر موجودگی میں ڈپٹی مئیر کراچی ارشد حسن قائم مقام مئیر کراچی کے فرائض انجام دیں گے۔

میئر کراچی گزشتہ سال جولائی میں بھی امریکا گئے تھے۔ اس مرتبہ وہ خاندان کے ہمراہ گئے ہیں۔

خیال رہے کہ میئرکراچی سمیت دیگر ایم کیو ایم رہنما وفاقی حکومت سے ناراض ہیں۔ 12 جنوری کو ڈاکٹر خالد مقبول صدیقی کی جانب سے استعفی کا اعلان کیا گیا تھا، جس کے دوسرے ہی روز 13 جنوری کو وفاقی وزیر اسد عمر ایم کیو ایم پاکستان کو منانے بہادرآباد گئے تھے تاہم ڈاکٹر خالد مقبول صدیقی نے اپنا فیصلہ واپس لینے سے صاف انکار کردیا تھا اور پھر 16 جنوری کو اپنا استعفی بھی وزیر اعظم عمران خان کو ارسال کردیا تھا۔

ذرائع کے مطابق ایم کیو ایم کا واضح موقف ہے کہ جب تک شہری سندھ کے مسائل حل نہیں ہوتے اور معاہدوں پر عمل نہیں ہوتا تو بات چیت اگے نہیں بڑھ سکتی۔

بعد ازاں پی ٹی آئی رہنما جہانگیر ترین ناراض ایم کیو ایم رہنماؤں کو منانے کراچی پہنچے تھے۔